ក្នុងចំណោមតារាៗជាច្រើនស្ថិតក្នុងលំដាប់សេដ្ឋី ឬសេដ្ឋីនីនោះ ឃើញថាអ្នកនាង គង់ ចាន់ស្រីមុំ គឺជាម្នាក់ក្នុងចំណោមនោះ។ ពីតារាសម្ដែងធម្មតា ឡើងដល់ចំណុចជាអភិជនលំដាប់ប្រទេស អ្នកនាង និងស្វាមី គឺលោក គឹម សីហា បានខិតខំប្រឹងប្រែងក្នុងមុខជំនួញជាច្រើន ទើបធ្វើឲ្យជីវភាពមានបានបែបនេះ។
Million Times 
ស្រីមុំ មិនត្រឹមតែមមាញឹកក្នុងការងារជាតារាសម្ដែងហើយ តែនាងបានឆ្លៀតបង្កើតមុខជំនួញរួមគ្នាតាំងពីមុនរៀបការម្ល៉េះ។ ដោយមើលឃើញពីឱកាសពីការវិនិយោគបានមកវិញច្រើន ក្រោយរៀបការរួចទាំង ២ នាក់ប្ដីប្រពន្ធ បានទម្លាក់ការងារសិល្បៈចោលខ្លះ ដោយឈរជើងខ្លាំងផ្នែកគ្រឿងសម្អាង និងភោជនីយដ្ឋាន។
ក្រោយជោគជ័យបន្តបន្ទាប់ពីជំនួញដំបូងទឹកអប់ និងភោជនីយដ្ឋាននៅម្ដុំផ្សារទំនើបអ៊ីអន១រួចមក គូស្វាមីជាអ្នកសិល្បៈរូបនេះ បានបន្តប្រឹងប្រែងអត់ឈប់ឈរពី រហូតបង្កើតជំនួញអនឡាញគ្រឿងថែរក្សាសម្រស់ជាប្រេនកូនខ្មែរ និងបានដាក់ឈ្មោះអនាគតកូនស្រីខ្លួនឯងតែម្ដង។
ជំនួញកាន់តែជោគជ័យ គង់ ចាន់ស្រីមុំ ត្រូវស្វាមីថ្នមថ្នាក់មិនឲ្យមានទាស់ចិត្តឡើយ ដោយប្ដូរមករស់នៅផ្ទះវីឡាធំស្កឹមស្កៃ ហើយជីវិតរស់នៅប្រចាំថ្ងៃកាន់តែស៊ីវិល័យលំដាប់សេដ្ឋីតែម្ដង។ បើសង្កេតមើលឲ្យដិតដល់ទៅ នៅលើបណ្ដាញសង្គមហ្វេសប៊ុកផេករបស់នាង ឃើញថានាងបានទិញសម្ភារៈប្រើប្រាស់ប្រេនៗដូចជាកាបូបសឹងតែរាល់អាទិត្យទៅហើយ។ បើទោះជានាងមិនទិញ ក៏ស្វាមីជាអ្នកកុម្ម៉ង់ចាំពញ្ញាក់អារម្មណ៍តារាស្រីតូចច្រឡឹងនេះដែរ។
មិនត្រឹមតែនាងឡើយដែលប្រើរបស់របស់ប្រេនទំនើប សូម្បីតែកូនស្រីតូចអាយុ ៦ ឆ្នាំ ឈ្មោះ MoMo ក៏ជាក្មេងស្រីហាយសូ ប្រើសុទ្ធតែរបស់តម្លៃរាប់ពាន់ដុល្លារបាត់ទៅហើយ។ ពីមួយថ្ងៃទៅមួយថ្ងៃទៅមួយថ្ងៃអ្នកជំនួញស្រីដៃទូលាយរូបនេះ កាន់តែចាយភាពហ៊ឺហាខ្លាំងឡើងៗ សូម្បីតែតុក្កតាក៏មានតម្លៃខ្ទង់រយដុល្លារដែរ ហើយសុទ្ធតែជាម៉ាកល្បីលំដាប់ពិភពលោក។
គ្រាន់តែបន្ទប់ដាក់សម្លៀកបំពាក់ និងទូដាក់កាបូបរបស់អ្នកជំនួញ ២ នាក់ស្វាមី និងភារិយានេះ ច្រើន និងធំជាងហាងលក់ទៅទៀត ហើយនរណាៗក៏លាន់មាត់សរសើរ និងចង់បានជីវិតសុខស្រួលដូចគូស្នេហ៍ទាំងទ្វេ។
ក្រៅពីចំណាយដើរលេងក្នុងស្រុកកន្លែងល្បីៗហើយនោះ តារាសម្ដែងដែលវិវត្តន៍ខ្លួនក្លាយជាសេដ្ឋីទាំង ២ នាក់ប្ដីប្រពន្ធរូបនេះ ក៏ទៅកម្សាន្តសប្បាយនៅបរទេសសឹងតែជុំវិញពិភពលោកទោហើយដោយមួយឆ្នាំៗមិនក្រោម ៣ ដងឡើយ។
ចំណែកឡានវិញ គង់ ចាន់ស្រីមុំ និង គឹម សីហា មានសឹងតែគ្រប់ស៊េរីទំនើបទៅហើយ មិនតែដោយពេលខ្លះមានតែទិញចូលបន្ថែម គ្មានលក់ទៅវិញទេ។ មកទល់សព្វថ្ងៃតារាស្រីសម្បូរទ្រព្យរូបនេះ កំពុងរស់នៅផ្ទះធំទ្រនំខ្ពស់ និងមិនខ្វះញាតិមិត្តឡើយ បើទោះជាពេលខ្លះមានការរិះគន់មួយចំនួនក៏ដោយ តែនាង និងគ្រួសារកាន់តែសម្បូរហូរហៀរឡើងទោវិញ។
និយាយដល់រូបសម្រស់វិញ ស្រីមុំ និងស្វាមី ពិតជាមើលទៅនៅក្មេងជាងវ័យតែម្ដង ណាមួយជាអ្នកជំនួញផ្នែកគ្រឿងថែរក្សាសម្រស់ ហើយទឹកលុយសឹងតែក្រាលគេងបានទៅហើយ សម្រស់ក៏ឡើងទៅតាមនោះដែរ៕
