នៅយប់ថ្ងៃទី២១ ខែកុម្ភៈ ឆ្នាំ២០២៥ BVLGARI ម៉ាកយីហោគ្រឿងអលង្ការដ៏ល្បីលំដាប់ពិភពលោក បានបង្ហាញម៉ូតផលិតផលថ្មីរបស់ខ្លួននៅលើទឹកដីអង្គរ ខេត្តសៀមរាប ប្រទេសកម្ពុជា ដោយមានការចូលរួមពីស្ត្រីទី១លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត និងតារាល្បីៗក្នុងប្រទេស និងលំដាប់សេដ្ឋីក្នុងស្រុកជាច្រើនរូប។
Million Times 
នេះជាព្រឹត្តិការណ៍លំដាប់ពិភពលោកដែលមានវត្តមាននៅប្រាសាទអង្គរវត្ត ហើយមានការចូលរួមពីថ្នាក់ដឹកនាំជាច្រើននាក់។ នេះសបញ្ជាក់ឱ្យឃើញពីការរីកចម្រើន និងសុខសន្ដិភាពរបស់កម្ពុជា ទើបមានក្រុមហ៊ុនធំៗហ៊ានមកធ្វើកម្មវិធី ឬការបណ្ដាក់ទុនផ្សេងៗនៅទឹកដីកម្ពុជា។ ការចូលរួមរបស់ស្ត្រីទី១នៃកម្ពុជា លោកជំទាវបណ្ឌិត ពេជ ចន្ទមុន្នី ភរិយានាយករដ្ឋមន្រ្តីកម្ពុជា សបញ្ជាក់ឱ្យឃើញយ៉ាងច្បាស់ថាកម្ពុជាពិតជាយកចិត្តទុកដាក់ណាស់ចំពោះក្រុមហ៊ុនបរទេស ហើយក៏ឱ្យតម្លៃខ្ពស់ផងដែរចំពោះការរៀបចំកម្មវិធីនានា ក្នុងន័យជួយផ្សព្វផ្សាយកន្លែងទេសចរណ៍ទៅកាន់ពិភពលោក។
ជាក់ស្ដែងលោក Jc Babin CEO របស់ BVLGARI បានសាទរ និងអរគុណចំពោះកម្ពុជាដែលបានរៀបចំទទួលយ៉ាងល្អឥតខ្ចោះផងដែរ។ លោក បានបង្ហោះជាច្រើននៅលើបណ្ដាញសង្គមដែលសរសើរកម្ពុជា ជាប្រទេសស្អាត និងអស្ចា្យនៅតំបន់សៀមរាបអង្គរ។ លើសពីនេះ លោក Jeffery ក៏បានអរគុណយ៉ាងខ្លាំងដល់លោកជំទាវបណ្ឌិត ពេជ ចន្ទមុន្នី ដែលបានចំណាយពេលដ៏មានតម្លៃចូលរួមកម្មវិធី និងអនុញាតឱ្យក្រុមការងាររបស់លោករៀបចំកម្មវិធីនេះផងដែរ។ កម្មវិធី BVLGARI AETERNA EVENT មិនត្រឹមតែបង្ហាញពីគ្រឿងអលង្ការប៉ុណ្ណោះទេ កម្មវិធីនេះបានជួយច្រើនទៅលើផ្នែកទេចរណ៍ វប្បធម៏របស់កម្ពុជាទៅកាន់ពិភពលោកផងដែរ។
សូមបញ្ជាក់ថាកម្មវិធីខាងលើ់មានការចូលរួមពីសំណាក់តារាល្បីៗជាច្រើនមកពីថៃ សិង្ហបុរី វៀតណាម ហ្វីលីពីន សុទ្ធសឹងជាអ្នកតំណាងរបស់ BVLGARI។ ចំណែកខាងកម្ពុជាក៏មានកញ្ញា ស៉ីន យូប៊ីន ប្រាសាទ ដាវីន ដែកម្មវិធី BVLGARI AETERNA EVENT បានរៀបចំទទួលតារាល្បីៗដោយបង្ហាញពីម្ហូបខ្មែរទៅកាន់ពួកគេថែមទៀតគឺ អាកោខ្ទិះខ្មែរ និងក្រមា ដែលទុកជារបស់អនុស្សារវីយ៕
អត្ថបទ៖ មេរ៉ា, រូបភាព៖STPM