សារព័ត៌មាន Bangkok Post បានរាយការណ៍ថា យ៉ាងហោចណាស់មនុស្ស ៥នាក់បានស្លាប់ និង ២២នាក់រងរបួស ក្នុងហេតុការណ៍បាក់ធ្នឹមបេតុងស្ពានផ្លូវល្បឿនលឿនដែលកំពុងសាងសង់នៅជិតផ្លូវ Rama II ក្នុងសង្កាត់ Chom Thong ស្ថិតនៅទីក្រុងបាងកក ប្រទេសថៃ កាលពីព្រឹកថ្ងៃសៅរ៍។
យោងតាមសេចក្តីរាយការណ៍ បានឲ្យដឹងថា ធ្នឹមបេតុងដែលកំពុងសាងសង់ ស្ថិតនៅចម្ងាយប្រហែល ២០០ម៉ែត្រ ពីច្រកចូលផ្លូវល្បឿនលឿន បានបាក់សង្កត់លើផ្លូវល្បឿនលឿន ដែលមានស្រាប់ បណ្តាលឲ្យមានអ្នករងរបួស និងស្លាប់ជាច្រើននាក់ ខណៈដែលកម្មករជាង ២០នាក់នៅកន្លែងនោះក្នុងពេលបាក់ស្រុត។
Million Times 
ក្រុមជួយសង្គ្រោះ និងមន្ត្រីមកពីនាយកដ្ឋានបង្ការ និងកាត់បន្ថយគ្រោះមហន្តរាយទីក្រុងបាងកក បានប្រញាប់ប្រញាល់ទៅកាន់កន្លែងកើតហេតុ ដើម្បីកំណត់ទីតាំង និងជួយអ្នកនៅរស់រានមានជីវិតនៅក្នុងគំនរបាក់បែក ដោយប្រើសត្វឆ្កែ sniffer និងឧបករណ៍ឯកទេស។
គិតត្រឹមម៉ោង ៧ ព្រឹក កម្មករ ៥ នាក់ត្រូវបានគេបញ្ជាក់ថា បានស្លាប់ ហើយយ៉ាងហោចណាស់ ២២ នាក់ផ្សេងទៀតបានរងរបួស។
កិច្ចខិតខំប្រឹងប្រែងជួយសង្គ្រោះបានបន្ត ខណៈដែលជនរងគ្រោះ ៤នាក់ត្រូវបានស្រង់ចេញពីកំទេចកំទី ហើយសាកសពម្នាក់ទៀតនៅបាត់ខ្លួននៅឡើយ។ អ្នកស្លាប់ទាំង៥នាក់នោះរួមមានជនជាតិថៃ៣នាក់ ជាវិស្វករម្នាក់ និងកម្មករ២នាក់ និងពលករបរទេស ២នាក់។ អ្នករងរបួសត្រូវបានបញ្ជូនទៅមន្ទីរពេទ្យក្បែរនោះ៕
អត្ថបទ៖ សារ៉ាយ រូបភាព៖ The Nation