បើនិយាយពីថៅកែស្រីនៃហាងគ្រឿងអលង្ការដែលមានសម្រស់ស្រស់ស្អាតនៅស្រុកខ្មែរ គេពិតជាមិនអាចរំលងបានទេពីភរិយាឧកញ៉ា ឌី ជោត គឺលោកស្រី លាង ធារ៉ា។ មិនថាការតុបតែងខ្លួនប្រភេទណា ក៏តុបតែងមកចេញស្អាតគ្មានចន្លោះ។
Million Times 
ស្រ្តីអ្នកជំនួញរូបនេះ មានភាពប៉ិនប្រសព្វខ្លាំង ក្នុងការរកស៊ី ហើយក៏កាន់តែអស្ចារ្យក្នុងការរៀបចំខ្លួនឲ្យសមនឹងឋានៈ មុខមាត់ក្នុងសង្គម ព្រមទាំងតួនាទី។ ថ្មីៗនេះដែរលោកស្រីបានគ្រងឈុតប្រពៃណីខ្មែរបុរាណ ដែលដូនតាបានបន្សល់ទុក គឺឈុតស្បៃ លើទឹកដីអច្ឆរិយអង្គរ។
លោកស្រី បានចូលរួមក្នុងការថែរក្សាមរតកដូនតា ដោយបានតុបតែងខ្លួនក្នុងឈុតស្បៃ ដើម្បីឲ្យទាន់ trending។ នោះមិនត្រឹមតែជួយដល់សង្គមជាតិ និងសេដ្ឋកិច្ចក្នុងតំបន់ តែលោកស្រីក៏ចូលរួមក្នុងធ្វើឲ្យឈុតដ៏មានតម្លៃមួយនេះ កាន់តែមានកេរ្តិ៍ឈ្មោះល្បាញល្បី។
បើនិយាយពីរូបសម្រស់របស់ថៅកែ ធីអែនអិល គ្រឿងអលង្ការ ពិតជាស្រស់ស្អាត និងត្រូវបានគេសរសើរថាដូចកូនក្រមុំទើបនឹងរៀបការអ៊ីចឹង។ ទោះជាមានកូនប្រុសស្រី ៣ នាក់ហើយក៏ដោយ ក៏រូបសម្រស់ រាងរៅនៅតែស្អាតគ្មានប្រែ ជាពិសេសក្នុងឈុតខ្មែរល្អល្អះមួយនេះ។
គួរបញ្ជាក់ផងដែរថា លោកស្រី លាង ធារ៉ា ជាម្ចាស់ក្រុមហ៊ុន Theara Leang Co.,Ltd ដែលមានរូបសម្រស់ស្រស់ស្អាត ឆ្លាត ហើយពូកែធ្វើទីផ្សារផលិតផលដោយខ្លួនឯង មិនថាផលិតផលថែរក្សាសម្រស់ និងគ្រឿងអលង្ការឡើយ៕
អត្ថបទ៖ឆដា, រូបភាព៖ Theara Leang
