អ្នកឧកញ៉ា តាំង វួចឡាយ Archives - Millions times

អ្នកឧកញ៉ា តាំង វួចឡាយ តែងបង្ហាញវត្តមានចូលរួមកម្មវិធី ជាមួយសមាគមសិល្បករខ្មែរ

Vin Chang — Tue, 26 May 2026 08:48:44 +0000

អគ្គនាយិកាក្រុមហ៊ុន PTC Computer អ្នកឧកញ៉ា តាំង វួចឡាយ ថ្មីៗនេះបានចូលរួមក្នុងកម្មវិធីជាច្រើនជាមួយសមាគមសិល្បករខ្មែរញឹកញាប់ និងកម្មវិធីធំៗដែលរៀបចំដោយអ្នកជំនួញដូចៗ ដោយមិនអាក់ខាន។

តាមដានជាមួយយើង៖ Million Times

កាលពីប៉ុន្មានថ្ងៃមុនអគ្គនាយិកាក្រុមហ៊ុន PTC Computer Co., Ltd បានបង្ហាញវត្តមានក្នុងកម្មវិធីចុះ MoU ព្រមទាំងកម្មវិធីដែលក្រុមហ៊ុន ជីប ម៉ុង បានប្រគល់ថវិកាឧបត្ថម្ភប្រចាំឆ្នាំ ៧៧ ៧៧៧ ដុល្លារជុំទី៣ សម្រាប់រយៈពេល ១០ ឆ្នាំដល់សមាគមសិល្បករខ្មែរ សង្កេតឃើញថា ការរៀបចំខ្លួនរបស់អ្នកឧកញ៉ា តាំង វួចឡាយ មើលទៅសមរម្យ ថ្លៃថ្នូរ ស័ក្ដិសមឋានៈ តួនាទីក្នុងសង្គម។

សម្រាប់សម្លៀកបំពាក់បែបស្ត្រីអ្នកជំនួញ ពណ៌លឿងខ្ចី ដែលជា Local brand មានឈ្មោះថា Ambre Siemreap។ ចំណែកកាលពីថ្ងៃ ២១ ខែឧសភា ឆ្នាំ ២០២៦ កន្លងទៅ នាពិធីសម្ពោធដាក់ឲ្យប្រើប្រាស់ជាផ្លូវការ អគារទីស្នាក់ការកណ្ដាលថ្មីនៃអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ ក៏ភរិយាអ្នកឧកញ៉ា អ៊ឹង សែ ពូកែរៀបចំខ្លួនយ៉ាងស្រស់ស្អាតផងដែរ។

នាឱកាសនោះ អ្នកឧកញ៉ា តាំង វួចឡាយ បានជ្រើសរើសអាវពណ៌គ្រីម ដោយកាន់កាបូបដៃម៉ាក Chanel មានតម្លៃប្រមាណ ៦ ពាន់ដុល្លារ។ គួរបញ្ជាក់ដែរថា អ្នកឧកញ៉ា តាំង វួចឡាយ និងលោកជំទាវអ្នកឧកញ៉ា ម៉ៅ ចំណាន តែងតែគាំទ្រគ្នាទៅវិញទៅមើលមិនថាការងារ និងគ្រយសារឡើយ៕

អត្ថបទ៖ ឆដា, រូបភាព៖ BreadTalk Cambodia និង Lok Chumteav Neak Oknha Mao Chamnan

The post អ្នកឧកញ៉ា តាំង វួចឡាយ តែងបង្ហាញវត្តមានចូលរួមកម្មវិធី ជាមួយសមាគមសិល្បករខ្មែរ appeared first on Millions times.

អ្នកជំនួញស្រ្តីល្បី ២ រូប និងជាមិត្តប្រធានសមាគមសិល្បករ ចូលរួមបរិច្ចាគជួយដល់ជនភៀសសឹក

Vin Chang — Fri, 12 Dec 2025 09:36:36 +0000

អ្នកជំនួញស្ត្រីដែលជាអ្នកជំនិតស្គាល់គ្នាជិតស្និទ្ធជាមួយសេដ្ឋិនី ម៉ៅ ចំណាន ស្រាប់ បាន ចូលរួមបរិច្ចាគថវិកាមួយចំនួនជួយដល់វីរកងទ័ព និងជនភៀសសឹក តាមរយៈសមាគមសិល្បករខ្មែរ។

តាមដានជាមួយយើង៖ Million Times

ក្នុងនោះមានលោកស្រី ឆាយ លក្ខិណា ដ៏ស្រស់ស្អាត ហើយជាថៅកែហាងគ្រឿងអលង្ការ LukFook Jewellery។ លោកស្រី ជាដៃគូយល់ចិត្ត និងតែងតែគាំទ្រគ្នាទៅវិញទៅមកជាមួយលោកជំទាវអ្នកឧកញ៉ា ម៉ៅ ចំណាន ហើយក៏ជាប្រធានសមាគមសិល្បករខ្មែរ។

ចំណែកមិត្តរួម និងប្រៀបដូចជាគ្រួសារម្នាក់ទៀតរបស់ប្រធានសមាគមសិល្បករខ្មែរ គឺអគ្គនាយកក្រុមហ៊ុន PTC Computer អ្នកឧកញ៉ា តាំង វួចឡាយ ហើយថ្មីៗនេះដែរ លោកអ្នកឧកញ៉ា ម៉ៅ ចំណាន ទើបតែជាអ្នកដឹកដៃឲ្យកូនស្រីក្នុងថ្ងៃមង្គលការផងដែរ។

ដោយថៅកែស្រីនៃហាង LukFook Jewellery និងស្វាមីបានបរិច្ចាគថវិកា ១ ០០០ ដុល្លារ រីឯអ្នកឧកញ៉ា តាំង វួចឡាយ ព្រមទាំងស្វាមីបានបរិច្ចាគថវិកា ១០ លាន រៀល ដើម្បីជួយដល់វីរកងទ័ព និងជនភៀសសឹក តាមរយៈសមាគមសិល្បករខ្មែរ ដែលមានសេដ្ឋិនី ម៉ៅ ចំណាន ជាប្រធាន។

គួរបញ្ជាក់ថា ទាំងលោកស្រី ឆាយ លក្ខិណា និង អគ្គនាយកក្រុមហ៊ុន PTC Computer ជាស្រ្តីដែលតែងតែជួយដល់សង្គមជាតិតាមរយៈមូលនិធិផ្សេងៗ៕

អត្ថបទ៖ ឆដា, រូបភាព៖ សមាគមសិល្បករខ្មែរ និង The Ring Wedding Cambodia

The post អ្នកជំនួញស្រ្តីល្បី ២ រូប និងជាមិត្តប្រធានសមាគមសិល្បករ ចូលរួមបរិច្ចាគជួយដល់ជនភៀសសឹក appeared first on Millions times.

មង្គលការកូនស្រីអ្នកឧកញ៉ា អ៊ឹង សែ និងអ្នកឧកញ៉ា តាំង វួចឡាយ បន្សល់ទុកនៅស្នាមញញឹមស្រស់បំព្រង

Vin Chang — Mon, 24 Nov 2025 04:03:50 +0000

អគ្គនាយកក្រុមហ៊ុន PTC Computer Co., Ltdអ្នកឧកញ៉ា អ៊ឹង សែ និងអ្នកឧកញ៉ា តាំង វួចឡាយ បានរៀបចំមង្គលការកូនស្រីរយៈពេល២ ថ្ងៃពេញ ចាប់ពីថ្ងៃ ២១-២២ ខែវិច្ឆិកា ឆ្នាំ ២០២៥ ដោយបញ្ចប់ទៅយ៉ាងឱឡារិក និងស្នាមញញឹមបំព្រងនៃគ្រួសារទាំងសងខាង។

តាមដានជាមួយយើង៖ Million Times

មង្គលការដ៏ធំនាចុងឆ្នាំ ២០២៥ នៃត្រកូលអ្នកជំនួញលំដាប់កំពូលនេះ បានប្រមូលផ្ដុំទៅដោយភ្ញៀវកិត្តិយសពិសេសៗមានទាំងអ្នកមុខអ្នកការ និងមន្ត្រីរាជការផងដែរ។ ទិដ្ឋភាពដែលកម្រឃើញ ដោយរោងការរៀបចំពីផ្កាស្រស់ពណ៌ស្វាយចាស់ និងពណ៌ស្វាយខ្ចី ព្រមទាំងរចនាបន្ថែមដោយក្បូរក្បាច់ខ្មែរពណ៌មាស រំលេចយ៉ាងសោភណភាពស្រស់ឆើតឆាយ។

កូនក្រមុំ អ៉ឹង ប៉ង៉ីង ត្រូវជាកូនស្រី អ្នកឧកញ៉ា អ៊ឹង សែ និងអ្នកឧកញ៉ា តាំង វួចឡាយ ជាគូនឹងកូនដ៏ស្រស់សោភា ជាគូនឹងកូនកំលោះរូបសង្ហានាម គឹម សុវណ្ណរតនៈ។ គូស្វាមីភរិយាថ្មីថ្មោង សមគ្នាទាំងព្រម មានទាំងលក្ខណៈសម្បត្តិ គុណសម្បត្តិ និងទ្រព្យសម្បត្តិហូរហៀរដូចគ្នាតែម្ដង។

សិរីអាពាហ៍ពិពាហ៍ដ៏គគ្រឹកគគ្រេងរបស់កូនស្រី អ្នកឧកញ៉ា អ៊ឹង សែ និងអ្នកឧកញ៉ា តាំង វួចឡាយ បានសម្រិតសម្រាំងរៀបចំកាយាអស្ចារ្យ ស័ក្ដិសមជាកូនសេដ្ឋីពិតៗ។ ចំណែកភ្ញៀវពន្លឺទៀតសោត បានគ្រងឈុតប្រពៃណីអមដោយកាបូប និងគ្រឿងអលង្ការមានតម្លៃ សម្រាប់ស្រីៗ។ ចំណែកឈុតបុរសវិញ បានប្រើប្រាស់ខោអាវធំយ៉ាងប្រណីតៗ មានពាក់នាឡិកាដៃទំនើបទាន់សម័យ។

គួរបញ្ជាក់ថា កូនក្រមុំ អ៉ឹង ប៉ង៉ីង និងកូន គឹម សុវណ្ណរតនៈ បានភ្ជាប់ពាក្យយ៉ាងអធឹកអធមកាលពី ថ្ងៃ១៣ ខែកក្កដា ឆ្នាំ ២០២៥ កន្លងទៅ និងមានការចូលរួមពីសំណាក់ឥស្សរជនជាន់ខ្ពស់ ព្រមទាំងអ្នកជំនួញធំៗក្នុងស្រុកដូចថ្ងៃមង្គលការនេះដែរ៕

អត្ថបទ៖ឆដា, រូបភាព៖ The ring wedding cambodia

The post មង្គលការកូនស្រីអ្នកឧកញ៉ា អ៊ឹង សែ និងអ្នកឧកញ៉ា តាំង វួចឡាយ បន្សល់ទុកនៅស្នាមញញឹមស្រស់បំព្រង appeared first on Millions times.

អ្នកឧកញ៉ា តាំង វួចឡាយ ថៅកែក្រុមហ៊ុនកុំព្យូទ័រ PTC ក្លាយជាសមាជិកថ្មីសភាពាណិជ្ជកម្មកម្ពុជា

Vin Chang — Mon, 17 Mar 2025 06:56:08 +0000

សភាពាណិជ្ជកម្មកម្ពុជា បានប្រកាសនៅមុនបន្តិចពីសមាសភាពថ្មីនៃសមាជិកសភាពាណិជ្ជកម្មកម្ពុជា នោះគឺអ្នកឧកញ៉ា តាំង វួចឡាយ សហស្ថាបនិក និងជាប្រធានក្រុមហ៊ុន ភីធីស៊ី។

តាមដានជាមួយយើង៖ Million Times

អ្នកឧកញ៉ា តាំង វួចឡាយ គឺជាភរិយាអ្នកឧកញ៉ា អ៊ឹង សែ ប្រធានក្រុមហ៊ុន PTC ហើយគូស្វាមីភរិយាដែលមានគោរមងារ «អ្នកឧកញ៉ា» ទាំងទ្វេនេះ បានពួតដៃគ្នាកសាងអាណាចក្របច្ចេកវិទ្យាដ៏ធំសម្បើមប្រចាំប្រទេស។ ក្នុងនោះដែរសភាពាណិជ្ជកម្មកម្ពុជា បានប្រកាសស្វាគមន៍យ៉ាងកក់ក្ដៅចំពោះវត្តមានអ្នកឧកញ៉ា តាំង វួចឡាយ ក្លាយជាសមាសភាពថ្មីនៃស្ថាប័នមួយនេះ។

សហស្ថាបនិកក្រុមហ៊ុន PTC រូបនេះគឺជាស្ត្រីវ័យក្មេងដ៏កម្រ ដែលមានសមត្ថភាពខាងផ្នែកបច្ចេកវិទ្យា ព័ត៌មានវិទ្យា ហើយអាចឈរជើងក្នុងពិភពជំនួញនៅកម្ពុជាជាង ២០ ឆ្នាំមកនេះ។ អ្នកឧកញ៉ា តាំង វួចឡាយ បានចូលរួមក្នុងវិស័យច្ចេកវិទ្យា និងព័ត៌មានវិទ្យានៅកម្ពុជា ខណៈដែលប៉ុន្មានឆ្នាំចុងក្រោយនេះ បច្ចេកវិទ្យា និងព័ត៌មានវិទ្យាដើរតួនាទីសំខាន់ក្នុងការជំរុញអភិវឌ្ឍន៍ក្រុមហ៊ុនធំៗ។

គួរបញ្ជាក់ថា អ្នកឧកញ៉ា តាំង វួចឡាយ និងអ្នកឧកញ៉ា អ៊ឹង សែ ត្រូវបានបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យ ត្រាស់បង្គាប់តែងតាំង ជាអ្នកឧកញ៉ា កាលពីអំឡុងខែសីហា ឆ្នាំ ២០២៣ ទាំងពីរនាក់ប្ដីប្រពន្ធ៕

អត្ថបទ៖ មេរ៉ា, រូបភាព៖ សភាពាណិជ្ជកម្មកម្ពុជា និង Ung Se

The post អ្នកឧកញ៉ា តាំង វួចឡាយ ថៅកែក្រុមហ៊ុនកុំព្យូទ័រ PTC ក្លាយជាសមាជិកថ្មីសភាពាណិជ្ជកម្មកម្ពុជា appeared first on Millions times.