កាលពីពេលថ្មីៗនេះក្រុមហ៊ុន ជីប ម៉ុង បានរៀបចំកម្មវិធី «វេទិកាពាណិជ្ជកម្ម ជីប ម៉ុង» ដោយអញ្ជើញដៃគូពាណិជ្ជកម្មរាប់ពាន់នាក់។ ក្នុងព្រឹត្តិការណ៍នោះដែរ មិនត្រឹមការញ៉ាំអាហារជួបជុំគ្នាឡើយ ហើយក៏មានការសម្ដែងសិល្បៈផ្សេងៗទៀត។
Million Times 
នាក់ដឹកនាំជាន់ខ្ពស់របស់ក្រុមហ៊ុន ជីប ម៉ុង ពេលអញ្ជើញមកដល់កម្មវិធី «វេទិកាពាណិជ្ជកម្ម ជីប ម៉ុង» និងបានធ្វើការថតរូបអនុស្សាវរីយ៍ជាមួយដៃគូអាជីវកម្ម ដែលជាភ្ញៀវកិត្តិយសដ៏សំខាន់ក្នុងរាត្រីនោះ។
អ្វីដែលធ្វើឲ្យអ្នកចូលរួមភ្ញាក់ផ្អើលនោះ គឺថ្នាក់ដឹកនាំកំពូលៗក្រុមហ៊ុន ជីប ម៉ុង បានក្លាយជាតារាចម្រៀង និងតន្ត្រីករច្រៀង និងលេងឧបករណ៍តន្ត្រីឲ្យគ្រប់គ្នាបានស្ដាប់កម្សាន្តថែមទៀតផង។ ក្នុងនោះមានទាំងអ្នកឧកញ៉ា លាង ម៉េង ព្រមទាំងភរិយា, អ្នកឧកញ៉ា លាង ឃុន និងឧកញ៉ា លាង ហួង សុទ្ធតែសេដ្ឋី និងសេដ្ឋីនីតែម្ដង។
ម្នាក់ៗពិតជាមិននឹកស្មាននឹងស្នាដៃច្រៀងពីរោះរបស់ថ្នាក់ដឹកនាំកំពូលៗនៃក្រុមហ៊ុន ជីប ម៉ោង បែបនោះឡើយ ព្រោះលំដាប់សេដ្ឋីទាំងប៉ុន្មានរូបនោះ ពិតជាមមាញឹកនឹងជំនួញជាច្រើនក្នុងដៃ ហើយនៅឆ្លៀតទៅរៀនសម្ដែង ច្រៀង ដើម្បីផ្ដល់ភាពកក់ក្ដៅដល់ដៃគូពាណិជ្ជកម្មទាំងអស់ និងជាការថ្លែងអំណរគុណដែលបានចាប់ដៃគ្នារកស៊ីយ៉ាងសុចរិតជាយូរមកហើយ។
ទាំងរូបភាព និងវីដេអូនៃការសម្ដែងរបស់សេដ្ឋី និងសេដ្ឋីនីប្រាក់វាល់លាន ៦ រូប ពិតជាធ្វើឲ្យអតិថិជន ព្រមទាំងអ្នកចូលរួមជាដៃគូជំនួញទាំងអស់កោតសរសើរមិនដាច់ពីមាត់តែម្ដង។ ជាពិសេសមានការចាប់រង្វាន់ជូនដល់ដៃគូអាជីវកម្មឈ្នះរង្វាន់ធំគឺជា ផ្ទះ ឡាន ទូរស័ព្ទ ព្រមជាមួយរង្វាន់ជាច្រើនផ្សេងទៀត។ ក្រៅពីភ្ញៀវ ដៃគូរកស៊ី ក៏មានវត្តមានតារាល្បីៗជាច្រើនរូបផ្សេងទៀតនារាត្រីដ៏អស្ចារ្យមួយនោះ៕
