ការបោះឆ្នោតជ្រើសរើសប្រធានាធិបតីអាមេរិកអាណត្តិថ្មី បានបញ្ចប់ជាស្ថាពរ ដោយលោកដូណាល់ ត្រាំ បានឈ្នះទឹកចិត្តប្រជាជន ទទួលបានសម្លេងគាំទ្រ សម្រាប់ការក្លាយជាមេដឹកនាំមហាអំណាចសេដ្ឋកិច្ចធំបំផុតលើលោក និងបានបង្កើតទំព័រប្រវត្តិសាស្ត្រថ្មីថែមទៀត។

ទីភ្នាក់ងារសារព័ត៌មាន AP បានចុះផ្សាយថា មហាសេដ្ឋីអាមេរិករូបនេះ បានផ្ដួលគូប្រជែងលោកស្រី កាម៉ាឡា ហារីស ជាមួយសម្លេងគាំទ្រពីអង្គបោះឆ្នោត ២៧៧សម្លេង ទល់នឹង ២២៤សម្លេង ។

គួររំលឹកបន្តិចថា លទ្ធផលនេះ គឺជារបាយការណ៍ស្រង់មតិដោយសារព័ត៌មាន AP ប៉ុណ្ណោះ ខណៈលទ្ធផលផ្លូវការត្រូវរង់ចាំរយៈពេលច្រើនសប្ដាហ៍ ទើបគណៈកម្មាធិការរៀបចំការបោះឆ្នោត អាចប្រកាសលទ្ធផលផ្លូវការបាន។

បើសិនជាមិនមានបញ្ហាអ្វីនោះទេ លោក ដូណាល់ ត្រាំ នឹងក្លាយជាបុគ្គលទី២ ប្រចាំប្រវត្តិសាស្ត្រអាមេរិក ដែលវិលមកដឹកនាំមហាអំណាចសេដ្ឋកិច្ចធំបំផុតលើលោកជាលើកទី២ បន្ទាប់ពីខកខានរយៈពេលមួយអាណត្តិ និងជាប្រធានាធិបតីអាមេរិកវ័យចំណាស់បំផុត៕

អត្ថបទ៖ Luffy រូបភាព៖ Deccan Herald