នៅក្នុងព្រះរាជពិធីថ្វាយព្រះភ្លើង ព្រះបរមសព ក្រោមព្រះរាជាធិបតីព្រះករុណា ព្រះបាទសម្តេចព្រះបរមនាថ នរោត្ដម សីហមុនី ព្រះមហាក្សត្រ ព្រមទាំងមានការយាង និមន្ត និងចូលរួមដោយម្រមុខដឹកនាំកំពូលៗ ឥស្សរជន សម្តេចព្រះមហាសង្ឃរាជទាំងគណៈ, ព្រះរាជាគណៈ ព្រះមន្ត្រីសង្ឃតាមព្រះឋានាក្រម ព្រះថេរានុត្ថេរៈ, ភ្ញៀវកិត្តិយសជាតិ-អន្តរជាតិ មន្ត្រីរាជការ កងកម្លាំងប្រដាប់អាវុធគ្រប់ជាន់ថ្នាក់  លោកតាជី ដូនជី ព្រមទាំងប្រជាពលរដ្ឋ សិស្សានុសិស្សយ៉ាងច្រើនកុះករ។ 

តាមដានជាមួយយើង៖ Million Times

ព្រះសង្ឃ មន្រ្តី ប្រជាពលរដ្ឋ និងគណៈប្រតិភូអន្តរជាតិសុទ្ធតែបង្ហាញនូវការសោកស្តាយជាពន់ពេកចំពោះការសោយទីវង្គត់របស់សម្តេចព្រះសង្ឃរាជ ទេព វង្ស ដែលព្រះអង្គជាមហាវីរៈសង្ឃដ៏ឆ្នើមក្នុងការដឹកនាំព្រះពុទ្ធសាសនានៅប្រទេសកម្ពុជា ហើយក៏ជាព្រះសង្ឃមួយព្រះអង្គដែលបានតស៊ូដើម្បីទ្រទ្រង់ព្រះពុទ្ធសាសនាឲ្យកើតមានឡើងវិញមកទល់ពេលបច្ចុប្បន្នក្រោយសម័យខ្មែរក្រហម។

សូមរំឭកថា សម្ដេចព្រះសង្ឃរាជ ទេព វង្ស ជាសម្ដេចព្រះមហាសង្ឃរាជនៃគណៈមហានិកាយ និងជាសម្ដេចព្រះចៅអធិការវត្តឧណ្ណាលោម រាជធានីភ្នំពេញ បានយាងចូលព្រះទិវង្គត់ នៅថ្ងៃចន្ទ ២ រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៦ ខែកុម្ភៈ ឆ្នាំ២០២៤ វេលាម៉ោង ០៥:៤០នាទីល្ងាច ក្នុងព្រះជន្ម ៩៣ព្រះវស្សា ដោយព្រះរោគាពាធ នៅក្នុងវត្តឧណ្ណាលោម សង្កាត់ជ័យជំនះ ខណ្ឌដូនពេញ រាជធានីភ្នំពេញ៕

អត្ថបទ៖ សាង តេជៈ រូបភាព៖ AKP

second...

x

The post ព្រះមហាក្សត្រ យាងថ្វាយព្រះភ្លើងព្រះបរមសពសម្ដេចព្រះសង្ឃរាជ ទេព វង្ស ដោយព្រះទ័យអាឡោះអាល័យ appeared first on Millions times.

លោក វង្សី វិស្សុត ឧបនាយករដ្ឋមន្ត្រីប្រចាំការនៃទីស្តីការគណៈរដ្ឋមន្រ្តី បានចាត់ទុកការសម្រេចថ្វាយព្រះគោរមងារនេះ បានឆ្លុះបញ្ចាំងឱ្យឃើញពីការទទួលស្គាល់ប្រកបដោយក្តីគោរពសក្ការៈដ៏ខ្ពង់ខ្ពស់ចំពោះព្រះគុណូបការៈដ៏ធំធេងរបស់ សម្ដេចព្រះសង្ឃរាជ ទេព វង្ស ដែលបានបូជាថ្វាយចំពោះជាតិ សាសនា ព្រះមហាក្សត្រ ជាពិសេសម្តេចបានខិតខំអស់ពីព្រះកាយពល ព្រះបញ្ញាញាណ ប្រកបដោយព្រះស្មារតីជ្រះថ្លា និងវីរិយភាពខ្ជាប់ខ្ជួន ក្នុងការដឹកនាំព្រះសង្ឃ, ការទ្រទ្រង់ពុទ្ធប្បញ្ញត្តិ និងលើកកម្ពស់ព្រះពុទ្ធសាសនានៅកម្ពុជា ឱ្យបានឧត្តុង្គឧត្តមឡើងវិញ អស់មួយព្រះជន្មព្រះអង្គ ដើម្បីសេចក្ដីចម្រើន, ដើម្បីជាប្រយោជន៍, ដើម្បីសេចក្ដីសុខ, ដើម្បីសុខសន្តិភាព និងសុភមង្គលរបស់មនុស្សជាតិ។

តាមដានជាមួយយើង៖ Million Times

សម្ដេចព្រះសង្ឃរាជ ទេព វង្ស យាងចូលព្រះទិវង្គតនៅវេលាម៉ោង ៥៖៤0នាទីល្ងាច ថ្ងៃចន្ទ ២រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែកុម្ភៈ ឆ្នាំ២០២៤ ក្នុងព្រះជន្មាយុ ៩៣ព្រះវស្សា ដោយព្រះជរាពាធ។ ដើម្បីចូលរួមរំលែកទុក្ខដ៏ក្រៀមក្រំនេះនៅថ្ងៃកាន់ទុក្ខជាផ្លូវការជាលើកទី២ រដ្ឋាភិបាលកម្ពុជា រៀបចំព្រះរាជពិធីបុណ្យថ្វាយព្រះបរមសពសម្តេចព្រះមហាសង្ឃរាជ ឱ្យសមតាមប្រពៃណីជាតិ សក្តិសមនឹងព្រះកិត្តិយសរបស់សម្តេច នៅថ្ងៃទី៣ ខែមិថុនា គឺជាការកំណត់ថ្ងៃថ្វាយព្រះភ្លើងព្រះបរមសពសម្តេចនៅសួនមុខវត្តបុទុមវតី រាជធានីភ្នំពេញ។

សូមជម្រាបជូនថា អង្គការជំនួបកំពូលពុទ្ធសាសនា និងសន្និសីទកំពូលពុទ្ធសាសនាពិភពលោក ធ្លាប់បានថ្វាយព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ «ព្រះបរមរតនកោដ្ឋ» នូវគោរមងារកិត្តិយសជា «ព្រះបិតាដ៏ឧត្តុង្គឧត្តមបំផុតនៃពុទ្ធសាសនាពិភពលោក» និងបានថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នូវគោរមងារកិត្តិយសជា«ព្រះស្រីលោកធម្មិករាជ»។

ជាមួយគ្នានេះ អង្គការជំនួបកំពូលពុទ្ធសាសនាក៏បានដង្ហែនូវចំណែកនៃព្រះអដ្ឋិធាតុព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ «ព្រះបរមរតនកោដ្ឋ» យកទៅតម្កល់នៅមហាសាលរាជវាំងព្រះពុទ្ធសាសនា ដែលត្រូវបានកសាងឡើងឧទ្ទិសថ្វាយអង្គសម្ដេចឳព្រះបរមរតនកោដិ ហើយក៏នឹងគ្រោងនឹងដង្ហែនូវចំណែកនៃព្រះអដ្ឋិធាតុរបស់សម្ដេចព្រះមហាសង្ឃរាជ យកទៅប្រតិស្ឋាននៅមហាសាលរាជវាំងព្រះពុទ្ធសាសនា ដើម្បីធ្វើសក្ការបូជាផងដែរ៕

អត្ថបទ៖ សាង តេជៈ រូបភាព៖ ទីស្តីការគណៈរដ្ឋមន្រ្តី

second...

x

The post អង្គការកំពូលពុទ្ធសាសនាពិភពលោក ថ្វាយព្រះគោររមងារមច្ឆាមរណៈថ្វាយសម្ដេចសង្ឃរាជ ទេព វង្ស appeared first on Millions times.