បងស្រីច្បងលោក ឆៃ ស៊ីណារិទ្ធ កាន់កាបូបដៃ Mini Lady Dior Bag តម្លៃជិត ៩ ពាន់ដុល្លារ

Vin Chang — Tue, 22 Oct 2024 07:24:09 +0000

កាលពីថ្ងៃមង្គលការកូនស្រីលោក ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស ដែលមានឈ្មោះថា ឆៃ ឫទ្ធិឆព័ណ្ណ និងកូនកំលោះជាមន្រ្តីវ័យក្មេងរុបសង្ហា ចាន់ បូនីរ៉ា ប្រធាននាយកដ្ឋានហ្វ្រង់កូហ្វូនីនៃក្រសួងការបរទេសកម្ពុជា ភ្ញៀវកិត្តិយសក៏ភ្លេចគយគន់សម្រស់បងស្រីរបស់កូនក្រមុំឈ្មោះ ឆៃ រិទ្ធរំាងសី។

តាមដានជាមួយយើង៖ Million Times

កូនស្រីច្បងរបស់លោក ឆៃ ស៊ីណារិទ្ធ ដែលគេហៅក្រៅថា Ella ពិតជាស្រស់ស្អាតមិនចាញ់កូនប្រមុំឡើយ បើទោះជាមានកូនប្រុសស្រីដល់ទៅ ៣ ហើយក៏ដោយ។ ភ្ញៀវពិតជាអត់សរសើរមុខមាត់ និងរូបសម្រស់របស់ ឆៃ រិទ្ធរំាងសី និង ឆៃ ឫទ្ធិឆព័ណ្ណ មិនបានមែន មិនត្រឹមដូចគ្នាប៉ុណ្ណោះទេ តែក៏មើលទៅដូចបងប្អូនខុសអាយុគ្នា ២-៣ ឆ្នាំអ៊ីចឹង។

បងស្រីរបស់កូនក្រមុំ ថ្ងៃមង្គលការប្អូន បានទាក់ចិត្តភ្ញៀវឲ្យចាប់អារម្មណ៍ ព្រោះការតុបតែងខ្លួនរបស់អ្នកនាងឃើញថាសមសួន ស៊ីនឹងឋានៈក្នុងសង្គម ដោយជ្រើសរើសកំណាត់ហូល-ផាមួងខ្មែរមកច្នៃជាម៉ូដសម្លៀកបំពាក់ ព្រមទាំងកាន់ជាមួយកាបូបកំពូលប្រេនក្នុងលោក Dior តូចល្មមមួយ មានតម្លៃជិត ៩ ពាន់ដុល្លារឯណោះ។

ត្បិតតែ Mini Lady Dior Bag ពណ៌ផ្កាឈូកមានដាំត្បូងជុំវិញក៏ពិតមែន តែវាមើលទៅស្រស់ស្អាត ស័ក្ដិសមជាមួយម្ចាស់តែម្ដង គឺអ្នកនាង Ella។ កាបូបមួយនោះមានតម្លៃ ៨ ៣២៦ ដុល្លារ ដែលផលិតពីស្បែកចៀម និងលោហធាតុ Lambskin និង Rose des Vents Satin ប៉ាក់ដោយអង្កាំជាច្រើន។ មួយវិញទៀតកូនស្រីលោក ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស ស្រលាញ់កាបូបម៉ាក Dior នេះខ្លាំងណាស់ ដោយអ្នកនាងមានជាច្រើនប្រភេទផ្សេងៗគ្នា។

ថ្ងៃមង្គលប្អូនស្រីមានតែម្ដង ដូចនេះហើយអ្នកនាង កូនស្រីអភិជនរូបនេះបានប្ដូរឈុតសម្លៀកបពាក់បែបខ្មែរជាច្រើន ឲ្យសមនឹងកិត្តិយសគ្រួសារ និងសមជាមួយការផ្ដល់កិត្តិយសពីសំណាក់ភ្ញៀវលំដាប់កំពូលៗក្នុងស្រុក៕

រូបភាព៖ The Ring Wedding Cambodia

The post បងស្រីច្បងលោក ឆៃ ស៊ីណារិទ្ធ កាន់កាបូបដៃ Mini Lady Dior Bag តម្លៃជិត ៩ ពាន់ដុល្លារ appeared first on Millions times.

មង្គលការកូនស្រីលោក ឆៃ ស៊ីណារិទ្ធ និងកូនកំលោះ ចាន់ បូនីរ៉ា ប្រធាននាយកដ្ឋានហ្វ្រង់កូហ្វូនីនៃក្រសួងការបរទេសកម្ពុជា

Vin Chang — Mon, 21 Oct 2024 05:00:52 +0000

មង្គលការដ៏ធំមួយទៀតហើយ កាលពីម្សិលមិញគឺកូនស្រីលោក ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស និងកូនកំលោះជាប្រធាននាយកដ្ឋានហ្វ្រង់កូហ្វូនីនៃក្រសួងការបរទេសកម្ពុជា មានវត្តមានថ្នាក់ដឹកនាំសំខាន់ៗក្នុងប្រទេស ព្រមទាំងអ្នកជំនួញធំៗដែលសុទ្ធសឹងជាសេដ្ឋីប្រចាំប្រទេសទៅចូលរួមជាភ្ញៀវកិត្តិយស។

តាមដានជាមួយយើង៖ Million Times

កូនក្រមុំឈ្មោះ ឆៃ ឫទ្ធិឆព័ណ្ណ ជាកូនស្រីលោក ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស និងកូនកំលោះ ចាន់ បូនីរ៉ា ដែលជាកំលោះវ័យក្មេងទទួលមានតំណែងធំក្នុងជួរមន្រ្តី។

ក្នុងថ្ងៃពិសេសនៃអ្នកទាំង ២ ឃើញមានការចូលរួមពីសំណាក់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំងស្រ្តីទី១នៃកម្ពុជា លោកជំទាវ ពេជ្រ ចន្ទមុន្នី ភរិយាសម្ដេចមហាបវរធិបតី ហ៊ុន ម៉ាណែត ព្រមទាំងកូនប្រុសស្រីរបស់សម្ដេច ហ៊ុន សែន ជាច្រើនរូបទៀត។

មិនតែប៉ុណ្ណោះក៏មានវត្តមានគ្រួសារសេដ្ឋីតជំនាន់នៃគ្រួសារ ជីប ម៉ុង គឺលោក លាង ឃុន ជាសហស្ថាបនិក និងជាប្រធានក្រុមប្រឹក្សាភិបាល ក្រុមហ៊ុន ជីប ម៉ុង និងលោក លាង ម៉េង ដែលជាប្អូនប្រុស សហស្ថាបនិក និងប្រធានក្រុមអគ្គនាយក ក្រុមហ៊ុន ជីប ម៉ុង បានបណ្ដើរគ្នាចូលរួមពិធីជ៧យមង្គលកូនស្រី ឯកឧត្ដម ឆៃ ស៊ីណារិទ្ធ នៅមជ្ឈមណ្ឌលអាពាហ៍ពិពាហ៍ OCIC កាលពីថ្ងៃទី២០ ខែតុលា ឆ្នាំ២០២៤ កន្លងទៅ។

គួរបញ្ជាក់ថាកូនកំលោះ ចាន់ បូនីរ៉ា ជាមន្ត្រីជាន់ខ្ពស់មួយរូបនៅក្រសួងការបទេស និងសហប្រតិបត្តិការអន្តរជាតិ និងជាអតីតទីប្រឹក្សាស្ថានទូតបារាំងប្រចាំនៅកម្ពុជា៕

រូបភាព៖ The ring wedding cambodia

The post មង្គលការកូនស្រីលោក ឆៃ ស៊ីណារិទ្ធ និងកូនកំលោះ ចាន់ បូនីរ៉ា ប្រធាននាយកដ្ឋានហ្វ្រង់កូហ្វូនីនៃក្រសួងការបរទេសកម្ពុជា appeared first on Millions times.

ឆៃ ស៊ីណារិទ្ធ Archives - Millions times

បងស្រីច្បងលោក ឆៃ ស៊ីណារិទ្ធ កាន់កាបូបដៃ Mini Lady Dior Bag តម្លៃជិត ៩ ពាន់ដុល្លារ