ឧកញ៉ា លីម ប៊ុណ្ណា Archives - Millions times

កូនប្រុសសេដ្ឋី លីម ប៊ុណ្ណា នាំភរិយាទៅមើលការប្រកួត Barca Vs Real Madrid លក្ខណៈពិសេស

Vin Chang — Mon, 12 May 2025 04:15:01 +0000

កាលពីយប់មិញនេះ គេបានឃើញវត្តមានលោក លីម សុធារ៉ា ដែលជាប្រុសរបស់សេដ្ឋី លីម ប៊ុណ្ណា ហៅឧកញ៉ា ខ្នា អគ្គនាយកក្រុមហ៊ុន អិលប៊ីអិន គ្រុប នាំភរិយាបណ្ដូលចិត្ត អ្នកនាង ឃួង ស៊ីណាម៉ាឡែន ទៅទស្សនាការប្រកួតផ្ទាល់ដល់កីឡដ្ឋានរវាងក្រុម FC Barcelona យកឈ្នះលើក្រុម Real Madrid ក្នុងលទ្ធផល ៤-៣។

តាមដានជាមួយយើង៖ Million Times

នេះមិនមែនជាលើកដំបូងទេដែលមានកូនខ្មែរទៅដល់កីឡដ្ឋាន Camp Nou ដើម្បីមើលការប្រកួតផ្ទាល់។ តែអ្វីដែលគេសង្កេតឃើញប្លែកពីសព្វមួយដងនោះ គឺវត្តមានរបស់លោក លឹម សុធារ៉ា ខុសពីអ្នកផ្សេង ត្រង់ថាលោកបានទៅថតរូបជាមួយកីឡាករល្បីៗជាច្រើននាក់។

ជាក់ស្ដែងដូចដែលរូបបានបង្ហោះ លើ IG បានថតជាមួយ Roberto Carlos ដែលជា Legendary របស់ Real Madrid និងបានថតជាមួយ Arda Güler និង Raúl Asencio ជាដើម។

ដោយការចូលទៅថតបាននេះដែរ ទំនងកូនប្រសាអភិបាលរាជធានីភ្នំពេញ ឃួង ស្រេង ជាភ្ញៀវ VIP របស់ក្រុម Real Madrid ហើយ ទើបអាចធ្វើបែបនេះបាន។ ស្របពេលតម្លៃសំបុត្រចូលទស្សនាការប្រកួតនេះ តម្លៃសំបុត្រធម្មតាជាង ១០០ ដុល្លារ ហើយថ្លៃសំបុត្រ VIP អាចដល់ ៤០០ ដុល្លារឯណោះ។

នៅលើ story Instagram ទាំង ២ នាក់ប្ដីប្រពន្ធគូនេះ បាន add រូបភាព និងវីដេអូជាច្រើនពីប្រកួត El Clasico រវាង Barcelona vs Real Madrid។

សូមរំលឹកដែរថាលោក លឹម សុធារ៉ា គឺជាកូនប្រុសអ្នកជំនួញផ្នែកកសិកម្មដ៏ធំប្រចាំខែកំពង់ចាម ដែលមានទំហំដីដាំដុះរាប់ពាន់ហិកតា ដែលជាចាត់ទុកសេដ្ឋី មានកេរ្តិ័ឈ្មោះភាពល្បាញល្បីប្រចាំខេត្តកំពង់ចាមតែម្ដង។ លោក លឹម សុធារ៉ា ទើបរៀបការជាមួយកូនស្រី ឃួង ស្រេង អភិបាលរាជធានីភ្នំពេញ កាលពីខែមីនា កន្លងទៅ៕

អត្ថបទ៖ មេរ៉ា, រូបភាព៖ ig theara lim

The post កូនប្រុសសេដ្ឋី លីម ប៊ុណ្ណា នាំភរិយាទៅមើលការប្រកួត Barca Vs Real Madrid លក្ខណៈពិសេស appeared first on Millions times.

ឈុតពណ៌មាសរបស់កូនក្រមុំលោក ឃួង ស្រេង ថ្ងៃរៀបការជាប្រេន Ronyabouhamdan តម្លៃកប់ក្ដោង

Vin Chang — Thu, 20 Mar 2025 09:11:26 +0000

កម្មវិធីមង្គលការកូនប្រុសសេដ្ឋី លីម ប៊ុណ្ណា និងកូនស្រីលោក ឃួង ស្រេង អភិបាលរាជធានីភ្នំពេញ ទោះបញ្ចប់ហើយយ៉ាងណាក្ដី តែរូបភាព និងរឿងរ៉ាវជាច្រើនគួរឲ្យចាប់អារម្មណ៍។

តាមដានជាមួយយើង៖ Million Times

ដូចឈុតរាត្រីពណ៌មាសនៃប្រេន Ronyabouhamdan ដ៏ស្រស់ស្អាតសមនឹងរូបរាងរបស់កូនក្រមុំ ឃួង ស៊ីណាម៉ាឡែន។ រ៉ូបពណ៌មាសនោះស្ថិតក្នុង COLLECTION VII ដែលមានក្បូរក្បាច់អស្ចារ្យ និងប៉ាក់ដ៏សម្បូរបែបពោរពេញដោយអង្កាំ គ្រីស្តាល់តូចៗ ហើយបង្ហាញពីភាពល្អឥតខ្ចោះនៃសិល្បៈហត្ថកម្ម។

ជាកូនប្រសាស្រីសេដ្ឋី លីម ប៊ុណ្ណា ទាំងមូលកម្មវិធី និងឈុតពិតជាប្រណីតខ្លាំងបុរាណ និងឈុតសម័យដែលជាម៉ូដផ្ទាល់ខ្លួន។ សម្រាប់ឈុតរបស់កូនក្រមុំ ឃួង ស៊ីណាម៉ាឡែន គ្រងមានតម្លៃថ្លៃ និងជាម៉ូដដែលទើបនឹងចេញថ្មីផងដែរ។ ហេតុដូចនេះហើយឈុតមួយនោះតម្លៃពិតជាមិនធម្មតាឡើយ ដោយវាចាប់ពី ៤ ៥០០ ដុល្លារឡើង។

រាត្រីនោះដែរកូនក្រមុំមិនមែនគ្រងតែឈុតនៃប្រេន Ronyabouhamdan មួយឡើយ នៅមានរ៉ូបដ៏សម្រស់ស្អាតសម្រាប់ពិធីកាត់នំ និងរាំរែកផងដែរ៕

អត្ថបទ៖ មេរ៉ា, រូបភាព៖ BONG JOY Events

The post ឈុតពណ៌មាសរបស់កូនក្រមុំលោក ឃួង ស្រេង ថ្ងៃរៀបការជាប្រេន Ronyabouhamdan តម្លៃកប់ក្ដោង appeared first on Millions times.

ការកូនម្ដង ដន្លងៗគ្រងឈុតប្រេនល្បី តម្លៃជាង ១ ម៉ឺនដុល្លារ

Vin Chang — Tue, 18 Mar 2025 09:48:16 +0000

មង្គលការកូនស្រីចៅហ្វាយក្រុងភ្នំពេញទើបរំលងបានប្រមាណ ២ ថ្ងៃប៉ុណ្ណោះ ដូចនេះហើយទើបវីដេអូ និងរូបភាពប្រណីតនៃកម្មវិធីត្រកូលអភិជនគូនេះនៅតែត្រូវបានបង្ហាញលើបណ្ដាញសង្គម។

តាមដានជាមួយយើង៖ Million Times

រាប់ចាប់តាំងពីសម្រាល ផ្កាភ្ញី អំពូលគ្រីស្ដាល់ ព្រំ សុទ្ធសឹងតែស្អាតល្អឥតទាស់នាក្នុងកម្មវិធីកូនប្រុស និងកូនប្រសាស្រីសេដ្ឋី លីម ប៊ុណ្ណា ព្រមទាំងដន្លងលោក ឃួង ស្រេង ដែលមនុស្សម្នាស្គាល់ថាជាចៅហ្វាយក្រុងភ្នំពេញ។

ក្នុងកម្មវិធីមង្គលការកូនប្រសាស្រីសេដ្ឋី លីម ប៊ុណ្ណា ពិតជាប្រណីតគ្រប់កន្លែងរាប់បញ្ចូលទាំងការស្លៀកពាក់នៃភ្ញៀវកិត្តិយសដែលសុទ្ធសឹងតែជាអ្នកមានមុខមាត់ មន្ត្រីរាជការ និងភ្ញៀវបរទេសខាងកូនកំលោះ និងកូនក្រមុំ។

ដោយសារតែមង្គលការលំដាប់អភិជន ច្បាស់ណាស់ថាម្ចាស់កម្មវិធីធំគឺកូនក្រមុំ។ សម្អាងការក៏ត្រូវតែជាសម្អាងការធំ ល្បីប្រចាំប្រទេសដែរ ហើយឈុតនីមួយៗ គឺជាឈុតថ្មីបែបប្រពៃណីខ្មែរ ហើយទាំងគ្រួសារ និងសាច់ញាតិក៏ជ្រើសបែបហូលផាមួង អាវប៉ាក់ ហើយចូលមកដល់ល្ងាចថ្ងៃ ១៦ ខែមីនា ឆ្នាំ ២០២៥ វិញ កម្មវិធីទទួលទានអាហារពេលល្ងាច បែបសម័យវិញម្ដង។

ក្នុងនោះឈុតដន្លងស្រីៗទាំង២ ពោលគឺភរិយាសេដ្ឋី លីម ប៊ុណ្ណា លោកស្រី ថុង ធីតា និងភរិយាចៅហ្វាយក្រុងភ្នំពេញ ឃួង ស្រេង វិញលោកស្រី ជា ស៊ីណា បានជ្រើសរើសប្រេន Elie Saabតម្លៃជាង ១ ម៉ឺនដុល្លារ ដែលជាតម្លៃពេញ។

ដន្លងស្រីទាំង ២ បានជ្រើសរើសឈុត Bead Embroidered Baroque Dress ដែលមានតម្លៃពេញប្រមាណ ៧ ២៥០ ទៅ ១៤ ៥០០ ដុល្លារកាលពីពេលចេញដំបូងៗ។ ក្នុងនោះដែរបងស្រីរបស់កូនកំលោះក៏បានស្លៀកឈុត Bead Embroidered Baroque Dress ដូចគ្នា គ្រាន់តែខុសម៉ូដតែប៉ុណ្ណោះ ហើយមានតម្លៃរហូតទៅដល់ ១៨ ៧០០ ដុល្លារ។

ចំណែកបងប្អូនកូនក្រមុំទាំង ២ វិញ ក៏គ្រងរ៉ូបប្រេនដូចគ្នាដែរ ដោយប្អូនស្រីជ្រើសរើសប្រេន Abbas Harajli៕

អត្ថបទ៖ មេរ៉ា, រូបភាព៖ FAST films&photography និង One Memory

The post ការកូនម្ដង ដន្លងៗគ្រងឈុតប្រេនល្បី តម្លៃជាង ១ ម៉ឺនដុល្លារ appeared first on Millions times.

មង្គលការកូនស្រីចៅហ្វាយក្រុងភ្នំពេញ ដូចរៀបចំក្នុងឧទ្យានពោរពេញដោយផ្កាគ្រប់ប្រភេទ

Vin Chang — Mon, 17 Mar 2025 03:18:04 +0000

ម្សិលមិញកម្មវិធីមង្គលការ កូនស្រីទី២របស់លោក ឃួង ស្រេង ចៅហ្វាយក្រុងភ្នំពេញ ពិតជាអស្ចារ្យខ្លាំងណាស់។ គ្រប់ជ្រុងជ្រោយនៃរោងការតាំងពីថ្ងៃចូលរោងរហូតដល់ ពេលជប់លៀងទទួលទានអាហារពេលល្ងាច គ្មានទាស់ចន្លោះកន្លែងណាឡើយ ទាំងផ្កាភ្ញី សម្លៀកបំពាក់ ទាំងកាដូ និងការរៀបចំទទួលបដិសណ្ឋារកិច្ច ពិតជាគ្មានពាក្យបរិយាយ។

តាមដានជាមួយយើង៖ Million Times

មង្គលការដ៏ធំប្រចាំឆ្នាំនៃលំដាប់អភិជន ដែលកូនកំលោះ លីម សុធារ៉ា ត្រូវជាកូនប្រុសរបស់ឧកញ៉ា លីម ប៊ុណ្ណា អគ្គនាយកក្រុមហ៊ុន អិលប៊ីអិន គ្រុប និងលោកស្រី ថុង ធីតា។ ចំណែកកូនក្រមុំនាម ឃួង ស៊ីណាម៉ាឡែន ជាកូនស្រីលោក ឃួង ស្រេង អភិបាលនៃគណៈអភិបាលរាជធានីភ្នំពេញ និងលោកស្រី ជា ស៊ីណា។

កម្មវិធីប្រពៃណីជាច្រើន លោក ឃួង ស្រេង បានរៀបចំនៅផ្ទះបែបបុរាណក្បូរក្បាច់រចនាជាបែបផែនខ្មែរ ហើយចំណែកកម្មវិធីទទួលទានអាហារពេលល្ងាចវិញគេរៀបចំតុបតែងជាផ្កាស្រស់ ហើយភាគច្រើនជាផ្កាចម្រុះពណ៌មានទាំងខៀវ ស ផ្កាឈូក ស្វាយ និងលម្អដោយរូបថតគូស្នេហ៍អភិជននេះតែម្ដង។ កាន់តែពិសេសពេលអំពូលគ្រីស្ដាល់ចាំងពន្លឺ និងមានផ្សែងបាញ់ចេញមកប្រៀបបីដូចមង្គលការនៅលើឋានសួគ៌ា។

ទិដ្ឋភាពពេលរាត្រីនៃមង្គលការដ៏សម្បើមកាលពីថ្ងៃ ១៦ ខែមីនា ធ្វើឲ្យអ្នកលេងបណ្ដាញសង្គមលាន់មាត់ថា អស្ចារ្យមែនទែនសឹងតែដូចក្នុងរឿងព្រេងនិទានទៅហើយ។

ទាំងម្ចាស់កម្មវិធី និងភ្ញៀវកិត្តិយសដែលចូលរួមមង្គលការកូនស្រីលោក ឃួង ស្រេង សុទ្ធសឹងជាអ្នកមានមុខមាត់ក្នុងសង្គមជាតិ ក៏ដូចជាមន្រ្តីរាជការ អ្នកជំនួញទាំងក្នុងស្រុក និងក្រៅស្រុក។

គួរបញ្ជាក់ថាឧកញ៉ា លីម ប៊ុណ្ណា ដែលជាន្លងនឹងលោក ឃួង ស្រេង នោះ គឺជាសេដ្ឋីផ្នែកមានប្រភពពីខេត្តកំពង់ចាម ហើយមានជំនួញច្រើនផ្នែកដូចជា អចលនទ្រព្យ និងសំណង់, វិស័យកសិកម្ម និងឧស្សាហកម្ម, ការដឹកជញ្ជូន និងនាំចេញនាំចូល, ស្ថានីយប្រេងឥន្ធនៈ និងមីនីម៉ាត, ភោជនីយដ្ឋាន និងហាងកាហ្វេ, សណ្ឋាគារ និងស្កាយបារ, ហាងម៉ាស្សា ស្ប៉ា និងខេធីវី, រមណីយដ្ឋាន និងតំបន់អេកូទេសចរណ៍ និងសហគ្រាសកែច្នៃផ្លែឈើជាដើម៕

អត្ថបទ៖ មេរ៉ា, រូបភាព៖ One Memory

The post មង្គលការកូនស្រីចៅហ្វាយក្រុងភ្នំពេញ ដូចរៀបចំក្នុងឧទ្យានពោរពេញដោយផ្កាគ្រប់ប្រភេទ appeared first on Millions times.

ឧកញ៉ា លីម ប៊ុណ្ណា Archives - Millions times

កូនប្រុសសេដ្ឋី លីម ប៊ុណ្ណា នាំភរិយាទៅមើលការប្រកួត Barca Vs Real Madrid លក្ខណៈពិសេស

ឈុតពណ៌មាសរបស់កូនក្រមុំលោក ឃួង ស្រេង ថ្ងៃរៀបការជាប្រេន Ronyabouhamdan តម្លៃ​កប់ក្ដោង

ការកូនម្ដង ដន្លងៗគ្រងឈុតប្រេនល្បី តម្លៃជាង ១ ម៉ឺនដុល្លារ

មង្គលការកូនស្រីចៅហ្វាយក្រុងភ្នំពេញ ដូចរៀបចំក្នុងឧទ្យានពោរពេញដោយផ្កាគ្រប់ប្រភេទ

ឈុតពណ៌មាសរបស់កូនក្រមុំលោក ឃួង ស្រេង ថ្ងៃរៀបការជាប្រេន Ronyabouhamdan តម្លៃកប់ក្ដោង