តាមដានជាមួយយើង៖ Million Times

សារព័ត៌មាន Bloomberg ធ្លាប់ចេញផ្សាយអត្ថបទមួយ ក្រោមចំណងជើងថា «កិច្ចព្រមព្រៀងទិញលក់អចលនទ្រព្យនៅសិង្ហបុរី ត្រូវបានលាក់បាំងសំងាត់ជាងមុន» ដោយក្នុងអត្ថបទមួយនោះ ពួកគេបានបានសរសេរថា អចលនទ្រព្យថ្លៃៗមួយចំនួន មិនមានឯកសារទិញលក់ត្រឹមត្រូវ ហើយភាគច្រើនអតិថិជនប្រើឈ្មោះក្លែងក្លាយ ឬក៏សំបកក្រុមហ៊ុនដើម្បីទិញ និងមានមន្ត្រីធំៗចាំជួយកាងពីក្រោយ។

ក្នុងអត្ថបទមួយនោះ ទីភ្នាក់ងារព័ត៌មាន Bloomberg មិនបានបញ្ចេញឈ្មោះរដ្ឋមន្ត្រីរូបណាឡើយ ដោយគ្រាន់តែបង្ហើបថា មានមន្ត្រីធំៗចំនួន ២រូបជាអ្នកនៅពីក្រោយ និងចាំជួយសម្រួលការរត់ឯកសារ។

ជាការឆ្លើយតប រដ្ឋមន្ត្រីក្រសួងមហាផ្ទៃ លោក K Shanmugam និងរដ្ឋមន្ត្រីក្រសួងថាមពល លោក Tan See Leng បានមានប្រសាសន៍ថា ការចេញផ្សាយអត្ថបទរបស់ Bloomberg គឺគ្មានការស្រាវជ្រាវច្បាស់លាស់ ហើយលោកចាត់ទុកវាថា ជាការប្រមាថធ្ងន់ធ្ងរ និងត្រូវតែទទួលខុសត្រូវតាមផ្លូវច្បាប់។

គួររំលឹកបន្តិចថា លោក Shanmugam កាលពីឆ្នាំ២០២៣ ធ្លាប់ឡើងតុលាការ ដោះស្រាយរឿងក្ដីក្ដាំទាក់ទងនឹងអចលនទ្រព្យមួយករណីផងដែរ។ ពេលនោះលោករងការចោទប្រកាន់ថា លោកបានដាក់ជួលផ្ទះ ក្នុងតម្លៃថ្លៃហួសហេតុ និងមិនបានបង់ថ្លៃសេវាកម្ម ដល់ទីភ្នាក់ងារជួល ក៏ប៉ុន្តែឆ្លងកាត់ការស្រាវជ្រាវ និងស៊ើបអង្កេត តុលាការសម្រេចកាត់ក្ដីថា រដ្ឋមន្ត្រីរូបនេះមិនបានធ្វើខុសឡើយ ពោលគឺលោករកស៊ីត្រឹមត្រូវ និងគោរពតាមច្បាប់ប៉ុណ្ណោះ៕

អត្ថបទ៖ Luffy រូបភាព៖ SCMP

second...

x

The post រដ្ឋមន្ត្រីសិង្ហបុរី ២រូបដាក់ពាក្យប្ដឹងក្រុមហ៊ុន Bloomberg ជុំវិញព័ត៌មានទិញផ្ទះ appeared first on Millions times.