តាមដានជាមួយយើង៖ Million Times

កិច្ចសន្ទនារវាងក្រុមប្រឹក្សាពិគ្រោះយោបល់អាស៊ាន និងថ្នាក់ដឹកនាំអាស៊ាន នៅទីក្រុងគួឡាឡាំពួរ ប្រទេសម៉ាឡេស៊ី នារសៀលថ្ងៃចន្ទ ទី២៦ ខែឧសភានេះ ក្រុមប្រឹក្សាពិគ្រោះយោបល់ធុរកិច្ចអាស៊ានបានដាក់របាយការណ៍អនុសាសន៍ជូន ប្រមុខរដ្ឋ ប្រមុខរដ្ឋាភិបាលអាស៊ាន ដែលផ្តោតលើការជំរុញសមាហរណកម្មអាស៊ាន។ 

សភាពាណិជ្ជកម្មកម្ពុជា បានឲ្យដឹងថា ចំនុចអាទិភាពសំខាន់ៗចំនួន ៤ ត្រូវបានជំរុញ ទី១) ការលើកកម្ពស់ពាណិជ្ជកម្ម និងវិនិយោគរវាងប្រទេសសមាជិកអាស៊ាន ២) ជំរុញការធ្វើសមាហរណកម្ម និង ការតភ្ជាប់ សេដ្ឋកិច្ច ៣) ការបង្កើតក្របខណ្ឌប្រកបដោយចីរភាពនិងបរិយាប័ន្ន និង ៤) ការកសាងអាស៊ានឌីជីថលដែលធន់នឹងវិបត្តិ។

អនុសាសន៍របស់ក្រុមប្រឹក្សាពិគ្រោះយោបល់ធុរកិច្ចអាស៊ាន ក៏បានផ្តោតលើសារៈសំខាន់នៃការរួបរួមទីផ្សារ ស្របទៅនឹងមូលបទនៃម្ចាស់ផ្ទះម៉ាឡេស៊ី គឺបរិយាប័ន្ន និងចីរភាព។ 

ជាមួយគ្នានេះ ប្រមុខរដ្ឋ ប្រមុខរដ្ឋាភិបាលអាស៊ាន បានផ្តល់នូវមតិឆ្លើយតប និងទទួលស្គាល់តួនាទីដ៏សំខាន់របស់សហគមន៍ធុរកិច្ច ក្នុងការសម្រេចឲ្យបាននូចគោលបំណងសហគមន៍សេដ្ឋកិច្ចចអាស៊ាន៕

អត្ថបទ៖ សាងតេជៈ រូបភាព៖ ផេកសភាពាណិជ្ជកម្មកម្ពុជា

second...

x

The post មេដឹកនាំ និងអ្នកធុរកិច្ចអាស៊ាន ជជែកផ្តោតលើការជំរុញសេដ្ឋកិច្ច ពាណិជ្ជកម្ម និងវិនិយោគរវាងប្រទេសសមាជិក appeared first on Millions times.

ពីប្រទេសកូរ៉េខាងត្បូង ក្នុងវេទិកាចំណេះដឹងពិភពលោក លើកទី២៥ ក្រោមប្រធានបទ «មាគ៌ាឆ្ពោះទៅកាន់សន្តិសហវិជ្ជមាន និង វិបុលភាពក្នុងអាស៊ាន» នាថ្ងៃទី១០ ខែកញ្ញានេះ សម្ដេចហ៊ុន សែន ប្រធានរដ្ឋសភា បានថ្លែងថា អាស៊ានមានអំណាចចាយវាយធំ ជាមួយនឹងទីផ្សារដែលមានប្រជាជនលើសពី ៦៥០លាននាក់, ជាទីប្រជុំនៃរោងចក្រកម្មន្តសាល, កម្លាំងផលិតកម្ម និងខ្សែច្រវាក់ផ្គត់ផ្គង់ប្រទាក់ក្រឡា និងជាបណ្ដុំនៃបណ្តាញពាណិជ្ជកម្មដ៏ធំ ទូលាយនៅទូទាំងពិភពលោក។

តាមដានជាមួយយើង៖ Million Times

សម្ដេចមានប្រសាសន៍ថា៖ «ពីតំបន់ដែលរត់តាមការអភិវឌ្ឍទៅជាតំបន់ដែលចូលរួមជួយដឹកនាំកំណើនសេដ្ឋកិច្ចតំបន់ និងសកល, អាស៊ានបានក្លាយជាមហាអំណាចសេដ្ឋកិច្ចទី៥ នៅលើពិភពលោក ដែលមានផសស ជាង៣ទ្រីលានដុល្លារអាម៉េរិក, មានអំណាចចាយវាយធំ ជាមួយនឹងទីផ្សារដែលមានប្រជាជនលើសពី ៦៥០លាននាក់, ជាទីប្រជុំនៃរោងចក្រកម្មន្តសាល, កម្លាំងផលិតកម្ម និងខ្សែច្រវាក់ផ្គត់ផ្គង់ប្រទាក់ក្រឡា និងជាបណ្ដុំនៃបណ្តាញពាណិជ្ជកម្មដ៏ធំ ទូលាយនៅទូទាំងពិភពលោក»។

សម្ដេចតេជោ ហ៊ុន សែន, នៅពេលអាស៊ានបង្កើតដំបូង នៅឆ្នាំ១៩៦៧ សមាជិកស្ទើរតែទាំងអស់ គឺសុទ្ធតែជាប្រទេសដែលទើបទទួលបានឯករាជ្យពីអាណានិគម។ នៅពេលដែលអាស៊ានបញ្ចូលសមាជិក បន្ថែមដែលមានកម្ពុជា, ឡាវ, មីយ៉ាន់ម៉ា និងវៀតណាម ក៏មានទស្សនៈមួយចំនួនដែលបង្ហាញ ពីទុទិដ្ឋិនិយមថា ការបញ្ចូលសមាជិកទាំងនេះ នឹងធ្វើឲ្យសេដ្ឋកិច្ច និងសមាហរណកម្មអាស៊ានមានភាពយឺតយ៉ាវ។

សម្ដេចថ្លែងអះអាងថា ស្ថានភាពជាក់ស្ដែង សេដ្ឋកិច្ចរបស់អាស៊ានទាំងមូល ពាណិជ្ជកម្មរវាងអាស៊ាន ជាមួយដៃគូ និងវិនិយោគពីខាងក្រៅមកកាន់អាស៊ាន គឺពុំមានថមថយនោះទេ ពោលមានតែរីកកើនឡើងជាលំដាប់ពីមួយឆ្នាំ ទៅមួយឆ្នាំ ទោះបីជាពេលខ្លះ ក្នុងបរិបទសកល បានជួបប្រទះនឹងការ ធ្លាក់ចុះសេដ្ឋកិច្ចយ៉ាងណាក៏ដោយ។ បន្ថែមពីនេះ អាស៊ានបានផ្តល់អាទិភាពខ្ពស់បំផុតទៅដល់ការធ្វើសមាហរណកម្មសេដ្ឋកិច្ច ជាពិសេស ការបង្កើតឲ្យមានកិច្ចព្រមព្រៀងពាណិជ្ជកម្មសេរីជាមួយដៃគូជាច្រើន ដូចជា កូរ៉េ ចិន ជប៉ុន អូស្ត្រាលី នូវែលហ្សេឡង់ ឥណ្ឌា ហុងកុង និង ភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) ជាដើម។

ក្នុងនាមជាប្រទេសដែលទទួលផលចំណេញពីការធ្វើសមាហរណកម្មទាំងអស់នេះ សម្តេចប្រធានព្រឹទ្ធសភាបានបញ្ជាក់ថា កម្ពុជាគាំទ្រជានិច្ចនូវប្រព័ន្ធពាណិជ្ជកម្មពហុភាគី ដែលសេរី បើកចំហ មានបរិយាប័ន្ន យុត្តិធម៌ និងតម្លាភាព ដោយមានអង្គការពាណិជ្ជកម្មពិភពលោកជាស្នូល។

បើតាមសម្តេច ហ៊ុន សែន អាស៊ានក៏បាន និងកំពុងគិតគូរស្វែងរកប្រភពកំណើន ដូចជា សេដ្ឋកិច្ចឌីជីថល អន្តរកាលបៃតង ខ្សែច្រវាក់ផ្គត់ផ្គង់តំបន់កាន់តែប្រសើរ ការតភ្ជាប់ វិទ្យាសាស្ត្រ បច្ចេកវិទ្យា និងនវានុវត្តន៍ ដែលនឹងអនុញ្ញាតឲ្យតំបន់បន្តសម្រេចបានមិនត្រឹមតែកំណើនសេដ្ឋកិច្ចខ្ពស់ប៉ុណ្ណោះទេ ថែមទាំងមានភាពធន់ និងចីរភាពនៃកំណើន ផងដែរ៕

អត្ថបទ៖ សេដ្ឋានី រូបភាព៖ ក្រុមព័ត៌មានសម្តេចតេជោ

second...

x

The post សម្តេច ហ៊ុន សែន ប្រាប់ពិភពលោកថា អាស៊ានបានក្លាយជាមហាអំណាចសេដ្ឋកិច្ចទី៥ ដែលមាន GDP ជាង៣ទ្រីលានដុល្លារ appeared first on Millions times.