ធនាគារ ជីប ម៉ុង និង ក្រុមហ៊ុន អេមរុរ៉ាស៍ចាប់ដៃគ្នាជំរុញហិរញ្ញប្បទានក្នុងវិស័យស្រូវអង្ករដើម្បីបង្កើនការនាំចេញ

Vin Chang — Wed, 25 Jun 2025 02:40:09 +0000

ធនាគារ ជីប ម៉ុង ដែលជាធនាគារក្នុងស្រុកដ៏ធំមួយ បានសហការជាមួយក្រុមនាំចេញអង្ករដ៏ធំជាងគេរបស់កម្ពុជា ក្រុមហ៊ុន អេមរុរ៉ាស៍(Amru Rice Cambodia) ក្នុងភាពជាដៃគូយុទ្ធសាស្រ្តហិរញ្ញប្បទានដើម្បីជម្រុញកសិកម្មស្រូវអង្ករក្នុងការបង្កើនការនាំចេញទៅកាន់ទីផ្សារអន្តរជាតិឱ្យកាន់តែច្រើនថែមទៀត។

តាមដានជាមួយយើង៖ Million Times

ការសម្រេចបាននូវភាពជាដៃគូយុទ្ធសាស្រ្តហិរញ្ញប្បទាននេះត្រូវបានធ្វើឡើងរវាងអ្នកឧកញ៉ា លាង ម៉េង សហស្ថាបនិក និងប្រធានក្រុមអគ្គនាយក ជីប ម៉ុង និងលោកឧកញ៉ា សុង សារ៉ន ប្រធានអគ្គនាយកក្រុមហ៊ុនអេមរុរ៉ាស៍ កាលពីថ្ងៃតី២៤ ខែមិថុនាម្សិលមិញនេះ។

លោកឧកញ៉ា សុង សារ៉ន បានថ្លែងមកកាន់កម្ពុជាថ្មីនៅព្រឹកថ្ងៃទី២៥ ខែមិថុនានេះថា តាមរយៈការសម្រេចបាននូវ MoU នេះ កសិករដែលមានបំណងផ្គត់ផ្គង់មក្រុមហ៊ុនលោកនឹងទទួលបានហិរញប្បទានពីធនាគារ ជីប ម៉ុង ក្នុងអត្រាការប្រាក់ទាប បែបបទងាយស្រួល និងរហ័ស។

លោកឧកញ៉ាថ្លែងថា៖«កាលពីម្សិលមិញនេះយើងបានចុះអនុស្សរណៈនៃការយោគយល់គ្នាជាមួយធនាគារ Chip Mong ដើម្បីទទួលបានហិរញ្ញប្បទានយុទ្ធសាស្រ្តដល់កសិករដែលដាំដុះស្រូវផ្គត់ផ្គង់ដល់ក្រុមហ៊ុន Amru Rice។ ក្រោមកិច្ចសហការនេះ ប្រជាកសិករដែលផលិតស្រូវដើម្បីផ្គត់ផ្គង់ដល់ក្រុមហ៊ុនយើងនឹងទទួលបានហិរញ្ញប្បទានដែលមានអត្រាការប្រាក់ទាប ការផ្តល់ឥណទានមានភាពងាយស្រួល និងរហ័ស។

លោកឧកញ៉ា សុង សារ៉បានថ្លែងបញ្ជាក់ទៀតថា សម្រាប់ជំហានបន្ទាប់ខាងធនាគារនឹងចុះទៅជួបជាមួយប្រជាកសិករតាមបណ្តាខេត្តនានា ដោយផ្ទាល់តែម្តងដើម្បីប្រមូលព័ត៌មាន ដឹងអំពីតម្រូវការផ្សេងដើម្បីរៀបចំឥណទានជូនពួកគាត់។

ក្រុមហ៊ុន Amru Rice (Cambodia) ជាមួយក្រុមហ៊ុន Stabil Nutrition, LLC នៅថ្ងៃទី ២៣ ខែកញ្ញា ឆ្នាំ ២០២៤ បានចុះអនុស្សារណៈនៃការយោគយល់ លើការវិនិយាគរោងចក្រកែច្នៃកន្ទក់សរីរាង្គ។

The post ធនាគារ ជីប ម៉ុង និង ក្រុមហ៊ុន អេមរុរ៉ាស៍ចាប់ដៃគ្នាជំរុញហិរញ្ញប្បទានក្នុងវិស័យស្រូវអង្ករដើម្បីបង្កើនការនាំចេញ appeared first on Millions times.

រូបខួបអាពាហ៍ពិពាហ៍ ១៦ ឆ្នាំ ឧកញ៉ា សុង សារ៉ន លើទឹកដីអង្គរ ប្រៀបដូច Pre-wedding

Vin Chang — Tue, 01 Apr 2025 09:13:38 +0000

នាថ្ងៃខួបអាពាហ៍ពិពាហ៍របស់ឧកញ៉ា សុង សារ៉ន អគ្គនាយកក្រុមហ៊ុន Amru Rice និងភរិយាបានបង្កើនអនុស្សាវរីយ៍ដោយថតរូបជួបជុំគ្រួសារ បែបសាមញ្ញៗជាការអបអរ ថ្ងៃសាងជីវិតគូ ១៦ ឆ្នាំមកជាមួយ។

តាមដានជាមួយយើង៖ Million Times

ភរិយារបស់អគ្គនាយកក្រុមហ៊ុនអេមរុរាយស៍បានបង្ហោះរូបភាពយ៉ាងកក់ក្ដៅ លក្ខណៈគ្រួសារកាលពីថ្ងៃ ៣០ ខែមីនា ឆ្នាំ ២០២៥ កន្លងទៅ តែដូចរូប pre-wedding អ៊ីចឹង។ ខួបអាពាហ៍ពិពាហ៍លើកទី ១៦ នេះដែរប្លែកពីរាល់ដង ដោយគ្រួសារឧកញ៉ា សុង សារ៉ន បានទៅអបអរ និងថតជួបជុំជាមួយកូនៗទាំង ៣ នៅលើទឹកដីខេត្តសៀមរាប។

ទោះរៀបអាពាហ៍ពិពាហ៍ជិត ២០ ឆ្នាំហើយក៏ដោយ ឧកញ៉ា សុង សារ៉ន និងភរិយាគឺលោកស្រី ឃី មុន្នី នៅតែស្រលាញ់គ្នាស្អិតល្មួត មិនឃ្លាពីគ្នាសូម្បីមួយជំហាន។ គូស្វាមីភរិយានេះតែងតែជាកម្លាំងចិត្តឲ្យគ្នាទៅវិញទៅមក និងប្រឹក្សា ស្វែងរកការរីកចម្រើននៃជីវិតទៅទាំងគូ។

រូបភាពប៉ុន្មានសន្លឹកដែលថតនៅប្រាសាទអង្គរវត្ត ពោរពេញទៅដោយក្ដីសុខ ទោះបែបសាមញ្ញៗ តែឆ្លុះបញ្ចាំងពីស្នេហាដ៏ជ្រាលជ្រៅចំពោះគ្នា៕

អត្ថបទ៖ មេរ៉ា, រូបភាព៖ Muny Khy

The post រូបខួបអាពាហ៍ពិពាហ៍ ១៦ ឆ្នាំ ឧកញ៉ា សុង សារ៉ន លើទឹកដីអង្គរ ប្រៀបដូច Pre-wedding appeared first on Millions times.

ឧកញ៉ា សុង សារ៉ន Archives - Millions times

រូបខួបអាពាហ៍ពិពាហ៍ ១៦ ឆ្នាំ ឧកញ៉ា សុង សារ៉ន លើទឹកដីអង្គរ ប្រៀបដូច Pre-wedding