តាមដានជាមួយយើង៖ Million Times

កិច្ចប្រជុំកំពូលនេះ សហការ​រៀបចំ​ដោយ​សាធារណរដ្ឋ​បារាំង និង​សាធារណរដ្ឋ​សហព័ន្ធ​អាល្លឺម៉ង់ និងមានការអញ្ជើញចូលរួមពីប្រមុខរដ្ឋ ប្រមុខរដ្ឋាភិបាល រដ្ឋមន្ត្រីទទួលបន្ទុកវិស័យលំហអាកាស និង តំណាងប្រទេសជាង៩០ ព្រមទាំង តំណាងអង្គការអន្តរជាតិ និងវិស័យ ឯកជន សរុបជាង ២ ០០០ នាក់ ហើយ​ក៏​មាន​វត្តមាន​អាកាសយានិក លោក Thomas Pesquet ផង​ដែរ។

នេះជាកិច្ចប្រជុំកំពូលលើកទីមួយ ផ្នែកលំហអាកាស ដែលមានគោលបំណង ប្រមូល​ផ្ដុំ​បណ្ដា​ប្រទេស​ពាក់ព័ន្ធ ដើម្បី​ប្រកាស​រួមគ្នា ពី​ឧត្ដម​បំណង​នៃ​ការ​ប្រើប្រាស់លំហអាកាស សម្រាប់​គោលដៅ​សន្តិភាព និង​ប្រកប​ដោយ​ចីរភាពក្នុង បរិការណ៍នៃការប្រកួតប្រជែងក្នុងផ្នែក លំហ​អាកាស ដើម្បី​សេដ្ឋកិច្ច និងគោលដៅយុទ្ធសាស្ត្ររបស់បណ្ដាប្រទេសនានាលើពិភពលោក។ នៅក្នុងកិច្ចប្រជុំកំពូលនេះ កម្ពុជាក៏បានផ្តល់ការគាំទ្រ (Endorsement) ចំពោះសេចក្តីថ្លែងការណ៍ចំនួន ៣ ដែលផ្តួចផ្តើមដោយសាធារណរដ្ឋបារាំងផងដែរ។

លោក​រដ្ឋមន្ត្រី បានជួបសម្តែងការគួរសមដាច់ដោយឡែក ជាមួយលោក Philippe Baptiste រដ្ឋ​មន្ត្រី​ក្រសួង​ឧត្ដម​សិក្សា​ការ​ស្រាវជ្រាវ និង​លំហ​អាកាស​របស់​បារាំង។ ឯកឧត្ដមរដ្ឋមន្ត្រី និងឯកឧត្ដម Philippe Baptiste បានពិភាក្សាអំពីលទ្ធភាពក្នុងការសហការលើការងារបច្ចេកទេស ក៏​ដូចជា​ការ​បណ្ដុះបណ្ដាល​ធនធាន​មនុស្សលើជំនាញបច្ចេកវិទ្យាផ្កាយរណបនិងលំហអាកាសជាដើម ជាពិសេស ភាគី​បារាំង​បាន​ថ្លែងអំណរគុណភាគីកម្ពុជា ដែល​បាន​ផ្តល់​ការ​គាំទ្រ​លើសេចក្តីថ្លែងការណ៍ទាំង ៣។

គ្រា​នោះ រដ្ឋមន្ត្រី​ក្រសួង​ប្រៃសណីយ៍ និង​ទូរគមនាគមន៍​កម្ពុជា ជា វ៉ាន់ដេត មាន​ឱកាស​បាន​ជួប​ពិភាក្សា​ការងារ​ជាមួយ​លោកស្រី Éléonore Caroit រដ្ឋមន្ត្រី​ប្រតិភូ​ទទួល​បន្ទុក​កិច្ចការ​ហ្វ្រង់កូហ្វូនី ភាព​ជា​ដៃគូ​អន្តរជាតិ និង​ជន​ជាតិ​បារាំង​នៅ​បរទេស​ផង​ដែរ។ ចំណែកនៅក្នុងជំនួប ជាមួយ លោកជំទាវ​ Eléonore Caroit ភាគីទាំងពីរបានពិភាក្សាលម្អិតអំពីលទ្ធភាព ពង្រីកកិច្ចសហប្រតិបត្តិការកម្ពុជា-បារាំង លើផ្នែកបញ្ញាសិប្បនិម្មិត លំហអាកាស សន្តិសុខសាយប័រ បច្ចេកវិទ្យាកង់ទិច និង សឺមីកុងឌុចទ័រ។

គួរបញ្ជាក់ផងដែរថាលោករដ្ឋមន្ត្រី នឹងបន្តដឹកនាំគណៈប្រតិភូទៅធ្វើទស្សនកិច្ចការងារនៅស្ថាប័ន និងក្រុមហ៊ុន លំហអាកាសនៅទីក្រុងទូលូស ដែលជាបណ្ដុំលំហអាកាស ដ៏ធំនៅប្រទេសបារាំងនិង អឺរ៉ុប៕

អត្ថបទ៖ ឆដា, រូបភាព៖ ក្រសួងប្រៃសណីយ៍ និងទូរគមនាគមន៍

second...

x

The post រដ្ឋមន្ត្រីក្រសួងប្រៃសណីយ៍ តំណាងនាយករដ្ឋមន្ត្រីកម្ពុជា ចូលរួមក្នុងកិច្ចប្រជុំកំពូលអន្តរជាតិ ស្ដីពីលំហអាកាសនៅបារាំង appeared first on Millions times.

តាមដានជាមួយយើង៖ Million Times

កម្មវិធី​មង្គលការ​កូន​ស្រី រដ្ឋមន្ត្រី​ក្រសួង​ប្រៃសណីយ៍​និង​ទូរគមនាគមន៍ និង​កូន​ប្រុស រដ្ឋលេខាធិការ​ទី​ស្តី​ការ​គណៈរដ្ឋមន្ត្រី បាន​រៀបចំ​រយៈពេល ២​ថ្ងៃ តាំងពី​ថ្ងៃ ១០ និង​ថ្ងៃ ១១ ខែ​ឧសភា ឆ្នាំ ២០២៦ ដោយ​មាន​ការ​អញ្ជើញ​ចូលរួម​ពី​សំណាក់​ពី​ឥស្សរជន ថ្នាក់​ដឹកនាំ អ្នក​ឧកញ៉ា​ៗ ព្រម​ទាំង​ច្រើន​រូប។

វត្តមាន​ថ្នាក់​ដឹកនាំ​សំខាន់​ៗ​ ដូចជា​សម្ដេច​អគ្គ​មហា​សេនា​បតី​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន, សម្ដេច​វិបុល​សេនា​ភក្តី សាយ ឈុំ, សម្ដេច​ក្រឡា​ហោម ស ខេង សម្ដេច​កិត្តិសង្គហបណ្ឌិត ម៉ែន សំអន,សម្ដេច​បវរធិបតី ហ៊ុន ម៉ាណែត នាយក​រដ្ឋមន្ត្រី​កម្ពុជា, ឧបនាយករដ្ឋមន្ត្រី ស សុខា, ឧបនាយករដ្ឋមន្ត្រី នេត សាវឿន លោក​អ្នកឧកញ៉ា ភាព ហៀក អ្នកឧកញ៉ា លាង ម៉េង ឧកញ៉ា លី ឆេង ព្រម​ទាំង​ឯកឧត្តម លោក​ជំទាវ អ្នកមុខអ្នកការ និង​ភ្ញៀវកិត្តិយស​ជាច្រើន​រូប​ទៀត។

សម្រាប់​មង្គលការ​ដ៏​អស្ចារ្យ​នៃ​ត្រកូល​មន្រ្តី​រាជការ​ទាំង ២ បាន​រៀបចំ​ឡើង​យ៉ាង​អធិកអធម​នៅ​មជ្ឈមណ្ឌល OCIC ដែល​បាន​រៀបចំ​តុបតែង​ពណ៌​មាស​យ៉ាង​ភ្លឺចិញ្ចាច ស័ក្ដិសម​ឋានៈ តួនាទី​នៃ​វង្សត្រកូល​របស់​កូន​កំលោះ​កូន​ក្រមុំ៕

អត្ថបទ៖ឆដា, រូបភាព៖ The ring wedding cambodia

second...

x

The post មង្គលការគ្រួសារអ្នករាជការ ២ មានការចូលរួមពីសំណាក់​ថ្នាក់ដឹកនាំជាន់ខ្ពស់ ឥស្សរជន និងអ្នកជំនួញ appeared first on Millions times.

តាមដានជាមួយយើង៖ Million Times

លោក ជា វ៉ាន់ដេត បានបង្ហោះលើបណ្តាញសង្គម Facebook ឲ្យដឹងថា ក្នុងដំណើរបំពេញការងារនៅ Silicon Valley លោកបានឆ្លៀតពេលថតរូបនិងចូលរួមពិធីប្រគល់-ទទួលសញ្ញាបត្របរិញ្ញាប័ត្រជាន់ខ្ពស់ ( Master Degree ) នៃសាកលវិទ្យាល័យល្បីលំដាប់ពិភពលោក របស់និស្សិតជាធនធានមនុស្សឆ្នើមកម្ពុជា ២ រូប៖

១. កញ្ញា ជា អាំងជូឡា  ( Master Degree in Public Policy, Columbia University )

២. កញ្ញា សេង រ័ត្នសេដ្ឋាមុនី ( Master Degree in Education policy and analysis, Harvard University ) 

លោកបានសរសេរថា ក្រោមការដឹកនាំរបស់សម្តេច ហ៊ុន សែន និងបន្ទាប់មកសម្តេច ហ៊ុន ម៉ាណែត យុវជនកម្ពុជា ជាច្រើនមានលទ្ធភាពទទួលបានការសិក្សានៅសាកលវិទ្យាល័យល្បីៗនៅជុំវិញពិភពលោក។

កញ្ញា សេង រ័ត្នសេដ្ឋសមុនី អតីតសិស្សនិទ្ទេស A ឆ្នាំ២០១៨ ជានិស្សិតដែលបានបញ្ចប់ការសិក្សាថ្នាក់បរិញ្ញាបត្រពីសាកលវិទ្យាល័យ American University of Phnom Penh បានសរសេរលើបណ្តាញសង្គមរបស់ខ្លួនយ៉ាងដូច្នេះថា «ខ្ញុំពិតជាមានកិត្តិយស និងថ្លែងអំណរគុណយ៉ាងជ្រាលជ្រៅចំពោះ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍កម្ពុជា។ បើគ្មានការគាំទ្រឥតងាករេ និងដំបូន្មានដ៏មានតម្លៃរបស់គាត់ទេ ខ្ញុំនឹងមិនមានឱកាសបន្តការសិក្សារបស់ខ្ញុំនៅសាកលវិទ្យាល័យ Harvard Graduate School of Education នោះទេ។

កញ្ញាបានបន្តថា ដំណើរនេះមិនមែនរបស់ខ្ញុំតែម្នាក់ឯងនោះទេ គឺអាចធ្វើទៅបានតាមរយៈការលើកទឹកចិត្ត និងជំនឿរបស់អ្នកណែនាំ និងថ្នាក់ដឹកនាំដូចជា សម្តេច ហ៊ុន ម៉ាណែត នាយករដ្ឋមន្ត្រី និងឯកឧត្តម ជា វ៉ាន់ដេត ដែលបំផុសយុវជនកម្ពុជាឱ្យឈានទៅឆ្លងព្រំដែន និងប្រគល់ជូនជាតិយើងវិញប្រកបដោយចំណេះដឹង និងគោលបំណង។

កញ្ញា សេង រ័ត្នសេដ្ឋសមុនី បានបញ្ជាក់ថា ក្នុងរូបថតនេះ ខ្ញុំទទួលបានសិទ្ធិឈរក្បែរ ឯកឧត្តម ជា វ៉ាន់ដេត និងលោក ឆែ កែវ ឯកអគ្គរដ្ឋទូត និងជាតំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ។ ខ្ញុំមានការបន្ទាបខ្លួនចំពោះការណែនាំ និងការយកចិត្តទុកដាក់របស់ពួកគេក្នុងការផ្តល់អំណាចដល់អ្នកដឹកនាំជំនាន់ក្រោយរបស់កម្ពុជា»៕

អត្ថបទ៖ ចរណៃ រូបភាព៖ ផេកលោក ជា វ៉ាន់ដេត និងកញ្ញា សេង រ័ត្នសេដ្ឋសមុនី

second...

x

The post ស្រ្តីវ័យក្មេង ២រូបរបស់កម្ពុជា បញ្ចប់ការសិក្សាថ្នាក់បរិញ្ញាប័ត្រជាន់ខ្ពស់ ពីសកលវិទ្យាល័យ Columbia និង Harvard  appeared first on Millions times.

លោក ជា វ៉ាន់ដេត រដ្ឋមន្រ្តីក្រសួងប្រៃសណីយ៍ និងទូរគមនាគមន៍ ក្នុងពេលជួបជាមួយក្រុមហ៊ុន ផ្តល់សេវាអ៊ីនធឺណិតនៅកម្ពុជា (ISP) សរុបប្រមាណ ១១០នាក់ កាលព្រឹកថ្ងៃទី២៧ ខែមីនា បានប្រាប់បញ្ហាប្រឈមនានា ដែលក្រសួងបានទទួលតាមរយៈការចុះសិក្សា និងប្រមូលព័ត៌មានផ្ទាល់ និងសារពីប្រជាពលរដ្ឋពាក់ព័ន្ធ នឹងការផ្តល់សេវាទូរសព្ទ និងសេវាអ៊ីនធឺណិត។

តាមដានជាមួយយើង៖ Million Times

ឆ្លើយតបនឹងបញ្ហានេះ លោកបានលើកទឹកចិត្តឱ្យប្រតិបត្តិករផ្តល់សេវាអ៊ីនធឺណិត ផ្តល់សេវាជូនប្រជាពលរដ្ឋ ប្រកបដោយតម្លាភាព និងប្រកួតប្រជែងដោយស្មោះត្រង់ ព្រមទាំងប្រាប់ឱ្យបានច្បាស់អំពីសេវាកម្មរបស់ខ្លួន ដើម្បីជៀសវាងការភាន់ច្រឡំ ជាយថាហេតុ។

សូមជម្រាបថា កន្លងមកក្រុមការងារលើកម្ពស់គុណភាពសេវាទូរគមនាគមន៍ នៃក្រសួងប្រៃសណីយ៍ បានចុះសិក្សា និងប្រមូលព័ត៌មានលម្អិត ពាក់ព័ន្ធនឹងគុណភាព សេវាទូរគមនាគមន៍ (សេវាទូរសព្ទ និងសេវាអ៊ីនធឺណិត) ក្នុងភូមិសាស្រ្តរាជធានីខេត្តទូទាំងប្រទេស ដើម្បីធ្វើការកែលម្អ ពង្រឹង និងពង្រីកគុណភាពសេវាទូរគមនាគមន៍ ជូនប្រជាពលរដ្ឋឱ្យកាន់តែប្រសើរឡើងបន្ថែមទៀត៕

អត្ថបទ៖ ពិសិដ្ឋ រូបភាព៖ ក្រសួងប្រៃសណីយ៍

second...

x

The post លោក ជា វ៉ាន់ដេត ប្រាប់ក្រុមហ៊ុនផ្តល់សេវាអ៊ីនធឺណិត ប្រកបដោយតម្លាភាព និងប្រកួតប្រជែងដោយស្មោះត្រង់ appeared first on Millions times.

ការណែនាំនេះ ធ្វើឡើងក្នុងដឹកនាំកិច្ចប្រជុំពិនិត្យលើវឌ្ឍនភាពការងារ របស់ក្រុមការងារលើកកម្ពស់គុណភាពសេវាទូរគមនាគមន៍ក្នុងរាជធានីភ្នំពេញទាំង​ ៩ក្រុម នៅតាមបុរី និងខណ្ឌទាំង ១៤ កាលពីថ្ងៃទី ៧ ខែឧសភា ឆ្នាំ ២០២៤។

ក្នុងកិច្ចប្រជុំនេះ លោករដ្ឋមន្ត្រី ជា វ៉ាន់ដេត បានណែនាំដល់ក្រុមការងារបន្តពង្រឹងគុណភាពសេវាក្នុងរាជធានីភ្នំពេញ ដោយបញ្ចប់កិច្ចសន្យាផ្តល់សិទ្ធិផ្តាច់មុខដល់ប្រតិបត្តិករណាមួយ ក្នុងការផ្គត់ផ្គង់សេវាអ៊ីនធឺណិត និងស្នើសុំកិច្ចសហការពីម្ចាស់បុរី​ និងទីតាំងអគារខ្ពស់ៗ​ ក្នុងការជំរុញគុណភាពសេវា។

ប​ន្ថែមលើនេះ លោកក៏បានណែនាំឲ្យក្រុមការងារទទួលបន្ទុកតាមតំបន់នីមួយៗ ក្នុងរាជធានីភ្នំពេញ ត្រូវបន្តសម្របសម្រួលការចុះសម្ភាសន៍តាមតំបន់ ក្នុងការសិក្សាស្វែងយល់អំពីស្ថានភាព និងកត្តាកំពុងប្រឈមនានា ជុំវិញការប្រើប្រាស់សេវាទូរសព្ទ និងអ៊ីនធឺណិត ដើម្បីជាធាតុចូលក្នុងការរៀបចំជាដំណោះស្រាយ ឲ្យបានទាន់ពេលវេលា ផងដែរ។

គិតមកដល់ថ្ងៃទី ៧ ខែឧសភា ឆ្នាំ ២០២៤ ក្រុមការងារលើកកម្ពស់គុណភាពសេវាទូរគមនាគមន៍នៅតាមបុរី បានសាង់សង់ “បង្គោលអង់តែនរួម” ៧៤បង្គោល ដែល “បង្គោលអង់តែនរួម” នីមួយៗ អាចបំពាក់បានស្ថានីយ៍អង់តែនរបស់ប្រតិបត្តិករចំនួន ៣ក្រុមហ៊ុន។ ស្ថានីយអង់តែនចំនួន ១៥៧ បានដាក់ឲ្យដំណើរការ ដោយក្នុងនោះក្រុមហ៊ុន Cellcard ចំនួន ៣៧ ស្ថានីយ, ក្រុមហ៊ុន Metfone ចំនួន ៥៨ ស្ថានីយ, និងក្រុមហ៊ុន Smart ចំនួន ៦២ ស្ថានីយ ដែលប្រតិបត្តិករបានបំពាក់ស្ថានីយអង់តែន តាមការបានគ្រោងទុក។

ចំណែកខណ្ឌទាំង ១៤ ក្នុងរាជធានីភ្នំពេញ បានសាងសង់បន្ថែម “បង្គោលអង់តែនរួម” ២៩៨ បង្គោល ដែលស្ថានីយអង់តែនចំនួន ៣២០ បានដាក់ឲ្យដំណើរការ ដោយក្នុងនោះក្រុមហ៊ុន Cellcard ចំនួន ២៥ ស្ថានីយ, ក្រុមហ៊ុន Metfone ចំនួន ១០៣ ស្ថានីយ, និងក្រុមហ៊ុន Smart ចំនួន ១៩២ ស្ថានីយ។ ប្រតិបត្តិករ នឹងបន្តបំពាក់ស្ថានីយអង់តែនបន្តទៀត រហូតគ្រប់ចំនួនតាមការគ្រោងទុក។

បញ្ជាក់ដែរថា បច្ចុប្បន្ន លោករដ្ឋមន្ត្រី ជា វ៉ាន់ដេត បានបន្ថែមសមាសភាពក្រុមការងារប្រតិបត្តិរហូតដល់ ៩ក្រុម ដើម្បីជួយពន្លឿនក្នុងការលើកកម្ពស់គុណភាពសេវាទូរគមនាគមន៍ នៅរាជធានីភ្នំពេញកាន់តែប្រសើរឡើង និងជំរុញការអនុវត្តផែនការសកម្មភាពលើកកម្ពស់គុណភាពសេវាទូរគមនាគមន៍ នៅក្នុងបុរី អគារ ខុនដូ-អាផាតមិន អគារខ្ពស់ អគារពាណិជ្ជកម្ម ផ្សារទំនើប និងទីតាំងផ្សេងទៀតតាមការចាំបាច់ នៅគ្រប់ខណ្ឌក្នុងរាជធានីភ្នំពេញ៕

អត្ថបទ៖​ វីរៈ រូបភាព៖ ហ្វេសប៊ុកក្រសួងប្រៃសណីយ៍

តាមដានជាមួយយើង៖ Million Times

second...

x

The post លោក ជា វ៉ាន់ដេត ណែនាំមន្ត្រីបន្តចុះសម្ភាសន៍ពលរដ្ឋនៅភ្នំពេញ សិក្សាពីបញ្ហាប្រឈមជុំវិញការប្រើប្រាស់សេវាទូរស័ព្ទ និងអ៊ីនធឺណិត appeared first on Millions times.