សុខ ហេង Archives - Millions times

លោកស្រី សុខហេង ក្រៅពីមានហាងលក់ពូកសុខភាពក៏ជាថៅកែ បុរីផងដែរ

Vin Chang — Tue, 17 Feb 2026 09:59:41 +0000

លោកស្រី សុខ ហេង (ឈ្មោះពិត ឡេង ម៉េងអាំង) ដែលល្បីល្បាញខាងប្រេន Jasmine, Loma, និង M.A ដែលនាំចូលគ្រឿងសង្ហារិម និងសម្ភារផ្ទះបាយហើយនោះ ភាគច្រើនមិនសូវមានអ្នកដឹងថា សេដ្ឋិនីរូបនេះ មានជំនួញផ្នែកអចលនទ្រព្យផងដែរ។

តាមដានជាមួយយើង៖ Million Times

លោកស្រី សុខហេង ដែលល្បីល្បាញនៅលើបណ្ដាញសង្គម និងស្វាមីលោក ភុំ ភិរម្យ បានកសាងហាងជាច្រើនកន្លែងក្នុងប្រទេស។ បើទោះជាប៉ុន្មានឆ្នាំនេះលោកស្រី សុខ ហេង ជួបបញ្ហាជាច្រើនក៏ដោយ តែថៅកែហាងពូកសុខភាព សុខ ហេង មួយនេះ តស៊ូមិនចុះចាញ់ឡើយ ធ្វើឲ្យជំនួញនៅតែទៅមុខរលូន។

ក្រៅពីជំនួញសម្ភារៈផ្ទះបាយ និងពូកសុខភាពហើយនោះ លោកស្រី សុខ ហេង ក៏មានជំនួញធំ ដែលមិនសូវមានអ្នកស្គាល់ នោះគឺម្ចាស់បុរី ចាស្មីន នៅខាងខេត្តបាត់ដំបង។

លោកស្រី សុខ ហេង មានភាពល្បីខ្លាំងអំឡុងឆ្នាំ ២០១៩ មកម្ល៉េះលើហ្វេសប៊ុក មានលក់ជាពូកសុខភាព កម្រាល ខ្នើយឱប ខ្នើយកើយ ដែលមានប្រេនផ្ដាច់មុខដំបូងគេបង្អស់នៅក្នុងប្រទេសកម្ពុជា តែមុនមានឈ្មោះបោះសំឡេងនៅបណ្ដាញសង្គម លោកស្រីគឺជាអ្នកលក់នៅផ្សារធំថ្មី។

ក្នុងនាមជាអ្នកជំនួញធំ ការរៀបចំខ្លួនរបស់លោកស្រី ក៏មិនធម្មតាដែរ មិនថាកាបូប ស្បែកជើង និងសម្លៀកបំពាក់ សុទ្ធសឹងជាប្រេនល្បីៗ។ ជាក់ស្ដែងថ្មីៗនេះ អតិថិជនរបស់ថៅកែស្រីរូបនេះ លាន់មាត់សរសើរពីរូបសម្រស់លោកស្រី សុខ ហេង កាន់តែស្អាត ក្នុងឈុតពណ៌ស្វាយ និងកាបូបដៃ Mini Lady Dior Bag តម្លៃជាង ៨ ៥០០ ពាន់ដុល្លារ។

ថៅកែហាងពូកសុខភាព សុខ ហេង រូបនេះ បញ្ជាក់ថា មួយរយៈនេះលោកស្រីថែរក្សាសុខភាព ដោយសម្រកទម្ងន់ ដើម្បីការពារបញ្ហាផ្សេងៗ ហើយបានទាំងស្អាតថែមទៀត៕

អត្ថបទ៖ ឆដា, រូបភាព៖ Sok Heng

The post លោកស្រី សុខហេង ក្រៅពីមានហាងលក់ពូកសុខភាពក៏ជាថៅកែ បុរីផងដែរ appeared first on Millions times.

ថៅកែហាងពូក សុខ ហេង ឲ្យកូនស្រីច្បង SG ទៅមើលការខុសត្រូវជំនួស ក្រោយឆេះឃ្លាំងអីវ៉ាន់

Vin Chang — Thu, 06 Mar 2025 06:54:03 +0000

ក្រោយជួបទុក្ខធំ ដោយសារអគ្គីភ័យឆាបឆេះឃ្លាំងខ្ទេចអស់ហើយនោះ សភាពផ្លូវចិត្តផ្លូវកាយថៅកែហាងពូក សុខ ហេង មិនទាន់មានភាពប្រសើរឡើងឡើយ។ នៅពេលម្ដាយមានទុក្ខបែបនេះ កញ្ញា SG ដែលល្បីខ្លាំងនៅបណ្ដាញសង្គម Tik Tok ពេញផ្ទៃប្រទេស បានចូលខ្លួនមកជួយរំលែកការងារលំបាកៗក្នុងគ្រួសារ ក្នុងនាមជាកូនស្រីច្បង។

តាមដានជាមួយយើង៖ Million Times

លោកស្រី សុខ ហេង ម្ចាស់ក្រុមហ៊ុនJasmine សម្ភារៈបន្ទប់គេង លក់គ្រឿងសំណង់ គ្រឿងសង្ហារិម និងសម្ភារៈផ្ទះបាយទំនើប ហើយគេស្គាល់ជាពិសេសថាលោកស្រីលក់ពូកសុខភាព បានជួបហេតុការណ៍រន្ធត់ ដែលឃ្លាំងស្ដុកសម្ភារៈត្រូវអគ្គភ័យឆាបឆេះអស់គ្មានសល់កាលពីល្ងាចថ្ងៃ ២៧ ខែកុម្ភៈកន្លងទៅ។

ភុំ សៀវហ្កិច ហៅ SG គឺជាកូនស្រីរបស់ថៅកែ សុខហេង ដែលមានអ្នកលេងបណ្ដាញសង្គមស្គាល់ច្រើនមែនទែន តាមរយៈវីដេអូរាំលេងនៅមុខភូមិគ្រឹះ បង្ហោះលើ Tik Tok រហូតល្បីដល់អ្នកនៅអឺរ៉ុបក៏ភ្ញាក់ផ្អើលនឹងរូបសម្រស់ សមត្ថភាព និងទ្រព្យធននៃក្រុមគ្រួសារនាងដែរ។

SG មិនត្រឹមមានរូបសម្រស់ តែចំណេះដឹងក៏មិនធម្មតាដែរ។ តាមរយៈវីដេអូ បង្ហាញថា SG ដ្បិតតែមកត្រូវទទួលការងារជំនួសម្ដាយភ្លាមៗក៏ពិតមែន តែនាងអាចធ្វើបាន ទោះមិនទាន់ល្អក៏ពិតមែន តែនៅថ្ងៃខាងមុខនឹងរលូនជាក់ជាមិនខាន។

ថៅកែស្រីបានបញ្ជាក់ថា កូនស្រីច្បង SG ពីមុនក៏ធ្លាប់ជួយការងារខ្លះដែរ តែទទួលបន្ទុកផ្នែកក្រដាសស្នាមលុយកាក់ប្រាក់ខែបុគ្គលិកប៉ុណ្ណោះ។ តែក្រោយហេតុការណ៍ឆេះឃ្លាំងអីវ៉ាន់អស់ នាងបានមកជួយការងារទាំងស្រុងរបស់លោកស្រី ដែលនោះជាសម្ពាធមួយសម្រាប់ក្មេងវ័យវ័យ ២០ ឆ្នាំស្ដើងដូចSG។

គួរបញ្ជាក់ថាថៅកែស្រីដែលល្បីចូលចិត្តភាពសាមញ្ញនៃជីវិតរូបនេះ ជួបគ្រោះអគ្គីភ័យ ៣ ដងមកហើយមានទាំងឃ្លាំង២ដង ដោយលើកទី១នៅទល់មុខមន្ទីរពេទ្យរុស្ស៊ី កាលអំឡុងឆ្នាំ ២០១៩ និងលើកទី២ សប្ដាហ៍មុន ស្ថិតសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ និងភូមិគ្រឹះម្ដងកាលពីឆ្នាំ ២០២៣៕

អត្ថបទ៖ មេរ៉ា, រូបភាព៖ Sok Heng និង Phom Seav Gech

The post ថៅកែហាងពូក សុខ ហេង ឲ្យកូនស្រីច្បង SG ទៅមើលការខុសត្រូវជំនួស ក្រោយឆេះឃ្លាំងអីវ៉ាន់ appeared first on Millions times.

ថៅកែក្រុមហ៊ុនសំណង់ចាស្មីន សម្ពោធភូមិគ្រឹះស្កឹមស្កៃជាផ្លូវការហើយ

Vin Chang — Fri, 13 Sep 2024 06:53:32 +0000

កាលពីអំឡុងខែឧសភា ឆ្នាំ ២០២៣ កន្លងទៅ ព័ត៌មានឆេះភូមិគ្រឹះដ៏ស្កឹមស្កៃមួយកន្លែងដែលកំពុងសាងសង់ ដែលជារបស់ថៅកែក្រុមហ៊ុនចាស្មីន ធ្វើឲ្យភ្ញាក់ផ្អើលមែនទែន។ បើទោះជារងផលប៉ះពាល់មួយចំនួនមែន តែមិនបានធ្វើឲ្យម្ចាស់ក្រុមហ៊ុនJasmine (JM) លក់ និងផ្គត់ផ្គង់គ្រឿងសំណង់ធ្លាក់ចុះ ឬបាត់បង់ជំនួញអ្វីឡើយ។

តាមដានជាមួយយើង៖ Million Times

កាលពីថ្ងៃ ១១ កញ្ញា ឆ្នាំ ២០២៤ កន្លងទៅអភិជនជំនាន់ថ្មីអ្នកស្រី សុខ ហេង ថៅកែគ្រឿងសំណង់ គ្រឿងសង្ហារឹម និងសម្ភារៈផ្ទះបាយ បានធ្វើពិធីឡើងគេហដ្ឋានដែលអញ្ជើញភ្ញៀវសុទ្ធតែអ្នកជំនួញល្បីៗក្នុងវិស័យអនឡាញ ព្រមទាំងអ្នកមុខអ្នកការ មន្រ្តីរាជការ និងសិល្បករ-សិល្បការិនីកុះករបន្ថែមទៀត។

ភូមិគ្រឹះដ៏ធំស្កឹមស្កៃរបស់សេដ្ឋីនី និងស្វាមីរូបនេះ បានរៀបចំឡើយយ៉ាងប្រណីតបំផុត ព្រមទាំងបំពាក់ទៅដោយសម្ភារៈទំនើបៗខ្លាំង ខណៈខ្លួនឯងជាម្ចាស់ហាងតុបតែងលម្អអស់ទាំងនោះ។ បើទោះជាធ្លាប់រងការបំផ្លាញពីអគ្គីភ័យខ្លះៗកាលពីកន្លងទៅពិតមែន តែអ្នកស្រី សុខ ហេង រៀបចំជួសជុលឡើងវិញមិនឲ្យមានស្នាមបន្តិចឡើយ។

ថៅកែស្រីដ៏ស៊ីវិល័យរូបនេះ មិនត្រូវតែមានផ្ទះធំទូលាយប៉ុណ្ណោះទេ តែអ្នកស្រីក៏ជាស្ត្រីលេងម៉ូដរថយន្តស៊េរីទំនើបដែរ និងនិយមប្រើរបស់ Brand Name លំដាប់ពិភពលោក មិនចាញ់សេដ្ឋីៗដទៃទៀតឡើយ។ ការរស់នៅប្រចាំថ្ងៃរបស់អ្នកស្រី ក៏មិនខុសពីអ្នកមានៗលំដាប់កំពូលផ្សេងទៀតឡើយ ដោយមានការមមាញឹករឿងជំនួញខ្លះ និងឆ្លៀតពេលនាំកូនៗទាំង ៤ ព្រមជាមួយស្វាមី ទៅសម្រាកលំហែនៅបរទេស ដើម្បីឲ្យជីវិតកាន់តែស្រស់បំព្រង៕

The post ថៅកែក្រុមហ៊ុនសំណង់ចាស្មីន សម្ពោធភូមិគ្រឹះស្កឹមស្កៃជាផ្លូវការហើយ appeared first on Millions times.

សុខ ហេង Archives - Millions times

លោកស្រី សុខហេង ក្រៅពីមានហាងលក់ពូកសុខភាពក៏ជាថៅកែ បុរីផងដែរ

ថៅកែហាងពូក សុខ ហេង ឲ្យកូនស្រីច្បង SG ទៅមើលការខុសត្រូវជំនួស ក្រោយឆេះឃ្លាំងអីវ៉ាន់

ថៅកែក្រុមហ៊ុនសំណង់ចាស្មីន សម្ពោធភូមិគ្រឹះស្កឹមស្កៃ​ជាផ្លូវការហើយ

ថៅកែក្រុមហ៊ុនសំណង់ចាស្មីន សម្ពោធភូមិគ្រឹះស្កឹមស្កៃជាផ្លូវការហើយ