កាលពីម្សិលមិញថ្ងៃ ១៤ ខែវិច្ឆិកា ឆ្នាំ ២០២៦ ប្រធានាធិបតីបារាំង លោក អេម៉ានុយអែល ម៉ាក្រុង បានមកដល់ប្រទេសកម្ពុជា ដើម្បី ចូលរួមកិច្ចប្រជុំកំពូលហ្វ្រង់កូហ្វូនី លើកទី២០។
Million Times 
ការអញ្ជើញមកដល់នៃវត្តមានប្រធានាធិបតីបារាំង អេម៉ានុយអែល ម៉ាក្រុង និងភរិយា ដើម្បីបំពេញទស្សនកិច្ចផ្លូវរដ្ឋនៅកម្ពុជា ហើយលោក ក៏ជាប្រធានាធិបតីបារាំងទី៣ ក្នុងរយៈពេលប្រមាណ ១៦៣ ឆ្នាំ គិតពីឆ្នាំ ១៨៦៣ ដែលបានមកកម្ពុជា។
ការអញ្ជើញមកដល់នៃវត្តមាន ប្រធានាធិបតីបារាំង អេម៉ានុយអែល ម៉ាក្រុង និងលោកស្រី ប្រ៊ីហ្ស៊ីត ម៉ាក្រុង ម្សិលមិញនេះដើម្បីបំពេញទស្សនកិច្ចផ្លូវរដ្ឋ និងចូលរួមបើកកិច្ចប្រជុំកំពូលហ្វ្រង់កូហ្វូនីលើកទី ២០ ដែលកម្ពុជាធ្វើជាម្ចាស់ផ្ទះ។
ដំណើរមកដល់របស់លោកប្រធានាធិបតីបារាំង លើកនេះ គឺជាការបង្កើតប្រវត្តិសាស្ត្រថ្មីមួយទៀត ព្រោះលោកគឺជាប្រធានាធិបតីបារាំងទី ៣ បានមកទស្សនកិច្ចនៅកម្ពុជា បន្ទាប់ពីលោក ហ្សាល ដឺហ្គោល ក្នុងឆ្នាំ ១៩៦៦ និងលោក ហ្វ្រង់ស្វ័រ មីតេរ៉ង់ ក្នុងឆ្នាំ ១៩៩៣។
ការមកដល់ទឹកដីកម្ពុជា លើកនេះមិនត្រឹមតែចូលរួមកិច្ចប្រជុំកំពូលហ្វ្រង់កូហ្វូនីលើកទី ២០ ក៏ដើម្បីបើកទំព័រថ្មី នៃចំណងមេត្រីភាពកម្ពុជា-បារាំង។ ដំណើរទស្សនកិច្ចរបស់ប្រធានាធិបតី អេម៉ានុយអែល ម៉ាក្រុង នៅក្នុងឆ្នាំ ២០២៦ នេះ លោកនឹងអញ្ជើញចូលរួមជាមួយព្រះមហាក្សត្រខ្មែរ ព្រះករុណាព្រះបាទសម្តេចព្រះបរមនាថ នរោត្តម សីហមុនី ដើម្បីបិទបញ្ចប់គម្រោងជួសជុលកែលម្អប្រាសាទមេបុណ្យខាងលិច នាខេត្តសៀមរាប៕
អត្ថបទ៖ ឆដា, រូបភាព៖ SHS, ព្រះរាជគេហទំព័រផ្លូវការរបស់ សម្តេចព្រះនរោត្តម សីហនុ នៃព្រះរាជាណាចក្រកម្ពុជា និង Angkor Database
