អតីតតារាសម្ដែងរាងតូចច្រឡឹង ហង្ស ម៉ារីនី នៅពេលនេះបានវិវត្តន៍ខ្លួនជាអ្នកលក់អនឡាញ និងនៅតែរក្សាបានកេរ្តិ៍ឈ្មោះល្បីល្បាញ។ ជំនួញកាន់តែកាកកប់ ធ្វើឲ្យម្ចាស់ប្រេនហង្សរូបនេះ កាន់តែធូរធារពីមួយថ្ងៃទៅមួយថ្ងៃ។
Million Times 
រូបសម្រស់ស្រស់សោភា បូករួមជាមួយភាពស្មោះត្រង់ ផលិតផលមានគុណភាព ទីផ្សារផលិតផលមានអតិថិជនស្រាប់ មកទល់ពេលនេះ ម៉ារីនី ក្លាយជាសេដ្ឋីនី និងទទួលបានការប្រោសព្រះរាជទានគោរមងារឧកញ៉ាទាំង ២ នាក់ប្ដីប្រពន្ធថែមទៀតផង។ អភិជនជំនាន់ថ្មីរូបនេះជានិច្ចកាលតែងលេចមុខក្នុងកម្មវិធីធំៗទាំងផ្នែកជំនួញ និងកម្មវិធីជប់លៀងផ្សេងៗគ្នា។
ក្រោយក្លាយជាអ្នកជំនួញអនឡាញល្បីឈ្មោះការរស់នៅរបស់អតីតតារាសម្ដែងរូបនេះ កាន់តែផ្លាស់ប្ដូរការរស់នៅផងដែរ។ ធ្លាប់ជាមនុស្សមិនចូលចិត្តភាពឡូយឆាយ ឥឡូវសេដ្ឋីនីរូបនេះចូលចិត្តសំញែងរបស់ប្រេន ទឹកអប់ម៉ាកល្បី ព្រមទាំងឡានទំនើបជាច្រើនគ្រឿង ហើយក៏បានបញ្ជូនកូនប្រុសស្រី ២ នាក់ឲ្យចូលរៀនសាលាលំដាប់កំពូលប្រចាំស្រុកខ្មែរ ISPP – International School of Phnom Penh ដោយក្នុងមួយៗឆ្នាំរាប់ម៉ឺនដុល្លារ។
នៅពេលទំនេរពីមុខរបររកស៊ី ម៉ារីនី ក៏បន្តចាយភាពហ៊ឺហានៅក្រៅប្រទេស ដើម្បីជាកាដូរខ្លួនឯងដែលបានខំប្រឹងទាំងយប់ទាំងថ្ងៃកន្លងមក។ ក្នុងជំនួញអនឡាញនាពេលបច្ចុប្បន្នម្ចាស់ប្រេនម្នាក់ៗខិតខំជួល BA ជាតារាល្បីៗ ដើម្បីឲ្យអតិថិជនកាន់តែជឿជាក់ និងដើម្បីឲ្យអ្នកមិនទាន់ប្រើសាកល្បង ហើយ ម៉ារីនី បានជ្រើសយកកំពូលតារាចម្រៀង ឱក សុគន្ធកញ្ញា ដែលគេដឹងមកហើយថាតារាស្រីអភិជនរូបនេះស៊ីថ្លៃរាប់ម៉ឺនដុល្លារឯណោះ។
នេះក៏ជាការបញ្ជាក់យ៉ាងច្បាស់ថាអ្នកលក់អនឡាញលំដាប់សេដ្ឋីនី ហង្ស ម៉ារីនី ពិតជាមានមិនធម្មតាឡើយ អាចយក BA លំដាប់ស្រុកខ្មែររូបនោះ មករួមការងារបាន ព្រោះលំដាប់ ឱក សុគន្ធកញ្ញា មិនខ្វះឡើយប្រេនមានទាំងក្នុង និងក្រៅស្រុកតម្រៀបជួរគ្នា ចាំសហការជាមួយ តែនាងបែរជាជ្រើសរើសខូសិន ហង្ស 6in1។
អភិជន ហង្ស ម៉ារីនី និងស្វាមី ក៏ជាមនុស្សចូលចិត្តសន្សំអចលនទ្រព្យដែរ មានដី ឡាន គ្រឿងពេជ្រមានតម្លៃជាច្រើនទៀតផងដែរ៕
