កាលពីថ្ងៃសុក្រ ទី០៤ ខែមេសា រដ្ឋាភិបាលចិនបានប្រកាសថា ពួកគេនឹងអនុវត្តវិធានការពន្ធសងសឹក ដោយគ្រោងទារពន្ធគយចំពោះគ្រប់ទំនិញនាំចូលពីអាមេរិក ៣៤% បន្ថែមទៀត ចាប់ពីថ្ងៃទី១០ ខែមេសាតទៅ។ នេះបើតាមការចុះផ្សាយពីទីភ្នាក់ងារព័ត៌មាន AFP។
Million Times 
ក្រសួងហិរញ្ញវត្ថុបានបញ្ជាក់ថា រាល់ទំនិញនាំចូលពីអាមេរិកទាំងអស់ នឹងត្រូវតំឡើងពន្ធបន្ថែម ៣៤% ពីលើពន្ធដែលមានស្រាប់ ហើយទីក្រុងប៉េកាំងកំពុងរៀបចំពាក្យបណ្ដឹងទៅកាន់អង្គការពាណិជ្ជកម្មពិភពលោក (WTO) ជុំវិញការទារពន្ធគយរបស់អាមេរិកផងដែរ។
គួរជម្រាបបន្តិចថា កាលពីថ្ងៃទី០៣ ខែមេសា ប្រធានាធិបតីអាមេរិក Donald Trump បានប្រកាសពីវិធានការពន្ធសងសឹកទ្រង់ទ្រាយធំ ដោយក្នុងនោះប្រទេសចិន ជាប់ក្នុងបញ្ជីទារពន្ធដល់ទៅ ៣៤%។
ក្រោយទទួលបានព័ត៌មានមួយនេះ រដ្ឋាភិបាលក្រុងប៉េកាំងក៏បានអំពាវនាវ ឲ្យអាមេរិកប្រញាប់លុបចោលវិធានការនោះជាបន្ទាន់ ប៉ុន្តែអាមេរិកមិនអើពើ ទើបចិនអនុវត្តការទារពន្ធសងសឹកភ្លាមៗ ក្រោមហេតុផលការពារសិទ្ធ និងអត្ថប្រយោជន៍ផ្ទាល់ខ្លួន៕
អត្ថបទ៖ Luffy រូបភាព៖ The Strait Times