អត្រាពន្ធនាំចូលទំនិញរបស់សហរដ្ឋអាមេរិក បានកើនពី ២,៥% រហូតដល់ ២២% បន្ទាប់ពីប្រធានាធិបតី Donald Trump ប្រកាសពីផែនការពន្ធគយថ្មី នាព្រឹកថ្ងៃទី០៣ ខែមេសា។ នេះបើតាមរបាយការណ៍ផ្ដល់ឲ្យពីគេហទំព័រ Fitch Ratings។
Million Times 
ប្រភពដដែលបន្ថែមថា ក្រោមការដឹកនាំរបស់លោក Trump អត្រាពន្ធគយរបស់អាមេរិក បានឈានដល់ចំណុចខ្ពស់បំផុតមិនធ្លាប់មាន ក្នុងរយៈពេល ១១៥ឆ្នាំ ពោលចាប់តាំងពីឆ្នាំ១៩១០ មកម៉្លេះ។
លោក Trump បានប្រកាសថា ចាប់ពីពេលនេះតទៅអាមេរិកនឹងកំណត់ពន្ធមូលដ្ឋាន ចំពោះគ្រប់ទំនិញនាំចូលទាំងអស់ ១០% និងច្រើនជាងនេះ ចំពោះបណ្ដាប្រទេសដៃគូពាណិជ្ជកម្មធំៗ។
ការអនុវត្តការទារពន្ធមូលដ្ឋានថ្មីនេះ នឹងចាប់ផ្ដើមពីថ្ងៃទី០៥ ខែមេសា ខណៈអត្រាពន្ធដែលខ្ពស់ជាងនេះ នឹងត្រូវអនុវត្តពីថ្ងៃទី០៩ ខែមេសា។ ទីភ្នាក់ងារ Fitch Ratings បានឲ្យដឹងថា ក្រោយអនុវត្តវិធានការពន្ធមូលដ្ឋានថ្មីនេះ ការនាំចូលទំនិញទៅកាន់ទីផ្សារអាមេរិក នឹងត្រូវបង់ពន្ធរហូតដល់ ២២% ឯណោះ៕
អត្ថបទ៖ Luffy រូបភាព៖ AP