តាមដានជាមួយយើង៖ Million Times

លោកស្រី Bridgette L. Walker ភារធារីរបស់ស្ថានទូតសហរដ្ឋអាម៉េរិកប្រចាំនៅកម្ពុជា បានលើកឡើងថា ទិវាឯករាជ្យរបស់សហរដ្ឋអាម៉េរិក គឺជាពេលវេលាមួយសម្រាប់ឆ្លុះបញ្ចាំងឱ្យឃើញថា តើសហរដ្ឋអាម៉េរិកបានចេញដំណើរមកពីទីណា ហើយកំពុងមានទិសដៅធ្វើដំណើរទៅកាន់ទីណា។ ជាមួយគ្នានេះ លោកស្រីក៏បានរំលេចអំពីខួបលើកទី ៧៥ នៃទំនាក់ទំនងការទូតកម្ពុជា-អាម៉េរិក ដោយបានបញ្ជាក់ថា នេះគឺជាសក្ខីភាពជាក់ស្តែងនៃមិត្តភាពដ៏រឹងមាំ រវាងសហរដ្ឋអាម៉េរិក និងប្រទេសកម្ពុជា និងបានបញ្ជាក់ជាថ្មីនូវការប្តេជ្ញាចិត្តរួម ក្នុងការបន្តកិច្ចសហប្រតិបត្តិការដើម្បីកសាងអនាគតមួយដែលមានភាព រុងរឿង សន្តិភាព និងការរីកចម្រើនរួមគ្នា។

លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានលើកឡើងថា ឆ្នាំនេះគឺជាឆ្នាំដ៏សំខាន់ ដែលយើងរួមគ្នាអបអរខួបលើកទី ៧៥ នៃចំណងទំនាក់ទំនងការទូតរវាងប្រទេសកម្ពុជា និងសហរដ្ឋអាម៉េរិក។ អស់រយៈពេលជាច្រើនទសវត្សរ៍កន្លងមកនេះ ប្រទេសជាតិយើងទាំងពីរបានកសាងនូវភាពជាដៃគូយ៉ាងរឹងមាំ និងកាន់តែស្អិតរមួត ដោយផ្អែកលើគោលការណ៍នៃការគោរពគ្នាទៅវិញទៅមក និងសហប្រតិបត្តិការល្អ។ ទំនាក់ទំនងទ្វេភាគីនេះ បាននិងកំពុងបន្តរីកលូតលាស់ ក៏ដូចជាពង្រីកវិសាលភាពបន្ថែមលើបណ្តាវិស័យដូចជា៖ ពាណិជ្ជកម្ម និងវិនិយោគ កិច្ចសហប្រតិបត្តិការលើវិស័យការពារជាតិ វិស័យអប់រំ ការអភិរក្សវប្បធម៌ និងទំនាក់ទំនងរវាងប្រជាជននិងប្រជាជន។

លោកបានសង្កត់ធ្ងន់ថា ក្នុងនាមរាជរដ្ឋាភិបាល និងប្រជាជនកម្ពុជា បានសម្តែងនូវទឹកចិត្តអរគុណដ៏ស្មោះស្ម័គ្រ ចំពោះការគាំទ្រ និងចំណងមិត្តភាពដ៏យូរអង្វែងរបស់សហរដ្ឋអាម៉េរិក។

ជាពិសេស លោកបានសម្តែងនូវការកោតសើរជូនចំពោះ លោកស្រីភារធារី ព្រមទាំងសហការីទាំងអស់នៅស្ថានទូតសហរដ្ឋអាម៉េរិក និងសហគមន៍ជនជាតិអាម៉េរិកនៅកម្ពុជាទាំងអស់ ចំពោះកិច្ចខិតខំប្រឹងប្រែងដោយមិនគិតអំពីការនឿយហត់លើគ្រប់វិស័យ។ 

លោកឧបនាយករដ្ឋមន្ត្រី បានបន្ថែមថា ការងាររបស់ពួកគាត់គឺពិតជាមានសារៈសំខាន់ក្នុងការពង្រឹងចំណងទាក់ទងរវាងប្រទេសទាំងពីរ ព្រមទាំងគាំទ្រដល់ការអភិវឌ្ឍ និងភាពរីកចម្រើនរបស់ប្រទេសកម្ពុជាផ្ទាល់ផងដែរ។

ក្នុងឱកាសនោះ លោក ស៊ុន ចាន់ថុល បានបង្ហាញពីជំហររបស់កម្ពុជាដែរថា កម្ពុជានៅតែជាដៃគូជាទីទុកចិត្តរបស់សហរដ្ឋអាម៉េរិក និងជឿជាក់ថា ចំណងមិត្តភាពមួយនេះ នឹងបន្តរីកចម្រើនប្រកបដោយភាពរឹងម៉ាំ ជាមួយទិសដៅនិងសារៈសំខាន់ជាយុទ្ធសាស្ត្រ។ លោកសង្ឃឹមយ៉ាងមុតមាំថា កម្ពុជានិងសហរដ្ឋអាម៉េរិក នឹងបន្តកត់ត្រាភាពជាដៃគូពោរពេញដោយទំនុកចិត្តរវាងគ្នានិងគ្នា ប្រកបដោយវឌ្ឍនភាព និងនវានុវត្តន៍ បន្តយូរអង្វែងទៅមុខទៀត៕ 

second...

x

The post លោក ស៊ុន ចាន់ថុល៖ កម្ពុជានៅតែជាដៃគូជាទីទុកចិត្តរបស់សហរដ្ឋអាម៉េរិក appeared first on Millions times.

តាមដានជាមួយយើង៖ Million Times

អាណត្តិទី៧នេះ លោក ស៊ុន ចាន់ថុល ត្រូវបានរដ្ឋសភាផ្តល់សេចក្តីទុកចិត្តឲ្យកាន់តួនាទីជាឧបនាយករដ្ឋមន្ត្រី អនុប្រធានទី១ក្រុមប្រឹក្សាអភិវឌ្ឍន៍កម្ពុជា ជាស្ថាប័នប្រតិបត្តិបំពេញមុខងារជាសេនាធិការ និងជាច្រកចេញ-ចូលតែមួយរបស់រាជរដ្ឋាភិបាលលើបេសកកម្មដឹកនាំ និងគ្រប់គ្រងកិច្ចសហ-ប្រតិបត្តិការអភិវឌ្ឍន៍ ការវិនិយោគឯកជន និងតំបន់សេដ្ឋកិច្ចពិសេស។

បើរំលឹកពីកាលមិនទាន់ប្រឡូកក្នុងឆាកនយោបាយ លោក ស៊ុន ចាន់ថុល បានធ្វើការនៅក្រុមហ៊ុន ជេណឹរ៉ល់អឺឡេកទ្រិក (General Electric) អស់រយៈពេល១៦ឆ្នាំ ហើយបានកាន់មុខតំណែងប្រតិបត្តិជាន់ខ្ពស់ជាច្រើននៅក្នុងមុខងារគ្រប់គ្រងទូទៅ និងហិរញ្ញវត្ថុទាំងនៅសហរដ្ឋអាមេរិក និងនៅអាស៊ី។

លោកឈានជើងប្រឡូកឆាកនយោបាយជាមួយអតីតគណបក្សរាជានិយម ហ្វ៊ុនស៊ិនប៉ិច និងកាន់ដំណែងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា ពីឆ្នាំ១៩៩៤ ដល់ឆ្នាំ១៩៩៧។ មកស្រុកខ្មែរ លោកបានបង្កើតក្រុមហ៊ុនមួយឈ្មោះ អេសស៊ីអ៊ិនវេសមិន ខូ.អិលធីឌី (SC Investment Co., Ltd) ដែលជាក្រុមហ៊ុនវិនិយោគ និងពាណិជ្ជកម្ម និងបានបម្រើការងារជាទីប្រឹក្សាសេដ្ឋកិច្ច និងហិរញ្ញវត្ថុរបស់ប្រធានរដ្ឋសភាពីឆ្នាំ១៩៩៩ ដល់ឆ្នាំ២០០៣។ 

ឆ្នាំ២០០៤ ដល់ឆ្នាំ២០០៨ ជារដ្ឋមន្រ្តីក្រសួងសាធារណការ និងដឹកជញ្ជូន។ ឆ្នាំ២០០៨ ដល់ ២០១៣ ជាទេសរដ្ឋមន្ត្រី និងអនុប្រធានក្រុមប្រឹក្សាអភិវឌ្ឍន៍កម្ពុជា ហើយនៅក្នុងខែកញ្ញា ឆ្នាំ២០១៣ លោក ស៊ុន ចាន់ថុល ត្រូវបានតែងតាំងជារដ្ឋមន្រ្តីក្រសួងពាណិជ្ជកម្ម នឹងកាន់ដំណែងដល់ឆ្នាំ២០១៦។ កាលនោះលោកជារដ្ឋមន្រ្តីមួុយរូបដែលបានដាក់ចេញនូវការធ្វើកំណែទម្រង់ជាច្រើនក្នុងវិស័យពាណិជ្ជកម្ម និងវិនិយោគ ដែលប្រជាពលរដ្ឋនិងអ្នកវិនិយោគលើកឡើងថា លោក ស៊ុន ចាន់ថុល ដើរ​ទាន់​សម័យ​បច្ចេកវិទ្យា​ទៅ​ទី​ណា​រីក​ចម្រើន​ទី​នោះ​។ ឆ្នាំ២០១៦ ដល់ឆ្នាំ២០២៣ លោក ស៊ុន ចាន់ថុល ជាទេសរដ្ឋមន្រ្តី និងរដ្ឋមន្រ្តីក្រសួងសាធារណការ និងដឹកជញ្ជូន ដែលធ្វើឲ្យវិស័យសាធារណការមានការរីកចម្រើនយ៉ាងលឿន និងប្រមូលចំណូលរដ្ឋបាច្រើនសន្ធឹកសន្ធាប់ក្នុងមួយឆ្នាំៗ។

សម្រាប់អាណត្តិទី៧ នៃរាជរដ្ឋាភិបាលបន្តវេនរបស់គណបក្សប្រជាជនកម្ពុជា CPP លោក ស៊ុន ចាន់ថុល នៅតែបន្តមានឱកាសដឹកនាំស្ថាប័នសំខាន់ក្នុងគណៈរដ្ឋមន្រ្តី បើទោះលោកមានវ័យច្រើនក៏ដោយ ខណៈដែលមន្រ្តីកាន់ដំណែងអាណត្តិមុនៗភាគច្រើនត្រូវបានផ្លាស់ប្តូរចេញដាក់អ្នកបន្តវេនរបស់ខ្លួន។ បច្ចុប្បន្នលោកជាឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា CDC។ ថ្មីៗនេះ លោកត្រូវបានផ្តល់សេចក្តីទុកចិត្តឲ្យដឹកនាំក្រុមការងារចំពោះកិច្ចសម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគីកម្ពុជា-សហរដ្ឋអាមេរិក ទៅចរចារពន្ធគយនៅទីក្រុងវ៉ាស៊ីនតោន បន្ទាប់ពីសហរដ្ឋអាមេរិកដាក់ពន្ធគយកាលពីដើមខែមេសា ជាង ១៨០ប្រទេសនៅទូទាំងពិភពលោក ដោយក្នុងនោះក៏មានប្រទេសកម្ពុជាផងដែរ។

មានចម្ងល់ជាច្រើនបានលើកឡើងថា លោកស៊ុន ចាន់ថុល មានអ្វីពិសេសបានរាជរដ្ឋាភិបាលដឹកនាំដោយសម្តេច ហ៊ុន ម៉ាណែត ប្រគល់តួនាទីដ៏សំខាន់នេះឲ្យលោកទៅចរចារផ្ទាល់? បើនិយាយពីសាវតា លោក ស៊ុន ចាន់ថុល បាន​ទទួល​ការ​អប់រំ​ខ្ពង់ខ្ពស់នៅ​សហ​រដ្ឋ​អាមេរិក​ ជា​កន្លែង​ដែល​​លោក​បាន​ទទួល​សញ្ញា​បត្រ​ជាន់​ខ្ពស់​សា​កល​វិទ្យាល័យ​ Wharton និង​សាកលវិទ្យាល័យ Harvard។ លោក​ទទួល​បាន​បទ​ពិសោធន៍​ទូ​លំ​ទូ​លាយ​ក្នុង​​ក្រុម​ហ៊ុន​ឯក​ជន​ និង​បាន​បម្រើ​ការ​ងារ​ជា​ប្រធាន​ និង​ជា​សមា​ជិក​ក្រុម​ប្រឹក្សា​ប្រ​តិ​បត្តិ​នៃ​ក្រុម​ហ៊ុន​ Wharton Asia ។ បន្ទាប់​មក​លោក ត្រូវ​បាន​ជាប់​ឆ្នោត​ជា​” អ្នក​ដឹក​នាំ​ពិ​ភព​លោក សម្រាប់​ថ្ងៃ​អនាគត​ “Global Leader of Tomorrow” នៅ​ឯ​វេទិកាសេដ្ឋ​កិច្ច​ពិ​ភព​លោកក្នុង​ឆ្នាំ ១៩៩៥​។ ហើយ​ក្រោយ​មក​បាន​ចូល​បម្រើ​ការងារ​ក្នុង​កម្ម​វិធី គ្រប់​គ្រង​ហិរញ្ញ​វត្ថុរបស់​ក្រុម​ហ៊ុន  General Electric ប្រ​ចាំ​ប្រទេស​​ថៃ។ តាមរយៈតួនាទីសំខាន់ៗក្នុងអាជីពលោក ស៊ុន ចាន់ថុល មានបទពិសោធគ្រប់គ្រាន់ក្នុងចរចារពន្ធគយជាមួយអាមេរិក ហើយរំពឹងទុកថា កម្ពុជានឹងទទួលបានលទ្ធផលល្អការពារផលប្រយោជន៍ប្រជាជន៕

អត្ថបទ៖ សាងតេជៈ រូបភាព៖ បណ្តាញសង្គម

second...

x

The post នៅមុនពេលប្រឡូកក្នុងឆាកនយោបាយ លោក ស៊ុន ចាន់ថុល មានបទពិសោធជោគជាំជាមួយក្រុមហ៊ុនឯកជន appeared first on Millions times.

តាមដានជាមួយយើង៖ Million Times

លោក ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ជួបពិភាក្សាការងារជាមួយលោក Adrian Smith សមាជិកសភា និងជាប្រធានអនុគគណៈកម្មាធិការពាណិជ្ជកម្ម នៃគណៈកម្មាធិការស្តីពីរបៀប និងមធ្យោបាយរបស់សភាសហរដ្ឋអាមេរិក ស្ថិតនៅក្រុងវ៉ាស៊ីនតោនឌីស៊ី កាលពីថ្ងៃសុក្រ ទី១៦ ខែឧសភា ឆ្នាំ២០២៥។

លោក ស៊ុន ចាន់ថុល បានលើកឡើងអំពីកត្តាអំណោយផល និងភាពទាក់ទាញរបស់ប្រទេសកម្ពុជា សម្រាប់ការបណ្តាក់ទុនវិនិយោគរបស់ក្រុមហ៊ុនធំៗសហរដ្ឋអាមេរិក រួមមាន៖ កម្លាំងពលកម្មវ័យក្មេង និងការយកចិត្តទុកដាក់ខ្ពស់ពីសំណាក់រាជរដ្ឋាភិបាល ក្នុងការសម្របសម្រួលដល់ការធ្វើធុរកិច្ចរបស់វិស័យឯកជន។ ជាសក្ខីកម្មជាក់ស្ដែង លោកឧបនាយករដ្ឋមន្ត្រី ក៏បានលើកបង្ហាញអំពីក្រុមហ៊ុនរបស់សហរដ្ឋអាមេរិកដែលកំពុងមានប្រតិបត្តិការនៅក្នុងប្រទេសកម្ពុជានិងទទួលបាននូវភាពជោគជ័យជាបន្តបន្ទាប់។

នៅជំនួបនាឱកាសនោះ សមាជិករដ្ឋសភា លោក Adrian Smith បានបង្ហាញពីការគាំទ្រក្នុងការបង្កើនការវិនិយោគ និងពាណិជ្ជកម្មរវាងប្រទេសទាំងពីរ ជាពិសេសលើវិស័យដែលជាអាទិភាពរួមគ្នា ព្រមទាំងបានបង្ហាញនូវសុទិដ្ឋិនិយមខ្ពស់ក្នុងការជំរុញកិច្ចសហប្រតិបត្តិការរវាងប្រទេសទាំងពីរឲ្យបានកាន់តែស៊ីជម្រៅបន្ថែមទៀតផងដែរ៕

អត្ថបទ៖ សាងតេជៈ រូបភាព៖ CDC

second...

x

The post សភាអាមេរិក គាំទ្រក្នុងការបង្កើនការវិនិយោគ និងពាណិជ្ជកម្មជាមួយកម្ពុជា appeared first on Millions times.

តាមដានជាមួយយើង៖ Million Times

ក្នុងជំនួបនាព្រឹកថ្ងៃទី៨ ខែឧសភានេះជាមួយលោកស្រី Reva Price ប្រធានគណៈកម្មការត្រួតពិនិត្យសេដ្ឋកិច្ច និងសន្តិសុខ សហរដ្ឋអាម៉េរិក-ចិន លោក ស៊ុន ចាន់ថុល បានប្រាប់អំពីកិច្ចការនានាដែលកម្ពុជាបាន និងកំពុងអនុវត្តយ៉ាងយកចិត្តទុកដាក់ ជុំវិញកិច្ចសម្របសម្រួលទំនាក់ទំនងពាណិជ្ជកម្ម និងវិនិយោគទ្វេភាគី កម្ពុជា-សហរដ្ឋអាម៉េរិក ដែលរួមមាន ជំនួបពិភាក្សាតាមប្រព័ន្ធវីដេអូពីចម្ងាយ (Zoom) ជាមួយភាគីតំណាងពាណិជ្ជកម្មសហរដ្ឋអាម៉េរិក (USTR) ចំនួន២លើក និងកិច្ចការពាក់ព័ន្ធផ្សេងៗទៀត។

ជាមួយគ្នានេះ គណៈប្រតិភូ USCC ក៏បានលើកឡើងពីបេសកកម្មរបស់ USCC ដែលជាទីភ្នាក់ងារឯករាជ្យមួយនៃសាខានីតិបញ្ញត្តិរបស់សហរដ្ឋអាម៉េរិក ទទួលបន្ទុកលើការត្រួតពិនិត្យ ស៊ើបអង្កេត និងរាយការណ៍ទៅសភាសហរដ្ឋអាម៉េរិកអំពីកិច្ចការនានាពាក់ព័ន្ធនឹងសន្តិសុខនៃទំនាក់ទំនងពាណិជ្ជកម្ម និងសេដ្ឋកិច្ចទ្វេភាគីរវាងសហរដ្ឋអាម៉េរិក និងសាធារណរដ្ឋប្រជាមានិតចិន។ ភ្ជាប់ជាមួយនឹងការកត់សម្គាល់អំពីការផ្លាស់ប្តូរមុខមាត់របស់កម្ពុជាទាំងផ្នែកសេដ្ឋកិច្ច និងសង្គម គណៈប្រតិភូ USCC ក៏បានលើកឡើងអំពីប្រតិបត្តិការផ្ទេរមធ្យោបាយដឹកជញ្ជូន(Transshipment) ដែលជាហេតុនាំឱ្យដើមកំណើតទំនិញមួយចំនួនមានការកែប្រែ មុននឹងមានការនាំចេញទៅកាន់ទីផ្សារសហរដ្ឋអាម៉េរិក។

ជាការឆ្លើយតប ឧបនាយករដ្ឋមន្ត្រី ស៊ុន ចាន់ថុល បានបន្តប្រាប់អំពីការប្តេជ្ញាចិត្តរបស់រាជរដ្ឋាភិបាលកម្ពុជាក្នុងការពង្រឹងនីតិវិធីបង្ការ និងទប់ស្កាត់ការក្លែងបន្លំដើមកំណើតទំនិញ និងជំរុញការអនុវត្តច្បាប់ស្តីពីវិធានដើមកំណើតទំនិញ ប្រកបដោយតម្លាភាពសម្រាប់ការនាំចេញទំនិញមួយចំនួនទៅកាន់ទីផ្សារសហរដ្ឋអាម៉េរិក។

លោកបានរំលេចពីការដាក់ចេញនូវប្រកាសអន្តរក្រសួងរវាងក្រសួងសេដ្ឋកិច្ច និងហិរញ្ញវត្ថុ ជាមួយក្រសួងពាណិជ្ជកម្ម ស្តីពី វិធានការសម្រាប់បង្ការ និងទប់ស្កាត់ការក្លែងបន្លំដើមកំណើតទំនិញ សម្រាប់ការនាំចេញទំនិញមួយចំនួនទៅកាន់ទីផ្សារសហរដ្ឋអាម៉េរិក និង ប្រកាសក្រសួងពាណិជ្ជកម្ម ស្តីពី នីតិវិធីក្នុងការស្នើសុំ និងការចេញលិខិតអនុញ្ញាតបញ្ជាក់ដើមកំណើតទំនិញ សម្រាប់ការនាំចេញទំនិញមួយចំនួនទៅកាន់ទីផ្សារសហរដ្ឋអាម៉េរិក ដែលទាំងអស់នេះសុទ្ធសឹងបង្ហាញឱ្យឃើញពីការប្តេជ្ញាចិត្តខ្ពស់ក្នុងន័យស្ថាបនា និងផលិតភាពជាមួយភាគីអាម៉េរិក៕

អត្ថបទ៖ សាងតេជៈ រូបភាព៖ CDC

second...

x

The post លោក ស៊ុន ចាន់ថុល ជួបជជែកផ្ទាល់ជាមួយគណៈកម្មការត្រួតពិនិត្យសេដ្ឋកិច្ច និងសន្តិសុខ សហរដ្ឋអាម៉េរិក-ចិន appeared first on Millions times.

BYD Cambodia បានបញ្ជាក់ថា បន្ទាប់ពីសាងសង់រួច រោងចក្រ 𝗕𝗬𝗗 នឹងក្លាយជារោងចក្ររថយន្តអគ្គិសនី 𝗕𝗬𝗗 ដ៏ធំបំផុត និងជារោងចក្រដំបូងគេនៅកម្ពុជា ដែលបំពាក់ដោយបច្ចេកវិទ្យាទំនើបបំផុតរបស់ក្រុមហ៊ុន 𝗕𝗬𝗗។ សមិទ្ធផលដ៏អស្ចារ្យនេះនឹងបង្កើតប្រវត្តសាស្រ្តថ្មីសម្រាប់ប្រទេសកម្ពុជា។

តាមដានជាមួយយើង៖ Million Times

រោងចក្រដំឡើងរថយន្តរបស់ក្រុមហ៊ុន BYD Cambodia ដែលប្រារព្ធពិធីបើកការដ្ឋានសាងសង់នាព្រឹកនេះ ជាក្រុមហ៊ុនបុត្រសម្ព័ន្ធរបស់ក្រុមហ៊ុន BYD Auto Industry។ ក្រុមហ៊ុនគ្រោងនឹងបណ្ដាក់ទុនប្រមាណ ៣២លានដុល្លារអាម៉េរិក សម្រាប់ដំណាក់កាលទី១ លើការបង្កើតរោងចក្រផ្គុំដំឡើងយានយន្តប្រភេទ CKD នៅលើផ្ទៃដីប្រមាណ ១២ហិកតា ក្នុងតំបន់សេដ្ឋកិច្ចពិសេសក្រុងព្រះសីហនុ សម្រាប់ដំឡើងរថយន្តអគ្គិសនីសុទ្ធ (EV) និងអគ្គិសនីលាយសាំង (PHEV) ជាមួយនឹងសមត្ថភាពដំឡើងរថយន្តប្រមាណ ១ម៉ឺនគ្រឿង ក្នុងមួយឆ្នាំៗ ទៅតាមដំណាក់កាល។ រោងចក្រដំឡើងរថយន្ត BYD Cambodia គ្រោងនឹងបញ្ចប់ការសាងសង់នៅខែតុលា និងចាប់ផ្តើមដំណើការផលិតកម្មដំឡើងរថយន្តអគ្គិសនីជាលើកដំបូងនៅកម្ពុជា នាដើមខែវិច្ឆិកា ឆ្នាំ២០២៥ ខាងមុខនេះ។

ថ្លែងក្នុងឱកាសនេះ ឧបនាយករដ្ឋមន្ត្រី ស៊ុន ចាន់ថុល បានសម្តែងនូវការអបអរសាទរ និងវាយតម្លៃខ្ពស់ចំពោះក្រុមហ៊ុន BYD Cambodia សម្រាប់ការសម្រេចចិត្តក្នុងការបណ្តាក់ទុនវិនិយោគនៅកម្ពុជាលើវិស័យយានយន្តអគ្គិសនី បន្ទាប់ពីលោកបានដឹកនាំគណៈប្រតិភូ CDC ទៅគោះទ្វារវិនិយោគដោយផ្ទាល់ ដល់ទីស្នាក់ការកណ្តាលរបស់ក្រុមហ៊ុន BYD នៅទីក្រុងស៊ិនជិន ប្រទេសចិន កាលពីថ្ងៃទី២០ ខែតុលា ឆ្នាំ២០២៣ កន្លងទៅ៕

អត្ថបទ៖ សាងតេជៈ រូបភាព៖ CDC

second...

x

The post ក្រុមហ៊ុនចិន BYD សម្រេចបើកការដ្ឋានសាងសង់រោងចក្រដំឡើងរថយន្តនៅខេត្តព្រះសីហនុ តម្លៃ ៣២លានដុល្លារ appeared first on Millions times.

កិច្ចសន្ទនាលើកទី២ រៀបចំឡើងកាលពីថ្ងៃពុធ ទី២៦ ខែមីនា ឆ្នាំ២០២៥ ដឹកនាំដោយលោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា( CDC ) និងលោកស្រី Bridgette L. Walker ភារធារីស្ថានទូតសហរដ្ឋអាម៉េរិកប្រចាំកម្ពុជា ព្រមទាំងមានការចូលរួមពីតំណាងក្រសួង ស្ថាប័នពាក់ព័ន្ធ, ប្រធានសភាពាណិជ្ជកម្មអាម៉េរិកនៅកម្ពុជា, ក្រុមប្រឹក្សាធុរកិច្ចសហរដ្ឋអាម៉េរិក-អាស៊ាន, វិស័យឯកជន និងមន្ត្រីជំនាញជាច្រើនរូប។

តាមដានជាមួយយើង៖ Million Times

កិច្ចសន្ទនាលើកទី២ រវាងរដ្ឋ និងវិស័យឯកជន កម្ពុជា-អាម៉េរិក បង្ហាញឲ្យឃើញថា អាម៉េរិកពិភាក្សាល្អិតល្អន់ខ្លាំងណាស់ មុនពេលសម្រេចចិត្តឲ្យវិនិយោគិនរបស់ខ្លួន ដាក់ទុនវិនិយោគនៅកម្ពុជា។ បើតាម CDC កិច្ចសន្ទនាបានពិភាក្សាជាអាទិ៍៖ (១)បទប្បញ្ញត្តិ និងបទដ្ឋានគតិយុត្តពាក់ព័ន្ធ, (២)កត្តាជំរុញលើកកម្ពស់លទ្ធភាពក្នុងការចូលមកកាន់ទីផ្សារកម្ពុជា ពីសំណាក់ការវិនិយោគ និងធុរកិច្ចពីសហរដ្ឋអាម៉េរិក, (៣) នីតិវិធីពាក់ព័ន្ធ និងកិច្ចសម្របសម្រួលវិនិយោគនានា និងបញ្ហាផ្សេងៗ។

ឧបនាយករដ្ឋមន្ត្រី ស៊ុន ចាន់ថុល បានបង្ហាញអំពីកំណើននៃគម្រោងវិនិយោគដែលបំបែកកំណត់ត្រារបស់ CDC សម្រេចបាននូវការអនុម័តគម្រោងចំនួន ៤១៤ ក្នុងឆ្នាំ២០២៤។ តួលេខនេះ លោកថា ជាសក្ខីភាពស្តែងឱ្យឃើញពីប្រសិទ្ធភាពនៃច្បាប់ស្តីពីវិនិយោគនៃកម្ពុជា ក៏ដូចជាគោលនយោបាយនានារបស់រាជរដ្ឋាភិបាល ក្នុងថែទាំគាំទ្រកិច្ចការវិនិយោគពីវិស័យឯកជន ដោយបានចាត់ទុកវិស័យនេះជាម៉ាស៊ីនដ៏សំខាន់ក្នុងការជំរុញកំណើនសេដ្ឋកិច្ចជាតិ។ 

លោកក៏បានលើកឡើងអំពីប្រព័ន្ធគ្រប់គ្រងគម្រោងវិនិយោគកម្ពុជា cdcIPM និងបានរំលេចអំពីមុខងារ e-Signature របស់ប្រព័ន្ធ ដែលផ្តល់ភាពបត់បែនខ្ពស់ក្នុងការអនុម័តគម្រោងវិនិយោគមានលក្ខណៈសម្បត្តិគ្រប់គ្រាន់ បានពីគ្រប់ទីកន្លែង និងពេលវេលា តាមរយៈប្រព័ន្ធអ៊ីនធឺណេត។

តាមរយៈវេទិកានៃកិច្ចសន្ទនានេះ តំណាងវិនិយោគិនអាម៉េរិកបង្ហាញនូវចំណាប់អារម្មណ៍ជាវិជ្ជមាន ដែលទទួលបានការយកចិត្តទុកដាក់ពីរាជរដ្ឋាភិបាលកម្ពុជា និងមានសុទិដ្ឋិនិយមខ្ពស់ចំពោះការទទួលស្តាប់ពីបញ្ហាប្រឈម និងការផ្លាស់ប្តូរយោបល់ ពិសេស ជាមួយនឹងបទពិសោធន៍ដែលធ្លាប់ទទួលបានការឆ្លើយតប ក៏ដូចជាដំណោះស្រាយ បន្ទាប់ពីបានលើកឡើងកាលពីកិច្ចប្រជុំលើកទី១ នាថ្ងៃទី១៩ ខែកញ្ញា ឆ្នាំ២០២៤ កន្លងមក តំណាងវិនិយោគិនអាម៉េរិករំពឹងថា បន្ទាប់ពីជំនួបសន្ទនាលើកទី២នេះ ពួកគេក៏នឹងទទួលបានលទ្ធផលជាវិជ្ជមានទៅតាមលំដាប់នីតិវិធី និងបទដ្ឋានគតិយុត្តពាក់ព័ន្ធថែមមួយកម្រិតទៀតផងដែរ៕

អត្ថបទ៖ សាងតេជៈ រូបភាព៖ CDC

second...

x

The post អាមេរិក ពិភាក្សាល្អិតល្អន់ខ្លាំង មុនពេលសម្រេចចិត្តឲ្យវិនិយោគិនរបស់ខ្លួន ដាក់ទុននៅកម្ពុជា appeared first on Millions times.

ឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានដឹកនាំគណៈប្រតិភូកម្ពុជា ជួបលោក Liu Ning លេខាបក្សនៃគណៈកម្មាធិការគណបក្សខេត្តហ៊ឺណាន កាលថ្ងៃទី១៩ ខែមីនា ឆ្នាំ២០២៥ ពិភាក្សាអំពីលទ្ធភាពនៃការពង្រឹង និងពង្រីកកិច្ចសហប្រតិបត្តិការលើវិស័យសេដ្ឋកិច្ច និងវិនិយោគរវាងប្រទេសទាំងពីរ។

តាមដានជាមួយយើង៖ Million Times

លោក Liu Ning លេខាបក្សខេត្ត បានបង្ហាញនូវការកត់សម្គាល់អំពីកិច្ចខិតខំប្រឹងប្រែងរវាងថ្នាក់ដឹកនាំកម្ពុជា និងចិន ក្នុងការកសាងសហគមន៍វាសនារួមកម្ពុជា-ចិន, ពង្រឹងក្របខណ្ឌកិច្ចសហប្រតិបត្តិការត្បូងពេជ្រ, និងបង្កើតឱ្យមានវឌ្ឍនភាពវិជ្ជមានក្នុងការកសាងរបៀងឧស្សាហកម្ម និងបច្ចេកវិទ្យា ក៏ដូចជារបៀងមច្ឆា និងអង្ករ ជាដើម។

ជាមួយគ្នានេះ លោកបានបង្ហាញសុទិដ្ឋិនិយមថា ដំណើរបេសកកម្មនាពេលនេះនឹងអាចទាក់ទាញបាននូវគម្រោងវិនិយោគជាច្រើនពីខេត្តហ៊ឺណាន ពិនិត្យលទ្ធភាព និងឱកាសទៅបណ្តាក់ទុនវិនិយោគនៅកម្ពុជា សំដៅចូលរួមចំណែកលើកកម្ពស់វិបុលភាពសហគមន៍វាសនារួមកម្ពុជា-ចិន។

ឧបនាយករដ្ឋមន្ត្រី ស៊ុន ចាន់ថុល បានយកឱកាសនេះជម្រាបអំពីបច្ចុប្បន្នភាពថ្មីៗនៃការអភិវឌ្ឍសង្គម-សេដ្ឋកិច្ច និងបរិយាកាសវិនិយោគនៅកម្ពុជា។

ទន្ទឹមនឹងនេះ លោកបានអញ្ជើញគណៈប្រតិភូរដ្ឋបាលខេត្តហ៊ឺណាន និងតំណាងសហគ្រាសប្រចាំខេត្ត មកបំពេញទស្សនកិច្ចការងារនៅកម្ពុជា ដើម្បីសិក្សាស្វែងយល់បន្ថែមអំពីសក្តានុពល និងកាលានុវត្តភាពវិនិយោគដ៏សម្បូរបែប ជាពិសេសពិនិត្យលទ្ធភាពរៀបចំតំបន់សេដ្ឋកិច្ចពិសេសលើវិស័យកសិ-ឧស្សាហកម្ម និងតំបន់សេដ្ឋកិច្ចពិសេសលើអនុវិស័យយានយន្ត និងអេឡិចត្រូនិកដើម្បីផលិតវត្ថុធាតុដើម និងផលិតផលពាក់កណ្តាលសម្រេចសម្រាប់ផ្គត់ផ្គង់ទីផ្សារក្នុងស្រុក និងក្នុងតំបន់ផងដែរ៕

អត្ថបទ៖ សាងតេជៈ រូបភាព៖ CDC

second...

x

The post ចិន រំពឹងដំណើរបេសកកម្មលោក ស៊ុន ចាន់ថុល ទាក់ទាញបាននូវគម្រោងវិនិយោគជាច្រើនពីខេត្តហ៊ឺណាន appeared first on Millions times.

លោក ស៊ុន ចាន់ថុល បានលើកឡើងថា កំណើននៃគម្រោងវិនិយោគដែលគួរឱ្យកត់សម្គាល់ក្នុងកំណត់ត្រាគម្រោងវិនិយោគដែលបានអនុម័តនៃប្រវត្តិប្រតិបត្តិការការងារ របស់ ក្រុមប្រឹក្សាអភិវឌ្ឍន៍កម្ពុជា កន្លងមក ក្នុងឆ្នាំ២០២៤ បានអនុម័តគម្រោងវិនិយោគសរុបចំនួន ៤១៤គម្រោង តួលេខខ្ពស់បំផុតក្នុងកំណត់ត្រា៣០ឆ្នាំ និងគម្រោងវិនិយោគដែលបានអនុម័ត ក្នុងរយៈពេល ២ខែ ដើមឆ្នាំ២០២៥ សរុបចំនួនជាង ១១០គម្រោងផងដែរ។

តាមដានជាមួយយើង៖ Million Times

ក្នុងឱកាសនៃជំនួបនោះ លោកក៏បានស្នើសុំឱ្យតំណាងក្រសួង-ស្ថាប័នពាក់ព័ន្ធរបស់រាជរដ្ឋាភិបាលកម្ពុជា ត្រូវចូលរួមពិនិត្យដោះស្រាយនូវសំណូមពរ និងបញ្ហាប្រឈមនានា ដែលស្ថាប័នឯកជន បានស្នើឡើងឱ្យបានទាន់ពេលវេលា ប្រកបដោយឆន្ទៈខ្ពស់ ដើម្បីជំរុញឱ្យការទាក់ទាញវិនិយោគិនថ្មីៗមកកម្ពុជាបានកាន់តែច្រើនឡើងបន្ថែមទៀត។

គួរឲ្យដឹងថា CDC បានអនុម័តគម្រោងវិនិយោគចំនួន ៤១៤គម្រោងក្នុងឆ្នាំ ២០២៤ ដែលទំហំទុនវិនិយោគគិតជាទឹកប្រាក់មាន ៦ ៩០០លានដុល្លារអាមេរិក។ គម្រោងវិនិយោគទាំងនេះបានកើនឡើងចំនួន ១៤៦ គម្រោង ឬស្មើនឹង៥៤% ធៀបនឹងរយៈពេលដូចគ្នាក្នុងឆ្នាំ ២០២៣ និងបញ្ជាក់បន្ថែមថា មានការងារសរុបចំនួន ៣៣ម៉ឺនកន្លែងត្រូវបានបង្កើតឡើងក្នុងវិស័យឧស្សាហកម្មមានអាត្រាខ្ពស់ជាងគេ។ បើតាមសេចក្តីប្រកាសព័ត៌មានស្តីពីលទ្ធផលកិច្ចប្រជុំផ្លូវការលើកទី១ របស់ក្រុមប្រឹក្សាអភិវឌ្ឍន៍កម្ពុជា៕

អត្ថបទ៖ សាងតេជៈ រូបភាព៖ CDC

second...

x

The post លោក ស៊ុន ចាន់ថុល៖ ២ខែដើមឆ្នាំនេះក្រុមប្រឹក្សាអភិវឌ្ឍន៍កម្ពុជា អនុម័តគម្រោងសរុប ១១០គម្រោង appeared first on Millions times.

គណៈប្រតិភូធុរជនមកពីរដ្ឋកាលីហ្វ័រញ៉ា សហរដ្ឋអាម៉េរិក ដែលដឹកនាំដោយលោក គីម ឆាហួត អគ្គកុងស៊ុលកិត្តិយសកម្ពុជាប្រចាំនៅរដ្ឋកាលីហ្វ័រនីញ៉ា និងជាប្រធានការិយាល័យតំណាងសភាពាណិជ្ជកម្មកម្ពុជា ក្នុងរដ្ឋកាលីហ្វ័រនីញ៉ា បានមានជំនួបពិភាក្សាការងារ និងការផ្គូផ្គងធុរកិច្ចជាមួយបណ្តាក្រុមហ៊ុនកម្ពុជា នៅក្រុមប្រឹក្សាអភិវឌ្ឍន៍កម្ពុជា។

តាមដានជាមួយយើង៖ Million Times

នាជំនួបនោះ ឧបនាយករដ្ឋមន្ត្រី ស៊ុន ចាន់ថុល បានរំលេចអំពីសក្តានុពលវិជ្ជមាននានារបស់កម្ពុជា ដែលជាបច្ច័យសម្រាប់ពិចារណាក្នុងការមកដាក់ទុនវិនិយោគ រួមមាន៖ ទីតាំងភូមិសាស្រ្តដែលមានអំណោយផលខ្ពស់ និងជាប្រភពនៃថាមពលកកើតឡើងវិញ, សុខសន្តិភាព និងស្ថិរភាពនយោបាយ, លំនឹងម៉ាក្រូសេដ្ឋកិច្ច, កម្លាំងពលកម្មវ័យក្មេងដែលមានលក្ខណៈរួចរាល់សម្រាប់បរិវត្តកម្មឌីជីថល និងបើកទូលាយក្នុងការទទួលយកការបណ្តុះបណ្តាលថ្មីៗ, ការគាំទ្រពីសំណាក់រាជរដ្ឋាភិបាលដល់ការរីកលូតលាស់នៃវិស័យធុរកិច្ចឯកជន តាមរយៈវេទិការាជរដ្ឋាភិបាល-ផ្នែកឯកជន, ច្បាប់ស្តីពីវិនិយោគដែលមានភាពបត់បែន និងអនុគ្រោះខ្ពស់, ហេដ្ឋារចនាសម្ព័ន្ធដឹកជញ្ជូនអន្តរមធ្យោបាយ និងវិស័យភស្តុភារកម្ម ដែលបាននិងកំពុងអភិវឌ្ឍឱ្យកាន់តែមានភាពសម្បូរបែប និងប្រទាក់ក្រឡា ទាំងផ្លូវគោក ផ្លូវទឹក ផ្លូវដែក និងផ្លូវអាកាស សំដៅជំរុញឱ្យ សមាហរណកម្មនៅទូទាំងប្រទេស និងទៅកាន់តំបន់មានភាពប្រសើរឡើង។

ស្ថិតក្នុងឱកាសនោះដែរ គណៈប្រតិភូធុរជនអាមេរិក បានសម្តែងនូវចំណាប់អារម្មណ៍ខ្ពស់លើការរីកចម្រើនគួរឱ្យកត់សម្គាល់របស់កម្ពុជា។ ទន្ទឹមនឹងនេះក៏បានធ្វើការវាយតម្លៃខ្ពស់ចំពោះការយកចិត្តទុកដាក់របស់រាជរដ្ឋាភិបាល ក៏ដូចជា CDC ផ្ទាល់ ក្នុងការសម្របសម្រួល និងថែទាំគាំទ្រដល់វិស័យឯកជន ព្រមទាំងបានបង្ហាញនូវឆន្ទៈក្នុងការពិនិត្យលទ្ធភាពដើម្បីពង្រឹងកិច្ចសហប្រតិបត្តិការទ្វេភាគីរវាងរដ្ឋកាលីហ្វ័រញ៉ា និងកម្ពុជា ជាពិសេសលើទំនាក់ទំនងសេដ្ឋកិច្ច និងការវិនិយោគរវាងតំបន់ទាំងពីរ។

លោក ហឿន សំនៀង អគ្គលេខាធិការរងនៃអគ្គលេខាធិការដ្ឋានក្រុមប្រឹក្សាអភិវឌ្ឍន៍កម្ពុជា ដែលបានចូលរួមក្នុងជំនួបនេះ បានឲ្យដឹងថា ក្រុមហ៊ុនមកពីអាមេរិកចំនួនជាង២០ ចាប់អារម្មណ៍ និងចង់វិនិយោគនៅកម្ពុជា ដោយនិយាយថា កម្ពុជា គឺជាកំណប់ទ្រព្យដ៏អាថ៌កំបាំង ដែលជនជាតិអាមេរិកភាគច្រើនបំផុតមិនបានដឹងសោះឡើយ។

លោកបន្តថា អាទិត្យនេះ ជាទិវានៃព្រឹត្តិការណ៍វិនិយោគ ដោយសារត្រូវជួបជាមួយគណៈប្រតិភូធុរកិច្ចពីអាមេរិក ជាង២០ក្រុមហ៊ុន, គណៈប្រតិភូធុរកិច្ចមកពីជប៉ុន ៥០ក្រុមហ៊ុន និង គណៈប្រតិភូមិពីមហាយក្សចិន រាប់សិបក្រុមហ៊ុន។ លោកបន្ថែមថា “កម្ពុជាថ្ងៃនេះ ជាកូនក្រមុំពេញវ័យដ៏ស្រស់ស្អាត”៕

អត្ថបទ៖ សាងតេជៈ រូបភាព៖ CDC 

second...

x

The post លោក ហឿន សំនៀង៖ ២០ក្រុមហ៊ុនមកពីអាមេរិកចង់វិនិយោគនៅកម្ពុជា ដោយចាត់ទុកជាកំណប់ទ្រព្យដ៏អាថ៌កំបាំង appeared first on Millions times.

ទាក់ទងនឹងកិច្ចការងារវិនិយោគ លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានលើកឡើងអំពីការយកចិត្តទុកដាក់ខ្ពស់របស់រាជរដ្ឋាភិបាលកម្ពុជាចំពោះវិស័យឯកជន ដែលបានចាត់ទុកវិស័យនេះជាម៉ាស៊ីនដ៏សំខាន់ក្នុងការជំរុញកំណើនសេដ្ឋកិច្ចជាតិ។

តាមដានជាមួយយើង៖ Million Times

ក្នុងជំនួបនាព្រឹកថ្ងៃចន្ទនេះ លោក CÉSAR LIPKA  នាយកប្រតិបត្តិក្រុមហ៊ុន LipCo Foods បានសម្ដែងនូវចាប់អារម្មណ៍ជាខ្លាំងលើការអភិវឌ្ឍន៍យ៉ាងឆាប់រហ័សរបស់ប្រទេសកម្ពុជា និងបានលើកឡើងអំពីបទពិសោធន៍ជោគជ័យរបស់ក្រុមហ៊ុនខ្លួន ក្នុងផលិតកម្មកែច្នៃចំណីអាហារដើម្បីផ្គត់ផ្គង់នៅក្នុងទីផ្សារអឺរ៉ុប ដោយបានបញ្ជាក់អំពីភូមិសាស្រ្តប្រទេសប៉ូឡូញ ដែលសម្បូរទៅដោយភោគផលធម្មជាតិ និងផលិតផលកសិកម្មទ្រង់ទ្រាយធំ ដូចជា ការចិញ្ចឹមជ្រូកយកសាច់ និងការដាំដំណាំផ្លែប៉ោមជាដើម។

ទន្ទឹមនឹងនេះលោកក៏បានបង្ហាញពីផែនការរបស់ខ្លួន ក្នុងការបង្កើតរោងចក្រកែច្នៃចំណីអាហារនៅក្នុងប្រទេសកម្ពុជា ដើម្បីផ្គត់ផ្គង់ទីផ្សារនៅក្នុងតំបន់ផងដែរ។

ដោយមើលឃើញពីការយកចិត្តទុកដាក់ខ្ពស់របស់ រាជរដ្ឋាភិបាលកម្ពុជា លើការធ្វើពាណិជ្ជកម្ម និងការវិនិយោគពីវិស័យឯកជន ក៏ដូចជាសក្តានុពលនានារបស់កម្ពុជា លោកបានបង្ហាញអារម្មណ៍កក់ក្តៅ និងសុទិដ្ឋិនិយមកាន់តែខ្ពស់ និងសម្តែងនូវចេតនាក្នុងការពន្លឿនផែនការវិនិយោគរបស់ខ្លួននៅក្នុងប្រទេសកម្ពុជា សំដៅធ្វើឱ្យលេចចេញជារូបរាងកាន់តែឆាប់រហ័ស៕

អត្ថបទ៖ សាងតេជៈ រូបភាព៖ CDC

second...

x

The post ក្រុមហ៊ុន LipCo Foods នឹងពន្លឿនផែនការវិនិយោគនៅកម្ពុជាឲ្យលេចចេញជារូបរាងឆាប់ៗ appeared first on Millions times.