ឧកញ៉ា សៅ សេងហាក់ Archives - Millions times

នៅចាំកូនក្រមុំដែលដេគ័ររោងការបែបខ្មែរបុរាណ ថ្មីៗនេះបង្ហាញខ្លួនចូលរួមកម្មវិធីមិត្តភ័ក្តិយ៉ាងស្រទន់ ស៊ីវិល័យ លើទឹកដីអ៊ីតាលី

Vin Chang — Thu, 01 Oct 2026 09:48:42 +0000

កាលពីអំឡុងខែកុម្ភៈ ឆ្នាំ ២០២៦ កន្លងទៅ មង្គលការដ៏ស្រស់ស្អាត និងអស្ចារ្យ ព្រោះតែការរៀបចំ បែបខ្មែរបុរាណសុទ្ធសាធ ហើយកូនក្រមុំក៏រៀបចំតុបតែងខ្លួនយ៉ាងសមសួនបំផុតនោះ ថ្មីៗនេះកូនស្រីឧកញ៉ា សៅ សេងហាក់ អ្នកនាង លី សូវុន ដារីតា ព្រមទាំងលោក សុខ សេរីឧត្តម បានបណ្ដើរគ្នាត្រសងទៅចូលរួមមង្គលការមិត្តភ័ក្តិនៅប្រទេសអ៊ីតាលី។

តាមដានជាមួយយើង៖ Million Times

អ្នកនាង លី សូវុន ដារីតា បានតុបតែខ្លួនបែបស្រស់ស្អាត សមនឹងទិដ្ឋភាពមង្គលការដ៏រ៉ូមែនទិក នៅលើទឹកដីអ៊ីតាលី ហើយសមនឹងបរិយាកាសមាត់បឹងល្បី មើលទៅល្អឥតទាស់ស័ក្ដិសមនឹងរូបសម្រស់។

មិនថាក្នុងឈុតណាឡើយ ស្រ្តីភអិជនរូបនេះ មិនបានតុបតែងមុខក្រាស់ៗឡើយ មិនខុសពីថ្ងៃមង្គលការខ្លួនទេ ស្ទីលទម្លាក់សក់ធម្មតាៗ តែមើលទៅស្រស់ស្អាតបែបធម្មជាតិ ពិតជាគយគន់មិនចេះណាយ។

គួរបញ្ជាក់ថា កាលថ្ងៃមង្គលការ កាលពីថ្ងៃទី១៩-២០ ខែកុម្ភៈ ឆ្នាំ ២០២៦ កន្លងទៅ គូស្វាមីទទួលបានការកោតសរសើរខ្លាំងមែនទែន ពីការរៀបចំពិធី ដោយយកផ្លែឈើ បន្លែ ផ្កា មកដេគ័របែបខ្មែរ កម្រងផ្កាគឺក្រងពីផ្លែម្រេចខ្ចី សូម្បីវត្ថុអនុស្សាវរីយ៍សម្រាប់ភ្ញៀវក៏យកផ្លែអង្គញ់ច្នៃឆ្លាក់ក្បាច់ជូនដែរ៕

អត្ថបទ៖ ឆដា, រូបភាព៖ IG sowondaritalee

The post នៅចាំកូនក្រមុំដែលដេគ័ររោងការបែបខ្មែរបុរាណ ថ្មីៗនេះបង្ហាញខ្លួនចូលរួមកម្មវិធីមិត្តភ័ក្តិយ៉ាងស្រទន់ ស៊ីវិល័យ លើទឹកដីអ៊ីតាលី appeared first on Millions times.

គ្រឿងបុរាណៗតុបតែងក្នុងពិធីមង្គលការអភិជន ជាគំនិតកូនក្រមុំរបស់ឧកញ៉ា សៅ សេងហាក់

Vin Chang — Mon, 23 Feb 2026 08:07:41 +0000

ថ្មីៗនេះមង្គលការនៅក្នុងសង្គមខ្មែរដែលល្បីខ្លាំងចំពោះការបំផុតគំនិតបែបបុរាណកាលរបស់កូនប្រុសឯកឧត្ដម សុខ ចិន្តាសោភា និងលោកជំទាវ ទន់ ឯកសូហ្វី នាម សុខ សេរីឧត្តម និងកូនក្រមុំនាម លី សូវុន ដារីតា ជាបុត្រីឧកញ៉ា សៅ សេងហាក់ ព្រមទាំងលោកជំទាវ រស់ តារ៉ា ទទួលបានការកោតសរសើរពេញបណ្ដាញសង្គម។

តាមដានជាមួយយើង៖ Million Times

មង្គលការកូនអភិជនគូនេះ ត្រូវបានគេលើកឡើងថា ដូចកាលរៀបចំកូនដង្ខៅ កាលពីរាប់រយឆ្នាំមុន។ ដោយសារតែគ្រឿងសង្ហារិមបែបបុរាណខ្មែរពណ៌ធម្មជាតិក្រម៉ៅៗ តុ ទូ កៅអី ហឹប ជាច្រើន គឺគំនិតកូនក្រមុំ លី សូវុន ដារីតា ហើយសម្ភារភាគច្រើនលើសលប់ទៀតសោត ក៏ជាកម្មសិទ្ធិរបស់គ្រួសារឧកញ៉ា សៅ សេងហាក់ ផ្ទាល់ផងដែរ។

មង្គលការត្រកូលអភិជនជាន់ខ្ពស់គូនេះ ប្រៀបដូចជាផ្ទាំងទស្សនីយភាពសិល្បៈបុរាណមួយដែលឆ្លុះបញ្ចាំងឲ្យឃើញពីទិដ្ឋភាពពិតនៅក្នុងពិធីមង្គលការនាសម័យបុរាណ ហើយក៏អាចក្លាយជាឯកសារប្រវត្តិសាស្ត្រមួយសម្រាប់មនុស្សជំនាន់ក្រោយបានស្វែងយល់ទៀតផង។

ក្រៅពីការតុបតែងបុរាណចំហើយនោះ បន្លែផ្លែឈើសម្រាប់ហែរជំនូនក៏សុទ្ធសឹងជារបស់ក្នុងស្រុក ហើយផ្លែឈើខ្លះទៀតសឹងតែគ្មានអ្នកស្គាល់ដូចជាក្រូចម្រាមដៃព្រះជាដើម។

មង្គលការកូនស្រីរបស់ឧកញ៉ា សៅ លាងហាក់ ជាមួយកូនប្រុសឯកឧត្ដម សុខ ចិន្តាសោភា ខុសប្លែកពីរោងការដែលពោរពេញទៅដោយផ្កាស្រស់ដែលនាំចូលពីបរទេស តែបែរជានាំយកស្លឹកត្នោត ផ្កាក្រដាស ដើមចេក និងដើមឈើក្នុងព្រៃខ្មែរ មកបន្ថែមសម្រស់ក្នុងរោងការ៕

អត្ថបទ៖ ឆដា, រូបភាព៖ FAST films&photography

The post គ្រឿងបុរាណៗតុបតែងក្នុងពិធីមង្គលការអភិជន ជាគំនិតកូនក្រមុំរបស់ឧកញ៉ា សៅ សេងហាក់ appeared first on Millions times.

ឥស្សរជនល្បីៗចូលរួមមង្គលការកូនប្រុសឯកឧត្តម សុខ ចិន្តាសោភា និងកូនស្រីឧកញ៉ា សៅ សេងហាក់

Vin Chang — Fri, 20 Feb 2026 09:13:04 +0000

មង្គលការថ្ងៃទី ២ របស់កូនប្រុសឯកឧត្ដម សុខ ចិន្តាសោភាដែលបានចង់មេត្រីជាមួយកូនស្រីឧកញ៉ា សៅ សេងហាក់ មានការចូលរួមពីសំណាក់បុគ្គលល្បីៗលំដាប់ប្រទេស ព្រមទាំងអ្នកជំនួញតូចធំជាច្រើនរូប។

តាមដានជាមួយយើង៖ Million Times

ក្នុងចំណោមភ្ញៀវកិត្តិយសជាច្រើនរួមមានទាំងសម្ដេចតេជោ ហ៊ុន សែន, លោកអ្នកឧកញ៉ា ភាព ហៀក, ឯកឧត្ដម ខៀវ កាញ៉ារិទ្ធ, ឧកញ៉ា កែវ មុំ, អ្នកឧកញ៉ា សៀ ឬទ្ធី, អ្នកឧកញ៉ា ម៉ុង ឫទ្ធី និងអ្នកមុខអ្នកការមន្ត្រីរាជការតូចធំជាច្រើនរូបទៀត។

ក្នុងកម្មវិធី The Premiere Sen Sok របស់ប្រុសឯកឧត្ដម សុខ ចិន្តាសោភា និងកូនស្រីឧកញ៉ា សៅ សេងហាក់ ហាក់មានភាពប្លែកពីមង្គលការអភិជនដទៃក្នុងការរៀបចំតុបតែងផ្កាផ្សេងៗ ហើយសម្លៀកបំពាក់កូនកំលោះកូនក្រមុំក៏មើលទៅស្អាតបាត រម្យទម។

កម្មវិធីមង្គលកូនអ្នកមុខអ្នកការនេះ ទទួលបានការចាប់អារម្មណ៍ខ្លាំងពីសំណាក់មហាជន ព្រោះមើលទៅដូចរៀបចំក្នុងបឹង មានឈូក រុក្ខជាតិលើទឹក តែមិនមែនជាផ្កាស្រស់ថ្លៃៗ ដូនកូនសេដ្ឋីដទៃ៕

អត្ថបទ៖ ឆដា៖ រូបភាព៖ Kanharith Khieu, ឯកឧត្តមបណ្ឌិត ម៉ុង ឫទ្ធី

The post ឥស្សរជនល្បីៗចូលរួមមង្គលការកូនប្រុសឯកឧត្តម សុខ ចិន្តាសោភា និងកូនស្រីឧកញ៉ា សៅ សេងហាក់ appeared first on Millions times.

ឧកញ៉ា សៅ សេងហាក់ Archives - Millions times

គ្រឿងបុរាណៗតុបតែងក្នុងពិធីមង្គលការអភិជន ជា​គំនិតកូនក្រមុំរបស់ឧកញ៉ា សៅ សេងហាក់

ឥស្សរជនល្បីៗចូលរួមមង្គលការកូនប្រុសឯកឧត្តម សុខ ចិន្តាសោភា និងកូនស្រីឧកញ៉ា សៅ សេងហាក់

គ្រឿងបុរាណៗតុបតែងក្នុងពិធីមង្គលការអភិជន ជាគំនិតកូនក្រមុំរបស់ឧកញ៉ា សៅ សេងហាក់