រូបថត Pre-wedding របស់ CEO វ័យក្មេង គួច វរ្ម័ន និងអ្នកនាង ឈុនប៊ុនថា អេលីហ្សា លើទឹកដីអង្គរខេត្តសៀមរាប ក្នុងឈុតប្រពៃណីខ្មែរ ត្រូវបានផ្ទុះកក្រើក ដោយសារតែប្លង់១នៅស្រះស្រង់ ប្រៀបដូចនៅលើឋានសួគ៌ពិតៗ។
Million Times 
ពោលគឺស្នេហ៍អភិជនទាំង២ បានជ្រើសរើសថតនៅពេលវេលាល្អ គ្មានខ្យល់ គ្មានភ្លៀង និងមេឃបើកថ្ងៃស្រឡះល្អ ធ្វើឲ្យពពកលើមេឃចាំងឆ្លុះជាមួយទឹកថ្លាដូចកញ្ចក់នៅស្រះស្រង់មានសភាពស្ងប់ ដូចកំពុងនៅលើឋានសួគ៌ ហើយពពកនៅខាងក្រោម អមដោយកន្លែងឈរទៀតសោតនោះ គឺមានចម្លាក់បង្កាន់ដៃនាគបុរាណ មើលយ៉ាងណាក៏មិនជិនណាយ។
ក្រោយវីដេអូ និងរូបភាពបង្ហោះលើបណ្ដាញសង្គមប្រមាណ ១ សប្ដាហ៍មកនេះ ភ្ញៀវទេសចរពិតជាចាប់អារម្មណ៍ និងនាំគ្នាទៅលេងរមណីយដ្ឋានប្រវត្តិសាស្ត្រមួយនោះ និងបង្កើតបានជា trend ថ្មីលើទឹកដីដូនតាខ្មែរ។
រូបភាព Pre-wedding ដ៏ស្រស់ស្អាតរបស់នាយកប្រតិបត្តិរបស់ក្រុមហ៊ុន Future Focus Solutions & Pharma Co.,Ltd និងភរិយា គឺអ្នកនាង ឈុនប៊ុនថា អេលីហ្សា ម្ចាស់ហាង Nori PP និង Savoir Cafe SG ធ្វើឲ្យគូស្នេហ៍ជាច្រើន បានសម្រុកទៅថតតាមដែរ។ នេះជាការរួមចំណែកទាក់ទាញដល់ភ្ញៀវ លេងនៅខេត្តសៀមរាប ហើយក៏បានជួលផ្នែកសម្លៀកបំពាក់បុរាណស្លៀកពាក់ ជួយដល់សេដ្ឋកិច្ចក្នុងតំបន់ផងដែរ។
គួរបញ្ជាក់ថា គូស្វាមីភរិយាដ៏ល្បី បានរៀបមង្គលការយ៉ាងស្ងប់ស្ងាត់លើទឹកដីនៃ ប្រទេសអ៊ីតាលីម្ដងរួចមកហើយ ដោយមានតែសាច់ញាតិ និងមនុស្សជិតស្និទ្ធចូលរួមតែប៉ុណ្ណោះ៕
អត្ថបទ៖ ឆដា, រូបភាព៖ The ring wedding cambodia និង សយ សំអាងការ
