NHAM24 Travel​ បានចាប់ដៃជាមួយក្រុមហ៊ុន Vireak Buntheam Express (VET) ដែលជាក្រុមហ៊ុនដឹកជញ្ជូនធំជាងគេនៅកម្ពុជា សម្រាប់ភាពជាដៃគូដ៏សំខាន់មួយនៅក្នុងបេសកកម្មរបស់ NHAM24 ក្នុងការផ្តល់នូវបទពិសោធន៍ទេសចរណ៍ដ៏ទូលំទូលាយ និងច្រកចេញចូលមួយសម្រាប់អតិថិជនរបស់ខ្លួន។

ជាមួយនឹងការចុះហត្ថលេខាលើអនុស្សរណៈនៃការយោគយល់គ្នា (MoU) កាលពីថ្ងៃទី១២ ខែមិថុនា ឆ្នាំ២០២៤ រវាងក្រុមហ៊ុនទាំងពីរ, ក្រុមហ៊ុន NHAM24 Travel នឹងរួមបញ្ចូលបណ្តាញយ៉ាងទូលំទូលាយរបស់ VET ដែលមានគោលដៅចំនួន ៣៣៥ទីតាំង និង ១,០៨៧ ជើងធ្វើដំណើរទៅកាន់អតិថិជនរបស់ Nham24 ជាង ១លាននាក់នូវជម្រើសធ្វើដំណើរដ៏ទូលំទូលាយនៅទូទាំងប្រទេសកម្ពុជា និងប្រទេសជិតខាង។

តាមដានជាមួយយើង៖ Million Times

តាមរយៈការរួមបញ្ចូលសេវាកម្មដឹកជញ្ជូនដ៏ទូលំទូលាយរបស់ VET និង NHAM24 Travel មានគោលបំណងផ្តល់នូវបទពិសោធន៍ធ្វើដំណើរប្រកបដោយភាពរលូន ងាយស្រួលនិងមានប្រសិទ្ធភាពសម្រាប់ភ្ញៀវទេសចរជាតិ និងអន្តរជាតិ។

លោក ចន្ទ បូរីម៉ា នាយកប្រតិបត្តិ NHAM24 មានប្រសាសន៍ថា “កិច្ចសហការនេះគឺជាជំហានដ៏សំខាន់មួយឆ្ពោះទៅរកគោលដៅរបស់យើងក្នុងការផ្តល់នូវដំណោះស្រាយការធ្វើដំណើរដ៏ទូលំទូលាយមួយ ដែលបំពេញតាមតម្រូវការដែលកំពុងរីកចម្រើនរបស់អ្នកប្រើប្រាស់របស់យើង។ ជាមួយនឹងជម្រើសនៃបណ្តាញដឹកជញ្ជូនដ៏ធំទូលាយរបស់ VET ហើយឥឡូវនេះជាផ្នែកមួយនៃវេទិការបស់យើង យើងមានទំនុកចិត្តថា NHAM24 Travel នឹងក្លាយទៅជាជម្រើសសម្រាប់អ្នកដំណើរក្នុងប្រទេសកម្ពុជា»។

អ្នកឧកញ៉ា សួរ វីរៈ អគ្គនាយកក្រុមហ៊ុន Vireak Buntheam Express បានបន្ថែមថា “ការចាប់ដៃគូជាមួយក្រុមហ៊ុន NHAM24 Travel អនុញ្ញាតឱ្យយើងឈានដល់អតិថិជនគោលដៅ និងផ្តល់សេវាកម្មដឹកជញ្ជូនដ៏ទូលំទូលាយរបស់យើងដល់អ្នកដំណើរកាន់តែច្រើន។ យើង​មាន​មោទនភាព​ក្នុង​ការ​ចូល​រួម​ចំណែក​ក្នុង​ការ​រីក​ចម្រើន​នៃ​ឧស្សាហកម្ម​ទេសចរណ៍​របស់​កម្ពុជា​តាម​រយៈការ​ចុះអនុស្សរណៈយោគយល់គ្នានេះ»៕