តាមដានជាមួយយើង៖ Million Times

ក្រសួងការបរទេសវៀតណាមបានឲ្យដឹងថា ដំណើរទស្សនកិច្ចរបស់លោក To Lam ធ្វើឡើងតាមការអញ្ជើញពីប្រធានាធិបតីឥណ្ឌូណេស៊ី លោក Prabowo Subianto អគ្គលេខាធិការអាស៊ាន លោក កៅ គឹមហួន និងនាយករដ្ឋមន្ត្រីសិង្ហបុរី លោក Lawrence Wong។

ក្នុងដំណើរទស្សនកិច្ចទៅកាន់ប្រទេសទាំង២ខាងលើ វៀតណាមរំពឹងថា នឹងទទួលបានផ្លែផ្កាខ្ពស់ ដូចជា ការរឹតបន្តឹងទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ រវាងវៀតណាម និងសិង្ហបុរី ក៏ដូចជាជំរុញការធ្វើពាណិជ្ជកម្មនៅក្នុងតំបន់ជាដើម។

សូមជម្រាបដែរថា ឥណ្ឌូណេស៊ីគឺជាដៃគូពាណិជ្ជកម្មធំបំផុតទី២ របស់វៀតណាមនៅក្នុងតំបន់អាស៊ាន ដោយកាលពីឆ្នាំ២០២៤ សម្រេចបានពាណិជ្ជកម្មទ្វេភាគី ១៦,៧ពាន់លានដុល្លារ ស្របពេលសិង្ហបុរី គឺជាដៃគូពាណិជ្ជកម្មធំបំផុតទី៤ ក្នុងតំបន់ ដោយសម្រេចបានទំហំពាណិជ្ជកម្មទ្វេភាគីជាង ១០ពាន់លានដុល្លារ កាលពីឆ្នាំមុន៕

អត្ថបទ៖ Luffy រូបភាព៖ VNExpress

second...

x

The post អគ្គលេខាបក្សកុម្មុយនិស្តវៀតណាម ត្រៀមបំពេញទស្សនកិច្ចនៅឥណ្ឌូណេស៊ី និងសិង្ហបុរី នាសប្ដាហ៍ក្រោយ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន VNA បានឲ្យដឹងថា ធនាគារមាសនេះត្រូវបានបង្កើតឡើង ក្នុងគោលបំណងជំរុញកំណើនទុនបម្រុងមាសក្នុងស្រុក ចំពេលរដ្ឋាភិបាលកំពុងអភិវឌ្ឍន៍បន្ថែម ក្នុងវិស័យផលិតមាសឲ្យកាន់តែច្រើនជាងមុន ក្រៅពីមធ្យោបាយជីករ៉ែថែមទៀត។

ឥណ្ឌូណេស៊ី គឺជាប្រទេសមួយសំបូរដោយធនធានរ៉ែមាសធំបំផុតលើពិភពលោក ប៉ុន្តែលោក Prabowo អះអាងថា រ៉ែមាសនៅទីនោះភាគច្រើន កំពុងស្ថិតក្រោមការគ្រប់គ្រងពីបរទេស។ ទិន្នន័យផលិតមាសរបស់ឥណ្ឌូណេស៊ី បានកើនឡើងពី ១០០តោន រហូតដល់ ១៦០តោននាពេលបច្ចុប្បន្ន។

បច្ចុប្បន្នធនាគារមាសចំនួន២ របស់ឥណ្ឌូណេស៊ីគឺ ធនាគារ Bank Rakyat Indonesia BBRI.JK និង ធនាគារ Bank Syariah Indonesia។ អាជ្ញាធរក៏បានបញ្ជាក់ដែរថា គ្រប់អ្នករកស៊ីក្នុងវិស័យធនាគារទាំងអស់ មានសិទ្ធក្នុងការស្នើសុំក្លាយជាធនាគារមាស បើសិនជាក្រុមហ៊ុនរបស់ពួកគេ មានទុនបម្រុងយ៉ាងតិច ៨៥០លានដុល្លារ៕

អត្ថបទ៖ Luffy រូបភាព៖ Bloomberg

second...

x

The post ប្រធានាធិបតីឥណ្ឌូណេស៊ី សម្ពោធធនាគារសន្សំមាសដំបូងបំផុតនៅក្នុងប្រទេស appeared first on Millions times.

តាមដានជាមួយយើង៖ Million Times

សារព័ត៌មាន Bloomberg បានរាយការណ៍ថា ភាគីទាំងសងខាងត្រៀមជួបគ្នាចុះហត្ថលេខាលើកិច្ចព្រមព្រៀង ដកការហាមឃាត់ការលក់ iPhone 16 នៅក្នុងសប្ដាហ៍នេះ។

គួររំលឹកបន្តិចថា ឥណ្ឌូណេស៊ីបានប្រកាសហាមឃាត់ការលក់ទូរស័ព្ទ iPhone 16 តាំងពីខែតុលា ក្រោយអះអាងថា Apple បានល្មើសច្បាប់ពាណិជ្ជកម្មក្នុងស្រុក ដែលតម្រូវឲ្យក្រុមហ៊ុនបរទេស ត្រូវប្រើប្រាស់វត្ថុធាតុដើមក្នុងស្រុកយ៉ាងតិច ៣៥% មុនពេលដាក់លក់ផលិតផលរបស់ខ្លួននៅក្នុងប្រទេសមួយនេះ។

ចាប់តាំងពីពេលនោះក្រុមហ៊ុន Apple បានព្យាយាមចរចាជាមួយរដ្ឋាភិបាល ដោយដាក់សំណើវិនិយោគនៅឥណ្ឌូណេស៊ី ១ពាន់លានដុល្លារ សាងសង់រោងចក្រផលិតគ្រឿងបង្គុំ សម្រាប់ផលិតផលរបស់ខ្លួន និងប្ដេជ្ញាបង្កើតមជ្ឈមណ្ឌលហ្វឹកហ្វឺនប្រជាជនឥណ្ឌូណេស៊ី ក្នុងការស្រាវជ្រាវ និងអភិវឌ្ឍន៍ចំពោះផលិតផលរបស់ពួកគេថែមទៀត៕

អត្ថបទ៖ Luffy រូបភាព៖ AFP

second...

x

The post ទីបំផុតឥណ្ឌូណេស៊ី និង Apple ឈានដល់កិច្ចព្រមព្រៀងលុបចោលការហាមឃាត់លក់ទូរស័ព្ទ iPhone 16 appeared first on Millions times.

តាមដានជាមួយយើង៖ Million Times

ប្រភពដដែលបានអះអាងថា ដំណើរទស្សនកិច្ចរបស់លោក Shoigu នឹងផ្ដោតសំខាន់លើកិច្ចពិភាក្សាបញ្ហាសន្តិសុខ និងការពារជាតិ ខណៈបេសកកម្មរបស់លោក នឹងបន្តរហូតដល់ថ្ងៃទី២៨ ខែកុម្ភៈ។

គួររំលឹកបន្តិចថា ឥណ្ឌូណេស៊ី និងម៉ាឡេស៊ី សុទ្ធតែជាប្រទេសក្នុងតំបន់អាស៊ាន ដែលបានបង្ហាញឆន្ទៈក្នុងការក្លាយជាសមាជិកនៃក្រុម BRICS ដែលមានរុស្ស៊ីជាស្ថាបនិកមួយរូប។

ការបំពេញទស្សនកិច្ចរបស់ឥស្សរជនជាន់ខ្ពស់រុស្ស៊ីរូបនេះ ត្រូវបានអ្នកសង្កេតនយោបាយយល់ឃើញថា អាចជាការបើកភ្លើងខៀវដល់ប្រទេសម៉ាឡេស៊ី និងឥណ្ឌូណេស៊ី ក្នុងការត្រួសត្រាយផ្លូវដើម្បីចូលរួមជាមួយ BRICS៕

អត្ថបទ៖ Luffy រូបភាព៖ CNN

second...

x

The post បុរសជំនិតរបស់ប្រធានាធិបតី Putin គ្រោងបំពេញដំណើរទស្សនកិច្ចក្នុងតំបន់អាស៊ាន appeared first on Millions times.

តាមដានជាមួយយើង៖ Million Times

មេដឹកនាំឥណ្ឌូណេស៊ីអះអាងថា វិធានការកំណត់ការនាំចេញថ្មីនេះ នឹងជួយបង្កើនទុនបម្រុងជាតិ រហូតដល់ ៨០ពាន់លានដុល្លារបន្ថែមទៀត ខណៈវិធានការនេះផងដែរ នឹងចាប់ផ្ដើមអនុវត្តពីថ្ងៃទី០១ ខែមីនាតទៅ។

លោក Prabowo បានថ្លែងប្រាប់នៅក្នុងសន្និសីទសារព័ត៌មានមួយថា «ធនធានធម្មជាតិរបស់ឥណ្ឌូណេស៊ី ត្រូវតែផ្ដល់ផលប្រយោជន៍ជូនជនជាតិយើងទាំងអស់គ្នា តាមរយៈមូលនិធិអភិវឌ្ឍន៍ លំហូរសាច់ប្រាក់ក្នុងស្រុក បង្កើនទុនបម្រុងជាតិ និងស្ថេរភាពនៃអត្រាប្ដូរប្រាក់»។

គួររំលឹកបន្តិចថា មួយរយៈកាលចុងក្រោយ ឥណ្ឌូណេស៊ីបានព្យាយាមលើកកម្ពស់រូបិយប័ណ្ណជាតិ តាមរយៈកិច្ចព្រមព្រៀងពាណិជ្ជកម្មទ្វេភាគី ជាមួយបណ្ដាប្រទេសមួយចំនួន តួយ៉ាងកាលពីដើមខែនេះ បងធំអាស៊ានបានព្រមព្រៀងជាមួយប្រទេសឥណ្ឌា ប្រើប្រាស់រូបិយប័ណ្ណក្នុងស្រុករៀងៗខ្លួន ជំនួសឲ្យប្រាក់ដុល្លារអាមេរិក សម្រាប់ការធ្វើពាណិជ្ជកម្មឆ្លងដែន រវាងប្រទេសទាំង២៕

អត្ថបទ៖ Luffy រូបភាព៖ Berita Nasional

second...

x

The post ប្រធានាធិបតីឥណ្ឌូណេស៊ីទម្លាយថា វិធានការនាំចេញថ្មី នឹងបង្កើនទុនបម្រុងជាតិដល់ ៨០ពាន់លានដុល្លារ appeared first on Millions times.

តាមដានជាមួយយើង៖ Million Times

សារព័ត៌មាន VNExpress បានចុះផ្សាយថា ក្នុងចំណោមភ្ញៀវអន្តរជាតិដែលទៅកម្សាន្តនៅប្រទេសមានសេដ្ឋកិច្ចធំបំផុតក្នុងអាស៊ាន មានជនជាតិម៉ាឡេស៊ីច្រើនជាងគេ ២,២លាននាក់ អូស្ត្រាលីមាន ១,៦លាននាក់ និងសិង្ហបុរីមាន ១,៤លាននាក់។

ជាមធ្យមភ្ញៀវបរទេសចំណាយប្រាក់ប្រហែល ១ ៣៩១ដុល្លារក្នុងម្នាក់ អំឡុងពេលធ្វើដំណើរកម្សាន្តក្នុងប្រទេសឥណ្ឌូណេស៊ី ខណៈជនជាតិស្វីសចំណាយច្រើនបំផុត ប្រហែល ២ ១៩៤ដុល្លារ ស្របពេលប្រាក់ចំណូលក្នុងវិស័យទេសចរណ៍សម្រាប់ឆ្នាំ២០២៤ ត្រូវបានព្យាករថា នឹងទទួលបានច្រើនជាង ១៩ពាន់លានដុល្លារ។

បងធំអាស៊ានមួយនេះ បានដាក់គោលដៅថ្មីក្នុងឆ្នាំ២០២៥ ដោយគ្រោងទាញយកភ្ញៀវទេសចរណ៍បរទេស ចន្លោះពី ១៤,៦ ទៅ ១៦លាននាក់ ដើម្បីបង្កើនចំណូលវិស័យទេសចរណ៍ឲ្យកាន់តែច្រើនមួយកម្រិតថែមទៀត៕

អត្ថបទ៖ Luffy រូបភាព៖ AFP

second...

x

The post បងធំអាស៊ានបើកទ្វារស្វាគមន៍ភ្ញៀវទេសចរណ៍បរទេសជិត ១៤លាននាក់កាលពីឆ្នាំទៅ appeared first on Millions times.

តាមដានជាមួយយើង៖ Million Times

ប្រេស៊ីល ដែលកាន់តំណែងជាប្រធាន BRICS ក្នុងឆ្នាំ២០២៥ បាននិយាយថា សមាជិកទាំងអស់បានអនុម័ត លើសំណើចូលជាសមាជិកពេញសិទ្ធរបស់ឥណ្ឌូណេស៊ី។

រដ្ឋមន្ត្រីការបរទេសឥណ្ឌូណេស៊ីបាននិយាយនៅក្នុងសេចក្ដីថ្លែងការណ៍មួយថា ពួកគេទទួលបានការស្វាគមន៍យ៉ាងកក់ក្ដៅ ហើយចំពោះការក្លាយជាសមាជិករបស់ BRICS នេះ គឺជាមធ្យោបាយមួយ ក្នុងការបង្កើនកិច្ចសហប្រតិបត្តិការ និងភាពជាដៃគូ ជាមួយបណ្ដាប្រទេសជឿនលឿនជាច្រើនទៀត។ នេះបើតាមការចុះផ្សាយពីសារព័ត៌មាន Reuters។

គួររំលឹកបន្តិចថា ឥណ្ឌូណេស៊ីទទួលបានភ្លើងខៀវពីសមាជិក BRICS តាំងពីឆ្នាំ២០២៣ ក៏ប៉ុន្តែបងធំអាស៊ានសំណូមពរថា សុំចូលជាសមាជិកពេញសិទ្ធ បន្ទាប់ពីការបោះឆ្នោតជ្រើសរើសប្រធានាធិបតីថ្មី បញ្ចប់ជាស្ថាពរកាលពីឆ្នាំទៅ ដោយមានលោក Prabowo Subianto ក្លាយជាមេដឹកនាំថ្មី និងឡើងកាន់អំណាចកាលពីខែតុលា ឆ្នាំ២០២៤៕

អត្ថបទ៖ Luffy រូបភាព៖ The Straits Times

second...

x

The post ប្រេស៊ីលអះអាងថា ឥណ្ឌូណេស៊ីបានក្លាយជាសមាជិកពេញសិទ្ធរបស់ BRICS appeared first on Millions times.

តាមដានជាមួយយើង៖ Million Times

គេហទំព័រ The Diplomat បានរាយការណ៍ថា ក្នុងដំណើរទស្សនកិច្ចមួយនោះ ប្រមុខរដ្ឋាភិបាលប្រទេសទាំង២ បានចុះកិច្ចព្រមព្រៀងសរុបជាសាច់ប្រាក់ តម្លៃដល់ ១០ពាន់លានដុល្លារឯណោះ។

កិច្ចព្រមព្រៀងទាំងនោះ គឺផ្ដោតសំខាន់លើការវិនិយោគផ្នែកហេដ្ឋារចនាសម្ព័ន្ធ ថាមពលបៃតង បច្ចេកវិទ្យាឌីជីថល និងវិស័យកសិកម្ម។ នៅក្នុងសេចក្តីថ្លែងការណ៍រួម បន្ទាប់ពីកិច្ចប្រជុំរវាងលោក ស៊ី ជិនពីង និងលោក Prabowo ប្រទេសទាំង២ បានព្រមព្រៀងគ្នាក្នុងការបង្កើនកិច្ចសហប្រតិបត្តិការ ក្នុងវិស័យដូចជារថយន្តថាមពលថ្មី ថ្មលីចូម ថាមពលអគ្គីសនី និងសេដ្ឋកិច្ចឌីជីថល។

ផ្លែផ្កាពិសេសមួយ ដែលឥណ្ឌូណេស៊ីទទួលបានពីដំណើរទស្សនកិច្ចមួយនេះ គឺការផ្ដោតសំខាន់លើការផ្លាស់ប្ដូរថាមពលសកល ដោយបានចុះកិច្ចព្រមព្រៀងមួយជាមួយមហាអំណាចចិន ក្នុងភាពជាដៃគូធនធានរ៉ែបៃតង ដើម្បីគាំទ្រដល់ការផ្លាស់ប្តូរថាមពលកកើតឡើងវិញរៀងៗខ្លួនរបស់ប្រទេសទាំងពីរ។ គម្រោងទាំងនេះគឺស្របតាមគោលដៅទូលំទូលាយរបស់លោក Prabowo ក្នុងការអភិវឌ្ឍន៍សមត្ថភាពថាមពលកកើតឡើងវិញរបស់ឥណ្ឌូណេស៊ី។

លទ្ធផលនឹកស្មានមិនដល់មួយទៀត គឺប្រទេសចិនបានយល់ព្រមសំណើរបស់ប្រធានាធិបតីឥណ្ឌូណេស៊ី ក្នុងការបង្កើតគំនិតផ្ដួចផ្ដើម សម្រាប់ផ្តល់អាហារបំប៉នដោយឥតគិតថ្លៃ ដល់ជនក្រីក្ររបស់ប្រទេសឥណ្ឌូនេស៊ី ដែលជាមូលដ្ឋានគ្រឹះនៃរបៀបវារៈសុខុមាលភាពសង្គមដ៏ទូលំទូលាយរបស់លោក Prabowo។ ប្រទេសចិន បានយល់ព្រមផ្ដល់ជំនួយហិរញ្ញវត្ថុសម្រាប់ផែនការមួយនេះ ក៏ប៉ុន្តែមិនបង្ហាញពីចំនួនជាក់លាក់ឡើយ។

ជាចុងក្រោយ គឺការចុះអនុស្សរណៈនៃការយោគយល់គ្នា (MOU) សម្រាប់ការអភិវឌ្ឍន៍រួមគ្នានៅក្នុងដែនទឹក ដែលមានជម្លោះនៅក្នុងសមុទ្រចិនខាងត្បូង ជាពិសេសជុំវិញប្រជុំកោះ Natuna ។

កិច្ចព្រមព្រៀងនេះរួមមានកិច្ចសហប្រតិបត្តិការលើការនេសាទ ការរុករកប្រេង និងឧស្ម័ននៅក្នុងតំបន់ជុំវិញប្រជុំកោះ Natuna ដែលជាកន្លែងទាមទារ “បន្ទាត់ប្រាំបួន” របស់ចិនត្រួតលើគ្នាជាមួយតំបន់សេដ្ឋកិច្ចផ្តាច់មុខរបស់ឥណ្ឌូណេស៊ី៕

អត្ថបទ៖ Luffy រូបភាព៖ Jarkata Globe

second...

x

The post ចិនឲ្យលុយរាប់ពាន់លាន ក្នុងដំណើរទស្សនកិច្ចលើកដំបូងក្រោយជួបប្រធានាធិបតីឥណ្ឌូណេស៊ី appeared first on Millions times.

តាមដានជាមួយយើង៖ Million Times

សារព័ត៌មាន Reuters បានរាយការណ៍ថា ការហាមឃាត់ក្រុមហ៊ុន Google គឺធ្វើឡើងក្រោមហេតុផលតែមួយ ជាមួយក្រុមហ៊ុន Apple ពោលគឺក្រុមហ៊ុនទាំង២ មិនបានប្រើប្រាស់គ្រឿងបង្គុំក្នុងស្រុកយ៉ាងតិច ៤០% នៃផលិតផលដែលដាក់លក់លើទីផ្សារឥណ្ឌូណេស៊ី។

អ្នកនាំពាក្យក្រសួងឧស្សាហកម្ម លោក Febri Hendri Antoni Arief បាននិយាយថា៖ ពួកយើងកំពុងអនុវត្តច្បាប់នេះយ៉ាងតឹងរ៉ឹង ដើម្បីធានាបាននូវភាពយុត្តិធម៌ ដល់វិនិយោគិនក្នុងប្រទេសឥណ្ឌូណេស៊ីទាំងអស់។ ផលិតផលរបស់ Google ដែលមិនប្រកាន់ខ្ជាប់ នូវគោលការណ៍ដែលបានកំណត់ នឹងមិនត្រូវអនុញ្ញាតឲ្យដាក់លក់លើទីផ្សារឡើយ៕

អត្ថបទ៖ Luffy រូបភាព៖ Inkl

second...

x

The post ឥណ្ឌូណេស៊ីហាមក្រុមហ៊ុនអាមេរិកមួយទៀត មិនឲ្យលក់ទូរស័ព្ទក្នុងប្រទេសរបស់ខ្លួន appeared first on Millions times.

តាមដានជាមួយយើង៖ Million Times

តាមការចុះផ្សាយពីគេហទំព័របច្ចេកវិទ្យា GSMArena បានបង្ហាញថា មូលហេតុដែលឥណ្ឌូណេស៊ី​ហាមឃាត់ការលក់ទូរស័ព្ទ iPhone គឺដោយសារក្រុមហ៊ុន Apple មិនគោរពតាមគោលការណ៍វិនិយោគ នៅប្រទេសមានសេដ្ឋកិច្ចធំបំផុតក្នុងតំបន់អាស៊ាន។

ប្រទេសឥណ្ឌូណេស៊ីតម្រូវឲ្យក្រុមហ៊ុនទូរស័ព្ទបរទេស វិនិយោគ និងប្រើប្រាស់គ្រឿងបន្លាស់ក្នុងស្រុកយ៉ាងហោចណាស់ ៤០% នៃផលិតផល ដែលត្រូវដាក់លក់លើទីផ្សារឥណ្ឌូណេស៊ី ហើយក្រុមហ៊ុន Apple មិនបានធ្វើតាមគោលការណ៍មួយនេះឡើយ។

រដ្ឋមន្ត្រីក្រសួងឧស្សាហកម្ម លោក Agus Gumiwang Kartasasmita បានមានប្រសាសន៍ថា៖ បើសិនជាបានឃើញអ្នកប្រើប្រាស់ទូរស័ព្ទ iPhone 16 នៅក្នុងប្រទេសឥណ្ឌូណេស៊ី សូមរាយការណ៍ទៅកាន់អាជ្ញាធរ ព្រោះវាគឺជាផលិតផលខុសច្បាប់។

ទីភ្នាក់ងារព័ត៌មានរដ្ឋឥណ្ឌូណេស៊ី Antara ក៏បានបញ្ជាក់ដែរថា ភ្ញៀវទេសចរណ៍ និងបុគ្គលិកបម្រើការងារផ្នែកអាកាសចរណ៍ អនុញ្ញាតឲ្យប្រើប្រាស់ទូរស័ព្ទ iPhone 16 បានចំនួន ២គ្រឿងក្នុងម្នាក់ អំឡុងពេលស្នាក់នៅប្រទេសឥណ្ឌូណេស៊ី ក៏ប៉ុន្តែមិនមានសិទ្ធលក់ឲ្យប្រជាជនក្នុងស្រុកឡើយ៕

អត្ថបទ៖ Luffy រូបភាព៖ Antara

second...

x

The post ឥណ្ឌូណេស៊ី ហាមឃាត់ការលក់ទូរស័ព្ទ iPhone 16 ទូទាំងប្រទេស appeared first on Millions times.