លោក ហ៊ុន តូ ដែលជាមហាសេដ្ឋីលំដាប់កំពូលក្នុងស្រុកខ្មែរ ទទួលបានយុតិ្តធម៌ដោយឈ្នះក្តីលើសារព័ត៌មាន The Australian ដែលចុះផ្សាយចោទប្រកាន់លោកពីបទឧក្រិដ្ឋកម្មផ្សេងៗ ដូចជា ការជួញដូរមនុស្ស, ការឆបោកតាមប្រព័ន្ធអ៊ីនធឺណេត និងការនាំចូលគ្រឿងញៀន កាលពីថ្ងៃទី៥ ខែសីហា ឆ្នាំ២០២២។

បើតាមលិខិតរបស់មេធាវី Thomson Geer  ដែលជាមេធាវីរបស់សារព័ត៌មាន The Australian នៅប្រទេសអូស្រ្តាលី ឲ្យដឹងថា ឥឡូវនេះសារព័ត៌មាន The Australian បានយល់ព្រមដកចេញនូវអត្ថបទនោះព្រមទាំងចេញសេចក្តីបំភ្លឺទាក់ទងឡើងវិញអំពីអត្ថបទចេញផ្សាយនោះផងដែរថា លោក ហ៊ុន តូ មិនបានជាប់ពាក់ព័ន្ធនៅក្នុងឧក្រិដ្ឋកម្មទាំងនោះទេ ហើយខាងសារព័ត៌មានក៏គ្មានចេតនាចោទប្រកាន់លើរូបលោកដែរ។

តាមដានជាមួយយើង៖ Million Times

សូមបញ្ជាក់ថា ក្រោយការចេញផ្សាយរបស់សារព័ត៌មាន The Australian កាលពី២ឆ្នាំមុននូវព័ត៌មានខុសការពិត លោក ហ៊ុន តូ បានដាក់ពាក្យបណ្តឹងតាមរយៈលោកមេធាវី Adam Lopez ប្រចាំអូស្រ្តាលី ដើម្បីផ្តល់យុតិធម៌ជូនលោកវិញ។

លោក ហ៊ុន តូ ដែលជាកូនប្រុសបង្កើតសម្តេច ហ៊ុន ណេង គឺជាអ្នកជំនួញដ៏ល្បីល្បាញមួយរូបនៅកម្ពុជា និងនៅប្រទេស​អូស្ត្រាលី។ លោកទទួលបានគោរមងារជាអ្នកឧកញ៉ា នៅថ្ងៃទី៦ ខែឧសភា ឆ្នាំ២០០០ ដោយមិនឆ្លងកាត់ងារឧកញ៉ា តាមរយៈព្រះរាជក្រឹត្យលេខ នស/រកត/០៥០០/០៨៤។ ជាម្ចាស់ក្រុមហ៊ុន LHR Asean Inversment គឺជា​ក្រុមហ៊ុន​ប្រេង​ឥន្ធនៈ​ដ៏​ធំមួយ​នៅ​កម្ពុជា៕

អត្ថបទ៖ នារតី