អគ្គនាយិកាក្រុមហ៊ុន ប៉េងហួត គ្រុប គឺលោកស្រី ហុង ដានី កាលពីពេលថ្មីៗបានបង្ហាញខ្លួនក្នុងកម្មវិធីមួយ របស់ក្រុមហ៊ុនខ្លួន ហើយម្ដងនេះគេសង្កេតឃើញថាអ្នកជំនួញស្រ្តីរូបនោះ កាន់តែស្រស់ស្អាត។
Million Times 
លោកស្រី ដានី នៅថ្ងៃសន្និសីទសារព័ត៌មាននៃយុទ្ធនាការសប្បុរសធម៌ «ភ្នែកល្អ ជីវិតល្អ» កាលពីម្សិលមិញថ្ងៃ ២៨ខែកញ្ញា ឆ្នាំ ២០២៦ បានទាក់ទាញក្រសែភ្នែកអ្នកចូលរួម ដោយសារភាពទន់ភ្លន់ និងរួសរាយរាក់ទាក់។
ប៉េង ហួត គ្រុប ជាមួយនឹងការប្តេជ្ញាចូលរួមលើកកម្ពស់សុខុមាលភាព និងគុណភាពជីវិតរបស់កុមារកម្ពុជា បានសហការរៀបចំសន្និសីទសារព័ត៌មាននៃយុទ្ធនាការសប្បុរសធម៌ «ភ្នែកល្អ ជីវិតល្អ» និងចូលរួមបរិច្ចាគថវិកា ៥ ម៉ឺនដុល្លារជូនមន្ទីរពេទ្យកុមារអង្គរ។
បង្ហាញវត្តមានថ្មីៗនេះ ភរិយាអ្នកឧកញ៉ា ថៃ ជាហួត នាយកក្រុមហ៊ុន បុរី ប៉េង ហួត គ្រុប មកជាមួយម៉ូដសក់ខ្លីក្ដោបក មើលទៅកាន់តែស្រស់ស្អាត និងក្មេងវ័យ។ លោកស្រីចូលចិត្តកាត់សក់ម៉ូដខ្លីនេះខ្លាំងណាស់ ស៊ីនឹងទម្រង់មុខ ពិសេសជួយលើកសម្រស់បានថែមមួយកម្រិតទៀត។
ទោះស្ថិតក្នុងសម្លៀកបំពាក់ធម្មតា តែមិនអាចបិទបាំងពីភាពស្រស់ស្អាតបានឡើយ ដោយលោកស្រីភរិយាសេដ្ឋី ថៃ ជាហួត នៅតែលេចធ្លោ និងអ្នកចូលរួមកោតសរសើរគ្រប់គ្នា។
គួរបញ្ជាក់ផងដែរថា យុទ្ធនាការនោះនឹងប្រព្រឹត្តទៅចាប់ពីថ្ងៃ ២៨ ខែកញ្ញា ដល់ថ្ងៃ ២៣ ខែតុលា ឆ្នាំ ២០២៦ ក្នុងគោលបំណងកៀរគរថវិកាសប្បុរសធម៌ ដើម្បីពង្រឹងប្រតិបត្តិការរបស់មន្ទីរពេទ្យ ព្រមទាំងគាំទ្រដល់ការសាងសង់ មជ្ឈមណ្ឌលចក្ខុរោគ ដែលនឹងក្លាយជាក្តីសង្ឃឹមថ្មី សម្រាប់កុមាររាប់ម៉ឺននាក់នៅទូទាំងប្រទេស៕
អត្ថបទ៖ ឆដា, រូបភាព៖ Peng Huoth Group
