សង្គ្រាមពាណិជ្ជកម្មរវាងសហរដ្ឋអាមេរិក និងកូឡុំប៊ី ហាក់ដូចជាត្រូវបានបញ្ចៀស បន្ទាប់ពីរដ្ឋាភិបាលកូឡុំប៊ីយល់ព្រមអនុញ្ញាតឱ្យជើងហោះហើរយោធាអាមេរិកដឹកជនអន្តោប្រវេសន៍ទៅចុះចតនៅ Andean ។
សង្គ្រាមពាក្យសម្តីរវាងមេដឹកនាំទាំងពីរបានផ្ទុះឡើងកាលពីថ្ងៃអាទិត្យ នៅពេលដែលប្រធានាធិបតី Gustavo Petro បានរារាំងយន្តហោះយោធាពីរគ្រឿងដែលដឹកជនអន្តោប្រវេសន៍កូឡុំប៊ីត្រឡប់ពីសហរដ្ឋអាមេរិក។
Million Times 
រដ្ឋបាលថ្មី លោក Donald Trump បានឆ្លើយតបដោយការគំរាមកំហែងថានឹងដាក់ទណ្ឌកម្មពន្ធលើការនាំចេញកូឡុំប៊ីទៅកាន់សហរដ្ឋអាមេរិក។
ដំបូងឡើយ ប្រធានាធិបតី Petro ប្រតិកម្មថា ប្រទេសកូឡុំប៊ីនឹងសងសឹកដោយការដំឡើងពន្ធលើទំនិញរបស់សហរដ្ឋអាមេរិក ប៉ុន្តែសេតវិមានប្រកាសថា កូឡុំប៊ីបានយល់ព្រមទទួលយកជនអន្តោប្រវេសន៍ រួមទាំងអ្នកនៅលើយន្តហោះយោធាអាមេរិកដោយគ្មានដែនកំណត់ ឬពន្យារពេល។ នេះបើតាមការចុះផ្សាយពី BBC News ។
សេតវិមានបានសាទរចំពោះកិច្ចព្រមព្រៀងជាមួយប្រទេសកូឡុំប៊ីថា ជាជ័យជម្នះមួយសម្រាប់វិធីសាស្រ្តដ៏រឹងរូសរបស់លោក Trump បន្ទាប់ពីមេដឹកនាំប្រទេសទាំងពីរបានផ្លាស់ប្តូរការគំរាមកំហែងនៅលើប្រព័ន្ធផ្សព្វផ្សាយសង្គមកាលពីថ្ងៃអាទិត្យ។
អ្នកនាំពាក្យសេតវិមាន លោកស្រី Karoline Leavitt បានសរសេរនៅក្នុងសេចក្តីថ្លែងការណ៍មួយថា “ព្រឹត្តិការណ៍ថ្ងៃនេះបង្ហាញយ៉ាងច្បាស់ដល់ពិភពលោកថាអាមេរិកត្រូវបានគោរពម្តងទៀត” ។ លោកស្រីបន្ថែមថា ពន្ធគយ និងទណ្ឌកម្មដែលរដ្ឋបាល Trump បានគម្រាមដាក់លើប្រទេសកូឡុំប៊ី ប្រសិនបើមិនអនុវត្តតាមនោះ នឹងត្រូវរក្សាទុកត្រៀម និងមិនត្រូវបានចុះហត្ថលេខាទេ លុះត្រាតែកូឡុំប៊ីមិនគោរពកិច្ចព្រមព្រៀងនេះ។
លោកស្រីក៏បាននិយាយផងដែរថា ប្រធានាធិបតី Donald Trump “រំពឹងថាប្រជាជាតិផ្សេងទៀតទាំងអស់នៃពិភពលោកនឹងសហការយ៉ាងពេញលេញក្នុងការទទួលយកការនិរទេសពលរដ្ឋរបស់ពួកគេខុសច្បាប់ដែលមានវត្តមាននៅក្នុងសហរដ្ឋអាមេរិក” ៕
អត្ថបទ៖ សារ៉ាយ រូបភាព៖ US Government / Reuters