អ្នកឧកញ៉ា អុឹង ប៊ុនហ៊ូវ Archives - Millions times

ថ្ងៃភ្ជាប់ពាក្យកូនស្រីសេដ្ឋីម្ចាស់ទីក្រុងរណប ING City អធឹកហើយ ទម្រាំដល់ថ្ងៃមង្គលការមិនដឹងធំដុំកម្រិតណា

Vin Chang — Fri, 27 Dec 2024 05:51:40 +0000

ក្រោយពិធីចូលចែចូវ ក៏ដល់វេលាភ្ជាប់ពាក្យនៃគ្រួសារសេដ្ឋី ២ រូប ប្រចាំស្រុកខ្មែរ អ៊ឹង ប៊ុនហ៊ូវ និង ថៅកែហាងលក់ស្លៀកបំពាក់ លីម ហុង។ កម្មវិធីដ៏ធំនៃគ្រួសារអភិជនគូនេះ ពិតជាអធិកអធមមិនចាញ់មង្គលការឡើយ គ្រាន់តែភ្ញៀវមិនសូវច្រើនខ្លាំងប៉ុន្មានឡើយ។

តាមដានជាមួយយើង៖ Million Times

កម្មវិធីភ្ជាប់ពាក្យក៏មិនខុសពីកម្មវិធីចូលចែចូវដែររៀបចំឡើងនៅគ្រួសារខាងស្រីនៃភូមិគ្រឹះដ៏ធំស្កឹមស្កៃ។ ការតុបតែង និងលម្អក្នុងកម្មវិធីភ្ជាប់ពាក្យរបស់កូនក្រមុំ អ៊ឹង ស៊ីវឈីនស៊ី និងកូនកំលោះ លីម ហ្វីលីប ពិតជាស្រស់ស្អាត និងប្រកបដោយភាពប្រណីតគ្រប់ជ្រុងជ្រោយរោយដោយផ្កាស្រស់គ្រប់ចន្លោះតែម្ដង។

គ្រួសារសេដ្ឋីដែលជាដន្លងនឹងគ្នា គឺអ្នកឧកញ៉ា អ៊ឹង ប៊ុនហ៊ូវ និងលោកស្រី ហេង សុខា អ្នកមានគុណខាងស្រី ចំណែកឧកញ៉ា ចាប មួយហុង និងលោកស្រី លឹម សុខចេង ម្ចាស់ហាងលក់សម្លៀកបំពាក់ លីម ហុង ជាមេបាខាងប្រុស។ ការផ្សារជាប់សាច់ឈាមនៃគ្រួសារត្រកូលអភិជនទាំង ២ បានកក្រើកខ្លាំង ព្រោះទាំងសងខាងសុទ្ធតែជាអ្នកមានកំពូល ក្នុងដៃកាន់កាប់ជំនួញជាច្រើន។

កូនក្រមុំដ៏ស្រស់បំព្រង ពេលបានគ្រងឈុតប្រពៃណីខ្មែរ ហើយក្រៅពីសម្លៀកបំពាក់ខ្មែរដ៏អស្ចារ្យហើយនោះ កូនស្រីសេដ្ឋី អ៊ឹង ប៊ុនហ៊ូវ ក៏បានរៀបចំឈុតសម័យ ដែលគ្រាន់តែរ៉ូប១ឈុតតម្លៃជិត ៨ ពាន់ដុល្លារ។ ងាកមើលទៅភ្ញៀវចូលរួមឲ្យពរជ័យនៃគូស្នេហ៍វ័យក្មេង សុទ្ធតែអ្នកដឹកនាំតាមស្ថាប័នធំៗ គ្រងឈុតហូលផាមួងខ្មែរដ៏ភ្លឺរលោង៕

អត្ថបទ៖ មេរ៉ា, រូបភាព៖ The Ring Wedding Cambodia

The post ថ្ងៃភ្ជាប់ពាក្យកូនស្រីសេដ្ឋីម្ចាស់ទីក្រុងរណប ING City អធឹកហើយ ទម្រាំដល់ថ្ងៃមង្គលការមិនដឹងធំដុំកម្រិតណា appeared first on Millions times.

កូនស្រីសេដ្ឋី អ៊ឹង ប៊ុនហ៊ូវ ភ្ជាប់ពាក្យជាមួយកូនប្រុសថៅកែហាងលក់សម្លៀកបំពាក់ លីម ហុង

Vin Chang — Fri, 13 Dec 2024 06:33:58 +0000

មាន ២ គ្រួសារអភិជនដ៏ល្បី បានមកភ្ជាប់សាច់ភ្ជាប់ឈាមជាមួយគ្នា នោះគឺកូនប្រុសថៅកែហាងលក់សម្លៀកបំពាក់ លីម ហុង ចំណែកកូនស្រី គឺជាកូនរបស់សេដ្ឋី អ៊ឹង ប៊ុនហ៊ូវ ប្រធានអគ្គនាយកក្រុមហ៊ុន ING Holdings Co., Ltd.។

តាមដានជាមួយយើង៖ Million Times

ក្នុងពិធីចូលចែចូវនៃកូនប្រុសឧកញ៉ា ចាប មួយហុង និងលោកស្រី លឹម សុខចេង ដែលមានកូនកំលោះឈ្មោះ លីម ហ្វីលីប ជាគូកូនក្រមុំឈ្មោះ អ៊ឹង ស៊ីវឈីនស៊ី កូនស្រីបណ្ដូលចិត្តសេដ្ឋី អ៊ឹង ប៊ុនហ៊ូវ ហើយកម្មវិធីរៀបចំឡើងនៅគេហដ្ឋានដ៏ធំស្កឹមស្កៃនៃខាងស្រីតែម្ដង។ គ្រប់ប្លង់រូបថត បានបង្ហាញឲ្យឃើញយ៉ាងច្បាស់ពីភាពប្រណីត សព្វជ្រុងរបស់ភូមិគ្រឹះលំដាប់សេដ្ឋីជួរមុខស្រុកខ្មែរ។

កូនកំលោះរបស់ឧកញ៉ា ចាប មួយហុង គឺជានិស្សិតបញ្ចប់ការសិក្សាពីអង់គ្លេស រូបសម្បត្តិស្រស់សង្ហា ចំណេះដឹងជ្រៅជ្រះសមគ្នាជាមួយកូនស្រីម្ចាស់ក្រុមហ៊ុនអភិវឌ្ឍន៍ អចលនទ្រព្យដ៏ធំមួយនៅកម្ពុជា។ ចំណែកគ្រួសារខាងកូនកំលោះ ក៏រកស៊ីផ្នែកអចលនទ្រព្យ និងមានហាងលក់សម្លៀកបំពាក់ លីម ហុង ល្បីរាប់ឆ្នាំមកហើយ ព្រមទាំងពង្រីកបានច្រើនសាខា។

ភូមិគ្រឹះទាំងមូលរៀបចំទទួលកម្មវិធីចូលចែចូវ បានយ៉ាងស្រស់ស្អាត អមដោយផ្កាស្រស់រាប់សែនទង ហើយកូនកំលោះ និងកូនក្រមុំក៏បានគ្រងឈុតប្រពៃណីខ្មែរយ៉ាងសមសួន និងប្រកបដោយភាពថ្លៃថ្នូរ។

ងាកទៅមើលភ្ញៀវ និងសាច់ញាតិម្ចាស់កម្មវិធី ក៏បានរៀបចំខ្លួនក្នុងឈុតប្រពៃណីអាវប៉ាក់ សំពត់ហូលស្រស់ស្អាតទាំងព្រម អមជាមួយគ្រឿងអលង្ការភ្លឺចែងចាំងសឹងគ្រប់គ្នា។ ជុំវិញបរិវេណភូមិគ្រឹះដ៏ធំ ឃើញសុទ្ធតែជាឡានទំនើបចត៕

អត្ថបទ៖មេរ៉ា, រូបភាព៖The Ring Wedding Cambodia

The post កូនស្រីសេដ្ឋី អ៊ឹង ប៊ុនហ៊ូវ ភ្ជាប់ពាក្យជាមួយកូនប្រុសថៅកែហាងលក់សម្លៀកបំពាក់ លីម ហុង appeared first on Millions times.

ព្រះមហាក្សត្រ ត្រាស់បង្គាប់ឲ្យមេធំក្រុមហ៊ុន អាយអិនជី ហូលឌីង ជាទីប្រឹក្សាសម្តេច ហ៊ុន សែន ឋានៈស្មើទេសរដ្ឋមន្រ្តី

Vin Chang — Wed, 13 Nov 2024 15:28:41 +0000

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់តែងតាំង និងផ្ដល់ឋានៈអ្នកឧកញ៉ា អុឹង ប៊ុនហ៊ូវ ជាទីប្រឹក្សាសម្ដេច ហ៊ុន សែន ប្រធានព្រឹទ្ធសភា នីតិកាលទី៥ ដែលមានឋានៈស្មើទេសរដ្ឋមន្ដ្រី។

តាមរយៈព្រះរាជក្រឹត្យលេខ នស/រកត/១១២៤/១៤៣៥ នៅថ្ងៃទី១៣ ខែវិច្ឆិកា ឆ្នាំ២០២៤ ការសម្រេចផ្តល់តួនាទី និងឋានៈជូនអ្នកឧកញ៉ា គឺពុំទទួលប្រាក់បំណាច់មុខងារ។

តាមដានជាមួយយើង៖ Million Times

អ្នកឧកញ៉ាជាអ្នករកស៊ីចាស់វស្សាមួយរូបនៅក្នុងពិភពជំនួញប្រទេសកម្ពុជាអស់ជាច្រើនទសវត្សរ៍មកហើយលើផ្នែកអចលនទ្រព្យ ហិរញ្ញវត្ថុ សាធារណការ និងសហគ្រាសផលិតទឹកបរិសុទ្ធជាដើម។ បច្ចុប្បន្នលោកកំពុងក្តោបក្តាប់អាណាចក្រជំនួញក្នុងដៃក្នុងទំហំទុនរាប់ពាន់លានដុល្លារអាមេរិកឈ្មោះ អាយអិនជី ហូលឌីង ដែលកំពុងអភិវឌ្ឍន៍ទីក្រុងរណប ING City ស្ថិតនៅខាងត្បូងរាជធានីភ្នំពេញ អតីតបឹងទំពុន។

សូមទាញចំណាប់អារម្មណ៍ប្រិយមិត្តថា អ្នកឧកញ៉ា អុឹង ប៊ុនហ៊ូវ បានចាប់ផ្តើមជំនួញដោយសហការជាមួយដៃគូជាជនជាតិសិង្ហបុរី នាដើមឆ្នាំ១៩៩២ និងបានបង្កើតសហគ្រាសពាណិជ្ជកម្ម ក្រោមនាមករណ៍ថា អេហ្សិត ឌីស្ទ្រ៊ីប្យ៊ូហ្សិន ក្នុងឆ្នាំ១៩៩៣។ អ្នកឧកញ៉ាទទួលបានភាពជោគជ័យយ៉ាងសម្បើមក្នុងការអភិវឌ្ឍ និងវិនិយោគអចលនទ្រព្យជាវិស័យស្នូល។

យោងតាមការចុះផ្សាយពីសារព័ត៌មានក្នុងស្រុក អ្នកឧកញ៉ា អ៊ឹង ប៊ុនហ៊ូវ ធ្លាប់ជាសមាជិកសភាតំណាងរាស្ត្រ នៃរដ្ឋសភាជាតិនិងជារដ្ឋលេខាធិការនៃក្រសួងសាធារណការ និងដឹកជញ្ជូន។ អ្នកឧកញ៉ា ក៏ធ្លាប់ទទួលបានការតែងតាំងជាទីប្រឹក្សារាជរដ្ឋាភិបាលកម្ពុជាដែលមានឋានៈស្មើរដ្ឋមន្ត្រីផងដែរ។

អត្ថបទ៖ សាងតេជៈ រូបភាព៖ ING Holding

The post ព្រះមហាក្សត្រ ត្រាស់បង្គាប់ឲ្យមេធំក្រុមហ៊ុន អាយអិនជី ហូលឌីង ជាទីប្រឹក្សាសម្តេច ហ៊ុន សែន ឋានៈស្មើទេសរដ្ឋមន្រ្តី appeared first on Millions times.

អ្នកឧកញ៉ា អុឹង ប៊ុនហ៊ូវ Archives - Millions times

ថ្ងៃភ្ជាប់ពាក្យកូនស្រីសេដ្ឋីម្ចាស់ទីក្រុងរណប ING City អធឹកហើយ ទម្រាំដល់ថ្ងៃមង្គលការមិនដឹង​ធំដុំកម្រិតណា

កូនស្រីសេដ្ឋី អ៊ឹង ប៊ុនហ៊ូវ ភ្ជាប់ពាក្យជាមួយកូនប្រុសថៅកែហាងលក់សម្លៀកបំពាក់ លីម ហុង

ថ្ងៃភ្ជាប់ពាក្យកូនស្រីសេដ្ឋីម្ចាស់ទីក្រុងរណប ING City អធឹកហើយ ទម្រាំដល់ថ្ងៃមង្គលការមិនដឹងធំដុំកម្រិតណា