មង្គលការកូនប្រុសឧកញ៉ា លី ឆេង ម្ចាស់សាលាប៊ែលធី រៀបចំឡើងយ៉ាងគគ្រឹកគគ្រេង

Vin Chang — Wed, 12 Nov 2025 02:48:36 +0000

ឧកញ៉ា លី ប៊ុនឆៃ ដែលគេស្គាល់យ៉ាងច្បាស់ថាជាកូនប្រុសរបស់ឧកញ៉ា លី ឆេង ស្ថាបនិក-អគ្គនាយក នៃប៊ែលធី គ្រុប និងជាប្រធានក្រុមប្រឹក្សាភិបាល នៃសាកលវិទ្យាល័យ ប៊ែលធី អន្តរជាតិ ទើបចូលរោងជ័យយ៉ាងគគ្រឹកគគ្រេងកាលពីថ្ងៃ ១១ ខែវិច្ឆិកា ឆ្នាំ ២០២៥ កន្លងទៅ។

តាមដានជាមួយយើង៖ Million Times

ក្រោយភ្ជាប់ពាក្យតាំងពីខែកក្កដា ឆ្នាំ ២០២៥ មក ទីបំផុតថ្ងៃសិរីសួស្ដីជយមង្គល ក៏បានចូលមកដល់ ដែលកូនកំលោះ-កូនក្រមុំ បានរៀបចំ និងទទួលភ្ញៀវកិត្តិយសយ៉ាងល្អឥតទាស់កន្លែងណាឡើយ កាលពីថ្ងៃចូលរោងម្សិលមិញ។

ថ្ងៃ ១២ ខែវិច្ឆិកា នេះជាថ្ងៃមង្គល ហើយក៏ចាត់ទុកជាមង្គលការដ៏ធំនាចុងឆ្នាំ ២០២៥ នៃត្រកូលអភិជនដែរ។ គូនេះ មានការចូលរួមពីភ្ញៀវអ្នកមុខអ្នកការ និងអ្នកជំនួញមានកេរ្តិ៍ឈ្មោះល្បីល្បាញក្នុងប្រទេសជាច្រើនរូប។ ទាំងភ្ញៀវប្រុសស្រី និងសាមីខ្លួនម្ចាស់ដើមការទាំងសងខាង បានរៀបចំខ្លួនយ៉ាងស្រស់ស្អាត ទាំងឈុតប្រពៃណី និងឈុតសម័យ។

បើក្រឡេកមើលកន្លែងរៀបចំកម្មវិធីបានតុបតែងដោយផ្កាស្រស់ខ្លះ និងក្បូរក្បាច់រចនាខ្មែរជាច្រើនផ្នែក ដើម្បីលម្អសាលប្រារព្ធពិធី មើលទៅស្អាត ស្រឡះភ្នែក មិនសាំញ៉ាំច្រើនឡើយ។

កូនកំលោះគឺជា លី ប៊ុនឆៃ មានតួនាទីជាអគ្គនាយករង ប៊ែលធី គ្រុប និងជាប្រធានគណៈគ្រប់គ្រងនាយកសាខា នៃសាលា ប៊ែលធី អន្តរជាតិ ហើយក៏ជាលោកគ្រូវិន័យ នៃសាលា ប៊ែលធី អន្តរជាតិ។ ចំណែកកូនក្រមុំ លី លក្ខណា ក៏ជាគ្រួសារដែលមានមុខមាត់ក្នុងសង្គមដូចគ្នាផងដែរ៕

អត្ថបទ៖ ឆដា, រូបភាព៖ BONG JOY Events

The post មង្គលការកូនប្រុសឧកញ៉ា លី ឆេង ម្ចាស់សាលាប៊ែលធី រៀបចំឡើងយ៉ាងគគ្រឹកគគ្រេង appeared first on Millions times.

ឧកញ៉ា លី ឆេង Archives - Millions times

មង្គលការកូនប្រុសឧកញ៉ា លី ឆេង ម្ចាស់សាលាប៊ែលធី រៀបចំឡើងយ៉ាង​គគ្រឹកគគ្រេង

មង្គលការកូនប្រុសឧកញ៉ា លី ឆេង ម្ចាស់សាលាប៊ែលធី រៀបចំឡើងយ៉ាងគគ្រឹកគគ្រេង