តាមដានជាមួយយើង៖ Million Times

ទីភ្នាក់ងារព័ត៌មាន Bloomberg បានរាយការណ៍ថា គិតត្រឹមថ្ងៃសុក្រ ទី២៣ ខែឧសភា ទ្រព្យសម្បត្តិរបស់មេធំ Facebook មានប្រហែល ២២៥ពាន់លានដុល្លារ ស្របពេលអតីត CEO ក្រុមហ៊ុន Amazon មានត្រឹម ២២៤ពាន់លានដុល្លារ។

កំណើនទ្រព្យសម្បត្តិរបស់លោក Mark កើនខ្លាំងដោយសារកំណើនតម្លៃភាគហ៊ុនរបស់ក្រុមហ៊ុន Meta ប្រហែលមួយខែចុងក្រោយ ដោយតម្លៃហ៊ុនក្រុមហ៊ុនយក្សអាមេរិកប្រហែល ២២%។

គួរជម្រាបដែរថា រយៈពេលជាង ៥ខែមកនេះ កំពូលមហាសេដ្ឋី Mark Zuckerberg បានកើបលុយប្រហែល ១៧ពាន់លានដុល្លារ ចំពេលមហាសេដ្ឋីរួមជំនាន់ជាច្រើនរូបរួមមាន Elon Musk, Jeff Bezos និង Larry Ellison សុទ្ធតែរងការខាតបង់ ក្នុងរយៈពេលដូចគ្នានេះ៕

អត្ថបទ៖ Luffy រូបភាព៖ MSN

second...

x

The post មេធំ Facebook ទម្លាក់ស្ថាបនិក Amazon ដណ្ដើមតំណែងជាកំពូលអ្នកមានបំផុតលើលោកទី២ appeared first on Millions times.

តាមដានជាមួយយើង៖ Million Times

អតីត CEO ក្រុមហ៊ុន Microsoft បានអះអាងថា មេធំ Facebook បានប្រាប់អំពីផែនការមួយនេះ ក្រោយដឹងពីឆន្ទៈរបស់លោកក្នុងការជួយដល់កុមារក្រីក្រ និងលុបបំបាត់ភាពអត់ឃ្លានជាសកល ដោយប្រកាសពីគម្រោងបរិច្ចាគទ្រព្យសម្បត្តិផ្ទាល់ខ្លួន ១០០ពាន់លានដុល្លារ ក្នុងរយៈពេល ២០ឆ្នាំខាងមុខ។

លោក Gates បានសរសើរពីទឹកចិត្តដ៏ប្រពៃរបស់មហាសេដ្ឋី Facebook ពីឆន្ទៈធ្វើអំពើសប្បុរសធម៌ តាមរយៈមូលនិធិគំនិតផ្ដួចផ្ដើម Chan Zuckerberg Initiative (CZI) ដែលផ្ដោតសំខាន់លើវិស័យអប់រំ វិទ្យាសាស្ត្រ និងភាពយុត្តិធម៌ ជាពិសេសគឺលើកកម្ពស់ស្ត្រី ឲ្យមានឱកាសកាន់តែច្រើន នៅក្នុងវិស័យការងារផ្នែកបច្ចេកវិទ្យា។

គួរជម្រាបដែរថា ប៉ុន្មានឆ្នាំមកនេះ មហាសេដ្ឋី Mark Zuckerberg តែងតែធ្វើសកម្មភាពសប្បុរសធម៌មិនលស់ពេល តាមរយៈមូលនិធិ CZI ដែលក្នុងមួយឆ្នាំៗចំណាយប្រាក់ខ្ទង់រាប់សិបលានដុល្លារ ដើម្បីជួយពង្រឹងវិស័យអប់រំ ផ្ដល់លទ្ធភាពដល់កុមារក្រីក្រទូទាំងសកលលោក អាចមានឱកាសទទួលបានចំណេះដឹងគ្រប់គ្រាន់ដូចក្មេងដទៃទៀត៕

អត្ថបទ៖ Luffy រូបភាព៖ Facebook

second...

x

The post មេធំ Facebook ប្រាប់មហាសេដ្ឋី Bill Gates ថា មានគម្រោងបរិច្ចាគទ្រព្យសម្បត្តិរហូតដល់ ៩០% appeared first on Millions times.

តាមដានជាមួយយើង៖ Million Times

ប៉ុន្តែក្នុងនោះ ក្រុមហ៊ុន Meta Platforms ហាក់រងការខាតបង់តិចជាងគេ បើធៀបនឹងក្រុមហ៊ុនកំពូលដទៃទៀត ពោលមេធំ Mark Zuckerberg បានសម្រុកលក់ភាគហ៊ុនប្រហែល ១,១លានហ៊ុន ពីខែមករា ដល់ចុងខែមីនា មុនពេលលោក Trump ប្រកាសពីផែនការទារពន្ធគយប៉ុន្មានថ្ងៃប៉ុណ្ណោះ។

មហាសេដ្ឋីស្និទ្ធស្នាល នឹងប្រធានាធិបតីអាមេរិករូបនេះ ទទួលបានប្រាក់ជាង ៧៣០លានដុល្លារ ពីការលក់ភាគហ៊ុនរយៈពេលមួយត្រីមាសដំបូង និងកាត់បន្ថយការខូចខាតរបស់ក្រុមហ៊ុន Meta Platforms មួយចំណែកធំ ពាក់ព័ន្ធនឹងការធ្លាក់ចុះនៃទីផ្សារហ៊ុនអាមេរិកផងដែរ។

គួររំលឹកបន្តិចថា បន្ទាប់ពីលោក Trump ប្រកាសពីការទារពន្ធសងសឹកយ៉ាងសម្បើម ទីផ្សារហ៊ុនអាមេរិកបានដាំក្បាលចុះជាខ្លាំង និងបានធ្វើឲ្យក្រុមហ៊ុនកំពូលៗនៅអាមេរិក របូតទឹកប្រាក់ខ្ទង់រាប់រយពាន់លានដុល្លារ ត្រឹមមួយពព្រិចភ្នែក៕

អត្ថបទ៖ Luffy រូបភាព៖ Yahoo

second...

x

The post ដូចដឹងមុន! មហាសេដ្ឋី Facebook លក់ភាគហ៊ុនជាង ១លានហ៊ុន មុន Trump ប្រកាសទារពន្ធគយទ្រង់ទ្រាយធំ appeared first on Millions times.

តាមដានជាមួយយើង៖ Million Times

សាលារៀនឯកជនមួយនេះ បានប្រកាសលើគេហទំព័រផ្លូវការរបស់ខ្លួនថា ពួកគេនឹងបិទទ្វារសាលានៅចុងឆ្នាំសិក្សា ២០២៥-២០២៦។ សាលារៀនមួយនេះមាន ២សាខានៅទីក្រុង San Francisco និងមានសិស្សសរុបចំនួន ៥៤៣នាក់។

«នេះគឺជាការសម្រេចចិត្តដ៏ពិបាកបំផុត ហើយពួកយើងនឹងប្ដេជ្ញាចិត្តជួយសម្រួលដល់ការផ្ទេរសាលា របស់សិស្សទាំងអស់ និងជួយសម្រាលបន្ទុកមួយចំនួនរបស់គ្រួសារសិស្ស ឲ្យចប់សព្វគ្រប់ត្រឹមឆ្នាំក្រោយ»។ នេះបើតាមការអះអាងរបស់សាលារៀន The Primary School។

ការប្រកាសបិទសាលារៀននេះ កើតឡើងចំពេលក្រុមហ៊ុនរបស់មនុស្សកំពូលលុយ Mark Zuckerberg កំពុងធ្វើការផ្លាស់ប្ដូរគោលនយោបាយមួយចំនួនធំ ដោយលុបបំបាត់កម្មវិធីត្រួតពិនិត្យការពិតរបស់សហរដ្ឋអាមេរិក បន្ធូរបន្ថយបទប្បញ្ញត្តិនៃការបញ្ចេញមតិមិនល្អ និងកាត់បន្ថយគំនិតផ្តួចផ្តើមនៃភាពចម្រុះ សមធម៌ និងការដាក់បញ្ចូល។

ទោះជាបិទទ្វារសាលាមែន ប៉ុន្តែប្ដីប្រពន្ធមហាសេដ្ឋីមួយគូនេះនៅតែបន្តជួយសហគមន៍ East Palo Alto, Belle Haven និង East Bay តាមរយៈការផ្ដល់ជំនួយ ៥០លានដុល្លារ តាមរយៈមូលនិធិ CZI ក្នុងរយៈពេលប៉ុន្មានឆ្នាំខាងមុខដដែល។

ទឹកប្រាក់ទាំងនោះ នឹងត្រូវយកមករៀបចំផែនការសន្សំការអប់រំចំនួន ៥២៩គម្រោងសម្រាប់សិស្ស ផ្តល់អ្នកឯកទេសផ្នែកអន្តរកាល និងផ្តល់ការគាំទ្រផ្សេងទៀត សម្រាប់គ្រួសារសិស្សក្នុងការផ្លាស់ប្តូរទៅសាលារៀនថ្មី៕

អត្ថបទ៖ Luffy រូបភាព៖ Yahoo

second...

x

The post សាលារៀនឯកជនមិនគិតថ្លៃសិក្សារបស់ភរិយាមេធំ Facebook ប្រកាសបិទទ្វារ ក្រោយដំណើរការជិត ១០ឆ្នាំ appeared first on Millions times.

តាមដានជាមួយយើង៖ Million Times

យោងតាមការអះអាងពីគេហទំព័រ Page Six បានឲ្យដឹងថា ការទិញអចលនទ្រព្យដ៏ថ្លៃរបស់លោក Mark កំពុងបង្ហាញពីនិន្នាការកើនឡើងនៃចំនួនមហាសេដ្ឋីអាមេរិក ដែលសម្រុកទិញផ្ទះនៅក្បែរសេតវិមាន អំឡុងពេលលោក Donald Trump កាន់អំណាចជាប្រធានាធិបតីអាណត្តិទី២ ដើម្បីបង្ហាញពីការគាំទ្ររបស់ពួកគេទៅកាន់លោក។

សារព័ត៌មាន Politico រាយការណ៍ថា អចលនទ្រព្យមួយនេះត្រូវបានទិញកាលពីខែមីនា តាមរយៈក្រុមហ៊ុន Delaware LLC ដោយបង់ជាសាច់ប្រាក់សុទ្ធចំនួន ២៣លានដុល្លារ និងជាផ្ទះមានតម្លៃថ្លៃបំផុតទី៣ ក្នុងប្រវត្តិសាស្ត្រទិញលក់អចលនទ្រព្យក្នុងទីក្រុង Washington។

គួរជម្រាបដែរថា ភូមិគ្រឹះថ្មីរបស់មហាសេដ្ឋី Mark Zuckerberg គឺមានទំហំប្រហែល ១ ៣០០ម៉ែត្រការ៉េ និងមានបន្ទប់គេងចំនួន៥ បន្ទប់ទឹក៧ ចង្ក្រានបាយ២ និងកន្លែងអាំងភ្លើងចំនួន៣។

បរិវេណខាងក្រៅផ្ទះវិញ មានសភាពធំទូលាយខ្លាំង ដោយមានកន្លែងលេងបាល់បោះ និងអាងហែលទឹក រួមទាំងជញ្ជាំងដ៏ខ្ពស់ធានាបាននូវសុវត្ថិភាព និងឯកជនភាពសម្រាប់ម្ចាស់ផ្ទះ៕

អត្ថបទ៖ Luffy រូបភាព៖ Elle Decor / Politico

second...

x

The post មហាសេដ្ឋី Meta ចាយលុយ ២៣លានដុល្លារ ទិញភូមិគ្រឹះមួយខ្នងនៅជិតសេតវិមាន appeared first on Millions times.

គេហទំព័រនិយាយពីអ្នកមាន Bloomberg បានចុះផ្សាយថា មនុស្សកំពូលលុយទាំង ៥រូបនោះរួមមាន មហាសេដ្ឋី Elon Musk, Jeff Bezos, Sergey Brin, Mark Zuckerberg និងលោក Bernard Arnault ខណៈអ្នកដែលខាតបង់ច្រើនបំផុតគឺមេធំក្រុមហ៊ុន Tesla។

តាមដានជាមួយយើង៖ Million Times

ចាប់តាំងពីលោក Trump ស្បថឡើងកាន់តំណែងជាមេដឹកនាំអាមេរិក មហាសេដ្ឋី Elon Musk បានរបូតលុយអស់ប្រហែល ១៤៨ពាន់លានដុល្លារ ស្របពេលស្ថាបនិកក្រុមហ៊ុន Amazon បាត់បង់ប្រាក់ ២៩ពាន់លានដុល្លារ ខណៈសហស្ថាបនិក Google ខាតអស់ ២២ពាន់លានដុល្លារ។ រីឯមេធំ Facebook រួមទាំងកំពូលមហាសេដ្ឋីបារាំង របូតទ្រព្យសម្បត្តិម្នាក់ ៥ពាន់លានដុល្លារ។

មូលហេតុធំបំផុតដែលធ្វើឲ្យក្រុមមនុស្សកំពូលលុយទាំងនេះ ខាតបង់ទ្រព្យសម្បត្តិអស់ច្រើនសន្ធឹក គឺដោយសារតម្លៃភាគហ៊ុននៃក្រុមហ៊ុនរបស់ពួកគេ នៅលើផ្សារហ៊ុនកំពូលអាមេរិក Dow Jones ដាំក្បាលចុះជាខ្លាំង ក្រោយលោក Trump ដាក់ចេញនូវផែនការទារពន្ធគយ ចំពោះបណ្ដាប្រទេសជាច្រើន៕

អត្ថបទ៖ Luffy រូបភាព៖ Getty Images

second...

x

The post មហាសេដ្ឋី ៥រូបចូលរួមពិធីស្បថចូលកាន់តំណែង Trump ដឹកដៃគ្នារបូតលុយជាង ២០០ពាន់លានដុល្លារ appeared first on Millions times.

នៅក្នុងការបង្ហោះនៅលើទំព័រ Facebook មហាសេដ្ឋីលំដាប់ទី៣លើពិភពលោក Zuckerberg បានហៅឆ្នាំនេះថាជា “ឆ្នាំកំណត់សម្រាប់ AI” ហើយបានរៀបរាប់ពីមហិច្ឆតារបស់ក្រុមហ៊ុនក្នុងការអភិវឌ្ឍន៍ជំនួយការឌីជីថលកំពូលគឺ Meta AI ដែលត្រូវបានគេរំពឹងថានឹងប្រើប្រាស់ដោយមនុស្សជាងមួយពាន់លាននាក់។

តាមដានជាមួយយើង៖ Million Times

ក្រុមហ៊ុនក៏គ្រោងនឹងដឹកនាំការអភិវឌ្ឍន៍គំរូ AI ជាមួយ Llama 4 របស់ខ្លួន រួមជាមួយនឹងការបង្កើត “វិស្វករ AI” ដើម្បីជួយក្នុងការសរសេរកូដសម្រាប់ការស្រាវជ្រាវ និងការអភិវឌ្ឍន៍របស់ខ្លួន។

លើសពីនេះ Meta នឹងវិនិយោគក្នុងការកសាងមជ្ឈមណ្ឌលទិន្នន័យដ៏ធំមួយ ដើម្បីគាំទ្រដល់ប្រតិបត្តិការ AI របស់ខ្លួន។ ការចំណាយដើមទុនដែលរំពឹងទុកសម្រាប់គំនិតផ្តួចផ្តើមទាក់ទងនឹង AI នៅឆ្នាំ២០២៥ នឹងមានចន្លោះពី ៦០ពាន់លានដុល្លារទៅ ៦៦ពាន់លានដុល្លារ។

លោក Zuckerberg បាននិយាយថា នេះជាកិច្ចខិតខំប្រឹងប្រែងដ៏សំខាន់ដែលនឹងជំរុញការច្នៃប្រឌិត ផ្តល់ថាមពលដល់ផលិតផលស្នូលរបស់ Meta និងជំរុញភាពជាអ្នកដឹកនាំផ្នែកបច្ចេកវិទ្យារបស់អាមេរិក។

ការប្រកាសនេះកើតឡើងភ្លាមៗបន្ទាប់ពីប្រធានាធិបតីអាមេរិក លោក Donald Trump បានបង្ហាញគម្រោងហេដ្ឋារចនាសម្ព័ន្ធ AI តម្លៃ ៥០០ពាន់លានដុល្លារដែលដឹកនាំដោយធនាគារ SoftBank និង OpenAI ។

ទោះជាយ៉ាងណាក៏ដោយ សម្ព័ន្ធមិត្តរបស់លោក Trump លោក Elon Musk ក៏ទំនងជាមានការគាំទ្រផ្នែកហិរញ្ញវត្ថុរបស់គម្រោងនេះផងដែរ។

ទន្ទឹមនឹងនេះដែរ ប្រធានក្រុមហ៊ុន Microsoft លោក Brad Smith បានគូសបញ្ជាក់ថា ក្រុមហ៊ុនរបស់លោកកំពុងស្ថិតនៅលើផ្លូវក្នុងការវិនិយោគប្រហែល ៨០ពាន់លានដុល្លារនៅក្នុងមជ្ឈមណ្ឌលទិន្នន័យ AI ការបណ្តុះបណ្តាលគំរូ និងកម្មវិធីពពកសកល៕

អត្ថបទ៖ សារ៉ាយ រូបភាព៖ Meta / AP

second...

x

The post Mark Zuckerberg បង្ហាញផែនការវិនិយោគ AI តម្លៃ៦០ពាន់លានដុល្លារសម្រាប់ឆ្នាំ២០២៥ appeared first on Millions times.