ដូចពាក្យចាស់ពោលមិនខុសថា «ម៉ែឪខ្លា កូនក៏ខ្លា» អ៊ីចឹងដែរ។ ងាកមកមើលពីបុរសវ័យក្មេងប៉ុន្មានរូបនេះ ទាំងនៅលីវ និងគ្រប់គ្រងជំនួញជាច្រើនមិនខុសពីអ្នកមានគុណឡើយ រហូតក្លាយជាអ្នកជំនួញប្រាក់វាល់លាន ឬហៅស្រួលស្ដាប់ថាសេដ្ឋីទាំងក្មេងវ័យ កាន់តែពិសេសមិនទាន់មានគ្រួសារឡើយ។ ក្នុងចំណោមបុរសមានឈ្មោះជាសេដ្ឋីក្មេងសង្ហាទាំង ៥ រូប សុទ្ធសឹងតែឪពុកម្ដាយជាអ្នកជំនួញធំៗ ហើយទទួលបានគោរមងារអ្នកឧកញ៉ា និងឧកញ៉ា ហើយសាមីខ្លួនក៏ទទួលបានការប្រទានគោរមងារមួយនោះដូចគ្នា៖
១. គិត ស៊ូឡា
សេដ្ឋីវ័យក្មេងត្រឹមវ័យ ២០ ឆ្នាំរូបនេះ គឺជាកូនប្រុសច្បងមហាសេដ្ឋីប្រចាំប្រទេសគឺអ្នកឧកញ៉ា គិត ម៉េង និងអ្នកឧកញ៉ា ម៉ៅ ចំណាន។ កូនចៅសេដ្ឋីតជំនាន់រូបនេះ ត្រូវបានតែងតាំង ជា នាយកគ្រប់គ្រងផ្នែកប្រតិបត្តិការក្រុមហ៊ុន រ៉ូយ៉ាល់គ្រុប អន្តរជាតិ ដោយ ក្រុមប្រឹក្សាភិបាល និងគណៈគ្រប់គ្រងធនធានមនុស្សរបស់ក្រុមហ៊ុន រ៉ូយ៉ាល់ គ្រុប។ កំលោះ ស៊ូឡា បានទទួលការអប់រំនៅ សាលាអន្តរជាតិន័រប្រ៊ីដ ក្នុងប្រទេសកម្ពុជា និងទើបបញ្ចប់ការសិក្សានៅសាលាអន្តរជាតិ Hwa Chong ដែលជាសាលាដ៏ល្បីល្បាញមួយក្នុងប្រទេសសិង្ហបុរីផងដែរ។
Million Times 
២. សំអាង វឌ្ឍនៈ
សំអាង វឌ្ឍនៈ គឺជាកូនប្រុសតែម្នាក់របស់អ្នកឧកញ៉ា សំ អាង ប្រធានក្រុមប្រឹក្សាភិបាល និងអ្នកឧកញ៉ា ឈុន លាង បណ្ណាធិការរបស់ធនាគារវឌ្ឍនៈ។ អ្នកឧកញ៉ារូបសង្ហា ដែលជាបុរសក្នុងក្ដីស្រមៃនារីសឹងមួយប្រទេសរូបនេះ ទទួលបរិញ្ញាបត្រជាន់ខ្ពស់ (Master) ផ្នែកវិស្វកម្ម សេដ្ឋកិច្ច និងគ្រប់គ្រង ពីសាកលវិទ្យាល័យ Oxford ចក្រភពអង់គ្លេស និងបានសិក្សាស្រាវជ្រាវផ្នែកអាជីវកម្មធនាគារ នៅធនាគារ Allied Irish ចក្រភពអង់គ្លេស ក្នុងឆ្នាំ ២០០៥។ កំលោះរហស្សនាម Top 5 រូបនេះ ជានាយកប្រតិបត្តិនៃក្រុមហ៊ុន វឌ្ឍនៈ ប្របភើធី អិលធីឌី និងជាអ្នកគ្រប់គ្រងគម្រោងសាងសង់សំណង់អគារវឌ្ឍនៈ កាពីតាល ដែលបានឈ្នះពានរង្វាន់ និមិត្តសញ្ញានៃការអភិវឌ្ឍមានទីតាំង នៅកណ្តាលរាជធានីភ្នំពេញ។
អ្នកឧកញ៉ា សំអាង វឌ្ឍនៈ មានតួនាទីជាច្រើននៅក្នុងក្រុមហ៊ុនដែលបង្កើតឡើងដោយឪពុកម្ដាយខ្លួនដែលអាចធ្វើឲ្យកំលោះញញឹមស្រស់រូបនេះក្លាយជាសេដ្ឋីវ័យក្មេងលើគំនរទ្រព្យសម្បត្តិ។
៣. អ៊ឹង ស៊ីវឈន់
កំលោះសង្ហារូបនេះ ជាកូនប្រុសពៅអ្នកឧកញ៉ា អ៊ឹង ប៊ុនហ៊ូវ និងលោកជំទាវ ហេង សុខា។ អ៊ឹង ស៊ីវឈន់ គឺជាអគ្គនាយកប្រតិបត្តិទឹកស្រ្ពីងប្រូវីដា ហើយលោកក៏ជាកូនខ្មែរមួយរូប ដែលបានបញ្ចប់ការសិក្សានៅចក្រភពអង់គ្លេស។ CEO រូបនេះផ្ទាល់គឺជាអ្នកធ្វើទីផ្សារខ្លួនឯងតែម្ដង មិនត្រឹមតែប៉ុណ្ណឹង បច្ចុប្បន្នលោកក៏ជាប្រធានក្រុមកីឡាអេឡិចត្រូនិកម្នាក់ផងដែរ ដោយដឹកនាំក្រុម Pro Esport។ អ៊ឹង ស៊ីវឈន់ ទើបតែបើកភោជនីយដ្ឋាន Japanese Omakase ដ៏ល្បីផងដែរ។
៤. ភួ វាសនា
អ្នកឧកញ៉ា ភួ វាសនា គឺជាអនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង ហើយលោកក៏ជាសេដ្ឋីវ័យក្មេងដែលមានជំនួញជាច្រើនផងដែរ។ ពាណិជ្ជករឆ្នើមវ័យក្មេង ជាកូនប្រុសរបស់លោកឧកញ៉ា ភួ ពុយ និងលោកជំទាវ អ៊ឹង ណងពីន ដ៏ល្បីល្បាញមួយរូបនៅខេត្តបាត់ដំបង ដែលជាខេត្តមួយស្ថិតនៅភាគពាយ័ព្យនៃប្រទេសកម្ពុជា។
៥. លី ឆូកឆៃ
កូនប្រុសពៅអ្នកឧកញ៉ា លី យ៉ុងផាត់។ សេដ្ឋីវ័យក្មេងរូបនេះ គឺជាអគ្គនាយកស្ថានីយទូរទស្សន៍ភីអិនអិន ហើយក៏ជាមិត្តស្និទ្ធស្នាលជាមួយសេដ្ឋីវ័យក្មេងដូចគ្នា គឺ សំអាង វឌ្ឍនៈ អគ្គនាយកក្រុមហ៊ុន វឌ្ឍនៈប្រ៊ូវើរី៕
