តាមដានជាមួយយើង៖ Million Times

លោក ផន រឹម លើបណ្តាញសង្គមផ្ទាល់ខ្លួនបានលើកឡើងថា ដើម្បីប្រសិទ្ធភាពការកាន់តែប្រសើរឡើង ក្រុមការងារបច្ចេកទេស នៃក្រសួងសាធារណការ និងដឹកជញ្ជូន បានបន្តបណ្តុះបណ្ដាលការប្រើប្រាស់ឧបករណ៍បច្ចេកទេស DGPS និង Drone ទំនើប ជំនាន់ចុងក្រោយបង្អស់ ដែលទើបបំពាក់បន្ថែម ដល់ក្រុមការងារដើម្បីត្រៀមចុះបេសកកម្មប្រមូលទិន្នន័យ ផ្ទៀងផ្ទាត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោសម្រាប់កំណាត់ទី២។

លោកបន្តថា ដំណើរការផ្ទៀងផ្ទាត់និយាមកា និងបោះបង្គោលព្រំដី នៃគម្រោងព្រែកជីកហ្វូណនតេជោកំណាត់ទី២ដែលមានប្រវែង១៥៩គីឡូម៉ែត្រ ឆ្លងកាត់ខេត្តកណ្តាល តាកែវ កំពត និងកែប ក្រសួងសាធារណការ និងដឹកជញ្ជូនគ្រោងបញ្ចប់ការងារនេះក្នុងកំឡុងខែមេសា ឆ្នាំ២០២៥ខាងមុខ។

បើតាមការបញ្ជាក់ពីអ្នកនាំពាក្យលោក ផន រឹម ពេលក្រុមការងារទៅដល់កន្លែងណានោះនៃដំណើរការចុះផ្ទៀងផ្ទាត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ អាជ្ញាធរមូលដ្ឋាន និងប្រជាពលរដ្ឋ តែងបានសហការល្អជាមួយក្រុមការងារបច្ចេកទេស និងប្រឹងប្រែងសហការគ្នាអនុវត្តការងារឱ្យបានរលូន និងជួយយកអាស្រ័យគ្នាយ៉ាងល្អប្រសើរ ដែលបង្ហាញអំពីទឹកចិត្តគាំទ្រយ៉ាងពេញទំហឹងលើការអនុវត្តគម្រោងព្រែកជីកហ្វូណនតេជោ។

គម្រោងព្រែកជីកហ្វូណន​តេជោ ត្រូវបានបើកការដ្ឋានសាងសង់នៅថ្ងៃទី៥ ខែសីហា ឆ្នាំ២០២៤ ក្រោមផែនការធ្វើឱ្យប្រសើរឡើង និងលើកកម្ពស់ការតភ្ជាប់បៃតងតាមកំពង់ផែទឹកសាបទៅកាន់កំពង់ផែសមុទ្រនៅកម្ពុជា និងការតភ្ជាប់ជាមួយតំបន់អាស៊ានជាដើម។

គម្រោងព្រែកជីកហ្វូណនតេជោ មានជម្រៅទឹក៥,៤ម៉ែត្រ ដែលតភ្ជាប់ផ្លូវទឹកទន្លេទៅកាន់សមុទ្រដោយឆ្លងកាត់ខេត្តកណ្តាល តាកែវ កំពត និងខេត្តកែប មានប្រវែងប្រមាណ ១៨០គីឡូម៉ែត្រ នឹងគ្រោងចំណាយថវិកាប្រមាណ១,៧០០លានដុល្លារ៕

អត្ថបទ៖ ផល កុសល រូបភាព៖ ផេកហ្វេសប៊ុកលោក ផន រឹម

second...

x

The post ខែមេសា គ្រោងបញ្ចប់ការផ្ទៀងផ្ទាត់និយាមកា និងបោះបង្គោលព្រំដីនៃគម្រោងព្រែកជីកហ្វូណនតេជោ appeared first on Millions times.

តាមដានជាមួយយើង៖ Million Times

លោកថា ការងារផ្លូវថ្នល់, ការងារស្ពាន, ការងារស្ពានខ្ពស់ជាងគេប្រវែង៥៣០ម៉ែត្រសម្រេចបាន៩៣%(គ្រោងដាក់ឱ្យប្រើប្រាស់សាកល្បងនៅចុងខែមីនា ឆ្នាំ២០២៥ខាងមុខ),ការងារលូកាត់ទទឹងថ្នល់ និងការងារលូបណ្តោយថ្នល់ និងជញ្ជាំងការពារជើងទេ។

លោកឲ្យដឹងថា នាពេលបច្ចុប្បន្ននេះផ្លូវជាតិលេខ១០ ប្រជាពលរដ្ឋអាចធ្វើដំណើរបានដោយរលូន តែត្រូវមានការប្រុងប្រយ័ត្ន ដោយសារកំណាត់ផ្លូវខ្លះនៅជាក្រួសក្រហម មានសភាពហុយ ពិបាកក្នុងការមើលផ្លូវ ។

គួរបញ្ជាក់ថា ផ្លូវជាតិលេខ១០នេះ ជាប្រភេទផ្លូវ Grade III ក្រាលកៅស៊ូពីរស្រទាប់ (DBST) មានប្រវែងផ្លូវសរុប១៩៨,៥១៨គីឡូម៉ែត្រ និងទទឹង ៩ម៉ែត្រ។ គម្រោងសាងសង់ផ្លូវនេះមានរយៈពេល ៦៦ខែ និងបានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩ មក ហើយគ្រោងនឹងបញ្ចប់នាខែមិថុនា ឆ្នាំ២០២៥ខាងមុខនេះ៕

អត្ថបទ៖ សាងតេជៈ រូបភាព៖ ផេកលោក ផន រឹម

second...

x

The post អ្នកនាំពាក្យ៖ គម្រោងស្ថាបនាផ្លូវជាតិលេខ ១០សម្រេចបាន ៩៦,១៦% ខណៈស្ពានខ្ពស់ជាងគេសម្រេចបាន៩៣ % appeared first on Millions times.

លើបណ្តាញសង្គមផ្ទាល់ខ្លួនលោក ផន រឹម អ្នកនាំពាក្យក្រសួងសាធារណការបង្ហាញរូបភាពជាច្រើនសន្លឹកពីការដ្ឋានសាងសង់ស្ពានដីឥដ្ឋ-ថ្មគរ ក្នុងនោះលោកបង្ហោះរូបសំណង់ស្ពានដែកបណ្តោះអាសន្នកំពុងលយចូលទន្លេជំនួសឱ្យការប្រើប្រាស់សាឡង់ ដែលបង្កើតឡើងសម្រាប់ដំណើរការខួងចាក់គ្រឹះសាងសង់ស្ពានដីឥដ្ឋ-ថ្មគរ​។

តាមដានជាមួយយើង៖ Million Times

លោកបញ្ជាក់ថា មកទល់ពេលនេះ ការដ្ឋានសាងសង់ស្ពានដីឥដ្ឋ-ថ្មគរ កំពុងដំណើរការយ៉ាងមមាញឹក រួមទាំងការងាររណបមួយចំនួនទៀត ដើម្បីធានាការសាងសង់តាមផែនការដែលបានគ្រោងទុក។

គួរឲ្យដឹងថា ស្ពានដីឥដ្ឋ-ថ្មគរ ស្ថិតក្នុងឃុំដីឥដ្ឋ ស្រុកកៀនស្វាយ និងឃុំថ្មគរ ស្រុកល្វាឯម ខេត្តកណ្តាល គឺជាគម្រោងដ៏សំខាន់ និងមានអត្ថន័យបំផុត សម្រាប់ការតភ្ជាប់ សេដ្ឋកិច្ច ការដឹកជញ្ជូន និងសង្គម ពីភាគខាងត្បូង និងខាងកើត រាជធានីភ្នំពេញ ដោយភ្ជាប់មហាវិថី ស៊ី ជីនពីង (ក្រវាត់ក្រុងទី៣)ត្រង់ចំណុចផ្លូវជាតលេខ១ និងត្រើយខាងកើតភ្ជាប់ទៅផ្លូវល្បឿនលឿនភ្នំពេញ-បាវិត។

ស្ពានដីឥដ្ឋ-ថ្មគរ ជាប្រភេទស្ពានបេតុងប្រវែង ១.៦០០ម៉ែត្រ,ទទឹង ២៦ម៉ែត្រ និងផ្លូវតភ្ជាប់ទាំងសងខាងពីក្បាលស្ពានប្រវែង ២.១០០ម៉ែត្រ,ទទឹង២៦ម៉ែត្រ ក្រាលAC កម្រាស់១០សង់ទីម៉ែត្រ រួមទាំងការសាងសង់ផ្លូវប្តូរទិសចរាចរណ៍(Interchange)ចំនួន១កន្លែង និងផ្លូវក្រោមស្ពាន(Underpass)ចំនួន ២កន្លែង គ្រោងចំណាយថវិកាសរុបប្រមាណ ២៣២,៥៨លានដុល្លារអាម៉េរិក៕

អត្ថបទ៖ សាងតេជេៈ រូបភាព៖ ហ្វេសប៊ុកលោក ផន រឹម

second...

x

The post លោក ផន រឹម៖ ការដ្ឋានសាងសង់ស្ពានដីឥដ្ឋ-ថ្មគរ កំពុងដំណើរការយ៉ាងមមាញឹក appeared first on Millions times.

លោក ផន រឹម អ្នកនាំពាក្យក្រសួងសាធារណការ និងដឹកជញ្ជូនបានឲ្យដឹងថា គម្រោងស្ថាបនាផ្លូវជាតិលេខ១០ តភ្ជាប់ពីខេត្តចំនួន៣ខេត្ត គឺខេត្តបាត់ដំបង-ពោធិ៍សាត់ និងកោះកុង មានប្រវែងសរុប ១៩៨,៥១៨ គីឡូម៉ែត្រ សម្រេចការសាងសង់បាន៨៣,៣៦% នៃគម្រោងទាំងមូល គិតត្រឹមបំណាចខែឧសភា ឆ្នាំ២០២៤។

តាមដានជាមួយយើង៖ Million Times

លោកបន្តថា ការងារផ្លូវថ្នល់សម្រេចបាន ៨៧.៣១%, ការងារស្ពានសម្រេចបាន ៩១,១៨%, ការងារស្ពានខ្ពស់ជាងគេប្រវែង៥៣០ម៉ែត្រសម្រេចបាន ៤១,៥០% (គ្រោងដាក់ឱ្យប្រើប្រាស់សាកល្បងនៅចុងខែមីនា ឆ្នាំ២០២៥ខាងមុខ),ការងារលូកាត់ទទឹងថ្នល់សម្រេចបាន ៩៩.៨២% និងការងារលូបណ្តោយថ្នល់ និងជញ្ជាំងការពារជើងទេរអនុវត្តបាន ៨៩,៨៤%។

បើតាមលោក ផន រឹម គម្រោងស្ថាបនាផ្លូវជាតិលេខ១០នេះ ជាប្រភេទផ្លូវក្រាលកៅស៊ូពីរស្រទាប់ (DBST) ការសាងសង់មានរយៈពេល ៦៦ខែ និងបានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩​ គ្រោងនឹងបញ្ចបការសាងសង់នាខែមិថុនា ឆ្នាំ២០២៥ខាងមុខនេះ៕

អត្ថបទ៖ ផល កុសល រូបភាព៖ ហ្វេសប៊ុកលោក ផន​ រឹម

second...

x

The post ពេលដ៏ខ្លីខាងមុខលែងពិបាករអិលទៀតហើយផ្លូវជាតិលេខជាតិ១០ឆ្លងកាត់ភ្នំសម្រេចសាងសង់បានប្រមាណ ៨៣% appeared first on Millions times.

លោកបន្តថា ការធ្វើចរាចរណ៍លើកំណាត់ផ្លូវដែលមានខូចខាតនេះមានសភាពមមាញឹកជាធម្មតា(ព្រះសីហនុ-កំពត)ទាំងរថយន្តតូច រថយន្តធំ និងទោចក្រយានយន្តគ្រប់ប្រភេទក្នុងរង្វង់ថេរវេលាជាង ២០-៣០នាទីលើចម្ងាយផ្លូវជាង ២០គីឡូម៉ែត្រ។

តាមដានជាមួយយើង៖ Million Times

លោក ផន រឹម បានលើកឡើងថា រដ្ឋមន្ត្រីក្រសួងសាធារណការ និងដឹកជញ្ជូន តែងបានយកចិត្តទុកដាក់ខ្ពស់ និងបានចង្អុលបង្ហាញដល់មន្ទីរសាធារណការ និងដឹងជញ្ជូនខេត្តព្រះសីហនុ បន្តជួសជុលថែទាំខួបក្នុងឆ្នាំ២០២៤នេះ មុននឹងឈានទៅដល់ការអនុវត្តការងារសាងសង់ជាក់ស្តែងឱ្យស្របទៅតាមបទដ្ឋានបច្ចេកទេសខ្ពស់នាពេលខាងមុខ។

ទន្ទឹមនឹងនេះដែរ អ្នកនាំពាក្យរូបនេះ ក៏បានអំពាវនាវប្រជាពលរដ្ឋធ្វើដំណើរប្រកដោយសុខសុវត្ថិភាព និងសូមមេត្តាយោគយល់ អធ្យាស្រ័យ ករណីមានការរំខានក្នុងអំឡុងពេលការងារជួសជុលជាប្រចាំនេះផងដែរ៕

អត្ថបទ៖ ផល កុសល រូបភាព៖ ផ្តល់ឲ្យ

second...

x

The post អ្នកនាំពាក្យ៖ ផ្លូវត្រពាំងរពៅ-វាលរេញ រថយន្តធុនតូចធ្វើដំណើរបាន appeared first on Millions times.

ពាក់ព័ន្ធនឹងការកម្មង់រថភ្លើងល្បឿនលឿនរបស់អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប បម្រើឲ្យវិស័យដឹកជញ្ជូនតាមផ្លូវដេក មន្រ្តីក្រសួងសាធារណការ និងដឹកជញ្ជូន បានបង្ហាញនូវទស្សនៈឃើញថា នេះជាមោទកភាពកម្ពុជាដែលជាការវិយោគផ្ទាល់របស់ក្រុមហ៊ុន រ៉ូយ៉ាល់ រេលវេ ខេមបូឌា។

តាមដានជាមួយយើង៖ Million Times

លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន នៅលើបណ្តាញសង្គមហ្វេសប៊ុកបាននិយាយថា «យើងមានសុទិដ្ឋិនិយមចំពោះគម្រោងធ្វើឲ្យប្រសើរឡើងនៃវិស័យដឹកជញ្ជូនផ្លូវដែករបស់កម្ពុជាទាំងកម្រិតសុវត្ថិភាព ល្បឿន និងប្រសិទ្ធភាព នៃការដឹកជញ្ជូន ដែលមានតម្លៃថោក ដើម្បីប្រកួតប្រជែងលើវិស័យឡូជីស្ទីក។

បើតាមអ្នកនាំពាក្យរូបនេះ រថភ្លើងប្រភេទ DMU (Diesel Multiple Unit) ចំនួន១១ គ្រឿងដែលក្រុមហ៊ុនRRC បានទិញពីប្រទេសជប៉ុនជាប្រភេទរថភ្លើងដែលអាចដំណើរការដោយខ្លួនឯង ដោយមិនចាំបាច់ប្រើក្បាលម៉ាស៊ីនរថភ្លើងសម្រាប់អូសទាញទូររថភ្លើង។

ទំនងជាការឆ្លើយតបទៅអ្នកលេងបណ្តាញសង្គមលើកឡើងថា រថភ្លើងដែលអ្នកឧកញ៉ា គិត ម៉េង បញ្ជាទិញមានអាយុកាលច្រើនឆ្នាំហើយជារថភ្លើងដែលប្រទេសជប៉ុនដាក់ឲ្យចូលនិវត្តន៍ឈប់ដំណើរការ ហើយទិញយកមកប្រើប្រាស់នៅកម្ពុជា លោក ផន រឹម បានបញ្ជាក់ថា លក្ខខណ្ឌ នៃការប្រើប្រាស់ នឹងត្រូវធ្វើឡើងឲ្យស្របទៅនឹងបរិបថផ្លូវដែកនៅកម្ពុជា៕

អត្ថបទ៖ ផល កុសល

second...

x

The post អ្នកនាំពាក្យ៖ លក្ខខណ្ឌនៃការប្រើប្រាស់រថភ្លើងល្បឿនលឿនអ្នកឧកញ៉ា គិត ម៉េង បញ្ជាទិញនឹងត្រូវធ្វើឡើងឲ្យស្របទៅនឹងបរិបថផ្លូវដែកនៅកម្ពុជា appeared first on Millions times.