ទិដ្ឋភាពពណ៌ស្វាយពេលរាត្រីនៃមង្គលការកូនស្រីឧបនាយករដ្ឋមន្រ្តី នេត សាវឿន អស្ចារ្យពេកក្រៃ

Vin Chang — Mon, 17 Feb 2025 02:42:45 +0000

មង្គលការដ៏អស្ចារ្យនាខែកុម្ភៈរបស់គ្រួសារអ្នកមានមុខមាត់ក្នុងសង្គម បានចប់សព្វគ្រប់ហើយក៏ពិតមែន ប៉ុន្តែរូបភាពនៃកម្មវិធីមិនទាន់រលុបឡើយ។

តាមដានជាមួយយើង៖ Million Times

កាលពីថ្ងៃ១៦ ខែកុម្ភៈ កន្លងទៅឧបនាយករដ្ឋមន្រ្តី នេត សាវឿន និងលោកស្រី ហ៊ុន គឹមឡេង បានរៀបចំមង្គលការកូនស្រីយ៉ាងធំសម្បើមតាមបែបផែនប្រពៃណីខ្មែរ គ្មានចន្លោះកម្មវិធីណាមួយឡើយ។ កូនក្រមុំ នេត ធីតា ច័ន្ទធីម៉ា ជាគូនិងកូនកំលោះ ដូមីនីត ភីអត ផូវាកា ជនជាតិអង់គ្លេស។

កន្លែងរៀបចំកម្មវិធីប្រពៃណីខ្មែរធ្វើឡើងនៅគេហដ្ឋានខាងស្រី ពោលគឺភូមិគ្រឹះឧបនាយករដ្ឋមន្ត្រី នេត សាវឿន និងលោកស្រី ហ៊ុន គឹមឡេង ក្បែរពហុកីឡដ្ឋានជាតិអូឡាំពិកផ្ទាល់តែម្ដង។ ចំណែកការទទួលទានអាហារពេលល្ងាច នៅមជ្ឈមណ្ឌលពាណិជ្ជកម្មអន្តរជាតិ OCIC ជ្រោយចង្វា ដែលមានថ្នាក់ដឹកនាំតាមស្ថាប័នផ្សេងៗ អ្នកមានលំដាប់កំពូលៗក្នុងស្រុក ព្រមទាំងសេដ្ឋីស្រុកគេផងដែរ។

ងាកទៅមើទិដ្ឋភាពពេលរាត្រី ដែលមានការតុបតែងផ្កាស្រស់ពណ៌ស្វាយចាស់យ៉ាងស្រស់ស្អាតប្លែកភ្នែក ព្រមជាមួយក្បូរក្បាច់រចនាបថរបស់ខ្មែរ ជាវាទិកាទទួលភ្ញៀវកិត្តិយស។ ផ្កាពណ៌ស្វាយត្រូវបានរៀបគ្រប់ជ្រុងជ្រោយនៃសាលរៀបអាពាហ៍ពិពាហ៍ទាំងមូល មើលទៅឃើញពីភាពស្រទន់ ហើយម្ចាស់កម្មវិធីទៀតសោតពិតជាសមគ្នាឥតខ្ចោះក្នុងឈុតសម្លៀកបំពាក់បែបអឺរ៉ុប៕

អត្ថបទ៖ មេរ៉ា, រូបភាព៖ The ring wedding cambodia

The post ទិដ្ឋភាពពណ៌ស្វាយពេលរាត្រីនៃមង្គលការកូនស្រីឧបនាយករដ្ឋមន្រ្តី នេត សាវឿន អស្ចារ្យពេកក្រៃ appeared first on Millions times.

ម្ចាស់នាឡិការថ្លៃល្បី Jacob & co ជួបសម្តេច ហ៊ុន សែន ក្នុងរោងជ័យមង្គលការកូនស្រីឧបនាយករដ្ឋមន្រ្តី នេត សាវឿន

Vin Chang — Sun, 16 Feb 2025 07:37:51 +0000

នៅក្នុងខែកុម្ភៈឆ្នាំនេះ លោក Jacob Arabo បានអញ្ជើញមកប្រទេសកម្ពុជាដើម្បីចូលរួមពិធីអាហាហ៍ពិពាហ៍កូនស្រីឧបនាយករដ្ឋមន្រ្តី នេត សាវឿន និងលោកស្រី ហ៊ុន គឹមឡេង ដែលធ្វើឡើងយ៉ាងអធិកអធមតាមប្រពៃណីខ្មែរ។

ពិធីអាពាហ៍ពិពាហ៍គូស្វាមីភរិយាថ្មីរបស់ចៅស្រីសម្តេច ហ៊ុន ណេង កាលពីថ្ងៃទី១៧ ខែកុម្ភៈ ស្ថិតនៅភូមិគ្រឹះឧបនាយករដ្ឋមន្រ្តី នេត សាវឿន ស្ថិតនៅខាងផ្សារអូឡាំព្យា ក្រុងភ្នំពេញ ក្រោមការអញ្ជើញចូលរួមពីឥស្សរជនកំពូល ថ្នាក់ដឹកនាំរាជរដ្ឋាភិបាល ព្រមទាំងអ្នកជំនួញក្នុងស្រុកធំៗយ៉ាងច្រើនកុះករ។

តាមដានជាមួយយើង៖ Million Times

ប្រភពមួយបានទម្លាយឲ្យដឹងថា លោក Jacob Arabo ជាសាច់ញាតិខាងកូនកំលោះឈ្មោះ ដូមីនីត ភីអត ផូវាកា ជាជនជាតិអង់គ្លេស ដែលជាមួយនឹងកូនស្រីឈ្មោះ នេត ធីតា ច័ន្ទធីម៉ា។

ក្នុងឱកាសចូលរួមពិធីមង្គលកូនស្រីថ្នាក់ដឹកនាំរាជរដ្ឋាភិបាលកម្ពុជា លោក Jacob Arabo បានជួបសន្ទនាខ្លីដោយផ្ទាល់ជាមួយសម្តេច ហ៊ុន សែន ប្រធានព្រឹទ្ធសភាជាលក្ខណៈគ្រួសារនៅក្នុងរោងពិធីជ័យតែម្តង។

លោក Jacob Arabo គឺជាអ្នកផលិតគ្រឿងអលង្ការ និងនាឡិកាជនជាតិអាមេរិក ដែលបានបង្កើតក្រុមហ៊ុន Jacob & Company ក្នុងឆ្នាំ១៩៨៦ ហើយបានពង្រីកយីហោនេះឱ្យក្លាយជាម៉ាកប្រណីតលំដាប់អន្តរជាតិ៕

អត្ថបទ៖ សាងតេជៈ រូបភាព៖ One Memory

The post ម្ចាស់នាឡិការថ្លៃល្បី Jacob & co ជួបសម្តេច ហ៊ុន សែន ក្នុងរោងជ័យមង្គលការកូនស្រីឧបនាយករដ្ឋមន្រ្តី នេត សាវឿន appeared first on Millions times.

ឧបនាយករដ្ឋមន្រ្តី នេត សាវឿន Archives - Millions times

ទិដ្ឋភាពពណ៌ស្វាយពេលរាត្រីនៃមង្គលការកូនស្រីឧបនាយករដ្ឋមន្រ្តី នេត សាវឿន អស្ចារ្យពេកក្រៃ

ម្ចាស់នាឡិការថ្លៃល្បី Jacob & co ជួបសម្តេច ហ៊ុន សែន ក្នុងរោងជ័យមង្គលការកូនស្រីឧបនាយករដ្ឋមន្រ្តី នេត សាវឿន