អ្នកនាង តាំង ប៉ោហ្គិច ដែលជាមិត្តភ័ក្ដិនៃកូនក្រមុំ ឈុនប៊ុនថា អេលីហ្សា និង CEO គួច វរ្ម័ន បន្តចូលរួមថ្ងៃសិរីមង្គលទាំងនៅអ៊ីតាលី និងនៅកម្មវិធីប្រពៃណីខ្មែរ ដែលចូលរោងការតាំងពីម្សិលមិញ និងថ្ងៃនេះផ្ទាល់។
Million Times 
Jade និងស្វាមីបានចូលរួមតាំងពីថ្ងៃចូលរោងរហូតមកដល់កម្មវិធីព្រឹកនេះមានហែជំនូន និងពិធីប្រពៃណីដទៃច្រើនទៀត។ កូនប្រសាស្រីនៃអគ្គនាយិកាក្រុមប្រឹក្សាភិបាលនៃក្រុមហ៊ុន ហនុមាន ប៊ែវើរីជីស នៅតែបង្ហាញខ្លួនក្នុងនាមជានារីអភិជនជាន់ខ្ពស់មិនដែលផ្លាស់ប្ដូរ។
កាលពីល្ងាចថ្ងៃ ៥ ខែវិច្ឆិកា ឆ្នាំ ២០២៦ អ្នកនាង តាំង ប៉ោហ្គិច ហៅ Jade បានប្រើប្រាស់ឈុតប្រពៃណីសំពត់ផាមួងបត់ពណ៌ទឹកប៉ិច រួមជាមួយកាបូបដៃ Hermès ដែលជាប្រេនសំណព្វចិត្តរបស់ស្រ្តីអ្នកមានរូបនេះ។
មកដល់ព្រឹកកម្មវិធីថ្ងៃ ៦ ខែវិច្ឆិកា ឆ្នាំ ២០២៦ នេះពណ៌ស្វាយ ជាមួយកាបូបដៃយីហោស៊ីវិល័យដដែល ដោយពណ៌ស៊ីនឹងឈុតខុសពីកាបូបពេលល្ងាច។ គ្រឿងអលង្ការវិញ Jade ក៏ពូកែក្នុងការរើសម៉ូដសមគ្នាជាមួយសម្លៀកបំពាក់ ព្រមទាំងរូបសម្រស់តែម្ដង។
គួរបញ្ជាក់ថា អ្នកនាង តាំង ប៉ោហ្គិច និងស្វាមី គឺលោក ផន មុតសុក្រឆពណ្ណ ជាភ្ញៀវពិសេសក្នុងចំណោមមនុស្សសំខាន់ ចូលរួមមង្គលការរបស់ CEO គួច វរ្ម័ន ហៅ Cameron និងអ្នកនាង ឈុនប៊ុនថា អេលីហ្សា នៅបឹង Como ប្រទេសអ៊ីតាលីម្ដងរួចមកហើយ កាលពីអំឡុងចុងខែកញ្ញា ឆ្នាំ ២០២៦ កន្លងទៅ៕
អត្ថបទ៖ ឆដា, រូបភាព៖ NaThib Makeup Artist, Sun Reaksmey Meng និង tangporgech
