កម្មវិធី TikTok របស់ប្រទេសចិន ត្រូវបានបើកឲ្យដំណើរការវិញ បន្ទាប់ពីបិទប៉ុន្មានម៉ោងកាលពីថ្ងៃអាទិត្យ ទី១៩ ខែមករា ក្រោយលោក Donald Trump ប្រកាសថា នឹងពន្យារពេលបណ្ដោះអាសន្នដើម្បីឲ្យក្រុមហ៊ុននេះស្វែងរកម្ចាស់ថ្មី។
Million Times 
បើទោះជាអាចដំណើរការបានបណ្ដោះអាសន្ននៅអាមេរិកមែន តែក្រុមហ៊ុន TikTok កំពុងត្រូវបានហាមឃាត់ច្រើនជិត ២០ប្រទេសទូទាំងសកលលោក ក្រោមហេតុផលស្រដៀងៗគ្នា ដូចការលើកឡើងពីរដ្ឋាភិបាលអាមេរិកគឺ បារម្ភខ្លាចមានការលួចទិន្នន័យប្រជាជន ដែលប្រើប្រាស់កម្មវិធីមួយនេះ ដើម្បីប្រព្រឹត្តអំពើចារកម្ម។
ហេតុផលផ្សេងៗទៀតរួមមាន កម្មវិធី TikTok មិនសាកសមសម្រាប់កុមារដែលមានវ័យក្រោម ១៦ឆ្នាំ កម្មវិធីមួយនេះពង្វក់ស្មារតីកុមារភ្លេចការរៀនសូត្រ តែហេតុផលចំបងនោះគឺ ក្រុមប្រទេសដែលហាមឃាត់កម្មវិធីនេះសង្ស័យថា វាជាក្រុមហ៊ុនស្ថិតក្រោមការគ្រប់គ្រងរបស់រដ្ឋាភិបាលចិន ទើបហាមប្រជាជនមិនឲ្យប្រើប្រាស់ ជៀសវាងការលួចព័ត៌មានផ្ទាល់ខ្លួនរបស់អ្នកប្រើប្រាស់។
ខាងក្រោមនេះគឺជាបញ្ជីឈ្មោះប្រទេស ដែលហាមឃាត់មិនឲ្យក្រុមហ៊ុន TikTok បើកដំណើរការក្នុងប្រទេសរបស់ខ្លួន៖
- ប្រទេសអាល់បានី
- ប្រទេសអូស្ត្រាលី
- ប្រទេសអេស្តូនី
- ចក្រភពអង់គ្លេស
- ស្ថាប័នកំពូលទាំង៣ នៃសហភាពអឺរ៉ុប (សភាអឺរ៉ុប គណៈកម្មការអឺរ៉ុប និងក្រុមប្រឹក្សាសហភាពអឺរ៉ុប)
- ប្រទេសបារាំង
- ប្រទេសហូឡង់
- ប្រទេសន័រវែស
- ប្រទេសបែលហ្ស៊ិក
- ប្រទេសដាណឹម៉ាក
- ប្រទេសកាណាដា
- ប្រទេសនូវែលហ្សឺឡង់
- ប្រទេសឥណ្ឌា
- កោះតៃវ៉ាន់
- ប្រទេសប៉ាគីស្ថាន
- ប្រទេសអាហ្វហ្គានីស្ថាន
ចំណែកឯនៅសហរដ្ឋអាមេរិកវិញ TikTok ត្រូវបានពន្យារពេលដើម្បីស្វែងរកម្ចាស់ថ្មី បើសិនជាចង់បន្តអាជីវកម្មរបស់ពួកគេនៅទីនោះ ស្របពេលលោក Donald Trump ទំនងទុកពេលដល់ ៩០ថ្ងៃ ដ្បិតអនាគតប្រធានាធិបតីអាមេរិករូបនេះចង់ឲ្យ TikTok លក់ភាគហ៊ុន ៥០% ឲ្យក្រុមហ៊ុនអាមេរិក ដើម្បីបន្តឈរជើងរកស៊ីនៅទីនោះ៕
អត្ថបទ៖ Luffy រូបភាព៖ Euronews