ក្រុមហ៊ុនផលិតរថយន្តលំដាប់កំពូលឈានមុខលើពិភពលោក ដែលត្រៀមដាក់ដំណើរការដំឡើងរថយន្តនៅកម្ពុជា មានឈ្មោះថា ក្រុមហ៊ុន តូយ៉ូតា តូហ្សូ ម៉េនញ៉ូហ្វេកធូរីង ខូអិលធីឌី (Toyota Tsusho Manufacturing (Cambodia) Co., Ltd.) មានទុនវិនិយោគសរុបចំនួន ៣៦,៧លានដុល្លារអាម៉េរិក និងអាចបង្កើតការងារបានប្រមាណ ១៥០នាក់។ នេះបើតាមក្រុមប្រឹក្សាអភិវឌ្ឍន៍កម្ពុជា (CDC)។

តាមប្រភពព័ត៌មានពីក្រុមហ៊ុន តូយ៉ូតា នៅពេលរោងចក្របើកដំណើរការក្រុមហ៊ុននឹងធ្វើការដំឡើងរថយន្ដ Toyota ប្រភេទ Pick-up និង SUV រួមមាន៖ TOYOTA HILUX និង TOYOTA FORTUNER មុនគេ ខណៈប្រភេទរថយន្តនេះមានការពេញនិយមជាខ្លាំងពីសំណាក់ប្រជាពលរដ្ឋខ្មែរ ដោយសារភាពធន់របស់វា និងការសន្សំសំចៃនៃការចំណាយលើប្រេងឥន្ធនៈ។

យោងតាមវេបសាយក្រុមហ៊ុន តូយ៉ូតា គម្រោងនេះគឺជាផ្តួចផ្តើមដោយផ្អែកលើ “MOU ស្តីពីកិច្ចសហប្រតិបត្តិការសម្រាប់ការអភិវឌ្ឍឧស្សាហកម្មរថយន្ត” ដែលបានចុះហត្ថលេខារវាងរដ្ឋាភិបាលកម្ពុជា និងក្រុមហ៊ុន Toyota Tsusho កាលពីខែវិច្ឆិកា ឆ្នាំ២០២២ ក្រោមវត្តមានមាននាយក​រដ្ឋមន្ត្រី កម្ពុជា សម្តេចតេជោ ហ៊ុន សែន និង​នាយករដ្ឋមន្ត្រី​ជប៉ុន លោក Fumio Kishida ។

តាមរយៈគម្រោងនេះ ក្រុមហ៊ុន Toyota Tsusho នឹងចូលរួមចំណែកក្នុងការអភិវឌ្ឍន៍ឧស្សាហកម្មរថយន្ត សេដ្ឋកិច្ច និងសង្គមរបស់កម្ពុជា។

អត្ថបទ៖ ផល កុសល

តាមដានជាមួយយើង៖ Million Times

second...

x

The post ក្រុមហ៊ុន តូយ៉ូតា អញ្ជើញសម្តេច ហ៊ុន​ ម៉ាណែត សម្ពោធកាត់ខ្សែបូរដាក់ឲ្យដំណើរការរោងចក្រដំឡើងរថយន្តរបស់ខ្លួនតម្លៃជិត ៤០លានដុល្លារ appeared first on Millions times.