ក្រុមហ៊ុន ByteDance ដែលជាមេរបស់កម្មវិធីTikTok មានគម្រោងចាយលុយបណ្ដាក់ទុនក្នុងផែនការសាងសង់មជ្ឈមណ្ឌលផ្ទុកព័ត៌មានឌីជីថល នៅប្រទេសថៃ ជាមួយដើមទុន ១២៦,៨ពាន់លានបាត ឬប្រហែល ៣,៨ពាន់លានដុល្លារ។
Million Times 
ទីភ្នាក់ងារព័ត៌មាន Reuters បានរាយការណ៍ថា គម្រោងវិនិយោគរបស់ក្រុមហ៊ុនចិន ត្រូវបានបញ្ជាក់ឲ្យដឹងពីភ្នាក់ងាររបស់ពួកគេនៅប្រទេសសិង្ហបុរី ដែលត្រៀមខ្លួនរួចស្រេច សម្រាប់ផែនការដែលគ្រោងចាប់ផ្ដើមអនុវត្តពីឆ្នាំ២០២៦ តទៅ។
គួរជម្រាបដែរថា មួយរយៈចុងក្រោយនេះ ប្រទេសថៃបានក្លាយជាគោលដៅវិនិយោគលើគម្រោងសាងសង់មជ្ឈមណ្ឌលផ្ទុកទិន្នន័យ របស់ក្រុមហ៊ុនបច្ចេកវិទ្យាខ្នាតយក្សជាច្រើន ដោយកាលពីឆ្នាំទៅ ក្រុមហ៊ុន Google ចាយ ១ពាន់លានដុល្លារ ស្របពេល Amazon ចំណាយ ៥ពាន់លានដុល្លារ និងក្រុមហ៊ុន Microsoft ក៏បានប្រកាសបើកមជ្ឈមណ្ឌលផ្ទុកព័ត៌មានឌីជីថលដំបូង នៅប្រទេសមានសេដ្ឋកិច្ចធំបំផុតទី២ ប្រចាំតំបន់អាស៊ានផងដែរ៕
អត្ថបទ៖ Luffy រូបភាព៖ BangkokPost