កាលពីចុងខែកុម្ភៈកន្លងទៅ ថៅកែទឹកសុទ្ធប្រូវីដាដ៏ស្រស់សង្ហា បានលុតជង្គង់សុំមិត្តស្រីរៀបការ ពោរពេញដោយក្ដីរំភើប ព្រមជាមួយស្នាមញញឹមអបអរសាទរពីសំណាក់អ្នកមានគុណ ញាតិមិត្តជិតឆ្ងាយពីខាងប្រុស ព្រមទាំងសាច់សាលោហិតរាជវង្សខាងស្រី។ មិនតែប៉ុណ្ណោះលោកស្រី ជា សិរី ទេសាភិបាលធនាគារជាតិនៃកម្ពុជាក៏ចូលរួមជាចាស់ទុំដឹងឮអបអរដល់គូស្នេហ៍ទាំង ២ ផងដែរ។
Million Times 
ងាកទៅមើលលោកស្រី ហេង សុខា ភរិយាសេដ្ឋី អ៊ឹង ប៊ុនហ៊ូវ ពិតជាស្រស់ស្អាត និងក្មេងជាងវ័យខ្លាំងមែនទែននាថ្ងៃពិសេសរបស់កូនប្រុស គឺលោក អ៊ឹង ស៊ីវឈន់។ ភរិយាប្រធានអគ្គនាយកក្រុមហ៊ុន អាយអិនជី ហូលឌីង រូបនេះ បានជ្រើសរើសឈុតពណ៌ទឹកប្រាក់ មានឌិនត្បូងច្រើនស្អេកស្កះ ដែលមានតម្លៃរហូតទៅដល់ជាង៣ ពាន់ដុល្លារ។
រ៉ូបលោកស្រី ហេង សុខា ស្លៀកជាប្រេន Jenny Packham ឈ្មោះ Galaxy crystal-embellished តម្លៃពេញ ៣ ៨១២ ដុល្លារ។ ជាមួយគ្រឿងអលង្ការពេជ្រ មានពន្លឺចែងចាំង ស្រស់ស្អាត និងស័ក្តិសមជាមួយជាភរិយាសេដ្ឋីធំប្រចាំប្រទេស។
នៅថ្ងៃពិសេសរបស់កូនប្រុសលោកស្រី ហេង សុខា ពិតជារំភើបសឹងតែស្រក់ទឹកភ្នែក ព្រមជាមួយទឹកមុខញញឹមញញែមជាប់ជានិច្ច ព្រោះកូនប្រុសទី៣ រកបានមនុស្សអាចរួមរស់ និងកសាងគ្រួសារជាមួយគ្នា។
គួរបញ្ជាក់ថា លោក អ៊ឹង ស៊ីវឈន់ CEO ក្រុមហ៊ុន ដូនពេញ ត្រេឌីង ឯ.ក បានលុតជង្គង់សុំបុត្រីសម្ដេចក្រុមព្រះ នរោត្តម ច័ក្រពង្ស់ រៀបការ ក្រោមស្នាមញញឹមពីសាច់ញាតិ និងមិត្តភ័ក្ដិ ហើយក៏ត្រូវបាន ព្រះអង្គម្ចាស់ក្សត្រី នរោត្តម ពង្សសូរិយា ឆ្លើយយល់ព្រមផងដែរ៕
អត្ថបទ៖ មេរ៉ា, រូបភាព៖ FAST films&photography