ដូចការសន្យារបស់អគ្គនាយិកា ឡេង ដាវី ដែលលើកឡើងថា នឹងមានការជប់លៀងអបអរសាទរដល់កម្មករចៀរជ័រកៅស៊ូដ៏ជំនាញនៃក្រុមហ៊ុន ឬទ្ធីរ៉ាប់បឺ ប្រកួតជាប់ក្នុងលំដាប់ពិន្ទុកំពូលទាំង ២ រូប នៅវៀតណាម កាលពីប៉ុន្មានថ្ងៃមុន។
Million Times 
CEO ឡេង ដាវី បានដឹកនាំកម្មករចេញទៅប្រកួតកម្មវិធី «បាតដៃមាសប្រមូលទិន្នផលជ័រកៅស៊ូ» នៅខេត្តប៊ិញភឿក ប្រទេសវៀតណាមនាពាក់កណ្ដាលខែធ្នូ កន្លងទៅ។ ក្រោយជាប់បានមេដៃឆ្នើម ដោយបេក្ខជន ២ រូបម្នាក់ទទួលបានពិន្ទុ ៩៧.៥ ហើយបេក្ខនារីមានពិន្ទុ ៩៨.៥ ថ្នាក់ដឹកនាំបានសន្យា ពេលត្រឡប់មកដល់ក្រុមហ៊ុន ឬទ្ធីរ៉ាប់បឺ នឹងរៀបចំកម្មវិធីជប់លៀងដ៏សប្បាយរីករាយ និងអធិកអធមដល់អ្នកដែលពាក់ព័ន្ធទាំងអស់ ឲ្យសមការខិតខំប្រឹងប្រែង ដើម្បីមុខមាត់ក្រុមហ៊ុន និងជាតិមាតុភូមិ។
មុនការជប់លៀងទទួលបានចំណាត់ថ្នាក់ល្អ សេដ្ឋីនី ឡេង ដាវី ធ្លាប់បានផ្ដល់រង្វាន់ ពេលប្រកួតផ្ទៃក្នុងនៅខ្មែរម្ដងរួចមកហើយ រង្វាន់ដូចជាខ្សែកមាស ប្រាក់សុទ្ធដើម្បីលើកទឹកចិត្តមួយចំនួន។ ក្នុងកម្មវិធីជប់លៀងកាលពីថ្ងៃ ២០ ខែធ្នូកន្លងទៅថ្មីៗនេះ បង្ហាញពីភាពស្និទ្ធស្នាលរវាងថ្នាក់ដឹកនាំ ឬទ្ធីរ៉ាប់បឺ និងកម្មករចៀរជ័រដ៏ជំនាញៗទាំងអស់ ព្រមទាំងថតរូប និងញ៉ាំអាហារយ៉ាងសប្បាយរីករាយជាមួយគ្នា។
កម្មវិធីជប់លៀងបានរៀបចំអាហារយ៉ាងបរិបូរ ដើម្បីអបអរដល់អ្នកឈ្នះមេដៃឆ្នើម ២ រូប ព្រមទាំងអ្នកពាក់ព័ន្ធដទៃទៀត ដែលជួយជំរុញឲ្យក្រុមហ៊ុន ឬទ្ធីរ៉ាប់បឺ ទទួលបានលទ្ធផលល្អនាឆ្នាំ២០២៤ នេះ ហើយក៏ជាការលើកទឹកចិត្ត ដើម្បីឲ្យកម្មករបន្តឈានទៅមុខនៅឆ្នាំ ២០២៥ ខាងមុខ។ ទាំងនេះជាការលើកឡើងរបស់អគ្គនាយិកា ឡេង ដាវី ស្ត្រីវ័យក្មេង កំពុងក្ដោបក្ដាប់ជំនួញជាច្រើនផ្នែករបស់សេដ្ឋី ឡេង ឫទ្ធី៕
