ដ្បិតកម្មវិធីមង្គលការដ៏អស្ចារ្យកាលពីសប្ដាហ៍មុន បានកន្លងហួសទៅហើយ តែភាពស្រស់ស្អាតនៃកូនក្រមុំ និងកម្មវិធីទាំងមូល នៅមិនទាន់ត្រូវបានរសាត់បាត់ឆ្ងាយពីមហាជនអ្នកគាំទ្រឡើយ។
Million Times 
កំលោះ ជា សេង និងកូនក្រមុំ សេង ជនីនាថ បានធ្វើរឿងមិនធម្មតាជាច្រើនក្នុងថ្ងៃពិសេសរបស់ខ្លួន។ ក្នុងនោះមានទាំងឈុតសម្លៀកបំពាក់ច្រើនឈុត និងប្រណីតភាពនៃការតុបតែងខ្លួនរបស់ម្ចាស់កម្មវិធី ធ្វើឲ្យមហាជនស្ងើចសរសើរនៃគំនិត ដែលអាចរៀបចំបានយ៉ាងពិសេសរកគ្មាន។
ក្រោយបញ្ចប់ពិធីមង្គលការបែបខ្មែរ ដែលគ្រងឈុតប្រពៃណី កូនក្រមុំអភិជនបានជ្រើសរើសក្នុងរូបភាពជាច្រើនបង្ហាញឲ្យឃើញពីការត្រៀមតាំងពីមុនរៀបមង្គលការ តាំងពីថត pre-wedding រហូតដល់ការគិតដេគ័រកម្មវិធីទាំងមូល។
បើនិយាយពីភាពផ្កាដែលកូនក្រមុំកាន់នៅវេលារាត្រី ក្នុងកម្មវិធីបែបអឺរ៉ុបកាត់នំ និងដើរកាន់ផ្កា គឺពិតជាអស្ចារ្យ។ គឺជាផ្កាគ្រីស្តាល់ដ៏អស្ចារ្យដែលមានទំហំប្រហាក់ប្រហែលនឹងផ្កាពិត ស្ថិតក្នុងប្រេន Swarovski ដែលមានតម្លៃជិត ៧ ពាន់ដុល្លារ។
បាច់ផ្កាគ្រីស្តាល់ Swarovskiអស្ចារ្យដែលមានទំហំប្រហាក់ប្រហែលនឹងផ្កាពិត តម្លៃ ៦ ៨០០ ដុល្លារ។ ការរៀបចំដ៏ពិសេសនេះរួមបញ្ចូលផ្កា ១២ ប្រភេទ សម្រាប់រដូវផ្ការីក និងរដូវក្តៅ ក្នុងពណ៌ចម្រុះ ដោយផ្កានីមួយៗ ត្រូវបានបង្កើតឡើងយ៉ាងល្អិតល្អន់ និងមានភាពស្មុគស្មាញគួរឲ្យកោតសរសើរ។
នៅមានរ៉ូបពណ៌មាសដ៏ស្រស់ស្អាត និងមានទម្ងន់រហូតទៅដល់ ៥០ គីឡូក្រាម ព្រមជាមួយរ៉ូបសរបស់ប្រេនល្បីៗដទៃទៀត៕
អត្ថបទ៖ ឆដា រូបភាព៖ One Memory
