វិនិយោគិនចិនកំពុងសម្រុកទិញខុនដូរ និងលំនៅដ្ឋាននៅក្នុងប្រទេសថៃដើម្បីត្រៀមទុកលក់បន្តទៅឱ្យអ្នកផ្សេងទៀត ក្រោយរដ្ឋាភិបាលបានដាក់ចេញគោលនយោបាយអចលនទ្រព្យថ្មី ។ នេះបើយោងតាមក្រុមហ៊ុនប្រឹក្សាយោបល់ផ្នែកអចលនទ្រព្យថៃ DNA ។
លោក Surachet Kongcheep នាយកគ្រប់គ្រងរបស់ក្រុមហ៊ុន DNA បាននិយាយថា “ទីផ្សារទិញអចលនទ្រព្យសម្រាប់ជួល និងលក់ពីសំណាក់វិនិយោគិនចិននៅក្នុងទីក្រុងសេដ្ឋកិច្ចសំខាន់ៗរបស់ថៃកំពុងត្រូវប៉ាន់ ដោយសារតែរដ្ឋាភិបាលដាក់ចេញផែនការបង្កើនរយៈពេលជួលសម្រាប់ជនបរទេសពី ៥០ ទៅ ៩៩ ឆ្នាំ” ។
លោក Surachet បានបន្ថែមថា “វិនិយោគិនទាំងនោះមានគោលបំណងលក់ ឬជួលអចលនទ្រព្យដែលពួកគេទិញហើយទាំងនេះទៅឱ្យជនជាតិថៃដែលមានទ្រព្យសម្បត្តិ ឬជនបរទេសនៅពេលក្រោយ ជាពិសេសអ្នកដែលស្វែងរកលំនៅដ្ឋានក្នុងទីក្រុងបាងកក ប៉ាតាយ៉ា និងភូកេត” ។
Million Times 
ក្នុងរយៈពេល ១៥ ឆ្នាំចុងក្រោយនេះ វិនិយោគិនចិនបានជះលុយប្រមាណ ២.៨ ពាន់លានដុល្លារបណ្ដាក់ទុនលើវិស័យអចលនទ្រព្យនៅក្នុងទីក្រុងសេដ្ឋកិច្ចរបស់ប្រទេសថៃ ខណៈនៅទូទាំងប្រទេសវិញ ក្រសួងពាណិជ្ជកម្មបានរាយការណ៍ថា នៅក្នុងឆមាសទីមួយនៃឆ្នាំ ២០២៤ ក្រុមហ៊ុនចិនបានវិនិយោគជាង ១០.៧ ពាន់លានដ ឬស្មើនឹង ៩.៤៨ ភាគរយនៃការវិនិយោគផ្ទាល់ពីបរទេសទាំងអស់ ។
កត្តានេះបានធ្វើឲ្យប្រទេសចិនស្ថិតក្នុងលំដាប់ទី ៣ នៃប្រទេសដែលវិនិយោគច្រើនជាងគេក្នុងប្រទេសថៃ បន្ទាប់ពីប្រទេសជប៉ុនមានប្រមាណ ២៨ ពាន់លានដុល្លារ ស្មើ ២៤.៦៥ ភាគរយ និងប្រទេសសិង្ហបុរីវិនិយោគជាង ១៣ ពាន់លានដុល្លារ ស្មើ ១១.៧៥ ភាគរយ ៕
បកប្រែ ៖ ទីន