ក្រុម Pro Esports របស់លោក អ៊ឹង ស៊ីវឈន់ ដែលជាកូនសេដ្ឋី អ៊ឹង ប៊ុនហ៊ូវ ទទួលបានចំណាត់ថ្នាក់លេខ៣ ក្នុងការប្រកួត MPL KH S7 ថ្ងៃនេះ ក្រោយពីប្រកួតចុងក្រោយចាញ់ក្រុម Galaxy Legends ក្នុងលទ្ធផល ១-៣។
Million Times 
Pro Esports កាលពីវគ្គ Regular Season ធ្វើបានល្អមែនទែន លេងឈ្នះទាំងក្រុម CFU Gaming ថែមទៀត និងទទួលបានចំណាត់ថ្នាក់លេខ២ ឡើងមកលេង playoffs។ តែឈានដល់វគ្គសំខាន់ playoffs ពួកគេបែរជាធ្វើមិនបានល្អទៅវិញ។
ជាក់ស្ដែងប្រកួតដំបូងនៅវគ្គនេះលេងចាញ់ក្រុម Galaxy Legends ធ្លាក់ទៅលេងនៅ Lower Bracket ជាមួយ See You Soon។ ពួកគេ អាចយកឈ្នះ Soon បានក្នុងលទ្ធផល ៣-២ ដើម្បីឡើងដល់ Final Lower Bracket ដែរ តែចុងក្រោយចាញ់ក្រុម Galaxy Legends ក្នុងលទ្ធផល ១-៣ ទៀតដែលជាប្រកួតចុងក្រោយរបស់ពួកគេនៅ MPL KH Season7 នេះ ហើយតាមលទ្ធផល Pro Esports បានលេខ៣។
ក្រុម Pro Esports បង្កើតឡើងដោយលោក អ៊ឹង ស៊ីវឈន់ ដែលជាអគ្គនាយកក្រុមហ៊ុន ដូនពេញ ត្រេឌីង ឯ.ក ឬគ្រប់គ្នាស្គាល់ថាជាម្ចាស់ក្រុមហ៊ុនទឹកបរិសុទ្ធ Pro Vidal។ កំលោះសង្ហាកូនអភិជនលំដាប់ខ្ពស់បង្កើតក្រុមនេះឡើងដើម្បីចូលរួមជួយអភិវឌ្ឍវិស័យ Esports នៅកម្ពុជាឱ្យកាន់តែរីកចម្រើនទៅមុខ៕