តាមដានជាមួយយើង៖ Million Times

ទីភ្នាក់ងារព័ត៌មាន Forbes បានរាយការណ៍ថា បើសិនជាលោក Gates រក្សាទុកភាគហ៊ុនតាំងពីដំបូង ទ្រព្យសម្បត្តិរបស់លោកសព្វថ្ងៃនឹងមានចំនួន ១,២ទ្រីលានដុល្លារ ស្របពេលបច្ចុប្បន្ន Elon Musk ដែលជាកំពូលមហាសេដ្ឋីមានដាច់គេ មានទ្រព្យសម្បត្តិ ៤០៩ពាន់លានដុល្លារ។

គួររំលឹកបន្តិចថា ចាប់តាំងពីបង្កើតក្រុមហ៊ុន Microsoft ក្នុងឆ្នាំ១៩៨៦ មហាសេដ្ឋី Bill Gates មានភាគហ៊ុន ១១,២លានហ៊ុន ឬ ៤៩% នៃក្រុមហ៊ុនទាំងមូល ប៉ុន្តែរយៈពេលជាង ២០ឆ្នាំចុងក្រោយនេះ មហាសេដ្ឋីអាមេរិកតែងតែលក់ភាគហ៊ុនជាញឹកញាប់ ដើម្បីធ្វើកម្មវិធីសប្បុរសធម៌ ក៏ដូចជាប្រគល់ភាគហ៊ុនផ្ទាល់ខ្លួនមួយចំណែក ឲ្យទៅអ្នកស្រី Melinda French Gates ពេលអ្នកទាំង២ ចែកផ្លូវគ្នាផងដែរ។

បច្ចុប្បន្ន មហាសេដ្ឋី Bill Gates ជាម្ចាស់ភាគហ៊ុនប្រហែល ០,៩% នៃក្រុមហ៊ុន Microsoft ទាំងមូលប៉ុណ្ណោះ ដែលគិតជាទឹកប្រាក់ប្រហែល ២៨ពាន់លានដុល្លារ ឬប្រហែល ១ភាគ៤ នៃទំហំទ្រព្យសម្បត្តិសរុប របស់កំពូលមហាសេដ្ឋីចិត្តបុណ្យរូបនេះ៕

អត្ថបទ៖ Luffy រូបភាព៖ CNBC

second...

x

The post Bill Gates ច្បាស់ជាមានលុយច្រើនជាង Elon Musk ទៅទៀត បើសិនទុកភាគហ៊ុនតាំងពីដំបូង appeared first on Millions times.

តាមដានជាមួយយើង៖ Million Times

អតីត CEO ក្រុមហ៊ុន Microsoft បានអះអាងថា មេធំ Facebook បានប្រាប់អំពីផែនការមួយនេះ ក្រោយដឹងពីឆន្ទៈរបស់លោកក្នុងការជួយដល់កុមារក្រីក្រ និងលុបបំបាត់ភាពអត់ឃ្លានជាសកល ដោយប្រកាសពីគម្រោងបរិច្ចាគទ្រព្យសម្បត្តិផ្ទាល់ខ្លួន ១០០ពាន់លានដុល្លារ ក្នុងរយៈពេល ២០ឆ្នាំខាងមុខ។

លោក Gates បានសរសើរពីទឹកចិត្តដ៏ប្រពៃរបស់មហាសេដ្ឋី Facebook ពីឆន្ទៈធ្វើអំពើសប្បុរសធម៌ តាមរយៈមូលនិធិគំនិតផ្ដួចផ្ដើម Chan Zuckerberg Initiative (CZI) ដែលផ្ដោតសំខាន់លើវិស័យអប់រំ វិទ្យាសាស្ត្រ និងភាពយុត្តិធម៌ ជាពិសេសគឺលើកកម្ពស់ស្ត្រី ឲ្យមានឱកាសកាន់តែច្រើន នៅក្នុងវិស័យការងារផ្នែកបច្ចេកវិទ្យា។

គួរជម្រាបដែរថា ប៉ុន្មានឆ្នាំមកនេះ មហាសេដ្ឋី Mark Zuckerberg តែងតែធ្វើសកម្មភាពសប្បុរសធម៌មិនលស់ពេល តាមរយៈមូលនិធិ CZI ដែលក្នុងមួយឆ្នាំៗចំណាយប្រាក់ខ្ទង់រាប់សិបលានដុល្លារ ដើម្បីជួយពង្រឹងវិស័យអប់រំ ផ្ដល់លទ្ធភាពដល់កុមារក្រីក្រទូទាំងសកលលោក អាចមានឱកាសទទួលបានចំណេះដឹងគ្រប់គ្រាន់ដូចក្មេងដទៃទៀត៕

អត្ថបទ៖ Luffy រូបភាព៖ Facebook

second...

x

The post មេធំ Facebook ប្រាប់មហាសេដ្ឋី Bill Gates ថា មានគម្រោងបរិច្ចាគទ្រព្យសម្បត្តិរហូតដល់ ៩០% appeared first on Millions times.

តាមដានជាមួយយើង៖ Million Times

មហាសេដ្ឋីវ័យ ៦៩ឆ្នាំរូបនេះជឿជាក់ថា ផែនការសប្បុរសធម៌របស់លោក នឹងជួយដោះស្រាយនូវបញ្ហាធំៗដូចជា លុបបំបាត់ជំងឺគ្រុនចាញ់ និងស្វិតដៃស្វិតជើង កាត់បន្ថយអត្រាមរណភាពចំពោះស្ត្រី និងកុមារ ដោយសារភាពអត់ឃ្លាន រួមទាំងកាត់បន្ថយវិបត្តិក្រីក្រជាសកលថែមទៀត។

ផែនការសប្បុរសធម៌របស់មហាសេដ្ឋីចិត្តបុណ្យរូបនេះ កើតឡើងក្រោយរដ្ឋបាលប្រធានាធិបតី Donald Trump ប្រកាសផ្អាកជំនួយជាសកល ហើយអតីត CEO ក្រុមហ៊ុន Microsoft បានរិះគន់ Elon Musk ថា កំពុងព្យាយាមចង់សម្លាប់ក្មេងៗក្រីក្រ តាមរយៈកាត់ផ្ដាច់ជំនួយដែលក្មេងៗទាំងនោះ ត្រូវការជាចាំបាច់។

គួរជម្រាបដែរថា លោក Bill Gates បានបង្កើតមូលនិធិ The Gates Foundation ជាមួយអតីតភរិយា អ្នកស្រី Melinda Gates ក្នុងគោលបំណងជួយដល់ក្មេងៗ និងស្ត្រីនៅតំបន់ក្រីក្រ ដែលភាគច្រើនស្ថិតនៅតំបន់អាហ្វ្រិក។ ចាប់តាំងពីបង្កើតក្នុងឆ្នាំ២០០០ មកទល់ពេលនេះ មូលនិធិមហាសេដ្ឋីអាមេរិក បរិច្ចាគទឹកប្រាក់ប្រហែល ១០០ពាន់លានដុល្លារ និងបានជួយជីវិតមនុស្សរាប់សិបលាននាក់៕

អត្ថបទ៖ Luffy រូបភាព៖ BBC

second...

x

The post Bill Gates សន្យាបរិច្ចាគទឹកប្រាក់រហូតដល់ ២០០ពាន់លានដុល្លារ ត្រឹមឆ្នាំ២០៤៥ appeared first on Millions times.

តាមដានជាមួយយើង៖ Million Times

សារព័ត៌មាន Page Six បានចុះផ្សាយថា លោក Gates អះអាងថា កូនៗរបស់លោក នឹងទទួលបានមរតកពីលោក ក្នុងម្នាក់ត្រឹមតែ ១% ប៉ុណ្ណោះ នៃទំហំទ្រព្យសម្បត្តិដែលលោកមាន។

នេះមានន័យថាកូនៗរបស់កំពូលមហាសេដ្ឋីរូបនេះ នឹងទទួលបានទឹកប្រាក់យ៉ាងតិច ១ពាន់លានដុល្លារ ពីទំហំទ្រព្យសម្បត្តិរបស់មហាសេដ្ឋី Bill Gates ដែលបច្ចុប្បន្នមានរហូតដល់ជាង ១០០ពាន់លានដុល្លារ។

មហាសេដ្ឋីអាមេរិករូបនេះបញ្ជាក់ថា ការចែកទ្រព្យសម្បត្តិដល់កូនៗមួយចំណែកតូចនេះ គឺដើម្បីចង់ឲ្យពួកគេស្វែងរកភាពជោគជ័យដោយខ្លួនឯង និងបង្រៀនពួកគេអំពីបំណិនជីវិត ពោលមិនអាចឲ្យរស់នៅសោយសុខលើគំនរមាសប្រាក់ដាច់ខាត បើទោះជាមានឪពុកជាមហាសេដ្ឋីក៏ដោយ៕

អត្ថបទ៖ Luffy រូបភាព៖ Page Six

second...

x

The post មានលុយកប់ពពក តែមហាសេដ្ឋី Bill Gates ទម្លាយថា ចែកកេរ្តិ៍មរតកឲ្យកូនៗម្នាក់ ១% ប៉ុណ្ណោះ appeared first on Millions times.

តាមដានជាមួយយើង៖ Million Times

កញ្ញា Phoebe បាននិយាយថា «អ្នកដឹងទេ? ឪពុករបស់ខ្ញុំពិបាកក្នុងការទំនាក់ទំនងក្នុងសង្គមណាស់ ដោយសារគាត់មានជំងឺប្រចាំកាយម្យ៉ាង ដែលគេហៅថាជំងឺ Asperger»។

តាមការស្រាវជ្រាវ និងឯកសារពីមន្ទីរពេទ្យបានឲ្យដឹងថា អ្នកជំងឺ Asperger តែងតែមានភាពលំបាកក្នុងការប្រាស្រ័យទាក់ទង ជាមួយអ្នកដទៃនៅក្នុងសង្គម មិនចូលចិត្តមាត់ករ ហើយឧស្សាហ៍ធ្វើសកម្មភាពដដែលៗញឹកញាប់។ ជំងឺនេះមានលក្ខណៈស្រដៀងគ្នា នឹងជំងឺអូទីហ្សឹម ប៉ុន្តែមានភាពធូរស្រាលជាង។

គួរជម្រាបដែរថា មហាសេដ្ឋី Bill Gates មិនដែលចេញមុខអះអាងថា លោកមានជំងឺ Asperger ឡើយ ប៉ុន្តែកន្លងមកលោកធ្លាប់បង្ហើបថា បើសិនជាលោកធំធាត់ដឹងក្ដីនៅក្នុងសម័យនេះ លោកច្បាស់ជាមានជំងឺអូទីហ្សឹមជាមិនខាន៕

អត្ថបទ៖ Luffy រូបភាព៖ People

second...

x

The post កូនស្រីពៅមហាសេដ្ឋី Bill Gates ទម្លាយថា ឪពុកមានជម្ងឺប្រចាំកាយម្យ៉ាងពិបាកចុះសម្រុងក្នុងសង្គម appeared first on Millions times.

សារព័ត៌មាន Reuters បានចុះផ្សាយថា មូលនិធិមួយនេះត្រូវបានលេចរូបរាងជាស្ថាពរកាលពីថ្ងៃអង្គារ ទី២៩ ខែមេសា នៅទីក្រុង Abu Dhabi នៃសហព័ន្ធអារ៉ាប់រួម បន្ទាប់ពីចំណាយពេលសិក្សាពីផែនការមួយនេះរយៈពេលមួយឆ្នាំ។

តាមដានជាមួយយើង៖ Million Times

វត្តមានរបស់មូលនិធិ The Beginnings Fund គឺពិតជាមានសារៈសំខាន់ខ្លាំងណាស់នាពេលឥឡូវនេះ ពោលវានឹងអាចជួយបំពេញចន្លោះប្រហោងមួយចំនួនធំ នៅក្នុងការជួយជីវិតក្មេងៗជាច្រើន បន្ទាប់ពីរដ្ឋាភិបាលអាមេរិកប្រកាសផ្អាកផ្ដល់ជំនួយទូទាំងសកលលោក។

បច្ចុប្បន្ន មូលនិធិ The Beginnings Fund ប្រមូលថវិកាបានប្រហែល ៥០០លានដុល្លារ ហើយមានបំណងជួយសង្គ្រោះជីវិតទារក និងម្ដាយឲ្យបាន ៣០០ ០០០នាក់ ត្រឹមឆ្នាំ២០៣០ ក៏ដូចជាពង្រឹងគុណភាពលើសេវាកម្មថែទាំសុខភាពម្ដាយ និងទារក រហូតដល់ ៣៤លាននាក់ថែមទៀត៕

អត្ថបទ៖ Luffy រូបភាព៖ AOL

second...

x

The post Bill Gates ចាប់ដៃគ្នាជាមួយសប្បុរសជនផ្សេងទៀត បង្កើតមូលនិធិជួយដល់ទារកនៅទ្វីបអាហ្វ្រិក appeared first on Millions times.

តាមដានជាមួយយើង៖ Million Times

យោងតាមការផ្ដល់បទសម្ភាសន៍រវាងលោកស្រី Melinda ជាមួយសារព័ត៌មាន People បានឲ្យដឹងថា សព្វថ្ងៃលោកស្រីកំពុងទាក់ទងជាមួយបុរសម្នាក់ ប៉ុន្តែមិនបញ្ចេញអត្តសញ្ញាណរបស់គូស្នេហ៍ឡើយ ដើម្បីរក្សាឯកជនភាពរបស់ដៃគូ។

មហាសេដ្ឋីស្រីវ័យ ៦០ឆ្នាំរូបនេះបានឲ្យដឹងថា បច្ចុប្បន្នលោកស្រី និងគូស្នេហ៍កំពុងរស់នៅយ៉ាងចុះសម្រុង ហើយក៏បានពិចារណាអំពីរឿងរៀបការផងដែរ បើសិនជាអ្នកទាំង២ ត្រៀមខ្លួនរួចរាល់។

គួររំលឹកបន្តិចថា លោកស្រី Melinda និងមហាសេដ្ឋី Bill Gates បានសម្រេចចិត្តលែងលះគ្នាកាលពីខែសីហា ឆ្នាំ២០២១ បន្ទាប់ពីរួមរស់ជាប្ដីប្រពន្ធរយៈពេល ២៧ឆ្នាំ។ អ្នកទាំង២ មានកូនប្រុសស្រីចំនួន ៣រូបជាចំណងដៃ ហើយលោក Gates ធ្លាប់ទម្លាយប្រាប់សារព័ត៌មានថា ការចែកផ្លូវគ្នាជាមួយអតីតភរិយា គឺជាកំហុសឆ្គងធំបំផុតរបស់លោក ប៉ុន្តែអ្នកទាំង២ ត្រូវតែសម្រេចចិត្តបែបនេះ ដើម្បីសេចក្ដីសុខផ្លូវចិត្តរៀងៗខ្លួន៕

អត្ថបទ៖ Luffy រូបភាព៖ Forbes

second...

x

The post អតីតភរិយាមហាសេដ្ឋី Bill Gates ទម្លាយថា កំពុងមានក្ដីសុខជាមួយស្នេហាថ្មី ក្រោយលែងលះ ៤ឆ្នាំ appeared first on Millions times.

NBC News បានចុះផ្សាយថា សហស្ថាបនិក Microsoft បាននិយាយថា លោកមានកិច្ចប្រជុំខ្លីជាមួយប្រធានាធិបតី Donald Trump និងកិច្ចប្រជុំដ៏យូរជាមួយប្រធានបុគ្គលិក Susie Wiles ។

រដ្ឋបាលថ្មីលោក Trump បានបិទទីភ្នាក់ងារ USAID ជា​ម្ចាស់​ជំនួយ​ធំ​ជាង​គេ​បង្អស់​តែ​មួយ​គត់​នៅលើ​ពិភពលោក។  នាយកដ្ឋានប្រសិទ្ធភាពរដ្ឋាភិបាល (DOGE) របស់មហាសេដ្ឋី Elon Musk ចោទប្រកាន់ថា វាចំណាយខ្ជះខ្ជាយ។

ក្នុង​ឆ្នាំ​សារពើពន្ធ ២០២៣ សហរដ្ឋ​អាមេរិក​បាន​បញ្ចេញ​ជំនួយ ៧២ ពាន់​លាន​ដុល្លារ​នៅ​ជុំវិញ​ពិភពលោក​ទៅ​លើ​ផ្នែក​គ្រប់មុខ​រាប់ចាប់ពី​សុខភាព​ស្ត្រី​ក្នុង​តំបន់​សង្គ្រាម​រហូត​ដល់​ការ​ទទួល​បាន​ទឹកស្អាត ការ​ព្យាបាល​វីរុស​ឬ​ជំងឺ​អេដស៍ សន្តិសុខ​ថាមពល និង​ការងារ​ប្រឆាំង​អំពើ​ពុករលួយ។ ទីភ្នាក់ងារ​នេះ​បាន​ផ្តល់​ជំនួយ​មនុស្សធម៌ ៤២% ក្នុង​ចំណោម​ជំនួយ​មនុស្សធម៌​ទាំងអស់​ដែល​កត់ត្រា​ដោយ​អង្គការ​សហប្រជាជាតិ​ក្នុង​ឆ្នាំ ២០២៤៕

អត្ថបទ៖ សារ៉ាយ រូបភាព៖ Google

តាមដានជាមួយយើង៖ Million Times

second...

x

The post លោក Bill Gate ជួបប្រធានាធិបតី Trump នៅសេតវិមានសុំអន្តរាគមន៍ការបិទ USAID appeared first on Millions times.

តាមដានជាមួយយើង៖ Million Times

ទោះជាមានទ្រព្យសម្បត្តិច្រើនហូរហៀរ តែមហាសេដ្ឋី Bill Gates បង្ហើបថា លោកមានការស្ដាយក្រោយជាខ្លាំង ដ្បិតកាលពីវ័យនៅមានកម្លាំងពេញលេញ មិនបានធ្វើដំណើរកម្សាន្ត និងចំណាយពេលសម្រាប់ខ្លួនឯងឲ្យបានច្រើន ពោលគឺខិតខំតែធ្វើការរកប្រាក់ ទើបតែឈានដល់វ័យចំណាស់ មានលុយចាយហូរហៀរ បានចេះចាប់ផ្ដើមគិតពីរឿងអស់ទាំងនេះ។

យោងតាមការស្រង់សម្ដីរបស់លោក Gates ថ្លែងប្រាប់ក្រុមនិស្សិតបញ្ចប់ការសិក្សានៅសកលវិទ្យាល័យ Northern Arizona ពីសារព័ត៌មាន Fortune បានឲ្យដឹងថា សហស្ថាបនិក Microsoft រូបនេះធ្វើការគ្មានគិតថ្ងៃសៅរ៍ អាទិត្យ និងថ្ងៃឈប់សម្រាកឡើយ អំឡុងពេលបង្កើតក្រុមហ៊ុន Microsoft និងថែមទាំងកាត់ផ្ដាច់ទំនាក់ទំនងជាមួយមិត្តភក្ដិ ដែលបបួលលោកធ្វើដំណើរកម្សាន្តលំហែអារម្មណ៍ថែមទៀត។

មហាសេដ្ឋីមានទ្រព្យសម្បត្តិច្រើនបំផុតទី០៧ លើលោកបញ្ជាក់ទៀតថា ទើបតែពេលលោកមានវ័យកាន់តែចាស់ និងក្លាយជាឪពុករបស់គេ បានលោកយល់ច្បាស់ថា ការចំណាយពេលជាមួយគ្រួសារ និងផ្ដល់ពេលវេលាសម្រាប់ខ្លួនឯង មិនមែនជារឿងឥតបានការឡើយ បើទោះជាអ្នកកំពុងតាមចាប់ក្ដីស្រមៃ។ វាប្រៀបដូចជាការសាកថ្មថាមពល ដើម្បីឲ្យអ្នកមានកម្លាំងបន្ថែម ដើម្បីសម្រេចគោលដៅកាន់តែឆាប់រហ័សជាងមុនទៅវិញទេ។

លោក Bill Gates ថែមទាំងបានផ្ដាំផ្ញើទៅកាន់យុវជនទាំងនោះថា ពួកគេគួរមានពេលវេលាសម្រាប់ខ្លួនឯង បើទោះជារវល់ខ្លាំងប៉ុណ្ណាក៏ដោយ។ មហាសេដ្ឋីរូបនេះសង្កត់ធ្ងន់ថា អ្នកមិនមែនជាមនុស្សខ្ចិលច្រអូសឡើយ បើសិនជាពេលខ្លះអ្នកទុកការងារចោលមួយអន្លើ ដើម្បីមានពេលវេលាសម្រាប់ខ្លួនឯង៕

អត្ថបទ៖ Luffy រូបភាព៖ GeekWire

second...

x

The post ដល់វ័យចំណាស់ទើប Bill Gates ស្ដាយក្រោយ ព្រោះមិនបានធ្វើរឿងអស់ទាំងនេះ appeared first on Millions times.