សហព័ន្ធស្រូវអង្ករកម្ពុជា និងសមាគមភស្តុភារកម្មកម្ពុជា បានចុះអនុស្សរណៈនៃការយោគយល់គ្នា ដើម្បីពង្រឹងកិច្ចសហប្រតិបត្តិការ និងបង្កើនប្រសិទ្ធភាពក្នុងការដឹកជញ្ជូន និងការនាំចេញស្រូវអង្ករកម្ពុជា។

ពិធីចុះអនុស្សរណៈនេះធ្វើឡើងនៅថ្ងៃទី២៩ ខែកញ្ញា ឆ្នាំ២០២៦ នៅធនាគារអភិវឌ្ឍន៍ជនបទ និងកសិកម្ម ក្រោមអធិបតីភាព ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម។

ក្នុងពិធីនេះ ឧកញ៉ា គឹម សាវុធ ប្រធានក្រុមប្រឹក្សាភិបាលគោលនយោបាយសហព័ន្ធស្រូវអង្ករកម្ពុជា និងឧកញ៉ា ចាន់ សុឃាំង ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា បានអញ្ជើញចូលរួមជាភ្ញៀវកិត្តិយស។

អនុស្សរណៈត្រូវបានចុះហត្ថលេខាដោយ ឧកញ៉ាបណ្ឌិត ឡាយ ឈុនហួ ប្រធានសហព័ន្ធស្រូវអង្ករកម្ពុជា និងឧកញ៉ា ហាក់ លាងហ៊ ប្រធានសមាគមភស្តុភារកម្មកម្ពុជា ដោយមានការចូលរួមពីសមាជិក សមាជិកានៃស្ថាប័នទាំងពីរ និងភាគីពាក់ព័ន្ធក្នុងវិស័យស្រូវអង្ករ និងភស្តុភារកម្ម។

តាមអនុស្សរណៈនេះ ភាគីទាំងពីរនឹងសហការគ្នាដើម្បីស្វែងយល់ និងផ្សព្វផ្សាយអំពីនីតិវិធី និងបទប្បញ្ញត្តិថ្មីៗដែលពាក់ព័ន្ធនឹងវិស័យភស្តុភារកម្ម និងការនាំចេញស្រូវអង្ករ តាមរយៈការរៀបចំវគ្គបណ្ដុះបណ្ដាល សិក្ខាសាលា និងព្រឹត្តិការណ៍នានារួមគ្នា។

កិច្ចសហការនេះក៏មានគោលបំណងគាំទ្រការកសាងធនធានមនុស្សក្នុងវិស័យភស្តុភារកម្ម និងស្រូវអង្ករ ព្រមទាំងបង្កើនសក្ដានុពល និងទាក់ទាញការវិនិយោគបន្ថែមក្នុងវិស័យទាំងពីរ។

ឧកញ៉ា ឡាយ ឈុនហួ បានលើកឡើងថា អនុស្សរណៈនេះនឹងបើកឱកាសឱ្យភាគីទាំងពីរធ្វើការរួមគ្នាលើបញ្ហាជាក់ស្តែងបានកាន់តែច្រើន ជាពិសេសការផ្លាស់ប្ដូរព័ត៌មានអំពីរដូវកាល និងបរិមាណទំនិញដែលត្រូវដឹកជញ្ជូន ការសម្របសម្រួលតម្រូវការកុងតឺន័រ ការកែលម្អការវេចខ្ចប់ និងការរៀបចំការដឹកជញ្ជូនពីរោងម៉ាស៊ីនទៅកំពង់ផែ។

លោកបានបញ្ជាក់ថា ការស្តាប់ និងស្វែងយល់ពីបញ្ហារបស់គ្នាទៅវិញទៅមក នឹងជួយឱ្យភាគីទាំងពីរកំណត់បាននូវដំណោះស្រាយដែលអាចអនុវត្តបានសម្រាប់ការងាររួម។

យោងតាមសហព័ន្ធស្រូវអង្ករកម្ពុជា ក្នុងរយៈពេល៨ខែ ឆ្នាំ២០២៦ កម្ពុជាបាននាំចេញអង្ករចំនួន ៧៩២ ២១២តោន តាមរយៈក្រុមហ៊ុននាំចេញចំនួន៦១ ទៅកាន់ទីផ្សារគោលដៅចំនួន៦៦។

ក្នុងចំណោមនេះ ការនាំចេញអង្ករទៅកាន់សហគមន៍អឺរ៉ុបចំនួន៣៣ប្រទេស មានចំនួន ២៣២ ៣១៩តោន គិតជាទឹកប្រាក់ ១៧៥,៥៧លានដុល្លារ ខណៈទីផ្សារចិន និងហុងកុងទទួលទិញ ១៧៧ ៧៨៣តោន ដែលមានតម្លៃ ១០៥,៣៤លានដុល្លារ។

បណ្តាប្រទេសអាស៊ានចំនួន៥ បានបញ្ជាទិញអង្ករកម្ពុជាចំនួន ៣១៥ ០៨៨តោន មានតម្លៃ ១២២,៩៣លានដុល្លារ ខណៈទីផ្សារចំនួន២៥ប្រទេសផ្សេងទៀត រួមមានតំបន់អាហ្វ្រិក និងមជ្ឈិមបូព៌ា បានបញ្ជាទិញចំនួន ៦៧ ០២២តោន ស្មើនឹង ៦០,៣៣លានដុល្លារ។

ក្នុងរយៈពេលដូចគ្នា អង្ករក្រអូបមានចំណែកធំបំផុតនៃការនាំចេញអង្ករ ដោយមានរហូតដល់៥៧ភាគរយ។ ក្រៅពីនេះ ក៏មានអង្ករសគ្រាប់វែង អង្ករបាក់ អង្ករចំហុយ អង្ករសរីរាង្គ និងអង្ករប្រភេទផ្សេងទៀត។

ជាមួយគ្នានេះ កម្ពុជាបាននាំចេញស្រូវសើមចំនួន ៣ ៣៥៦ ៩៦៩តោន ទៅកាន់ប្រទេសជិតខាង ក្នុងតម្លៃប្រមាណ ៧៥៣,៤១លានដុល្លារ៕

អត្ថបទ៖ ប៊ី

តាមដានជាមួយយើង៖ Million Times

second...

x

The post វិស័យស្រូវអង្ករ និងភស្តុភារកម្ម ចាប់ដៃគ្នាពង្រឹងប្រសិទ្ធភាពការដឹកជញ្ជូន និងនាំចេញ appeared first on Millions times.

ភ្នំពេញ៖ អង្ករកម្ពុជាបានបោះជំហានបន្ថែមចូលទីផ្សារហ្វីលីពីន តាមរយៈកិច្ចសន្យាទិញ-លក់អង្ករចំនួន ១០,០០០ តោន រវាងក្រុមហ៊ុន City Rice Import Export Co., Ltd. និងក្រុមហ៊ុន DILAI Trading Co. Pte. Ltd. ដែលជាការនាំចេញអង្ករកម្ពុជាតាមទម្រង់ដឹកជញ្ជូនជាបរិមាណច្រើនទៅកាន់ទីផ្សារនេះជាលើកដំបូង។

ពិធីចុះហត្ថលេខាលើកិច្ចសន្យានេះធ្វើឡើងនៅរសៀលថ្ងៃទី១៤ ខែកញ្ញា ឆ្នាំ២០២៦ នៅទីស្តីការក្រសួងពាណិជ្ជកម្ម ក្រោមអធិបតីភាពលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ដោយមានការចូលរួមពីថ្នាក់ដឹកនាំក្រសួង លោកស្រី Genina Marion Rafal លេខាទី៣ នៃស្ថានទូតសាធារណរដ្ឋហ្វីលីពីនប្រចាំកម្ពុជា ឧកញ៉ាបណ្ឌិត ឡាយ ឈុនហួ អគ្គនាយកក្រុមហ៊ុន City Rice Import Export និងលោក Rudy Suharto ប្រធានក្រុមហ៊ុន DILAI Trading ព្រមទាំងភ្ញៀវកិត្តិយសជាច្រើនរូប។

លោកជំទាវ ចម និម្មល បានវាយតម្លៃខ្ពស់ចំពោះសមិទ្ធផល និងការរីកចម្រើននៃប្រតិបត្តិការធុរកិច្ចរបស់ក្រុមហ៊ុន City Rice Import Export ព្រមទាំងថ្លែងអំណរគុណដល់ក្រុមហ៊ុន DILAI Trading ដែលបានជ្រើសរើសកម្ពុជាជាដៃគូផ្គត់ផ្គង់អង្ករ និងផ្តល់ទំនុកចិត្តលើគុណភាព និងសមត្ថភាពផ្គត់ផ្គង់អង្កររបស់កម្ពុជា។

លោកជំទាវរដ្ឋមន្ត្រីបានគូសបញ្ជាក់ថា កិច្ចសន្យានេះមិនត្រឹមតែជាប្រតិបត្តិការពាណិជ្ជកម្មប៉ុណ្ណោះទេ ប៉ុន្តែជាជំហានយុទ្ធសាស្ត្រសំខាន់ក្នុងការពង្រីកទីផ្សារអង្ករកម្ពុជា ពង្រឹងសន្តិសុខស្បៀង និងលើកកម្ពស់កិច្ចសហប្រតិបត្តិការសេដ្ឋកិច្ច-ពាណិជ្ជកម្មរវាងកម្ពុជា និងហ្វីលីពីន។

លោកជំទាវបានលើកទឹកចិត្តឱ្យក្រុមហ៊ុនទាំងពីរអនុវត្តកិច្ចសន្យាឱ្យបានពេញលេញ និងមានប្រសិទ្ធភាព ដោយប្រកាន់ខ្ជាប់នូវវិជ្ជាជីវៈ ការទទួលខុសត្រូវ តម្លាភាព ភាពស្មោះត្រង់ និងកិច្ចសហការជិតស្និទ្ធ ព្រមទាំងធានាការទូទាត់ត្រឹមត្រូវ ការដឹកជញ្ជូនទាន់ពេលវេលា គុណភាព និងស្ថិរភាពនៃការផ្គត់ផ្គង់។

ទន្ទឹមនេះ លោកជំទាវរដ្ឋមន្ត្រីបានជំរុញឱ្យតួអង្គពាក់ព័ន្ធក្នុងខ្សែច្រវាក់តម្លៃស្រូវអង្ករ និងសហព័ន្ធស្រូវអង្ករកម្ពុជា បន្តពង្រឹងគុណភាព សុវត្ថិភាព និងសោភ័ណភាពនៃការវេចខ្ចប់ ព្រមទាំងអនុវត្តឱ្យបានពេញលេញនូវ «យុទ្ធសាស្ត្រពង្រីក និងពិពិធកម្មទីផ្សារនាំចេញអង្ករកម្ពុជា ២០២៥-២០៣០» ដើម្បីបង្កើនភាពប្រកួតប្រជែង និងពង្រីកចំណែកទីផ្សារអង្ករកម្ពុជានៅលើទីផ្សារអន្តរជាតិ។

ឧកញ៉ាបណ្ឌិត ឡាយ ឈុនហួ អគ្គនាយកក្រុមហ៊ុន City Rice Import Export បានមានប្រសាសន៍ថា ពិធីចុះហត្ថលេខានេះមិនត្រឹមតែជាការចុះកិច្ចព្រមព្រៀងពាណិជ្ជកម្មមួយប៉ុណ្ណោះទេ ប៉ុន្តែជាព្រឹត្តិការណ៍ប្រវត្តិសាស្ត្រដ៏មានសារៈសំខាន់សម្រាប់វិស័យស្រូវអង្ករកម្ពុជា។

លោកឧកញ៉ា បានបញ្ជាក់ថា នេះគឺជាការនាំចេញអង្ករកម្ពុជាតាមទម្រង់ដឹកជញ្ជូនជាបរិមាណច្រើនទៅកាន់ប្រទេសហ្វីលីពីនជាលើកដំបូង ដែលជាការបោះជំហានមួយបន្ថែមទៀតក្នុងការពង្រីកទីផ្សារសម្រាប់អង្ករកម្ពុជា៕

អត្ថបទ៖ ប៊ី

តាមដានជាមួយយើង៖ Million Times

second...

x

The post អង្ករកម្ពុជាបោះជំហានចូលទីផ្សារហ្វីលីពីន តាមកិច្ចសន្យានាំចេញ ១០,០០០ តោន appeared first on Millions times.

ភ្នំពេញ៖ កម្ពុជាបាននាំចេញអង្ករចំនួន ៧០៧,៤៧១ តោន គិតជាទឹកប្រាក់សរុប ៤១៥.១២ លានដុល្លារសហរដ្ឋអាមេរិក ក្នុងរយៈពេល ៧ខែ នៃឆ្នាំ២០២៦ ខណៈអង្ករកម្ពុជាត្រូវបាននាំចេញទៅកាន់គោលដៅចំនួន ៦៦។ នេះបើយោងតាមរបាយការណ៍របស់សហព័ន្ធស្រូវអង្ករកម្ពុជា ចេញផ្សាយនៅថ្ងៃទី៥ ខែសីហា ឆ្នាំ២០២៦។

របាយការណ៍បង្ហាញថា ការនាំចេញអង្ករក្នុងរយៈពេល ៧ខែនេះ ត្រូវបានធ្វើឡើងតាមរយៈក្រុមហ៊ុននាំចេញអង្ករចំនួន ៦១ ក្រុមហ៊ុន ទៅកាន់ទីផ្សារចំនួន ៦៦ គោលដៅ។

ក្នុងនោះ កម្ពុជាបាននាំចេញអង្ករទៅកាន់បណ្តាប្រទេសនៅតំបន់អឺរ៉ុបចំនួន ៣៣ ប្រទេស ក្នុងបរិមាណ ២០៧,១៥៧ តោន គិតជាទឹកប្រាក់ ១៥៦.៤៥ លានដុល្លារ។

សម្រាប់ទីផ្សារចិន និងហុងកុង កម្ពុជាបាននាំចេញអង្ករចំនួន ១៧៤,៩៣០ តោន មានតម្លៃ ១០៣.៣១ លានដុល្លារ ខណៈទីផ្សារអាស៊ានចំនួន ៥ ប្រទេស ទទួលបានអង្ករកម្ពុជាចំនួន ២៦៦,៣០០ តោន ដែលមានតម្លៃ ១០២.៨៤ លានដុល្លារ។

ចំណែកគោលដៅចំនួន ២៥ ប្រទេសផ្សេងទៀត រួមមានទីផ្សារនៅអាហ្វ្រិក មជ្ឈិមបូព៌ា អាមេរិក កាណាដា អូស្ត្រាលី និងញូវហ្សេឡង់ បាននាំចូលអង្ករកម្ពុជាចំនួន ៥៩,០៨៤ តោន គិតជាទឹកប្រាក់ ៥២.៥២ លានដុល្លារ។

តាមប្រភេទអង្ករ អង្ករក្រអូបមានចំណែកធំបំផុតនៃការនាំចេញ ស្មើ ៥៩.២៣ ភាគរយ បន្ទាប់មកអង្ករសគ្រាប់វែង ២៣.៦៦ ភាគរយ អង្ករបាក់គ្រប់ប្រភេទ ១៣.៧០ ភាគរយ អង្ករចំហុយ ១.៩៣ ភាគរយ អង្ករសរីរាង្គ ១.២៨ ភាគរយ និងអង្ករផ្សេងៗ ០.២ ភាគរយ។

ក្រៅពីការនាំចេញអង្ករ កម្ពុជាក៏បាននាំចេញស្រូវសើមចំនួន ៣,០០៦,១២២ តោន ក្នុងរយៈពេល ៧ខែដូចគ្នា ដោយមានតម្លៃប៉ាន់ប្រមាណ ៦៦៥.៧០ លានដុល្លារសហរដ្ឋអាមេរិក៕

អត្ថបទ៖ ប៊ី

តាមដានជាមួយយើង៖ Million Times

second...

x

The post កម្ពុជានាំចេញអង្ករជាង ៧០០ ពាន់តោន រកចំណូលបានជាង ៤១៥ លានដុល្លារ ក្នុង ៧ ខែ appeared first on Millions times.

កម្ពុជារកចំណូលបានប្រមាណ ៣៦៧.១ លានដុល្លារ ពីការនាំចេញអង្ករចំនួន ៦៣០ ពាន់តោនទៅកាន់ទីផ្សារក្រៅប្រទេសក្នុងរយៈពេល ៦ ខែ ឆ្នាំ​២០២៦។ នេះយោងតាមរបាយការណ៍របស់សហព័ន្ធស្រូវអង្ករ ចេញផ្សាយនៅថ្ងៃទី៩ ខែកក្កដា ឆ្នាំ ២០២៦។

របាយការណ៍បានឱ្យដឹងថា ក្នុងរយៈពេល ៦ ខែនៃឆ្នាំ ២០២៦ តាមរយៈក្រុមហ៊ុនចេញអង្ករចំនួន ៦០ ក្រុមហ៊ុន កម្ពុជាបាននាំចេញអង្ករបានចំនួន ៦៣០ ៣១៩ តោន​ ទៅកាន់គោលដៅចំនួន ៦៤។ 

របាយការណ៍ ឱ្យដឹងទៀតថា ការនាំចេញអង្ករទៅកាន់បណ្តាប្រទេសនៅក្នុងតំបន់អឺរ៉ុបចំនួន​ ៣២ ​បានបរិមាណអង្ករចំនួន ១៧៩ ៨២៨តោន គិតជាទឹកប្រាក់ចំនួន ១២១.៧៣​ លានដុល្លារ, ទៅកាន់ប្រទេសចិន ​និងតំបន់រដ្ឋបាលស្វយ័តចំនួន ១៧០ ៤៨៣ តោន គិតជាទឹកប្រាក់ចំនួន ៩៩.៦៧លានដុល្លារ និងទៅកាន់ប្រទេសក្នុងអាស៊ានចំនួន ៥ប្រទេសបានបរិមាណចំនួន ២២៨ ៧៨០ តោន​ គិតជាទឹកប្រាក់ចំនួន ៩៨.៩ លានដុល្លារ។

បន្ថែមពីនេះ កម្ពុជាក៏បាននាំទៅកាន់គោលដៅ ២៤ ប្រទេសផ្សេងទៀតមាន អាហ្វ្រិក មជ្ឈឹមបូព៌ា ។ល។ បានចំនួន ៥១ ២២៨ តោន គិតជាទឹកប្រាក់ចំនួន ៤៦.៨ លានដុល្លារ។

គួររំលឹកផងដែរថា ចំពោះប្រភេទអង្ករដែលបាននាំចេញអង្កររួមមាន អង្ករក្រអូបចំនួន ៥៩.៨១ភាគរយ, អង្ករសគ្រាប់វែង ២២.៥៨ភាគរយ, អង្ករចំហ៊ុយ ១.៨២ភាគរយ, អង្ករសរីរាង្គចំនួន ១.២៤ភាគរយ និងអង្ករផ្សេងៗចំនួន ០.២ភាគរយ៕

អត្ថបទ៖ ប៊ី

តាមដានជាមួយយើង៖ Million Times

second...

x

The post កម្ពុជារកចំណូលបានជាង ៣៦០ លានដុល្លារពីការនាំចេញអង្ករទៅក្រៅប្រទេស ក្នុងឆមាសទី ១ ឆ្នាំ ២០២៦ appeared first on Millions times.

គិតត្រឹមដើមខែធ្នូ ឆ្នាំ ២០២៥ រោងម៉ាស៊ីនកិនស្រូវ និងក្រុមហ៊ុននាំចេញអង្ករសរុបចំនួន ៣១ បានទទួលឥណទានជាទុនបង្វិល តាមរយៈកម្មវិធីហិរញ្ញប្បទានពិសេសរបស់រាជរដ្ឋាភិបាល ដែលជាការលើកទឹកចិត្ត និងការចូលរួមចំណែកយ៉ាងសកម្មពីវិស័យឯកជនជាមួយរាជរដ្ឋាភិបាល ក្នុងការឆ្លើយតបទៅនឹងការធ្លាក់ចុះតម្លៃស្រូវ នៅក្នុងរដូវកាលប្រមូលផលធំឆ្នាំ ២០២៥។ នេះបើយោងតាមការបញ្ជាក់របស់ធនាគារអភិវឌ្ឍន៍ជនបទ និងកសិកម្ម (ARDB)។

ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម (ARDB) ព្រមទាំងសហការី កាលពីថ្ងៃទី ៦ ខែធ្នូ ឆ្នាំ ២០២៥ បានអញ្ជើញចុះពិនិត្យដោយផ្ទាល់នូវវឌ្ឍនភាពនៃការប្រមូលទិញស្រូវ និងស្ថានភាពស្តុកស្រូវ-អង្ករ នៅរោងម៉ាស៊ីនកិនស្រូវចំនួនបីកន្លែង ក្នុងខេត្តសៀមរាប និងខេត្តកំពង់ធំ។

រោងម៉ាស៊ីនកិនស្រូវដែលបានចុះពិនិត្យរួមមាន៖ រោងម៉ាស៊ីនកិនស្រូវ ១៦៨ រោងម៉ាស៊ីនកិនស្រូវ ងួន ហុង និងរោងម៉ាស៊ីនកិនស្រូវ សេក មាស។

តាមដានជាមួយយើង៖ Million Times

ARDB​ បានគូសបញ្ជាក់ថា រោងម៉ាស៊ីនកិនស្រូវទាំងបីនេះ សុទ្ធសឹងតែបានទទួល ឥណទានជាទុនបង្វិល ក្រោមកម្មវិធីហិរញ្ញប្បទានពិសេស ៤០ លានដុល្លារ របស់រាជរដ្ឋាភិបាល។ កម្មវិធីនេះមានគោលបំណងចម្បងក្នុងការពង្រឹងវិស័យកសិកម្ម រកទីផ្សារ ក៏ដូចជាធានានូវលំនឹងតម្លៃកសិផល ជាពិសេសស្រូវអង្ករ។

ARDB​ បានឱ្យដឹងថា ៖«គិតត្រឹមថ្ងៃនេះ (ថ្ងៃទី ៦ ខែធ្នូ ឆ្នាំ ២០២៥) រោងម៉ាស៊ីនកិនស្រូវ និងក្រុមហ៊ុននាំចេញអង្ករសរុបចំនួន ៣១ បានទទួលឥណទានជាទុនបង្វិល តាមរយៈកម្មវិធីហិរញ្ញប្បទានពិសេសរបស់រាជរដ្ឋាភិបាល»។

ការផ្តល់ឥណទាននេះ គឺជាការលើកទឹកចិត្ត និងការចូលរួមចំណែកយ៉ាងសកម្មពីវិស័យឯកជនជាមួយរាជរដ្ឋាភិបាល ក្នុងការឆ្លើយតបទៅនឹងការធ្លាក់ចុះតម្លៃស្រូវ នៅក្នុងរដូវកាលប្រមូលផលធំឆ្នាំ២០២៥។ កិច្ចខិតខំប្រឹងប្រែងនេះ មានសារៈសំខាន់ណាស់ ដើម្បីប្រមូលទិញស្រូវឱ្យអស់លទ្ធភាព និងតាម តម្លៃសមរម្យ ពីបងប្អូនប្រជាកសិករទូទាំងប្រទេស។

សូមបញ្ជាក់ផងដែរថា កាលពីថ្ងៃទី ៨ ខែវិច្ឆិកា ឆ្នាំ ២០២៥ រាជរដ្ឋាភិបាលកម្ពុជាបានសម្រេចបញ្ចេញទុនបន្ថែមចំនួន ៤០ លានដុល្លារ​ ក្រោមកម្មវិធីហិរញ្ញប្បទានពិសេសរបស់រាជរដ្ឋាភិបាល សម្រាប់ជួយដល់ការប្រមូលទិញស្រូវក្នុងរដូវច្រូតកាត់ចុងឆ្នាំ២០២៥ និងដើមឆ្នាំ២០២៦ ដើម្បីដោះស្រាយបញ្ហាធ្លាក់តម្លៃស្រូវ។

​ARDB​ បានគូសបញ្ជាក់ថា ក្នុងរដូវកាលប្រមូលផលស្រូវជាបន្តបន្ទាប់មកនេះ​ តម្លៃស្រូវ មានការធ្លាក់ចុះ ខណៈពេលដែលតម្លៃអង្ករលើទីផ្សារអន្តរជាតិកំពុងមាននិន្នាការធ្លាក់ចុះ ដោយសារតែស្តុកអង្ករសម្រាប់សុវត្ថិភាពស្បៀងឆ្នាំ២០២៤ របស់ប្រទេសមួយចំនួន បន្តប្រើប្រាស់ក្នុងឆ្នាំ២០២៥ ដែលធ្វើឱ្យតម្រូវការអង្ករនៅទីផ្សារអន្តរជាតិធ្លាក់ចុះ ជាមួយនឹងផលិតកម្មស្រូវនៅកម្ពុជា និងលើសកលលោកបន្តកើនឡើង។

​ARDB បន្ថែមថា«ឆ្លើយតបនឹងបញ្ហាធ្លាក់ថ្លៃនេះ​ រាជរដ្ឋាភិបាលកម្ពុជា បាន និងកំពុងយកចិត្តទុកដាក់ខ្ពស់លើការរក្សាលំនឹងថ្លៃស្រូវ និងលំនឹងជីវភាពបងប្អូនប្រជាកសិករ ដោយចាត់វិធានការអន្តរាគមន៍ជាបន្តបន្ទាប់ រួមទាំងការបញ្ចេញមូលនិធិ ក្រោមកម្មវិធីហិរញ្ញប្បទានពិសេសរបស់រាជរដ្ឋាភិបាល សម្រាប់ផ្តល់ឥណទាន ជាទុនបង្វិលដល់រោងម៉ាស៊ីនកិនស្រូវដែលជាដៃគូជាមួយនឹងធនាគារ ARDB និងក្រសួងកសិកម្ម រុក្ខាប្រមាញ់ និងនេសាទដើម្បីប្រមូលទិញស្រូវតាមតម្លៃសមរម្យពីបងប្អូនប្រជាកសិករ»។

ដើម្បីអន្តរាគមន៍រក្សាលំនឹងថ្លៃស្រូវក្នុងប្រមូលផលក្នុងខែវិច្ឆិកាដល់ខែធ្នូ ឆ្នាំ២០២៥ និងដើមឆ្នាំ ២០២៦ ខាងមុខនេះ​ រាជរដ្ឋាភិបាលបានសម្រេចបញ្ចេញមូលនិធិចំនួន៤០ លានដុល្លារអាម៉េរិកបន្ថែមទៀត ក្រោមកម្មវិធីហិរញ្ញប្បទានរបស់រាជរដ្ឋាភិបាល ដើម្បីលើកស្ទួយផលិតផលកសិកម្ម រកទីផ្សារ និងរក្សាលំនឹង ថ្លៃកសិផល តាមរយៈធនាគារ ARDB សម្រាប់ផ្តល់ឥណទានជាបង្វិលដល់រោងម៉ាស៊ីនកិនស្រូវដៃគូ ប្រមូលទិញស្រូវឱ្យអស់លទ្ធភាព និងតាមតម្លៃសមរម្យពីបងប្អូនប្រជាកសិករ៕

អត្ថបទ៖ ប៊ី

second...

x

The post រោងម៉ាស៊ីនកិនស្រូវ និងក្រុមហ៊ុននាំចេញអង្ករសរុបជាង ៣០ បានទទួលឥណទានជាទុនបង្វិលពីរាជរដ្ឋាភិបាល appeared first on Millions times.

រយៈពេល ៥ខែដំបូងក្នុងឆ្នាំ២០២៥ ប្រទេសហ្វីលីពីនបាននាំចូលអង្ករសរុប ១,៧លានតោន ធ្លាក់ចុះប្រហែល ២១% បើសិនធៀបរយៈពេលដូចគ្នាកាលពីឆ្នាំមុន។ នេះបើតាមការចុះផ្សាយពីសារព័ត៌មាន VNExpress។

តាមដានជាមួយយើង៖ Million Times

ប្រទេសនាំចូលអង្ករច្រើនបំផុតលើលោកមួយនេះ បានកាត់បន្ថយការទិញអង្ករពីបរទេស បន្ទាប់ពីទិន្ននផលស្រូវនៅក្នុងស្រុកមានកំណើនគួរឲ្យកត់សម្គាល់ក្នុងឆ្នាំនេះ ពោលក្នុងត្រីមាសដំបូង ហ្វីលីពីនប្រមូលផលស្រូវបានរហូតដល់ ៤,៦៩លានតោន។

បើទោះជារយៈពេលជិតកន្លះឆ្នាំមកនេះ ការនាំចូលអង្កររបស់ហ្វីលីពីនមានភាពអវិជ្ជមានក្ដី ប៉ុន្តែក្រសួងកសិកម្មអាមេរិក (USDA) បានអះអាងថា ហ្វីលីពីន នឹងបន្តរក្សាតំណែងជាប្រទេសទិញអង្ករច្រើនបំផុតលើលោកក្នុងឆ្នាំ២០២៥ ដដែល ដោយព្យាករថា សមាជិកអាស៊ាននេះ នឹងទិញអង្ករជាង ៥លានតោនពីប្រទេស។

គួររំលឹកបន្តិចថា ក្នុងមួយឆ្នាំៗ ហ្វីលីពីននាំចូលអង្កររាប់លានតោនពីបរទេស និងជាប់ឈ្មោះជាប្រទេសទិញអង្ករច្រើនបំផុតលើលោក ខណៈចិនគឺជាប្រទេសផលិត និងប្រើប្រាស់អង្ករច្រើនបំផុតលើលោក៕

អត្ថបទ៖ Luffy រូបភាព៖ The Star

second...

x

The post ការនាំចូលអង្កររបស់ហ្វីលីពីន ដែលជាអ្នកទិញអង្ករច្រើនបំផុតលើលោក ធ្លាក់ចុះ២១% appeared first on Millions times.

អង្ករ “កូនខ្មែរ” ជាម៉ាកសញ្ញាដែលបងប្អូនអាចជឿជាក់ ១០០% ថាជាអង្ករបាត់ដំបងពិត ធ្វើឲ្យម្ហូបអាហាររបស់លោកអ្នកកាន់តែឈ្ងុយឆ្ងាញ់គ្រប់ពេលវេលា។

អង្ករកូនខ្មែរ អង្ករធម្មជាតិពិត ១០០%ពីស្រុកថ្មគោល ដែលសម្រិតសម្រាំងគ្រប់ដំណាក់កាល ពិសេសវិសុទ្ធគ្រប់គ្រាប់អង្ករ ចាប់តាំងពីការប្រមូលផលរហូតដល់ការវេចខ្ចប់។

តាមដានជាមួយយើង៖ Million Times

សូមណែនាំបងប្អូនជ្រើសរើសយក “អង្ករកូនខ្មែរ” ដើម្បីធានាបាននូវអង្ករធម្មជាតិពីខេត្តបាត់ដំបងពិតប្រាកដ។ សូមជ្រើសយកអង្ករកូនខ្មែរ ដើម្បីសុខភាពលោកអ្នក និងក្រុមគ្រួសារ។

ទំនាក់ទងទិញឥលូវនេះតាមរយៈសាខាដែលនៅជិតលោកអ្នកបំផុត៖ 

១.  សាខាផ្សារដើមគរ             

076 9789 976 | 088 5978 997

២.  សាខាបុរីប៉េងហួតបឹងស្នោរ 

095 6666 99  | 088 5978 997

៣. សាខាជ្រោយចង្វារ     

096 2397 008| 088 5978 997

៤.  សាខាតាខ្មៅ                    

067 397 008   | 088 5978 997

៥.  សាខាជីបម៉ុង៣៧១    

097 4267 652 | 088 5978 997 

៦. សាខាកំពង់សោម​              

096 5118 298  | 076 9789 976

៧. សាខាស្រុកមេម៉ត់     

092 371 414    | 097 306 0660

ដឹកជញ្ជូនដល់ទីតាំងដោយឥតគិតថ្លៃ ! 

second...

x

The post ទំលាក់លេខ ទំលាក់ទីតាំង និងទំលាក់គីឡូអង្ករ ដឹកជញ្ជូនភ្លាមដល់មុខផ្ទះតែម្តងពី «អង្ករកូនខ្មែរ» ដើម្បីសុខភាព appeared first on Millions times.

តម្លៃអង្ករនៅប្រទេសជប៉ុនកាលពីខែមុន មានការឡើងថ្លៃខ្ពស់ខ្លាំងរហូតដល់ជិតទ្វេដង បើធៀបនឹងរយៈពេលដូចគ្នាកាលពីឆ្នាំទៅ ដែលបានធ្វើឲ្យហានិភ័យនៃវិបត្តិអតិផរណាក្នុងប្រទេស កាន់តែមានកំណើនខ្លាំងឡើង។

តាមដានជាមួយយើង៖ Million Times

សារព័ត៌មាន VNExpress ចុះផ្សាយថា ក្នុងរយៈពេលប៉ុន្មានខែចុងក្រោយនេះ ទីផ្សារអង្ករនៅជប៉ុនមានការឡើងថ្លៃជាបន្តបន្ទាប់ ដែលតម្រូវឲ្យរដ្ឋាភិបាលត្រូវបង្ខំចិត្ត បញ្ចេញអង្ករស្តុកទុកក្នុងឃ្លាំង ដើម្បីចែកចាយលើទីផ្សារ ដើម្បីសម្រួលដល់ការចាយវាយរបស់ប្រជាជន។

កាលពីខែមុន រដ្ឋាភិបាលបានចាប់ផ្ដើមបើកការដេញថ្លៃអង្ករជាលើកដំបូង តាំងពីឆ្នាំ១៩៩៥ ហើយបានបញ្ចេញអង្ករចំនួន ២១០ ០០០តោន ខណៈនៅក្នុងខែនេះ មានគម្រោងបញ្ចេញបន្ថែម ១០០ ០០០តោនទៀត។

បច្ចុប្បន្នតម្លៃអង្ករនៅជប៉ុន បានឡើងថ្លៃរហូតដល់ ៩២,៥% ដែលធ្វើឲ្យធនាគារកណ្ដាលជប៉ុនព្យាករថា អត្រានៃការកើតមានវិបត្តិអតិផរណាមានខ្ពស់ខ្លាំង ដ្បិតបច្ចុប្បន្នពួកគេក៏កំពុងរងគំនាបពន្ធគយ ពីសហរដ្ឋអាមេរិក ក្រោមវិធានការទារពន្ធសងសឹកយ៉ាងដំណំ របស់ប្រធានាធិបតី Donald Trump ផងដែរ៕

អត្ថបទ៖ Luffy រូបភាព៖ Kyodo

second...

x

The post អង្ករជប៉ុនឡើងថ្លៃខ្លាំងទ្វេដង ជំរុញកំណើនហានិភ័យវិបត្តិអតិផរណាក្នុងប្រទេស appeared first on Millions times.

តាមដានជាមួយយើង៖ Million Times

ការនាំចេញអង្កររបស់ថៃ ត្រូវបានគេមើលឃើញថានឹងធ្លាក់ចុះប្រហែល ២៤% មកនៅត្រឹម ៧.៦ លានតោននៅឆ្នាំ២០២៥នេះ បើតាមយោងក្រសួងពាណិជ្ជកម្ម។

កាសែត Bangkok Post ដកស្រង់សម្តីលោក Arada Fuangtong ប្រធាននាយកដ្ឋានពាណិជ្ជកម្មបរទេសរបស់ក្រសួងពាណិជ្ជកម្ម ឲ្យដឹងថា ការព្យាករណ៍ការធ្លាក់ចុះដោយសារតែការបន្តការនាំចេញពីប្រទេសឥណ្ឌា និងបរិមាណកើនឡើងពីអ្នកផលិតអង្ករផ្សេងទៀត។

ប្រទេសថៃ ដែលជាប្រទេសនាំចេញអង្ករធំជាងគេទីពីររបស់ពិភពលោកបន្ទាប់ពីប្រទេសឥណ្ឌា បាននាំចេញអង្ករចំនួន ៩.៩៥ លានតោនក្នុងឆ្នាំ២០២៤ ដែលជាកម្រិតខ្ពស់បំផុតក្នុងរយៈពេល ៦ឆ្នាំ និងកើនឡើង ១៣.៤% ប្រចាំឆ្នាំ។

បរិមាណនាំចេញអង្ករបានធ្លាក់ចុះ ៧.១% ក្នុងខែធ្នូ ធៀបនឹងឆ្នាំមុន ប៉ុន្តែបានកើនឡើង ១៣.៤% ដល់ ៩.៩៥ លានតោន ក្នុងឆ្នាំ២០២៤។

ថៃ រំពឹងថា ការនាំចេញអង្ករនឹងធ្លាក់ចុះមកត្រឹមប្រហែល ៧.៥ លានតោនក្នុងឆ្នាំ២០២៥ ដោយសារការប្រកួតប្រជែងកាន់តែច្រើនពីប្រទេសឥណ្ឌា និងតម្រូវការតិចជាងមុនពីប្រទេសឥណ្ឌូនេស៊ី។ នេះបើយោងតាមសមាគមអ្នកនាំចេញអង្ករថៃ៕

អត្ថបទ៖ សារ៉ាយ រូបភាព៖ Chinnawat Singha

second...

x

The post ថៃ៖ ការ​នាំ​ចេញ​អង្ករ​របស់ខ្លួននឹងធ្លាក់​ចុះ​ជាង​ ២០% មកត្រឹម ៧.៦ លានតោននៅឆ្នាំនេះ appeared first on Millions times.

​​ក្នុងជំនួបជាមួយក្រុមវិនិយោគិនរកស៊ីក្នុងវិស័យស្រូវអង្ករសម្ដេច ហ៊ុន ម៉ាណែត បានលើកទឹកចិត្តឱ្យបន្តជំរុញការនាំចេញផ្ទាល់ឱ្យកាន់តែទូលំទូលាយទៅកាន់ទីផ្សារអន្តរជាតិ​​។ សម្តេចបានសង្កត់ធ្ងន់ថា រាជរដ្ឋាភិបាលនៅតែផ្ដល់អាទិភាពលើដំណាំស្រូវ ដែលជាដំណាំយុទ្ធសាស្ត្រ យូរអង្វែងរបស់កម្ពុជា និងបានគូសបញ្ជាក់អំពីការដាក់ចេញគោលនយោបាយចាំបាច់ ដើម្បីគាំទ្រដំណាំស្រូវ និងធានាបាននូវភាពប្រកួតប្រជែង។

ក្នុងពេលអនុញ្ញាតឱ្យប្រតិភូសហព័ន្ធស្រូវអង្ករកម្ពុជា ចូលជួបពិភាក្សាការងារ នៅវិមានសន្ដិភាពនាព្រឹកថ្ងៃពុធ ខែមករានេះសម្តេច ហ៊ុន ម៉ាណែត នាយករដ្ឋមន្ត្រី បានគូសបញ្ជាក់ថា វិស័យកសិកម្មបានដើរតួនាទីយ៉ាងសំខាន់ក្នុងការលើកកម្ពស់ជីវភាពរបស់ប្រជាពលរដ្ឋ និងការអភិវឌ្ឍសង្គម-សេដ្ឋកិច្ចកម្ពុជា។

តាមដានជាមួយយើង៖ Million Times

សម្ដេចបានសង្កត់ធ្ងន់ថា រាជរដ្ឋាភិបាលនៅតែផ្ដល់អាទិភាពលើដំណាំស្រូវ ដែលជាដំណាំយុទ្ធសាស្ត្រ យូរអង្វែងរបស់កម្ពុជា និងបានគូសបញ្ជាក់អំពីការដាក់ចេញគោលនយោបាយចាំបាច់ ដើម្បីគាំទ្រដំណាំស្រូវ និងធានាបាននូវភាពប្រកួតប្រជែងរបស់វិស័យស្រូវអង្ករកម្ពុជា តាមរយ:ការកសាងហេដ្ឋារចនាសម្ព័ន្ធតភ្ជាប់ ការសម្រួលការដឹកជញ្ជូន និងការកាត់បន្ថយថ្លៃដើមផលិតកម្ម ក៏ដូចជាជំរុញភាពម្ចាស់ការលើខ្សែច្រវាក់ផ្គត់ផ្គង់ក្នុងស្រុក និងការនាំចេញទៅកាន់ទីផ្សារអន្តរជាតិ។ 

អ្នកឧកញ៉ា​ ហ៊ុន​ ឡាក់​ ប្រធានក្រុមប្រឹក្សាភិបាលគោលនយោបាយស្រូវអង្ករ នៃសហព័ន្ធស្រូវអង្ករកម្ពុជា បានលើកឡើងអំពីកិច្ចខិតខំប្រឹងប្រែង និងការយកចិត្តទុកដាក់លើគុណភាពស្រូវអង្ករកម្ពុជា, ការប្រមូលទិញស្រូវពីប្រជាកសិករ, ការរៀបចំសម្ងួត, ការស្ដុកទុក និងការនាំចេញស្រូវអង្ករទៅកាន់ទីផ្សារអន្តរជាតិ។​ 

សម្ដេចនាយករដ្ឋមន្រ្តីបានវាយតម្លៃខ្ពស់ចំពោះសហព័ន្ធស្រូវអង្ករកម្ពុជា ដែលបានចូលរួមចំណែកជាមួយរាជរដ្ឋាភិបាល ក្នុងការអភិវឌ្ឍវិស័យស្រូវ អង្ករ។ 

ក្នុងឱកាសនោះ សម្ដេចបានលើកទឹកចិត្តឱ្យសហព័ន្ធស្រូវអង្ករកម្ពុជា បន្តសហការឱ្យកាន់តែជិតស្និទ្ធិថែមទៀតជាមួយក្រសួង-ស្ថាប័នពាក់ព័ន្ធនៃរាជរដ្ឋាភិបាល ដើម្បីជំរុញការនាំចេញផ្ទាល់ឱ្យកាន់តែទូលំទូលាយទៅកាន់ទីផ្សារអន្តរជាតិ​​ ជាមួយតម្លៃបន្ថែមខ្ពស់ ក៏ដូចជាការចូលរួមផ្តល់ការបណ្ដុះបណ្ដាលជំនាញបច្ចេកទេសដល់ប្រជាកសិករ សំដៅលើកកម្ពស់គុណភាពផលិតផល និងបង្កើនផលិតភាព ព្រមទាំង​ជំរុញ​ការផ្សព្វផ្សាយអំពី​ការ​វិវឌ្ឍ​រីកចម្រើន​នៃផលិត​កម្ម​ស្រូវ​អង្ករ​កម្ពុជា​ ឱ្យ​បាន​ទូលំទូលាយ​៕

អត្ថបទ៖ សាងតេជៈ រូបភាព៖ ផេកនាយករដ្ឋមន្រ្តី

second...

x

The post សម្តេច ហ៊ុន ម៉ាណែត លើកទឹកចិត្តអ្នករកស៊ីផ្នែកស្រូវអង្ករបន្តនាំចេញផ្ទាល់ឱ្យទូលំទូលាយទៅកាន់ទីផ្សារអន្តរជាតិ appeared first on Millions times.