កាលពីពេលថ្មីៗនេះ CEO វ័យក្មេង គួច វរ្ម័ន ឬមានឈ្មោះក្រៅ Cameron ដែលមហាជនស្គាល់ថាជានាយកប្រតិបត្តិរបស់ក្រុមហ៊ុន Future Focus Solutions & Pharma Co.,Ltd ក្រុមហ៊ុនផ្គត់ផ្គង់សម្ភារពេទ្យ និងផលិតផលឱសថ កាលពីសប្ដាហ៍មុន បានដឹកដៃភរិយា ឈុនប៊ុនថា អេលីហ្សា ទៅរៀបការនៅបឹង Como ដ៏ល្បី នាទឹកដីប្រទេសអ៊ីតាលី។
Million Times 
កូនក្រមុំ និងកូនកំលោះ បានរៀបចំកម្មវិធីដ៏អស្ចារ្យ និងមានការចូលរួមពីសំណាក់ភ្ញៀវជាមិត្តសម្លាញ់ និងគ្រួសារតិចតួចប៉ុណ្ណោះ តែបរិយាកាសពោរពេញដោយភាពរីករាយ និងកក់ក្ដៅ ដោយសារការកម្មវិធី ទីតាំង និងការរៀបចំយ៉ាងពិសេស ហើយសម្រិតសម្រាំងបំផុត។
មុនមង្គលការ ក៏មានការជួបជុំសប្បាយដែរ ដោយកូនកំលោះ និងកូនក្រមុំ បានរៀបចំខ្លួនយ៉ាងស្រស់ស្អាត និងរៀបរយបំផុត។ សម្រាប់ឈុតកូនក្រមុំវិញ ឃើញថាស្រស់ស្អាត និងជារ៉ូបប្រេនល្បីៗ។
វីដេអូ និងរូបភាពជាច្រើនរបស់កូនក្រមុំ លើបឹង Como ទទួលបានការកោតសរសើរខ្លាំង ទាំងនៅប្រទេសកម្ពុជា ក៏ដូចជានៅបរទេស។ អ្នកចូលរួមបញ្ចេញមតិយោបល់ សរសើរពីភាពរ៉ូមែនទិក និងរូបសម្រស់ដ៏ស្រស់ស្អាតនៃកូនក្រមុំជាពិសេស ការរៀបចំទទួលភ្ញៀវតែ ៤០ នាក់។
កម្មវិធីជាច្រើនដែល CEO វ័យក្មេង គួច វរ្ម័ន និងភរិយារៀបចំឡើង ពិតជាគួរឲ្យចាប់អារម្មណ៍ និងទាក់ទាញខ្លាំង។ គួរបញ្ជាក់ថា កូនក្រមុំ ជាអ្នកជំនួញដ៏ពូកែម្នាក់ដែរ គឺម្ចាស់ហាង Nori PP & Savoir Cafe SG៕
អត្ថបទ៖ ឆដា, រូបភាព៖ thestudiocomo និង wow.wedding
