អ្នកឧកញ៉ា ថៃ ជាហួត Archives - Millions times

ឈុតពណ៌ស្វាយរបស់លោកស្រី ហុង ដានី អគ្គនាយិកាក្រុមហ៊ុន ប៉េងហួត គ្រុប មើលទៅ ស្រស់ ស្រគត់ស្រគំ

Vin Chang — Fri, 07 Aug 2026 03:08:07 +0000

អគ្គនាយិកាក្រុមហ៊ុន ប៉េងហួត គ្រុប គឺលោកស្រី ហុង ដានី កាលពីពេលថ្មីៗនេះបានបង្ហាញវត្តមានចូលរួមកម្មវិធីខួបកំណើតកូនស្រីនៃដៃគូពាណិជ្ជកម្មខ្លួន ក្នុងនាមជាចាស់ទុំ។

តាមដានជាមួយយើង៖ Million Times

លោកស្រី ហុង ដានី ជាអ្នកជំនួញស្រីដែលមានទាំងចំណេះ ជំនាញ រូបរាង និងសុខភាពរឹងមាំ ដែលអាចមើលឃើញយ៉ាងច្បាស់តាមរយៈការភាពស្រស់ស្អាតនៃសម្រស់ដែលបញ្ចេញពន្លឺ និងស្នាមញញឹមនៅលើផ្ទៃមុខ។

ភាពប៉ិនប្រសព្វការងារមុខជំនួញ គ្រួសារ និងការថែរក្សារូបសម្រស់ខ្លួនឯង ជារឿងចាំបាច់របស់សហគ្រិនស្រ្តីនាសម័យនេះ ហើយ លោកស្រី ដានី គឺមានទាំងអស់។ លោកស្រី ហុង ដានី កាលពីពេលថ្មីៗនេះបានបង្ហាញខ្លួនចូលរួមអបអរខួបកំណើតកូនស្រីពៅរបស់អ្នកឧកញ៉ា លាង ម៉េង និងលោកស្រី គឹម ចាន់ណា ដោយបានជ្រើសរើសរ៉ូបពណ៌ស្វាយខ្ចី និងកាបូបដៃ Hermès ស៊ីគ្នានឹងរ៉ូបសាច់ខោវប៊យនោះណាស់។

សម្រាប់កាបូបដៃ Hermès Kelly Cut Cassis Shiny Porosus Crocodile Diamond Hardware មានតម្លៃរាប់ម៉ឺនដុល្លារ បូករួមជាមួយគ្រឿងអលង្ការពេជ្រ និងគជ់ខ្យងដ៏ស្រស់ស្អាត និងមើលទៅសែនស្រគត់ស្រគំ។

ភរិយាអ្នកឧកញ៉ា ថៃ ជាហួត នាយកក្រុមហ៊ុន បុរី ប៉េង ហួត គ្រុប តែងតែជ្រើសរើសភាពស្រស់ស្អាត បែបសាមញ្ញ តែថ្លៃថ្នូរ ដោយធម្មជាតិអំណោយផល រូបរាង មុខមាត់ បូកបន្ថែមការតុបតែងបន្ថែម ធ្វើឲ្យលោកស្រី ហុង ដានី ស្រស់ញញឹម សមជាស្ត្រីអភិជន៕

អត្ថបទ៖ ឆដា, រូបភាព៖ BONG JOY

The post ឈុតពណ៌ស្វាយរបស់លោកស្រី ហុង ដានី អគ្គនាយិកាក្រុមហ៊ុន ប៉េងហួត គ្រុប មើលទៅ ស្រស់ ស្រគត់ស្រគំ appeared first on Millions times.

ភរិយាអ្នកឧកញ៉ា ថៃ ជាហួត មានភារកិច្ចដឹកដៃកូនកំលោះ គួរ ម៉េងហួរ នាយកផ្នែកអភិវឌ្ឍអាជីវកម្មប៉េង ហួត គ្រុប

Vin Chang — Wed, 29 Jul 2026 07:43:38 +0000

អគ្គនាយិកាក្រុមហ៊ុន ប៉េងហួត គ្រុប លោកស្រី ហុង ដានី ដែលជាភរិយាប្រធានក្រុមប្រឹក្សាភិបាលអ្នកឧកញ៉ា ថៃ ជាហួត បានក្លាយជាអ្នកដឹកដៃឲ្យកូនកំលោះ គួរ ម៉េងហួរ ជានាយកផ្នែកអភិវឌ្ឍអាជីវកម្មប៉េង ហួត គ្រុប។

តាមដានជាមួយយើង៖ Million Times

ក្នុងនាមជាចាស់ទុំនៅក្រុមហ៊ុនភរិយាអ្នកឧកញ៉ា ថៃ ជាហួត មានភារជាអ្នកដឹកដៃឲ្យបុគ្គលិកក្រោមឱវាទ។ លោកស្រី ហុង ដានី ពិតជាស័ក្ដិសមនឹងតួនាទីអ្នកដឹកដៃ ព្រោះមិនត្រឹមជាស្ត្រីមានរូបសម្បត្តិ ភោគសម្បត្តិ ឡើយ ភរិយាអ្នកឧកញ៉ា ថៃ ជាហួត ក៏ជាស្ត្រីមានគ្រួសារកក់ក្ដៅ មានកូនប្រុសស្រីជាទីគាប់ចិន្ដា។

ក្នុងកម្មវិធីប្រពៃណីខ្មែរនេះភរិយាអ្នកឧកញ៉ា ថៃ ជាហួត បានរៀបចំខ្លួនយ៉ាងស្រស់ស្អាត បង្ហាញសម្រស់ស្រទន់។ ក្នុងឈុតសម្លៀកបំពាក់បែបខ្មែរសំពត់បត់ អាវប៉ាក់ជាច្រើនឈុត មានទាំងពណ៌បៃតង និងពណ៌មាស។

មិនថាឈុតណាឡើយអគ្គនាយិកាក្រុមហ៊ុន ប៉េងហួត គ្រុប បង្ហាញសម្រស់នារីខ្មែរត្រចះត្រចង់រម្យទមរាបសា សមជាស្ត្រីអភិជនខ្ពង់ខ្ពស់។ បើទោះជាស្ថិតក្នុងឈុតប្រពៃណីខ្មែរ តែលោកស្រី ដានី មិនភ្លេចពីបន្ថែមគ្រឿងអលង្ការប្រេន Bulgari និងស្បែកជើងម៉ាកល្បីៗជាច្រើនម៉ូដថែមទៀតផង៕

អត្ថបទ៖ ឆដា, រូបភាព៖ The ring wedding cambodia និង BOKEH Photographie

The post ភរិយាអ្នកឧកញ៉ា ថៃ ជាហួត មានភារកិច្ចដឹកដៃកូនកំលោះ គួរ ម៉េងហួរ នាយកផ្នែកអភិវឌ្ឍអាជីវកម្មប៉េង ហួត គ្រុប appeared first on Millions times.

លោកស្រី ហុង ដានី ថ្ងៃខួប ២០ ឆ្នាំនៃមហាគ្រួសារ ប៉េង ហួត គ្រុប ស្អាតខ្លាំងជាមួយឈុតពណ៌ផ្កាឈូកខ្ចី

Vin Chang — Thu, 23 Apr 2026 09:57:06 +0000

នៅថ្ងៃពិធីជប់លៀងអបអរសាទរខួប ២០ឆ្នាំនៃមហាគ្រួសារ ប៉េង ហួត គ្រុប លោកស្រី ហុង ដានី ប្រៀបដូចជាតួឯកស្រីអ៊ីចឹង ដោយការបង្ហាញខ្លួនចូលរួមកម្មវិធីជាមួយរ៉ូបពណ៌ផ្កាឈូកខ្ចី និងកាបូបដៃ Chanel Paris-Egypt Metallic Tweed Oval យ៉ាងស្រស់ស្អាត។

តាមដានជាមួយយើង៖ Million Times

ជាអ្នកជំនួញជាន់ខ្ពស់ និងមានតួនាទីជាអគ្គនាយិកាក្រុមហ៊ុន ប៉េងហួត គ្រុប លោកស្រី ហុង ដានី ពិតជាមមាញឹកការងារណាស់។ ទោះជាបែបនោះក្ដីការថែរក្សាសម្រស់ លោកស្រី ហុង ដានី ភរិយាម្ចាស់បុរី ប៉េង ហួត មិនអាចរំលងឡើយ ដោយជានិច្ចកាលពេលបង្ហាញវត្តមានក្នុងកម្មវិធីរបស់ក្រុមហ៊ុន។

រ៉ូបក្រណាត់ប៉ាក់ពណ៌ផ្កាឈូក និងអាវក្រៅវែងពណ៌ដូចគ្នានោះ នៅលើខ្លួនលោកស្រី ហុង ដានី ពិតជាស្រស់ស្អាត និងបង្ហាញរាងស្រឡូនស្អាត។ ឈុតពណ៌ផ្កាឈូករបស់លោកស្រី ដានី រឹតតែសមជាមួយកាបូបដៃ Chanel Paris-Egypt Metallic Tweed Oval ដែលមានតម្លៃ ៩ ៧៥០ ដុល្លារ។

សម្រាប់គ្រឿងអលង្ការវិញ អគ្គនាយិកាក្រុមហ៊ុន ប៉េងហួត គ្រុបរូបនេះ មិនចូលចិត្តស្អេកស្កេះច្រើនឡើង ដោយពាក់ក្រវិលពេជ្រដំណក់ទឹក១គ្រាប់ និងនាឡិកាដៃម៉ាកល្បី។

មិនត្រឹមទទួលបានការចាប់អារម្មណ៍ពីអ្នកចូលរួមព្រោះការតែងខ្លួនស្អាតប្លែកឡើយ ភរិយាអ្នកឧកញ៉ា ថៃ ជាហួត ក៏ទទួលបានការសាទរ ដោយសារការឡើងទទួលពានរង្វាន់ពីស្វាមីខ្លួនថែមទៀតផង៕

អត្ថបទ៖ ឆដា, រូបភាព៖ Peng Huoth Group

The post លោកស្រី ហុង ដានី ថ្ងៃខួប ២០ ឆ្នាំនៃមហាគ្រួសារ ប៉េង ហួត គ្រុប ស្អាតខ្លាំងជាមួយឈុតពណ៌ផ្កាឈូកខ្ចី appeared first on Millions times.

នាឡិកាដៃ Richard Mille សំណព្វចិត្តលោកស្រី ហុង ដានី ភរិយាម្ចាស់បុរី ប៉េង ហួត

Vin Chang — Thu, 12 Feb 2026 10:19:10 +0000

លោកស្រី ហុង ដានី ភរិយាម្ចាស់បុរី ប៉េង ហួត ចូលចិត្តនាឡិកាដៃម៉ាកល្បី Richard Mille របស់ខ្លួនខ្លាំងមែនទែន ពិសេសមានច្រើនពណ៌ ហើយ Richard Mille គឺមានតម្លៃខ្ពស់ខ្លាំង ស័ក្ដិសមជាមួយឋានៈ មុខមាត់ក្នុងសង្គម។

តាមដានជាមួយយើង៖ Million Times

ភរិយាអ្នកឧកញ៉ា ថៃ ជាហួត មិនត្រឹមមានរូបសម្រស់ស្រស់ស្អាត និងពូកែក្នុងមុខជំនួញប៉ុណ្ណោះទេ ការរៀបចំសម្លៀកបំពាក់ និងគ្រឿងតុបតែងខ្លួនក៏លោកស្រី ហុង ដានី មានទេពកោសល្យដូចគ្នាដែរ។

ក្នុងចំណោមគ្រឿងសម្ភារៈមានតម្លៃ គ្រឿងពេជ្រ និងនាឡិកាដៃមានតម្លៃ លោកស្រី ហុង ដានី ឃើញឧស្សាហ៍ពាក់បំផុតនូវនាឡិកាម៉ាកល្បី Richard Mille សម្រាប់នារី១គ្រឿងៗ មានតម្លៃខ្ទង់សែនដុល្លារ។

លោកស្រី ហុង ដានី មានតួនាទីជាអគ្គនាយិកាក្រុមហ៊ុន ប៉េងហួត គ្រុប និងជាសហគ្រិនស្រ្តីមានភាពឈ្លាសវៃ ទន់ភ្លន់ តែរឹងមាំពោរពេញដោយសមត្ថភាព។ អគ្គនាយិកាក្រុមហ៊ុន ប៉េងហួត គ្រុប ជានារីអភិជនដែលមានចំណេះដឹងទាំងផ្នែកជំនួញ និងមានកេរ្តិ៍ឈ្មោះល្បាញ ល្បីរូបសម្រស់ល្អល្អះ។

សម្រាប់រសនិយមរបស់ស្រ្តីរស់នៅក្នុងជីវភាពបែបអភិជនរូបនេះ ក៏មិនខុសពីសហគ្រិនស្ត្រីជោគជ័យដទៃទៀតដែរ មិនថាសម្ភារៈ សម្លៀកបំពាក់ គឺសុទ្ធសឹងតែជារបស់ប្រេន និងរបស់ខ្លះមានកំណត់ទៀត៕

អត្ថបទ៖ ឆដា, រូបភាព៖ Borey Peng Huoth

The post នាឡិកាដៃ Richard Mille សំណព្វចិត្តលោកស្រី ហុង ដានី ភរិយាម្ចាស់បុរី ប៉េង ហួត appeared first on Millions times.

អ្នកឧកញ៉ា ថៃ ជាហួត Archives - Millions times

ឈុតពណ៌ស្វាយរបស់លោកស្រី ហុង ដានី អគ្គ​នាយិកា​ក្រុមហ៊ុន ប៉េងហួត គ្រុប មើលទៅ ស្រស់ ស្រគត់ស្រគំ

ភរិយាអ្នកឧកញ៉ា ថៃ ជាហួត មានភារកិច្ចដឹកដៃកូនកំលោះ គួរ ម៉េងហួរ នាយកផ្នែកអភិវឌ្ឍអាជីវកម្ម​ប៉េង ហួត គ្រុប

លោកស្រី ហុង ដានី ថ្ងៃខួប ២០ ឆ្នាំនៃ​មហា​គ្រួសារ ប៉េង ហួត គ្រុប ស្អាតខ្លាំងជាមួយឈុតពណ៌ផ្កាឈូកខ្ចី

នាឡិកាដៃ Richard Mille សំណព្វចិត្តលោកស្រី ហុង ដានី ភរិយាម្ចាស់បុរី ប៉េង ហួត

ឈុតពណ៌ស្វាយរបស់លោកស្រី ហុង ដានី អគ្គនាយិកាក្រុមហ៊ុន ប៉េងហួត គ្រុប មើលទៅ ស្រស់ ស្រគត់ស្រគំ

ភរិយាអ្នកឧកញ៉ា ថៃ ជាហួត មានភារកិច្ចដឹកដៃកូនកំលោះ គួរ ម៉េងហួរ នាយកផ្នែកអភិវឌ្ឍអាជីវកម្មប៉េង ហួត គ្រុប

លោកស្រី ហុង ដានី ថ្ងៃខួប ២០ ឆ្នាំនៃមហាគ្រួសារ ប៉េង ហួត គ្រុប ស្អាតខ្លាំងជាមួយឈុតពណ៌ផ្កាឈូកខ្ចី