ផលិតផលខ្មែរជាង ៣០ មុខ កំពុងទទួលបានការគាំទ្រខ្លាំងក្នុងទីផ្សារកូរ៉េខាងត្បូង

Vin Chang — Fri, 18 Sep 2026 13:05:26 +0000

ផលិតផលខ្មែរដល់ទៅជាង ៣០ មុខឯណោះ ដែលកំពុងដាក់លក់ក្នុងទីផ្សារកូរ៉េខាងត្បូង ហើយក៏ទទួលបានការគាំទ្រខ្លាំងផងដែរនៅតាមបណ្ដាផ្សារទំនើបនានា។ នេះបើតាមឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បញ្ជាក់។

តាមដានជាមួយយើង៖ Million Times

កាលពីថ្ងៃទី១១ ខែកញ្ញា ឆ្នាំ២០២៦ នៅទីក្រុងសេអ៊ូលកន្លងទៅ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ និងឯកឧត្តម មៀវ សុខទ្រី ប្រធានសមាគមអ្នកផលិតចំណីអាហារកម្ពុជា បានជួបពិភាក្សាការងារទាក់ទងទៅនឹងផលិតផលកម្ពុជាក្នុងទីផ្សារកូរ៉េ។

ក្នុងឱកាសនោះដែរ ឯកឧត្តម ឃួន ផុនរតនៈ បានអះអាងថាបច្ចុប្បន្ននេះផលិតផលកម្ពុជាកំពុងមានលើទីផ្សារប្រទេសជឿនលឿនមួយនេះប្រមាណជាង ៣០ មុខហើយ។ ផលិតទាំងអស់នោះ ក៏ទទួលបានការគាំទ្រច្រើនផងដែរ។

ឯកឧត្តម បានសង្កត់ធ្ងន់ថា ផលិតផលរបស់កម្ពុជាមិនត្រឹមតែឆ្លើយតបទៅនឹងតម្រូវការរបស់បងប្អូនខ្មែរដែលរស់នៅកូរ៉េប៉ុណ្ណោះទេ ប៉ុន្តែថែមទាំងទទួលបានការពេញនិយមពីសំណាក់ប្រជាជននៃបណ្តាប្រទេសអាស៊ីអាគ្នេយ៍ផ្សេងទៀតដែលរស់នៅក្នុងប្រទេសកូរ៉េផងដែរ។

ដោយឡែក ឯកឧត្តម មៀវ សុខទ្រី បានលើកឡើងថា កត្តាជំរុញដ៏សំខាន់ដែលធ្វើឱ្យផលិតផលខ្មែរកាន់តែមានវត្តមានច្រើននៅទីផ្សារកូរ៉េខាងត្បូង គឺកើតចេញពីស្មារតីជាតិនិយមរបស់បងប្អូនខ្មែរដែលកំពុងរស់នៅ និងធ្វើការនៅទីនោះ។ ពលរដ្ឋខ្មែរបានងាកមកគាំទ្រ និងលើកកម្ពស់ផលិតផលជាតិខ្លួនយ៉ាងសកម្ម ដែលនេះជាកម្លាំងចលករដ៏ធំមួយក្នុងការលើកកម្ពស់សេដ្ឋកិច្ចកម្ពុជានៅក្រៅប្រទេស៕

អត្ថបទ៖ ឆដា, រូបភាព៖ ស្ថានទូតកម្ពុជាប្រចាំសាធារណរដ្ឋកូរ៉េ

The post ផលិតផលខ្មែរជាង ៣០ មុខ កំពុងទទួលបានការគាំទ្រខ្លាំងក្នុងទីផ្សារកូរ៉េខាងត្បូង appeared first on Millions times.

អនាគតកូនប្រសារអភិបាលខេត្តកំពត តែងតាំងជាឯកអគ្គរាជទូតខ្មែរប្រចាំនៅកូរ៉េ

Vin Chang — Thu, 05 Jun 2025 13:32:40 +0000

លោក ឃួន ផុនរតនៈ ត្រូវបានតែងតាំងជាឯកអគ្គរាជទូតកម្ពុជាប្រចាំកូរ៉េខាងត្បូង ជំនួសលោកស្រី ជ្រឹង បុទុមរង្សី ដែលផុតអាណត្តិត្រូវចូលមកប្រទេសវិញ។ នេះបើយោងតាមព្រះរាជក្រឹត្យ ដែលឡាយព្រះហត្តលេខា ដោយព្រះករុណា ព្រះបាទ សម្តេច ព្រះបរមនាថ នរោត្តសីហមុនី នៅថ្ងៃទី២៣ ខែឧសភា ឆ្នាំ២០២៥។

តាមដានជាមួយយើង៖ Million Times

ព្រះរាជក្រឹត្យព្រះមហាក្សត្រ ត្រាស់បង្គាប់យ៉ាងដូច្នេះថា តែងតាំង ឯកឧត្ដម ឃួន ផុនរតនៈ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ជា ឯកអគ្គរាជទូតកម្ពុជា ប្រចាំសាធារណរដ្ឋកូរ៉េ។ ចំណែក លោកស្រី ជ្រឹង បុទុមរង្សី ដែលបញ្ចប់អាណត្តិ ត្រូវបានបង្គាប់ឱ្យចូលប្រទេសវិញ។

លោក ឃួន ផុនរតនៈ បច្ចុប្បន្នជារដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ។ លោកជាអនាគតកូនប្រសារលោក ម៉ៅ ធនិន អភិបាលខេត្តកំពត។

នៅថ្ងៃទី៥ ខែមិថុនា ឆ្នាំ២០២៥នេះ លោក ឃួន ផុនរតនៈ បានភ្ជាប់ជាមួយកូនស្រីអភិបាលខេត្តកំពត មានឈ្មោះថា ម៉ៅ នរនាថ ធ្វើឡើងក្រោមមេបាចាស់ទុំត្រកូលរាមច្បង ព្រមទាំងភ្ញៀវកិត្តិយសយ៉ាងឱឡារិកតាមប្រពណៃជាតិខ្មែរ៕

អត្ថបទ៖ លីហ្សា រូបភាព៖ The Ring Wedding Cambodai

The post អនាគតកូនប្រសារអភិបាលខេត្តកំពត តែងតាំងជាឯកអគ្គរាជទូតខ្មែរប្រចាំនៅកូរ៉េ appeared first on Millions times.

ឃួន ផុនរតនៈ Archives - Millions times

ផលិត​ផល​ខ្មែរ​ជាង ​៣០​ មុខ ​កំពុង​ទទួល​បាន​ការ​គាំទ្រ​​ខ្លាំង​ក្នុង​ទីផ្សារ​កូរ៉េ​ខាង​ត្បូង​

អនាគតកូនប្រសារអភិបាលខេត្តកំពត តែងតាំងជាឯកអគ្គរាជទូតខ្មែរប្រចាំនៅកូរ៉េ

ផលិតផលខ្មែរជាង ៣០ មុខ កំពុងទទួលបានការគាំទ្រខ្លាំងក្នុងទីផ្សារកូរ៉េខាងត្បូង