តាមដានជាមួយយើង៖ Million Times

ក្រុមអ្នកគាំទ្រ និងបក្សប្រឆាំងត្រូវបានរំពឹងទុកថា នឹងបង្ហាញវត្តមានអមសងខាងផ្លូវ ពេលដែលក្បួនរថយន្តរបស់លោក Yoon ចាកចេញពី Blue House ឆ្ពោះទៅកាន់អាផាតមិនផ្ទាល់ខ្លួន នៅក្នុងអគារកម្ពស់ ៣៧ជាន់ក្នុងទីក្រុងសេអ៊ូល។

គួររំលឹកបន្តិចថា កាលពីចុងសប្ដាហ៍មុន តុលាការធម្មនុញ្ញកូរ៉េខាងត្បូងបានប្រកាសគាំទ្រញត្តិទម្លាក់តំណែងលោក Yoon ពីកៅអីប្រធានាធិបតី ជុំវិញការចេញច្បាប់អាជ្ញាសឹករយៈពេលខ្លីកាលពីចុងឆ្នាំ២០២៤។

ក្រោយរបូតតំណែង រដ្ឋាភិបាលកូរ៉េខាងត្បូង នឹងរៀបចំការបោះឆ្នោតផ្លូវការស្វែងរកមេដឹកនាំថ្មី នៅថ្ងៃទី០៣ ខែមិថុនាខាងមុខ ខណៈបច្ចុប្បន្នបេក្ខភាពទទួលបានសម្លេងគាំទ្រច្រើនបំផុត គឺលោក Lee Jae-myung អតីតមេដឹកនាំបក្សប្រឆាំងប្រជាធិបតេយ្យ៕

អត្ថបទ៖ Luffy រូបភាព៖ AP

second...

x

The post លោក Yoon Suk Yoel នឹងត្រូវចាកចេញពីលំនៅដ្ឋានប្រធានាធិបតីកូរ៉េខាងត្បូងនៅថ្ងៃនេះ appeared first on Millions times.

តាមដានជាមួយយើង៖ Million Times

បន្ទាប់ពីរបូតតំណែងជាប្រធានាធិបតីកូរ៉េខាងត្បូង ពេលនេះលោក Yoon ថែមទាំងត្រូវប្រឈមមុខ ជាមួយនឹងការកាត់ទោសបទល្មើសព្រហ្មទណ្ឌ ក្រោយគណបក្សប្រឆាំងប្ដឹងលោកថា ការចេញច្បាប់អាជ្ញាសឹករបស់លោក គឺជាទង្វើបះបោរ។ តុលាការកំពុងបញ្ជាឲ្យមានការស៊ើបអង្កេតជុំវិញបញ្ហាមួយនេះ។

គួរជម្រាបដែរថា ក្រោយលោក Yoon របូតតំណែងជាប្រធានាធិបតី នាយករដ្ឋមន្ត្រី Han Duck-soo នឹងត្រូវដើរតួជាប្រធានាធិបតីស្ដីទី រហូតដល់មានការបោះឆ្នោតស្វែងរកប្រធានាធិបតីផ្លូវការ ក្នុងរយៈពេល ៦០ថ្ងៃខាងមុខ៕

អត្ថបទ៖ Luffy រូបភាព៖ Korea JoongAng Daily

second...

x

The post លោក Yoon Suk Yeol ប្រឈមនឹងបទល្មើសព្រហ្មទណ្ឌ ក្រោយត្រូវបានទម្លាក់តំណែងជាប្រធានាធិបតីកូរ៉េខាងត្បូង appeared first on Millions times.

ករណីទាំងពីរ មួយលើការចោទប្រកាន់ព្រហ្មទណ្ឌ ហើយមួយទៀតចោទប្រកាន់ទាក់ទងនឹងការដាក់ច្បាប់អាជ្ញាសឹករបស់លោកកាលពីដើមខែធ្នូ ឆ្នាំ២០២៤កន្លងទៅ។

តាមដានជាមួយយើង៖ Million Times

សារព័ត៌មាន AP រាយការណ៍ថា សន្តិសុខត្រូវបានពង្រឹងនៅតុលាការទីក្រុងសេអ៊ូល ខណៈដែលរថយន្តដែលដឹកលោក Yoon បានមកដល់សម្រាប់សវនាការបឋមដែលពាក់ព័ន្ធនឹងការពិភាក្សារបស់សាក្សី ភស្តុតាងដែលបានស្នើ សម្រាប់ការកាត់ក្តីឧក្រិដ្ឋកម្មរបស់លោក។ 

ជាមួយគ្នានេះដែរ តុលាការ​ដែល​បាន​កំណត់​ពេល​សវនាការ​បឋម​មួយ​ទៀត​ក្នុង​ខែ​មីនា ក៏​កំពុង​ពិនិត្យ​សំណើ​របស់​មេធាវី​របស់ Yoon ដើម្បី​លុប​ចោល​ការ​ចាប់​ខ្លួន​លោក និង​ដោះលែង​​ពី​មន្ទីរ​ឃុំឃាំង។ យ៉ាងណា ការប្រឈមបែបនេះកម្រនឹងទទួលបានជោគជ័យណាស់ តុលាការ​ត្រូវ​បាន​គេ​រំពឹង​ថា​នឹង​ធ្វើ​ការ​សម្រេច​នៅ​ពេល​ថ្ងៃ​បន្ទាប់។

បន្ទាប់​មករថយន្តដែលដឹកលោក Yoon បាន​ធ្វើ​ដំណើរ​ឆ្លង​កាត់​រដ្ឋធានី​ទៅ​កាន់​តុលាការ​ធម្មនុញ្ញ​ដែល​ឈានដល់​ការ​សម្រេច​ចិត្ត​ថា​ តើ​ត្រូវ​ដក​លោកចេញ​ពី​តំណែង​ជា​ផ្លូវ​ការ​ ឬ​អត់​ បន្ទាប់​ពី​​រដ្ឋសភា​ចោទ​ប្រកាន់។ លោក Yoon បានចាកចេញពីបន្ទប់សវនាការជាបណ្តោះអាសន្ន នៅពេលដែលនាយករដ្ឋមន្ត្រី Han Duck-soo បង្ហាញខ្លួនក្នុងនាមជាសាក្សី។ មេធាវីរបស់ Yoon បានពន្យល់ទៅកាន់តុលាការថា កូនក្តីរបស់គាត់ជឿថា វានឹងធ្វើឱ្យខូចមុខមាត់ប្រទេស ប្រសិនបើទាំងរឿងពីរត្រូវបានគេឃើញនៅក្នុងតុលាការជាមួយគ្នា។

លោក Han បានគាំទ្រការអះអាងរបស់លោក Yoon ដែលថាក្រុមបក្សប្រឆាំងដែលមានភាគច្រើនស្ថិតក្នុងស្ថាប័ននីតិបញ្ញត្តិបានរំខានដល់កិច្ចការរដ្ឋតាមរយៈការជំរុញឱ្យមានការចោទប្រកាន់មន្ត្រីជាន់ខ្ពស់ និងធ្វើឱ្យប៉ះពាល់ថវិការដ្ឋាភិបាល។ ទោះជាយ៉ាងណាក៏ដោយ លោក Han បាននិយាយឡើងវិញនូវសេចក្តីថ្លែងការណ៍ពីមុនរបស់លោកទៅកាន់សមាជិកសភា និងអ្នកស៊ើបអង្កេតថា លោក Yoon អាចនឹងបំពានលើលក្ខខណ្ឌតម្រូវនៃរដ្ឋធម្មនុញ្ញ ដោយការខកខានក្នុងកិច្ចប្រជុំគណៈរដ្ឋមន្ត្រីផ្លូវការ មុនពេលប្រកាសច្បាប់អាជ្ញាសឹកនៅថ្ងៃទី៣ ខែធ្នូ។ លោក Han បាននិយាយថា លោកមិនដឹងថាសមាជិកគណៈរដ្ឋមន្ត្រីណាមួយដែលសម្តែងការគាំទ្ររបស់ Yoon នោះទេ។

លោក Yoon បាន​ត្រឡប់​ទៅ​បន្ទប់​សវនាការ​វិញ ខណៈ​ដែល​តុលាការ​បាន​ហៅ​សាក្សី​ម្នាក់​ទៀត គឺ​លោក Hong Jang-won អតីត​នាយក​រង​ទី​មួយ​នៃ​ទីភ្នាក់ងារ​ចារកម្ម​កូរ៉េ​ខាង​ត្បូង។ ក្នុងអំឡុងពេលសវនាការ លោក Hong បានរក្សាសក្ខីកម្មមុនរបស់លោកថា លោក Yoon បានបញ្ជាឱ្យលោកជួយអង្គភាពប្រឆាំងចារកម្មការពារជាតិឃាត់ខ្លួនអ្នកនយោបាយសំខាន់ៗ រួមទាំងប្រធានរដ្ឋសភា Woo Won Shik និងមេដឹកនាំបក្សប្រឆាំង Lee Jae-myung ។ ដោយ​មើល​ឃើញ​ថា​ ខឹង​ខ្លាំង Yoon បាន​បដិសេធ​ការ​បញ្ជា​ឱ្យ​ចាប់​ខ្លួន​អ្នក​ណា​ម្នាក់ និង​ចោទ Hong ពី​ការ​កុហក និង​ប្រឌិត​ភស្តុតាង។

Yoon ត្រូវបានចោទប្រកាន់កាលពីថ្ងៃទី២៦ ខែមករា លើការចោទប្រកាន់ពីបទបះបោរ ដែលអនុវត្តទោសប្រហារជីវិត ឬជាប់គុកអស់មួយជីវិត។ នៅក្នុងប្រទេសកូរ៉េខាងត្បូង ប្រធានាធិបតីមានអភ័យឯកសិទ្ធិពីការកាត់ទោសឧក្រិដ្ឋកម្មភាគច្រើន ប៉ុន្តែមិនមែនលើការចោទប្រកាន់ពីបទបះបោរ ឬក្បត់ជាតិនោះទេ។

ដីកា​ចោទ​ប្រកាន់​ថា ការ​ដាក់​ច្បាប់​អាជ្ញាសឹក​របស់​លោក​គឺ​ជា​ការ​ប៉ុនប៉ង​ខុស​ច្បាប់​ដើម្បី​បិទ​រដ្ឋសភា និង​ចាប់​ខ្លួន​អ្នក​នយោបាយ និង​អាជ្ញាធរ​រៀបចំ​ការ​បោះឆ្នោត។ លោក Yoon ដែលជាអ្នកអភិរក្សនិយមបាននិយាយថា ការប្រកាសច្បាប់អាជ្ញាសឹករបស់លោកគឺមានបំណងជាការព្រមានបណ្តោះអាសន្នដល់ក្រុមប្រឆាំងសេរី ហើយថាលោកតែងតែមានគម្រោងគោរពឆន្ទៈរបស់សមាជិកសភា ប្រសិនបើពួកគេបោះឆ្នោតដកវិធានការនេះ។

អំណាចប្រធានាធិបតីរបស់ Yoon ត្រូវបានព្យួរនៅពេលដែលលោកត្រូវបានចោទប្រកាន់កាលពីថ្ងៃទី១៤ ខែធ្នូ ដោយទុកលោកឱ្យតស៊ូដើម្បីជីវិតនយោបាយរបស់លោកនៅតុលាការធម្មនុញ្ញ។

រដ្ឋមន្ត្រីការពារជាតិរបស់លោក Yoon មេប៉ូលិស និងមេបញ្ជាការយោធាជាច្រើននាក់ក៏ត្រូវបានចាប់ខ្លួន និងចោទប្រកាន់ពីបទបះបោរ ការរំលោភបំពានអំណាច និងការចោទប្រកាន់ផ្សេងទៀតទាក់ទងនឹងក្រឹត្យច្បាប់អាជ្ញាសឹក ដែលពាក់ព័ន្ធនឹងកងទ័ពប្រដាប់អាវុធជាច្រើនរយនាក់ដែលបានដាក់ពង្រាយនៅរដ្ឋសភា និងការិយាល័យគណៈកម្មាធិការជាតិរៀបចំការបោះឆ្នោត៕

អត្ថបទ៖ សារ៉ាយ រូបភាព៖ AP

second...

x

The post លោក Yoon Suk Yeol ជិះរថយន្តពន្ធនាគារជុំវិញក្រុងសេអ៊ូលដើម្បីឡើងតតាំងក្តីនៅតុលាការពីរផ្សេងគ្នា appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Yonhap បានចុះផ្សាយថា ក្រុមអ្នកស៊ើបអង្កេតពីការិយាល័យស៊ើបអង្កេតប្រឆាំងអំពើពុករលួយ បានណាត់សួរចម្លើយលោក Yoon នៅថ្ងៃព្រហស្បតិ៍ ទី១៦ ខែមករា វេលាម៉ោង ២ថ្ងៃត្រង់ ក៏ប៉ុន្តែមេធាវីរបស់លោកបញ្ជាក់ថា កូនក្ដីរបស់ខ្លួនមិនអាចបង្ហាញវត្តមានឡើយ ដោយសារបញ្ហាសុខភាព។

មេធាវីលោក Yoon បាននិយាយថា ប្រធានាធិបតីមានបញ្ហាសុខភាពមិនអាចស៊ូទ្រាំ នឹងការសួរចម្លើយបាន ហើយម្យ៉ាងទៀតលោកបានឆ្លើយប្រាប់សព្វគ្រប់ហើយ អំឡុងពេលសួរចម្លើយកាលពីម្សិលមិញ។ ដូច្នេះវាគ្មានហេតុផលអី ដែលចាំបាច់ឲ្យលោក Yoon បង្ហាញខ្លួនម្ដងទៀតទេ ដរាបណាក្រុមអ្នកស៊ើបអង្កេតមានមូលហេតុច្បាស់លាស់ ទើបលោកយល់ព្រមចូលសួរចម្លើយ។

គួររំលឹកបន្តិចថា កាលពីថ្ងៃពុធ ទី១៥ ខែមករា ប្រធានាធិបតីកូរ៉េខាងត្បូង Yoon Suk Yeol ត្រូវបានក្រុមអ្នកស៊ើបអង្កេត ដែលមានមន្ត្រីប៉ូលិសជាង ៣ ០០០នាក់ចាប់ខ្លួន ក្រោមការចោទប្រកាន់ទាក់ទងនឹងចេតនាបះបោរ ពាក់ព័ន្ធការចេញច្បាប់អាជ្ញាសឹកកាលពីថ្ងៃទី០៣ ខែធ្នូ។

ក្រុមអ្នកស៊ើបអង្កេតមានរយៈពេល ៤៨ម៉ោង ដើម្បីឃុំខ្លួន និងសួរចម្លើយប្រធានាធិបតីព្យួរតំណែងរូបនេះ ខណៈបច្ចុប្បន្នពួកគេកំពុងស្វែងរកដីកាចាប់ខ្លួនថ្មី ដើម្បីឃុំខ្លួនលោក Yoon ឲ្យយូរជាងនេះ៕

អត្ថបទ៖ Luffy រូបភាព៖ SCMP

second...

x

The post ប្រធានាធិបតី Yoon Suk Yeol ច្រានចោលការសួរចម្លើយ ក្រោមហេតុផលបញ្ហាសុខភាព appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន AFP បានចុះផ្សាយថា តាមរយៈការចាប់ខ្លួននេះ បានធ្វើឲ្យលោក Yoon ក្លាយជាប្រមុខរដ្ឋទីមួយប្រចាំប្រវត្តិសាស្ត្រកូរ៉េខាងត្បូង ដែលត្រូវបានឃាត់ខ្លួន អំឡុងពេលកាន់អំណាច។

នៅក្នុងសេចក្ដីថ្លែងការណ៍មួយបានឲ្យដឹងថា «ទីស្នាក់ការកណ្តាលស៊ើបអង្កេតរួម បានអនុវត្តដីកាចាប់ខ្លួនលោកប្រធានាធិបតី Yoon Suk Yeol នៅថ្ងៃនេះដោយជោគជ័យ ត្រឹមម៉ោង ១០ និង ៣៣នាទីព្រឹក»។

គួរបញ្ជាក់ដែរថា នាព្រឹកព្រលឹមថ្ងៃទី១៥ ខែមករានេះ ក្រុមប៉ូលិសច្រើនជាង ៣ ០០០នាក់ បានប្រមូលផ្ដុំគ្នានៅមុខនិវេសនដ្ឋានរបស់ប្រធានាធិបតីកូរ៉េខាងត្បូង ដើម្បីអនុវត្តដីការចាប់ខ្លួនលើកទី២ ខណៈលោក Yoon ព្រមប្រគល់ខ្លួនតាមសម្រួល ដើម្បីជៀសវៀងការកើតមានអំពើហិង្សា។ បច្ចុប្បន្ន លោក Yoon Suk Yeol កំពុងស្ថិតនៅទីភ្នាក់ងារប្រឆាំងអំពើពុករលួយ ដើម្បីរង់ចាំការសួរចម្លើយពីក្រុមស៊ើបអង្កេត ទាក់ទងនឹងការចោទប្រកាន់ពីបទបះបោរ និងការចេញច្បាប់អាជ្ញាសឹកមួយរយៈខ្លី បង្កភាពចលាចលពេញផ្ទៃប្រទេសកាលពីថ្ងៃទី០៣ ខែធ្នូ ឆ្នាំ២០២៤៕

អត្ថបទ៖ Luffy រូបភាព៖ WOODTV

second...

x

The post ក្រុមអ្នកស៊ើបអង្កេត អនុវត្តដីការចាប់ខ្លួនប្រធានាធិបតី Yoon Suk Yeol បានសម្រេច appeared first on Millions times.

តាមដានជាមួយយើង៖ Million Times

សារព័ត៌មាន BBC បានចុះផ្សាយថា ក្រុមស៊ើបអង្កេត និងមន្ត្រី CIO បានចុះទៅដល់មុខផ្ទះលោក Yoon តាំងពីព្រឹកព្រលឹមថ្ងៃសុក្រ ទី០៣ ខែមករា ក៏ប៉ុន្តែត្រូវបានរារាំងដោយក្រុមអង្គរក្ស មិនឲ្យចួលឆែកឆេរក្នុងផ្ទះរបស់មេដឹកនាំរូបនេះ។

មន្ត្រី CIO ម្នាក់បាននិយាយថា ការអនុវត្តដីកាចាប់ខ្លួនលើកនេះមិនអាចទៅសម្រេចបានឡើយ ហើយត្រូវធ្វើឡើងម្ដងទៀតនាពេលក្រោយ។ ក្រុមអ្នកគាំទ្រលោក Yoon ដែលមានវត្តមាននៅទីនោះ បាននាំគ្នាស្រែកហោរថា ពួកគេទទួលបានជ័យជម្នះហើយ។

សូមជម្រាបដែរថា ដីកាចាប់ខ្លួនប្រធានាធិបតីកូរ៉េខាងត្បូង Yoon Suk Yeol នឹងមានប្រសិទ្ធភាពរហូតដល់ថ្ងៃទី០៦ ខែមករា។ ប៉ុន្តែក្រុមអ្នកស៊ើបអង្កេតនៅតែអាចដាក់សំណើ សុំដីកាចាប់ខ្លួនថ្មីម្ដងទៀត ក្រោយដីកាចាស់អស់សុពលភាព៕

អត្ថបទ៖ Luffy រូបភាព៖ Nikkei Asia

second...

x

The post ការអនុវត្តដីកាចាប់ខ្លួនប្រធានាធិបតីកូរ៉េខាងត្បូងលើកទីមួយ ត្រូវបានបរាជ័យ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានរាយការណ៍ថា សេចក្ដីប្ដេជ្ញាចិត្តរបស់លោក Yoon បានកើតឡើង បន្ទាប់ពីអាជ្ញាធរមានគម្រោងឃាត់ខ្លួនលោក ដើម្បីសួរចម្លើយទាក់ទងនឹងការចេញច្បាប់អាជ្ញាសឹករយៈពេលខ្លី កាលពីដើមខែមុន។

នៅក្នុងសំបុត្រដែលសរសេរទៅកាន់អ្នកគាំទ្រ លោក Yoon បាននិយាយថា «ខ្ញុំតែងតែតាមដានរាល់ការផ្សាយបន្តផ្ទាល់របស់គ្រប់គ្នា នៅលើ YouTube ហើយខ្ញុំប្ដេជ្ញាថា នឹងតស៊ូរហូតដល់ទីបញ្ចប់ ដើម្បីការពារប្រទេសមួយនេះជាមួយអ្នករាល់គ្នា»។

ទន្ទឹមនឹងនោះ គណបក្សប្រឆាំង ដែលមានសម្លេងគាំទ្រភាគច្រើននៅសភាបានអះអាងថា ការប្ដេជ្ញាចិត្តរបស់លោក Yoon គឺជាសកម្មភាពវង្វេងវង្វាន់ ហើយនៅតែចង់បំពេញការបះបោររបស់លោកឲ្យចប់សព្វគ្រប់។

គួររំលឹកបន្តិចថា កាលពីថ្ងៃទី៣១ ខែធ្នូ ឆ្នាំ២០២៤ តុលាការបានអនុម័តលើសំណើចាប់ខ្លួនលោក Yoon Suk Yeol ជុំវិញបទចោទប្រកាន់ថា លោកគឺជាមេខ្លោងនៃការបះបោរ តាមរយៈការចេញច្បាប់អាជ្ញាសឹក។

ការិយាល័យស៊ើបអង្កេតអំពើពុករលួយសម្រាប់មន្ត្រីជាន់ខ្ពស់ (CIO) ដែលកំពុងដឹកនាំក្រុមស៊ើបអង្កេតរួមគ្នារួមមានប៉ូលីស និងព្រះរាជអាជ្ញា មានពេលរហូតដល់ថ្ងៃទី ០៦ ខែមករា ដើម្បីអនុវត្តដីកាចាប់ខ្លួន៕

អត្ថបទ៖ Luffy រូបភាព៖ AFP

second...

x

The post ប្រធានាធិបតីកូរ៉េខាងត្បូង ប្ដេជ្ញាតស៊ូដល់ទីបញ្ចប់ជាមួយអ្នកគាំទ្រ appeared first on Millions times.

នេះ​ជា​លើក​ទី​មួយ​ហើយ​ដែល​ប្រធានាធិបតី​កូរ៉េ​ខាង​ត្បូង​កំពុង​កាន់អំណាចត្រូវ​ប្រឈម​មុខ​នឹង​ដីកា​ចាប់​ខ្លួន​ អនុម័ត​ដោយ​តុលាការ។

សភារបស់ប្រទេសកូរ៉េខាងត្បូងបានបោះឆ្នោតចោទប្រកាន់លោក Yoon កាលពីថ្ងៃទី១៤ ខែធ្នូ។ ទីភ្នាក់ងារប្រឆាំងអំពើពុករលួយរបស់ប្រទេសកូរ៉េខាងត្បូងបាននិយាយថា តុលាការក្រុងសេអ៊ូលខាងលិចបានផ្តល់ដីកាសម្រាប់លោក Yoon ដែលកំពុងប្រឈមមុខនឹងការស៊ើបអង្កេតលើការចោទប្រកាន់ពីបទរំលោភអំណាច និងរៀបចំការបះបោរ បន្ទាប់ពីលោកបានប្រកាសច្បាប់អាជ្ញាសឹកកាលពីថ្ងៃទី៣ធ្នូ។

យោងតាមការិយាល័យស៊ើបអង្កេតអំពើពុករលួយ (CIO) បានឱ្យដឹងថា ដីកាចាប់ខ្លួននេះត្រូវបានចេញបន្ទាប់ពីលោក Yoon អតីតព្រះរាជអាជ្ញាបានបដិសេធមិនឆ្លើយការកោះហៅចំនួន៣ ដោយអ្នកស៊ើបអង្កេតក្នុងប៉ុន្មានសប្តាហ៍ថ្មីៗនេះដែលស្នើសុំកិច្ចសហប្រតិបត្តិការរបស់លោក។

CIO បាននិយាយថា ដីកាចាប់ខ្លួនជាធម្មតាត្រូវតែអនុវត្តក្នុងរយៈពេលប្រាំពីរថ្ងៃ ប៉ុន្តែអាចបន្តពេលវលេា៕

អត្ថបទ៖ សារ៉ាយ រូបភាព៖ Reuters

តាមដានជាមួយយើង៖ Million Times

second...

x

The post ប្រវត្តិសាស្រ្ត! តុលាការកូរ៉េខាងត្បូង ចេញដីកាចាប់ខ្លួនប្រធានាធិបតី Yoon Suk Yeol appeared first on Millions times.

ក្រុមស៊ើបអង្កេតរួមមួយ តាមរយៈសេចក្តីរាយការណ៍បានប្រកាសកាលពីថ្ងៃចន្ទថា ពួកគេបានស្វែងរកដីកាស្តីពីការប៉ះបោរ និងរំលោភអំណាច បន្ទាប់ពីលោក Yoon មិនអើពើនឹងការកោះហៅចំនួនបីដង ដើម្បីបង្ហាញខ្លួន។

តាមដានជាមួយយើង៖ Million Times

យោងតាមរដ្ឋធម្មនុញ្ញរបស់ប្រទេសកូរ៉េខាងត្បូង ប្រសិនបើប្រធានាធិបតីដែលកំពុងកាន់អំណាចត្រូវបានចោទប្រកាន់ពីបទបះបោរ ប៉ូលិសមានសិទ្ធិអំណាចក្នុងការចាប់ខ្លួន។ តុលាការនឹងសម្រេចថា តើត្រូវចេញដីកាចាប់ខ្លួនលោក Yoon ឬយ៉ាងណានោះទេ ប្រសិនបើផែនការនេះអាចទៅរួចវានឹងកត់ត្រាការចាប់ខ្លួនប្រធានាធិបតីជាលើកដំបូងក្នុងប្រវត្តិសាស្ត្ររបស់ប្រទេសកូរ៉េខាងត្បូង។

លោក Yoon បានប្រកាសច្បាប់អាជ្ញាសឹកនៅក្នុងសុន្ទរកថាតាមទូរទស្សន៍កាលពីថ្ងៃទី៣ ខែធ្នូ។ ប្រធានាធិបតីរូបនេះនិយាយថា វិធានការនេះគឺចាំបាច់ដោយសារតែសកម្មភាពរបស់គណបក្សប្រឆាំងសេរីរបស់ប្រទេស គឺគណបក្សប្រជាធិបតេយ្យដែលលោកបានចោទថា បានគ្រប់គ្រងសភាដែលគាំទ្រដល់កូរ៉េខាងជើង និងធ្វើឱ្យរដ្ឋាភិបាលធ្លាក់ក្នុងវិបត្តិ។

ចំណាត់ការនេះបានបង្កឱ្យមានការតវ៉ា ហើយប៉ុន្មានម៉ោងបន្ទាប់ពីការប្រកាសនេះ រដ្ឋសភាបោះឆ្នោតទាមទារឱ្យប្រធានាធិបតីដកបទបញ្ជាច្បាប់អាជ្ញាសឹក។ សភាភាគច្រើនមានចំនួន ១៩០នាក់ដែលមានវត្តមានក្នុងចំណោម ៣០០នាក់ បានបោះឆ្នោតលុបចោលក្រឹត្យនេះ ដោយតម្រូវឱ្យដកចេញក្រោមរដ្ឋធម្មនុញ្ញកូរ៉េខាងត្បូង។

បន្ទាប់ពីការបោះឆ្នោតរបស់រដ្ឋសភា លោក Yoon បាននិយាយថា លោកដកកងទ័ពដែលត្រូវបានដាក់ពង្រាយ ដើម្បីអនុវត្តច្បាប់អាជ្ញាសឹក ហើយនឹងលុបចោលច្បាប់អាជ្ញាសឹកភ្លាមៗ នៅពេលដែលមានកូរ៉ុមនៅក្នុងគណៈរដ្ឋមន្ត្រី។ បន្ទាប់មក ក្រុមប្រឹក្សារដ្ឋបានកោះប្រជុំបោះឆ្នោតគាំទ្រជាផ្លូវការ។

គណបក្សប្រជាធិបតេយ្យរបស់ប្រទេសនេះបានអំពាវនាវឱ្យលោក Yoon លាលែងពីតំណែង បន្ទាប់ពីលោកប្រកាសច្បាប់អាជ្ញាសឹក។ លោក Yoon ត្រូវបានព្យួរពីតំណែងចាប់តាំងពីថ្ងៃទី១៤ ខែធ្នូនៅពេលដែលរដ្ឋសភាបោះឆ្នោតចោទប្រកាន់មកលើលោកក្នុងសម្លេង ២០៤ លើ៨៥សំឡេង។

ទោះយ៉ាងណាក៏ដោយ លោក Yoon បានប្តេជ្ញាថានឹង «ប្រយុទ្ធរហូតដល់វិនាទីចុងក្រោយ» ហើយបាននិយាយថាលោកមិនដែលមានបំណងធ្វើឲ្យប៉ះពាល់ដល់បទបញ្ជារដ្ឋធម្មនុញ្ញ នៅពេលលោកបានបញ្ជាឱ្យទាហានរាប់រយនាក់ចូលទៅក្នុងរដ្ឋសភានៅថ្ងៃទី៣ ខែធ្នូនោះឡើយ៕

អត្ថបទ៖ សារ៉ាយ រូបភាព៖ Reuters

second...

x

The post ក្រុមអ្នកស៊ើបអង្កេតស្វែងរកចាប់ខ្លួនប្រធានាធិបតីកូរ៉េខាងត្បូងជុំវិញការប្រកាសច្បាប់អាជ្ញាសឹក appeared first on Millions times.

តាមដានជាមួយយើង៖ Million Times

ទីភ្នាក់ងារសារព័ត៌មាន AP បានចុះផ្សាយថា ប៉ូលិសម្នាក់បានប្រាប់ទៅកាន់អ្នកកាសែតក្នុងស្រុកថា ប៉ូលិសពិតជាកំពុងគិតគូរលើការហាមឃាត់ការធ្វើដំណើរក្រៅប្រទេសរបស់ប្រធានាធិបតីមែន ដោយសារពួកគេកំពុងស៊ើបអង្កេតលើរូបលោក ពីបទបះបោរ ហើយប៉ូលិសមានសិទ្ធឃាត់ខ្លួនលោក Yoon ក្នុងករណីចាំបាច់ណាមួយ។

ប្រធានាធិបតីកូរ៉េខាងត្បូង មានអភ័យឯកសិទ្ធពីការកាត់ទោសដោយប្រការណាមួយ អំឡុងពេលកាន់តំណែង ក៏ប៉ុន្តែបើសិនជាបទចោទប្រកាន់ធ្ងន់ធ្ងរដូចជាករណីបះបោរ ឬអំពើក្បត់ជាតិ រូបលោកនឹងត្រូវទទួលទោសតាមផ្លូវច្បាប់ដូចគ្នា។

កាលពីយប់ថ្ងៃអង្គារ៍សប្ដាហ៍មុន លោក Yoon បានដាក់ចេញនូវច្បាប់អាជ្ញាសឹកយ៉ាងតក់ក្រហល់ និងបានដកវិញត្រឹមរយៈពេល ៦ម៉ោង បង្កឲ្យប្រជាជនមានការមិនពេញចិត្តជាខ្លាំង។ នៅថ្ងៃអាទិត្យ ទី០៨ ខែធ្នូ លោក Yoon បានរួចខ្លួនពីបទចោទប្រកាន់ និងទម្លាក់តំណែង ពីគណបក្សប្រឆាំងក្នុងការបោះឆ្នោតដោយសភា។

គណបក្សប្រឆាំងបានចាត់ទុកការចេញច្បាប់អាជ្ញាសឹករបស់លោក Yoon ជាអំពើប្រឆាំងរដ្ឋធម្មនុញ្ញ ការបះបោរខុសច្បាប់ ឬរដ្ឋប្រហារ និងបានដាក់ពាក្យស្នើសុំការបោះឆ្នោតពីសភា ដើម្បីចោទប្រកាន់មេដឹកនាំកូរ៉េខាងត្បូងរូបនេះជាថ្មីម្ដងទៀត នៅក្នុងសប្ដាហ៍នេះ៕

អត្ថបទ៖ Luffy រូបភាព៖ AP

second...

x

The post ប៉ូលិសកូរ៉េខាងត្បូង ពិចារណាហាមឃាត់ការធ្វើដំណើរក្រៅប្រទេសរបស់ប្រធានាធិបតី appeared first on Millions times.