កាលពីថ្ងៃចុងសប្ដាហ៍មុន ត្រកូលអភិជន ២ គ្រួសារ បានភ្ជាប់សាច់ភ្ជាប់ឈាមគ្នា ដោយរៀបចំកម្មវិធីភ្ជាប់ពាក្យយ៉ាងគគ្រឹកគគ្រេងគឺកូនប្រុសម្ចាស់ក្រុមហ៊ុនស្រាបៀ ហនុមាន លោក ផន មុតច័ន្ទឧត្តម និងកូនស្រីអ្នកឧកញ៉ា លាង ហួង អគ្គនាយក ក្រុមហ៊ុន ជីប ម៉ុង លែន ធ្វើឡើងនៅសណ្ឋាគារ Hyatt Regency ភ្នំពេញ ហើយជាទីតាំងស្ថិតនៅក្រោមការគ្រប់គ្រងរបស់ ជីប ម៉ុងផងដែរ។
Million Times 
កូនកំលោះ ផន មុតច័ន្ទឧត្តម ដ៏ស្រស់សង្ហា និងកញ្ញាស្រស់សោភា អ៊ឹង នីខូល បានរៀបចំតុបតែងខ្លួនបែបខ្មែរ ហើយមានលម្អដោយផ្កាស្រស់រីកជាច្រើនដែលមើលទៅស្រស់ស្រទន់ អមដោយការបំផុតគំនិតច្នៃជាផ្កាឈូកយ៉ាងធំ។
គ្រាន់តែពិធីភ្ជាប់ពាក្យ រៀបចំយ៉ាងអស្ចារ្យបែបនេះហើយចាំមើលដល់ថ្ងៃមង្គលការទៀតនោះ ច្បាស់ជាធំខ្លាំង និងកាន់តែអញ្ជើញភ្ញៀវច្រើនហើយ ព្រោះទាំងខាងគ្រួសារ ជីប ម៉ុង និងគ្រួសារខាងថៅកែស្រាបៀហនុមាន សុទ្ធតែមានមុខមាត់ធំក្នុងសង្គម។
គួរបញ្ជាក់ថា Erich និង Nicole ស្រលាញ់គ្នាជាច្រើនឆ្នាំមកហើយ ដោយមានចាស់ទុំទាំងសងខាងដឹងឮ ហើយបានគាំទ្រស្នេហាយុវវ័យប្រុសស្រីទាំងគូ។ ជារឿយៗ Erich និង Nicoleតែងតែចូលរួមកម្មវិធីផ្សេងៗនៃគ្រួសារទាំង ២៕
អត្ថបទ៖ ឆដា, រូបភាព៖ One Memory
