វប្បធម៌ Archives - Millions times

Phoenix Voyages ប្តេជ្ញាជួយផ្សព្វផ្សាយទេសចរណ៍ និងវប្បធម៌កម្ពុជាទៅកាន់ពិភពលោក

Manuk Bee — Thu, 30 Jul 2026 08:37:33 +0000

ភ្នំពេញ៖ ក្រុមហ៊ុន Phoenix Voyages Group Limited បានប្តេជ្ញាបន្តសហការជាមួយក្រសួង និងស្ថាប័នពាក់ព័ន្ធ ដើម្បីលើកកម្ពស់ និងផ្សព្វផ្សាយវិស័យទេសចរណ៍ និងវប្បធម៌កម្ពុជាទៅកាន់ពិភពលោក ក្នុងគោលបំណងទាក់ទាញភ្ញៀវទេសចរអន្តរជាតិឱ្យមកទស្សនាកម្ពុជាកាន់តែច្រើន។

ការប្តេជ្ញានេះធ្វើឡើងក្នុងជំនួបរវាង សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោក Edouard GEORGE ប្រធានក្រុមហ៊ុន Phoenix Voyages Group Limited នៅវិមានសន្តិភាព នាព្រឹកថ្ងៃទី៣០ ខែកក្កដា ឆ្នាំ២០២៦។

ក្នុងឱកាសនោះ លោក Edouard GEORGE បានជម្រាបជូនសម្ដេចធិបតីអំពីគម្រោងរៀបចំព្រឹត្តិការណ៍រត់ប្រណាំងចម្ងាយឆ្ងាយឆ្លងកាត់ឧបសគ្គ «Angkor Ultra Trail» លើកទី១០ ដែលគ្រោងប្រព្រឹត្តទៅនៅខែមករា ឆ្នាំ២០២៧។ ព្រឹត្តិការណ៍នេះក៏នឹងក្លាយជាឱកាសអបអរសាទរខួប១០ឆ្នាំ នៃការរៀបចំ «Angkor Ultra Trail» នៅកម្ពុជាផងដែរ។

លោកបានថ្លែងអំណរគុណដល់រាជរដ្ឋាភិបាល និងក្រសួងស្ថាប័នពាក់ព័ន្ធ ដែលបានផ្តល់ការគាំទ្រយ៉ាងពេញទំហឹងដល់ការរៀបចំព្រឹត្តិការណ៍នេះនាពេលកន្លងមក។

លោកប្រធានក្រុមហ៊ុនក៏បានបង្ហាញពីគំនិតផ្តួចផ្តើមក្នុងការរៀបចំព្រឹត្តិការណ៍កីឡា និងព្រឹត្តិការណ៍ផ្សេងៗជាច្រើនទៀត ដើម្បីចូលរួមចំណែកអភិវឌ្ឍវិស័យទេសចរណ៍នៅកម្ពុជា ព្រមទាំងបានជម្រាបអំពីប្រតិបត្តិការអាជីវកម្ម និងផែនការបន្តពង្រីកការវិនិយោគរបស់ក្រុមហ៊ុននៅកម្ពុជាបន្ថែមទៀត។

ជាការឆ្លើយតប សម្ដេចធិបតីបានសម្ដែងការកោតសរសើរ និងវាយតម្លៃខ្ពស់ចំពោះការប្តេជ្ញារបស់ក្រុមហ៊ុន ក្នុងការចូលរួមអភិវឌ្ឍវិស័យទេសចរណ៍ និងផ្សព្វផ្សាយវប្បធម៌កម្ពុជាទៅកាន់ពិភពលោក តាមរយៈការរៀបចំព្រឹត្តិការណ៍ «Angkor Ultra Trail» ជាបន្តបន្ទាប់។

សម្ដេចធិបតីក៏បានថ្លែងអំណរគុណដល់ក្រុមហ៊ុនចំពោះទំនុកចិត្តខ្ពស់ក្នុងការវិនិយោគ និងផែនការពង្រីកប្រតិបត្តិការអាជីវកម្មនៅកម្ពុជា។

សម្ដេចធិបតីបានគូសបញ្ជាក់ថា រាជរដ្ឋាភិបាលបាននិងកំពុងដាក់ចេញនូវគោលនយោបាយ និងយន្តការជាច្រើន ដើម្បីលើកកម្ពស់វិស័យទេសចរណ៍នៅកម្ពុជា រួមមានការធានាសុខសុវត្ថិភាពជូនភ្ញៀវទេសចរ ការកាត់បន្ថយថ្លៃចំណាយក្នុងការធ្វើដំណើរ ការពង្រឹងគុណភាពសេវាកម្ម និងការបង្កើតព្រឹត្តិការណ៍កីឡា ពិព័រណ៍ និងសកម្មភាពផ្សេងៗ ដើម្បីបន្ថែមលើសក្តានុពលទេសចរណ៍ដែលមានស្រាប់ ដូចជាការទស្សនាប្រាសាទបុរាណ និងវប្បធម៌ជាដើម។

ជាចុងក្រោយ សម្ដេចធិបតីបានលើកទឹកចិត្តឱ្យក្រុមហ៊ុន Phoenix Voyages Group Limited បន្តសហការយ៉ាងជិតស្និទ្ធជាមួយក្រសួង និងស្ថាប័នពាក់ព័ន្ធ ដើម្បីរៀបចំព្រឹត្តិការណ៍ «Angkor Ultra Trail» ឱ្យទទួលបានជោគជ័យ និងបន្តរួមចំណែកដល់ការអភិវឌ្ឍវិស័យទេសចរណ៍នៅកម្ពុជាបន្ថែមទៀត៕

អត្ថបទ៖ ប៊ី

តាមដានជាមួយយើង៖ Million Times

The post Phoenix Voyages ប្តេជ្ញាជួយផ្សព្វផ្សាយទេសចរណ៍ និងវប្បធម៌កម្ពុជាទៅកាន់ពិភពលោក appeared first on Millions times.

លោកស្រី ម៉ៅ ចំណាន កែប្រែសមាគមសិល្បករខ្មែរត្រឹមជួយសិល្បករ មកជាស្ថាប័នផ្សព្វផ្សាយសិល្បៈវប្បធម៌នៅលើឆាកជាតិ និងអន្តរជាតិ

Vin Chang — Wed, 26 Feb 2025 15:57:59 +0000

អ្នកឧកញ៉ា ម៉ៅ ចំណាន បង្ហាញមោទនភាពដែលបានជំរុញសមាគមសិល្បករខ្មែរ ពីស្ថាប័នមួយដែលគ្រាន់តែអាចត្រឹមជួយសិល្បករចាស់ជរា និងអ្នកជួបការលំបាក មកជាស្ថាប័នតំណភ្ជាប់មួយដ៏ធំដែលជួយផ្សព្វផ្សាយពីសិល្បៈវប្បធម៌របស់ខ្មែរនៅលើឆាកជាតិ និងអន្តរជាតិ។

ក្នុងពិធីម្ពោធជាផ្លូវការការិយាល័យសមាគមសិល្បករខ្មែរ នារាត្រីថ្ងៃទី២៦ ខែកុម្ភៈនេះ លោកស្រី ម៉ៅ ចំណាន មានប្រសាសន៍ថា ចក្ខុវិស័យរបស់យើងពិតជាមានទំហំធំធេង ដែលបាន និងកំពុងរៀបចំកែប្រែសមាគមសិល្បករខ្មែរ ពីស្ថាប័នមួយដែលគ្រាន់តែអាចត្រឹមជួយសិល្បករចាស់ជរា និងអ្នកជួបការលំបាក មកជាស្ថាប័នតំណភ្ជាប់មួយដ៏ធំដែលអាចជួយផ្សព្វផ្សាយពីសិល្បៈវប្បធម៌របស់ខ្មែរឱ្យកាន់តែមានភាពទូលំទូលាយទាំងនៅលើឆាកជាតិ និងអន្តរជាតិ។

តាមដានជាមួយយើង៖ Million Times

លោកស្រីបានលើកឡើងថា សមាគមសិល្បករខ្មែរ កំពុងព្យាយាមសម្រេចឱ្យបាននូវឆន្ទៈ និងការប្តេជ្ញាចិត្តយ៉ាងមុតមាំបន្ថែមទៀតក្នុងការជួយជំរុញលើកស្ទួយ អភិរក្ស និងអភិវឌ្ឍវិស័យសិល្បៈវប្បធម៌ខ្មែរដ៏ល្អផូរផង់ ឱ្យកាន់តែមានកិត្យានុភាពបន្ថែមទៀតទាំងលើឆាកជាតិ និងអន្តរជាតិ។

ក្នុងឱកាសនេះ លោកស្រីបានថ្លែងថា ការជួបជុំប្រកបដោយអត្ថន័យ និងខ្លឹមសារ ដែលនេះជាសក្ខីភាពបញ្ជាក់ពីការបើកទំព័រថ្មីមួយទៀតរបស់សមាគមសិល្បករខ្មែរ ក្នុងការរៀបចំនូវមូលដ្ឋានគ្រឹះឱ្យកាន់តែរឹងមាំ ដើម្បីបន្តបេសកកម្មរបស់ខ្លួនឱ្យកាន់តែមានប្រសិទ្ធភាពខ្ពស់នាឆ្នាំ២០២៥ និងពេលអនាគត។

«ជាមួយគ្នានេះ យើងក៏កំពុងប្រែខ្លួនឱ្យក្លាយជាតួអង្គដ៏សំខាន់ ចូលរួមចំណែកយ៉ាងសកម្មជាមួយនឹងក្រសួងវប្បធម៌ និងវិចិត្រសិល្បៈ ក្នុងការអភិរក្ស ថែរក្សា និងអភិវឌ្ឍន៍វិស័យសិល្បៈ ពិសេសរួមចំណែកដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា»។ លោកស្រីបញ្ជាក់បន្ថែម។

លោកស្រីបន្តថា មកទល់នឹងពេលនេះ សមាគមសិល្បករខ្មែរ អាណត្តិទី៦ មានអាយុកាលជិត១០ខែហើយ ក្រោយពេលដែលលោកស្រីបានជាប់ជាប្រធានសមាគមកាលពីខែឧសភា ឆ្នាំ២០២៤។ ទន្ទឹមនេះ លោកស្រីគូសបញ្ជាក់ថា «ជាការពិតក្នុងរយៈពេលដ៏ខ្លីនេះ យើងបានរួមគ្នាបំពេញកិច្ចការងារជាច្រើន ទាំងកិច្ចការងារសប្បុរសធម៌ អភិរក្ស អភិវឌ្ឍក្នុងវិស័យសិល្បៈ និងចូលរួមកិច្ចការងារសង្គម»៕

អត្ថបទ៖ សាងតេជៈ រូបភាព៖ CNC

The post លោកស្រី ម៉ៅ ចំណាន កែប្រែសមាគមសិល្បករខ្មែរត្រឹមជួយសិល្បករ មកជាស្ថាប័នផ្សព្វផ្សាយសិល្បៈវប្បធម៌នៅលើឆាកជាតិ និងអន្តរជាតិ appeared first on Millions times.

វប្បធម៌ Archives - Millions times

Phoenix​ ​Voyages​ ​ប្តេជ្ញា​ជួយ​ផ្សព្វផ្សាយ​ទេសចរណ៍​ ​និង​វប្បធម៌​កម្ពុជា​ទៅកាន់​ពិភពលោក​

Phoenix Voyages ប្តេជ្ញាជួយផ្សព្វផ្សាយទេសចរណ៍ និងវប្បធម៌កម្ពុជាទៅកាន់ពិភពលោក